Soláthar poiblí — rialacha do na hearnálacha an uisce, an fhuinnimh, an iompair agus an phoist

PRÍOMHPHOINTÍ

Ní mór do na heintitis atá gníomhach in earnálacha an uisce, an fhuinnimh, an iompair agus an phoist, ar institiúidí poiblí iad, atá faoi úinéireacht phoiblí nó a bhaineann leas as cearta speisialta nó eisiacha cloí leis na rialacha atá leagtha amach sa treoir.

Tairseacha

Ní mór conarthaí a dhámhachtain de réir rialacha na treorach i gcás go bhfuil na suimeanna lena mbaineann os cionn na dtairseach seo a leanas:

• €432 000 le haghaidh conarthaí soláthair agus seirbhíse agus comórtais dearaidh (ón 1 Eanáir 2026);
• €5 404 000 le haghaidh conarthaí oibreacha (ón 1 Eanáir 2026);
• €1,000,000 le haghaidh conarthaí seirbhíse do sheirbhísí sóisialta agus seirbhísí sainiúla eile.

Déanann an Coimisiún Eorpach measúnú ar na tairseacha sin gach 2 bhliain de réir oibleagáidí idirnáisiúnta an Aontais Eorpaigh.

Gníomhaíochtaí a chlúdaítear

Baineann an treoir le soláthar poiblí maidir le:

• táirgeadh, iompar nó dáileadh i dtaca leis na hearnálacha gáis agus teasa, leictreachais agus uisce, nuair atá na seirbhísí sin le soláthar don phobal;
• iompar poiblí ar iarnród, tram, tralaí, bus nó carr cábla;
• aerfoirt, calafoirt mhuirí nó intíre agus críochfoirt eile le haghaidh iompar aeir, farraige nó canálacha;
• seirbhísí poist agus gnóthaí eile a sholáthraíonn seirbhísí dá leithéid don phobal a mbaineann imréiteach, sórtáil, ródú agus seachadadh earraí poist leo;
• baint ola agus gáis agus taiscéaladh d’fhonn gual agus breoslaí soladacha eile a aimsiú agus a bhaint.

Díolúintí

Níl feidhm ag an treoir maidir le:

• ceannach earraí lena n–athdhíol nó lena léasú;
• conarthaí i dtíortha nach tíortha den Aontas Eorpach aid;
• conarthaí lena mbaineann gnéithe cosanta nó slándála a chlúdaítear i dTreoir 2009/81/CE nó atá eisiata ón treoir sin (féach an achoimre).