Córas eCall infheithicle - cineálcheadú

PRÍOMHPHOINTÍ

Tá feidhm ag an rialachán maidir le:

• gluaisteáin (catagóir M1 - gluaisteáin paisinéirí nach bhfuil ach ocht suíochán, móide suíochán an tiománaí);
• feithiclí éadroma tráchtála (catagóir N1 - feithiclí a úsáidtear chun earraí a iompar, a bhfuil uasmhais 3.5 tonna orthu).

Oibleagáidí na monaróirí

Ní mór do na cineálacha nua feithiclí:

• córas eCall infheithicle a bheith acu atá bunaithe ar 112 agus atá suiteáilte go buan;
• a bheith tógtha ar chaoi:
  • go gcuirfear glaoch eCall ar an uimhir éigeandála 112 go huathoibríoch má bhraitheann braiteoirí nó próiseálaithe na bhfeithiclí gur tharla timpiste thromchúiseach;
  • d’fhéadfadh an áis eCall a chur ar siúl de láimh freisin;
• rabhadh a thabhairt do na daoine atá sa ghluaisteán má theipeann ar chóras ríthábhachtach agus murar féidir an córas eCall a úsáid;
• a chinntiú go bhfuil glacadóirí an chórais eCall comhoiriúnach le córais loingseoireachta satailíte Galileo agus EGNOS.

Riachtanais theicniúla agus nósanna imeachta tástála

Le gníomh tarmligthe, ghlac an Coimisiún Eorpach Rialachán Tarmligthe (AE) 2017/79. Déanann an rialachán seo forlíonadh agus leasú ar Rialachán (AE) 2015/758 trí riachtanais shonracha theicniúla agus nósanna imeachta tástála a leagan amach do chineálcheadú AE mótarfheithiclí maidir lena gcórais 112-bunaithe eCall infheithicle, aonaid theicniúla faoi leith agus comhpháirteanna.

Príobháideachas agus cosaint sonraí

Ní mór cloí le rialacha AE maidir le príobháideachas agus cosaint sonraí nuair a dhéantar sonraí pearsanta a phróiseáil trí chóras eCall (féach an achoimre). Leagtar amach sa rialachán freisin roinnt rialacha sonracha, lena n-áirítear:

• ní úsáidtear sonraí pearsanta ach amháin chun déileáil le héigeandáil, agus scriostar na sonraí sin i ndiaidh na héigeandála;
• cinntíonn monaróirí nach féidir an córas a aimsiú agus nach ndéantar é a rianú i gcónaí;
• scriostar na sonraí atá i gcuimhne inmheánach an chórais go leanúnach agus go huathoibríoch;
• cuirtear faisnéis maidir le húsáid sonraí pearsanta ar fáil sa lámhleabhar tiománaí.

Ón 31 Márta 2018, ar aghaidh, ní thabharfar cineálcheadú CE ach amháin do na feithiclí agus na córais eCall a chloíonn leis an rialachán seo.