An clár staidrimh Eorpach 2013-2020

ACHOIMRE AR:

Rialachán (AE) Uimh. 99/2013 maidir leis an gclár staidrimh Eorpach 2013-2017

CÉARD IS AIDHM DON RIALACHÁN?

Bunaítear clár staidrimh Eorpach le Rialachán (AE) Uimh. 99/2013 don tréimhse 2013 go 2017.

Leasaíodh é le Rialachán (AE) 2017/1951 lena ndéantar an clár a shíneadh go dtí 2020, nuair a thiocfaidh an creat airgeadais ilbhliantúil reatha chun deiridh.

PRÍOMHPHOINTÍ

Is é is aidhm don chlár staidrimh Eorpach lena chinntiú go ndíreofar staidreamh Eorpach ar fhaisnéis atá riachtanach chun beartais AE a dhearadh, a chur chun feidhme, a mhonatóiriú agus a mheasúnú. Is é is aidhm go mbeidh faisnéis staidrimh comhchuibhithe, inchomparáide, iontaofa, inrochtana agus furasta feidhm a bhaint aisti.

Seo a leanas príomhghnéithe 4 chuspóir shainiúla an chláir:

• Cuspóir 1: faisnéis staitistiúil a sholáthar, ar bhealach tráthúil, chun tacú le forbairt, monatóireacht agus measúnú ar bheartais AE ar bhealach costéifeachtach gan dúbláil iarrachta nach gá.
• Cuspóir 2: modhanna nua a chur i bhfeidhm chun staidreamh Eorpach a tháirgeadh atá deartha chun gnóthachain éifeachtachta agus feabhsuithe ar cháilíocht a bhaint amach.
• Cuspóir 3: an chomhpháirtíocht laistigh den Chóras Staidrimh Eorpach agus níos faide anonn a threisiú chun a tháirgiúlacht agus a ról ceannródaíoch i staidreamh oifigiúil ar fud an domhain a mhéadú a thuilleadh.
• Cuspóir 4: lena chinntiú go gcoinnítear seachadadh an staidrimh sin comhsheasmhach le linn thréimhse iomlán an chláir, ar an gcoinníoll nach gcuireann sé sin isteach ar struchtúir socraithe tosaíochtaí an Chórais Staidrimh Eorpaigh.

Déantar cistiú a leithdháileadh trí chláir bhliantúla oibre arna ndéanamh agus arna nglacadh ag an gCoimisiún Eorpach. Sna cláir oibre sin, leagann an Coimisiún amach cuspóirí agus torthaí ionchais.

Is é EUR 234.8 milliún an méid airgid AE atá leithdháilte don chlár ó 2014 go 2017. Faoi Rialachán (AE) 2017/1951, cuirtear leithdháileadh breise de €218.1 milliún ar fáil don tréimhse 2018-2020.

CATHAIN A BHEIDH FEIDHM AG AN RIALACHÁN SEO?

Tá feidhm le Rialachán (AE) Uimh. 99/2013 ón 1 Eanáir 2013. Tá feidhm ag Rialachán (AE) Uimh. 2017/1951 ón 1 Eanáir 2018.

CÚLRA

Chun tuilleadh faisnéise a fháil, féach:

• Cláir Staidrimh (An Córas Staidrimh Eorpach)

PRÍOMHDHOICIMÉAD

Rialachán (AE) Uimh. 99/2013 ó Pharlaimint na hEorpa agus ón gComhairle an 15 Eanáir 2013 maidir le clár staidrimh Eorpach 2013–17 (IO L 39, 9.2.2013, lgh. 12–29)

Ionchorpraíodh sa bhuntéacs leasuithe i ndiaidh a chéile ar Rialachán (AE) Uimh. 99/2013. Níl de luach ar an leagan comhdhlúite seo ach luach doiciméadach amháin.

DOICIMEID GHAOLMHARA

Rialachán (CE) Uimh. 223/2009 ó Pharlaimint na hEorpa agus ón gComhairle an 11 Márta 2009 maidir le staidreamh Eorpach agus lena n–aisghairtear Rialachán (CE, Euratom) Uimh. 1101/2008 ó Pharlaimint na hEorpa agus ón gComhairle maidir le tarchur sonraí faoi réir rúndachta staidrimh chuig Oifig Staidrimh na gComhphobal Eorpach, Rialachán (CE) Uimh. 322/97 ón gComhairle maidir le Staidreamh Comhphobail, agus Cinneadh 89/382/CEE, Euratom ón gComhairle lena mbunaítear Coiste um Chláir Staidrimh na gComhphobal Eorpach (IO L 87, 31.3.2009, lgh. 164-173)

Féach an leagan comhdhlúite.

Nuashonraithe 18.04.2018