Tacaíocht airgeadais do theorainneacha seachtracha AE agus don chomhbheartas víosaí: An Ciste Slándála Inmheánaí

ACHOIMRE AR:

Rialachán (AE) Uimh. 515/2014 lena mbunaítear, mar chuid den Chiste Slándála Inmheánaí, an ionstraim le haghaidh tacaíochta airgeadais do theorainneacha seachtracha agus don bheartas víosaí

CAD IS AIDHM LEIS AN RIALACHÁN?

Cruthaítear ionstraim maoinithe leis an rialachán, ar a dtugtar an Rialachán maidir le CSI -Teorainneacha agus Víosaí, agus leagtar síos leis na cuspóirí, an buiséad agus na nósanna imeachta chun na gníomhaíochtaí incháilithe a chur chun feidhme le haghaidh na tréimhse 2014-2020.

Is é an cuspóir ginearálta leis an ionstraim cur le hardleibhéal slándála in AE agus taisteal dlisteanach á éascú trí bhainistíocht éifeachtach ar theorainneacha seachtracha AE agus trí phróiseáil éifeachtach víosaí le haghaidh limistéar Schengen (limistéar gan teorainn ina bhfuil 22 tír AE agus 4 thír chomhlachaithe — an Íoslainn, Lichtinstéin, an Iorua agus an Eilvéis) a áirithiú.

PRÍOMHPHOINTÍ

Féachtar leis an gCiste CSI-Teorainneacha tacú leis an méid seo a leanas:

• an comhbheartas víosaí chun taisteal dlisteanach a éascú trína áirithiú go gcuirfear seirbhís d’ardchaighdeáin ar fáil d’iarratasóirí víosa agus go gcaitear go comhionann le náisiúnaigh ó limistéir lasmuigh de limistéar Schengen, agus go rachfar i ngleic le himirce neamhdhlíthiúil;
• bainistiú comhtháite teorainneacha, lena n–áirítear úsáid a bhaint as comhchaighdeáin agus malartú faisnéise idir tíortha Schengen agus leis an nGníomhaireacht Eorpach um an nGarda Teorann agus Cósta (gníomhaireacht EBCG ar a dtugtar Frontex go coitianta) leis an méid seo a leanas a áirithiú;
  • ardleibhéal rialaithe agus cosanta na dteorainneacha seachtracha;
  • trasnú réidh na dteorainneacha seachtracha i gcomhréir le acquis Schengen; agus
  • rochtain ráthaithe ar chosaint idirnáisiúnta dóibh siúd a dteastaíonn sé uathu.

Maoinítear na gníomhaíochtaí seo a leanas faoin ionstraim chun:

• seiceálacha ar theorainneacha seachtracha a neartú chun faireachán a dhéanamh ar thrasnú na dteorainneacha seachtracha;
• córas um bainistiú comhtháite teorainneacha le haghaidh teorainneacha seachtracha a bhunú de réir a chéile, a bheidh bunaithe ar dhlúth-chomhpháirtíochta agus ar fhreagracht, trí bhíthin, mar sampla;
  • córais faireachais teorainneacha seachtracha; agus
  • comhar (lena n–áirítear i limistéar na teorann muirí) idir gardaí teorann, custam, imirce, tearmann agus údaráis forfheidhmithe dlí;
• an comhbheartas víosaí agus ceadanna cónaithe gearrthéarmacha eile agus sásraí comhair chonsalaigh a chur chun cinn;
• córais TF a chur ar bun agus a fheidhmiú chun tacú leis an gcomhbheartas víosaí agus le rialú teorann, agus feasacht ar an gcás ag teorainneacha seachtracha a fheabhsú;
• dul i ngleic le himirce neamhdhlíthiúil agus cosc a chur uirthi i gcomhar le tíortha eile neamh-AE.

Áirítear iad seo a leanas ar shamplaí de ghníomhaíochtaí incháilithe:

• bonneagar, córais TF agus trealamh oibriúcháin, lena n–áirítear an modh iompair, chun an teorainn a rialú agus chun iarratais ar víosaí a phróiseáil;
• staidéir, oiliúint agus treoirthionscadail maidir le caighdeáin oibríochtúla agus le dea-chleachtais sa réimse;
• gníomhaíochtaí a bhaineann le comhar oibríochtúil idir AE agus tíortha neamh-AE, lena n–áirítear oibríochtaí comhpháirtíochta;

Cuirtear cur chun feidhme an chiste faoi chúram 26 tír rannpháirteach AE (gach tír AE, seachas Éire agus an Ríocht Aontaithe) agus 4 thír Chomhlachaithe Schengen (an Íoslainn, Lichtinstéin, an Iorua agus an Eilvéis). Leis na cláir náisiúnta sainítear na tosaíochtaí um maoiniú trí aghaidh a thabhairt ar chuspóirí an chiste.

Tá leithdháileadh na n–acmhainní bunaithe ar líon critéar a bhain le cineál na teorann seachtraí (muirí, talamh agus aerfoirt idirnáisiúnta), ag cur san áireamh na sruthanna taistil agus an leibhéal rioscaí agus bagairtí. Baineann leithdháileadh na gcistí i gcomhair na gcuspóirí sonracha faoi na cláir náisiúnta le dúshláin agus riachtanais na dtíortha rannpháirteacha.

Tá tábla ina leagtar amach na méideanna arb é atá iontu an bonn do chláir náisiúnta na dtíortha rannpháirteacha cuimsithe in iarscríbhinn I an rialacháin. Le linn na tréimhse cur chun feidhme, tháinig méadú ar na méideanna sin i ndiaidh leithdháileadh cistí breise ar chláir náisiúnta faoi chuimsiú an tríú athbhreithnithe a rinneadh in 2018, agus go sonrach le haghaidh forbairt córas TF agus le haghaidh chur chun feidhme na ngníomhaíochtaí sonracha.

Tá cuid den chiste á bainistiú go lárnach ag an gCoimisiún i bhfoirm ghníomhaíochtaí an Aontais lena n–áirítear cúnamh chun dul i ngleic le riachtanais phráinneacha agus shonracha i gcás éigeandála (cúnamh éigeandála).

Déantar an ciste a chomhlánú leis an ionstraim le haghaidh tacaíochta airgeadais don chomhar póilíneachta, chun coireacht a chosc agus a chomhrac, agus do bhainistíocht géarchéime (an Ciste CSI-Póilíneachta), arna bunú le Rialachán (AE) Uimh. 513/2014.

Buiséad

B’ionann an leithdháileadh iomlán le haghaidh CSI-Teorainneacha agus Víosaí (2014-20) agus €2.76 billiún (i bpraghsanna reatha).

Cur chun feidhme

Cuimsítear sa “Rialachán Cothrománach”, mar a thugtar air, (Rialachán (AE) Uimh. 514/2014 — féach achoimre ábhartha) na rialacha agus na nósanna imeachta ginearálta maidir leis an ionstraim seo a chur chun feidhme.

Leathnú an chiste chuig tíortha comhlachaithe Schengen

Rinneadh comhaontuithe idir AE agus 4 thír chomhlachaithe Schengen a chaibidliú lenar féidir leo páirt a ghlacadh i gCiste CSI-Teorainneacha agus Víosaí.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Eanáir 2014.

CÚLRA

Le haghaidh breis faisnéise, féach:

• An Ciste Slándála Inmheánaí — teorainneacha agus víosaí (An Coimisiún Eorpach).

PRÍOMHDHOICIMÉAD

Rialachán (AE) Uimh. 515/2014 ó Pharlaimint na hEorpa agus ón gComhairle an 16 Aibreán 2014 lena mbunaítear, mar chuid den Chiste Slándála Inmheánaí, an ionstraim le haghaidh tacaíocht airgeadais do theorainneacha seachtracha agus do víosaí agus lena n–aisghairtear Cinneadh Uimh. 574/2007/CE (IO L 150, 20.5.2014, lgh. 143-167).

Rinneadh na leasuithe comhleanúnacha ar Rialachán (AE) Uimh. 515/2014 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) Uimh. 513/2014 ó Pharlaimint na hEorpa agus ón gComhairle an 16 Aibreán 2014 lena mbunaítear, mar chuid den Chiste Slándála Inmheánaí, an ionstraim le haghaidh tacaíochta airgeadais do chomhar póilíneachta, don choireacht a chosc agus a chomhrac agus do bhainistíocht géarchéime agus lena n–aisghairtear Cinneadh 2007/125/CGB ón gComhairle (IO L 150, 20.5.2014, lgh. 93-111)

Rialachán (AE) Uimh. 514/2014 ó Pharlaimint na hEorpa agus ón gComhairle an 16 Aibreán 2014 lena leagtar síos forálacha ginearálta maidir leis an gCiste um Thearmann, Imirce agus Lánpháirtíocht agus maidir leis an ionstraim le haghaidh tacaíocht airgeadais do chomhar póilíneachta, don choireacht a chosc agus a chomhrac, agus do bhainistíocht géarchéime (IO L 150, 20.5.2014, lgh. 112-142)

Cónaidhm na hEilvéis

Cinneadh (AE) 2018/929 ón gComhairle an 25 Meitheamh 2018 maidir le tabhairt chun críche, thar ceann an Aontais, an Chomhaontaithe idir an tAontas Eorpach agus Cónaidhm na hEilvéise ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 165, 2.7.2018, lgh. 1-2)

Cinneadh (AE) 2018/404 ón gComhairle an 13 Márta 2018 maidir le síniú, thar ceann an Aontais, an Chomhaontaithe idir an tAontas Eorpach agus Cónaidhm na hEilvéise ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 74, 16.3.2018, lgh. 1-2)

Comhaontú idir an tAontas Eorpach agus Cónaidhm na hEilvéise ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 165, 2.7.2018, lgh. 3-11)

An Íoslainn

Cinneadh (AE) 2018/948 ón gComhairle an 25 Meitheamh 2018 maidir le tabhairt i gcrích, thar ceann an Aontais Eorpaigh, an Chomhaontaithe idir an tAontas Eorpach agus an Íoslainn ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 167, 4.7.2018, lgh. 1-2).

Cinneadh (AE) 2018/398 ón gComhairle an 12 Meitheamh 2017 maidir le síniú, thar ceann an Aontais Eorpaigh, agus cur i bhfeidhm sealadach an Chomhaontaithe idir an tAontas Eorpach agus an Íoslainn ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 72, 15.3.2018, lgh. 1-2)

Comhaontú idir an tAontas Eorpach agus an Íoslainn ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 72, 15.3.2018, lgh. 3-11)

Poblacht na hIorua

Cinneadh (AE) 2017/1249 ón gComhairle an 16 Meitheamh 2017 maidir le tabhairt chun críche, thar ceann an Aontais, an Chomhaontaithe idir an tAontas Eorpach agus Ríocht na hIorua ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 179, 12.7.2017, lgh. 1-2)

Cinneadh (AE) 2017/479 ón gComhairle an 8 Nollaig 2016 maidir le síniú, thar ceann an Aontais, agus cur chun feidhme sealadach an Chomhaontaithe idir an tAontas Eorpach agus Ríocht na hIorua ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 75, 21.3.2017, lgh. 1-2)

Comhaontú idir an tAontas Eorpach agus Ríocht na hIorua ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí don tréimhse 2014 go 2020 (IO L 75, 21.3.2017, lgh. 3-11)

Faisnéis maidir le teacht i bhfeidhm an Chomhaontaithe idir an tAontas Eorpach agus Ríocht na hIorua ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 68, 12.3.2018, lch. 1)

Prionsacht Lichtinstéin

Cinneadh (AE) 2017/657 ón gComhairle an 3 Aibreán 2017 maidir le tabhairt chun críche, thar ceann an Aontais Eorpaigh, an Chomhaontaithe idir an tAontas Eorpach agus Prionsacht Lichtinstéin ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí don tréimhse 2014 go 2020 (IO L 94, 7.4.2017, lgh. 1-2)

Cinneadh (AE) 2017/47 ón gComhairle an 8 Samhain 2016 maidir le síniú, thar ceann an Aontais Eorpaigh, agus cur chun feidhme sealadach an Chomhaontaithe idir an tAontas Eorpach agus Prionsacht Lichtinstéin ar rialacha forlíontacha maidir leis an ionstraim le haghaidh tacaíochta airgeadais do theorainneacha seachtracha agus do víosaí, mar chuid den Chiste Slándála Inmheánaí, don tréimhse 2014 go 2020 (IO L 7, 12.1.2017, lgh. 2-3)

Comhaontú idir an tAontas Eorpach agus Prionsacht Lichtinstéin ar rialacha forlíontacha maidir leis an ionstraim le haghaidh tacaíocht airgeadais do theorainneacha seachtracha agus do víosaí, mar chuid den Chiste Slándála Inmheánaí don tréimhse 2014 go 2020 (IO L 7, 12.1.2017, lgh. 4-13)

Nuashonraithe 26.06.2019