Obair neamhdhearbhaithe — comhar idir tíortha AE

ACHOIMRE AR:

Cinneadh (AE) 2016/344 lena mbunaítear Ardán Eorpach chun feabhas a chur ar an gcomhar maidir le dul i ngleic le hobair neamhdhearbhaithe

CAD IS AIDHM LEIS AN GCINNEADH?

• Bunaítear leis ardán nó fóram ar leibhéal AE ina mbuaileann ionadaithe ó gach tír AE le chéile chun:
  • faisnéis agus dea-chleachtais a mhalartú;
  • eolas agus inniúlacht a fhorbairt; agus
  • gabháil do chomhar trasteorann níos dlúithe d’fhonn obair neamhdhearbhaithe a chomhrac* ar bhealach níos éifeachtaí agus níos éifeachtúla.

PRÍOMHPHOINTÍ

• Tá sé mar aidhm leis an ardán:
  • obair neamhdhearbhaithe a laghdú;
  • coinníollacha oibre a fheabhsú;
  • comhtháthú mhargadh an tsaothair agus uilechuimsitheacht shóisialta a chur chun cinn;
  • forfheidhmiú an dlí maidir le comhtháthú mhargadh an tsaothair agus uilechuimsitheacht shóisialta a chur chun cinn;
  • forbairt maidir le poist fhoirmiúla a spreagadh;
  • rannchuidiú le hathchóiriú struchtúrach i réimse na hoibre neamhdhearbhaithe.
• Tacaíonn an t-ardán le comhar idir tíortha AE trí:
  • faisnéis agus dea-chleachtas a mhalartú;
  • saineolas agus anailís a fhorbairt;
  • bealaí nuálaíochta a spreagadh maidir le comhar éifeachtúil agus éifeachtach trasteorann a chothú;
  • tuiscint níos forleithne ar na ceisteanna a thagann chun cinn maidir le hobair neamhdhearbhaithe a chur chun cinn.
• Áirítear le gníomhaíochtaí an ardáin:
  • sainmhínithe comhroinnte, coincheapa coiteanna, anailís chomparáideach, bailiú sonraí agus úsáid athbhreithnithe piaraí a fhorbairt;
  • anailís a dhéanamh ar bheartais éagsúla, bearta coisctheacha agus pionóis;
  • banc eolais a bhunú chun faisnéis agus taithí a roinnt;
  • treoirlínte forghníomhaithe, lámhleabhair dea-chleachtais agus prionsabail chomhroinnte maidir le hiniúchadh a chur ar fáil;
  • malartú oifigeach náisiúnta agus comhghníomhaíochtaí a spreagadh;
  • indéantacht maidir le córas malairte mearfhaisnéise agus comhroinnt sonraí fheabhsaithe a scrúdú;
  • acmhainneacht oiliúna a fhorbairt; agus
  • feasacht a ardú ar na fadhbanna a bhaineann le hobair neamhdhearbhaithe trí fheachtais Eorpacha agus straitéis chomhordaithe réigiúnacha agus ar fud AE.
• Comhoibríonn an t-ardán go dlúth le sainghrúpaí AE agus coistí eile atá bainteach le dul i ngleic le hobair neamhdhearbhaithe.
• Áirítear leis an ardán ionadaithe ó gach tír AE, ón gCoimisiún Eorpach agus ó thaobh tionsclaíoch an fhostóra agus an fhostaí.
• Féadfaidh ionadaithe ar pháirtithe sóisialta, go háirithe in earnálacha ina bhfuil ráta ard d’obair neamhdhearbhaithe, comhlachtaí AE agus idirnáisiúnta iomchuí, amhail an Ghníomhaireacht Eorpach um Shábháilteacht agus Sláinte ag an Obair, agus tíortha neamh-AE (An Íoslainn, Lichtinstéin agus an Iorua) freastal mar bhreathnóirí.
• Tagann an t-ardán le chéile dhá uair sa bhliain agus is é an Coimisiún a dhéanann cathaoirleacht air.
• Ní dhéanann rannpháirtíocht san ardán difear d’iarrachtaí idirnáisiúnta agus náisiúnta eile ó thíortha AE maidir le dul i ngleic le hobair neamhdhearbhaithe.
• Déanfaidh an Coimisiún tuairisc ar ghníomhaíochtaí an ardáin faoin 13 Márta 2020. Féadfaidh sé moltaí a dhéanamh chun raon feidhme a ghníomhaíochtaí a athrú.

CÉN UAIR ATÁ TOSACH FEIDHME AN CHINNIDH?

Tá sé í bhfeidhm ón 12 Márta 2016.

CÚLRA

• Tá obair neamhdhearbhaithe coitianta go háirithe in earnálacha amhail foirgníocht, deisiú, garraíodóireacht, glantachán, cúram leanaí, lónadóireacht agus óstáin.
• Déanann sé dochar do gheilleagar AE, bíonn iomaíocht éagórach ann mar thoradh air agus déanann sé dochar do chosaint shóisialta agus fostaíochta oibreoirí.
• Is ar na húdaráis náisiúnta atá an phríomhfhreagracht maidir le dul i ngleic le hobair neamhdhearbhaithe: trí dhíspreagadh (smachtbhannaí níos déine, iniúchtaí níos éifeachtaí) nó trí chosc (dreasachtaí cánach nó maithiúnas).

* PRÍOMHTHÉARMAÍ

PRÍOMHDHOICIMÉAD

Treoir (AE) 2016/344 ó Pharlaimint na hEorpa agus ón gComhairle an 9 Márta 2016 maidir le hArdán Eorpach a bhunú chun feabhas a chur ar an gcomhar maidir le dul i ngleic le hobair neamhdhearbhaithe (IO L 65, 11.3.2016, lgh. 12-20)

Nuashonraithe 12.12.2016