Leagtar síos ann na ceanglais maidir le staidreamh rialta ar fholúntais a chur le chéile ar bhonn ráithiúil1 san Aontas Eorpach (AE).
Is i gcomhair anailíse gearrthréimhse ar an timthriall gnó atá na sonraí ráithiúla seo beartaithe (i.e. faireachán a dhéanamh ar luaineachtaí i ngníomhaíocht ghnó i ngeilleagar thar thréimhse ama).
PRÍOMHPHOINTÍ
Ó 2010 i leith, ní mór do gach tír AE sonraí a chur isteach chuig an gCoimisiún Eorpach (Eurostat) maidir le folúntais do ghnóthaí ina bhfuil aon fhostaí amháin nó níos mó.
Ní mór do thíortha AE na sonraí sin a tharchur agus iad miondealaithe de réir gníomhaíochta eacnamaí, laistigh de 70 lá ó dheireadh na ráithe lena mbaineann.
Raon feidhme
Cumhdaítear sna sonraí gach gníomhaíocht eacnamaíoch mar a shainmhínítear é sa chóras coiteann aicmithe maidir le gníomhaíochtaí eacnamaíocha atá i bhfeidhm in NACE2 de chuid AE, cé is moite de ghníomhaíochtaí teaghlach mar fhostóirí agus gníomhaíochtaí eagraíochtaí agus comhlachtaí thar lear.
Cé go mbeidh sé roghnachtalmhaíocht, foraoiseachtagus gníomhaíochtaí iascaireachta , mar a shainítear iad sa NACE atá i bhfeidhm, a chumhdach ní mór do thíortha AE ar mian leo sonraí a sholáthar do na hearnálacha sin é sin a dhéanamh de réir an rialacháin seo.
Mar gheall ar an tábhacht mhéadaithe atá le seirbhísí cúraim phearsanta (gníomhaíochtaí cúraim chónaithigh agus gníomhaíochtaí oibre sóisialta gan chóiríocht) maidir le cruthú post, iarrtar freisin ar thíortha AE sonraí a tharchur, ar bhonn roghnach, maidir le folúntais sna réimsí sin. Ní mór na sonraí a mhiondealú de réir gníomhaíochta geilleagraí i gcomhréir leis an NACE atá i bhfeidhm ar leibhéal na roinne.
Bailítear sonraí sna tíortha AE, an Eilvéis, an Iorua agus Poblacht iar-Iúgslavach na Macadóine.
Dátaí tagartha agus sonraíochtaí
Ní mór do thíortha AE na sonraí ráithiúla a thiomsú faoi threoir dhátaí tagartha sonracha. Is é an Coiste um an gCóras Staidrimh Eorpach a chinneann iad sin, ar a bhfuil saineolaithe náisiúnta, a chabhraíonn leis an gCoimisiún Eorpach agus atá mar chathaoirleach air.
Ní mór do thíortha sonraí a chur ar fáil freisin maidir le poist líonta d’fhonn na sonraí maidir le folúntais a chaighdeánú ar mhaithe le bheith in ann comparáidí a dhéanamh. Ní mór dóibhcoigeartú a dhéanamh go séasúrach a chur i bhfeidhm ar na sonraí ráithiúla maidir le folúntais.
Tarchur sonraí
Ní mór do thíortha AE sonraí a tharchur chuig Eurostat i bhformáid agus laistigh de spriocdhátaí arna gcinneadh ag an gCoiste um an gCóras Staidrimh Eorpach.
Measúnú cáilíochta
Ar shonraí a fháil ó thíortha AE, seiceálann Eurostat iad i gcomhair iomláine agus comhsheasmhachta.
Maoiniú
Bhí tíortha AE in ann maoiniú AE a fháil le haghaidh na chéad trí bliana de bhailiú sonraí mar ranníocaíocht i dtreo chostas na hoibre a bhí i gceist.
Tuarascálacha
Gach 3 bliana, cuireann an Coimisiún tuarascáil isteach chuig Parlaimint na hEorpa agus chuig an gComhairle maidir le cur i bhfeidhm an rialacháin. Déantar measúnú sa tuarascáil sin ar cháilíocht an staidrimh arna sholáthar ag tíortha AE agus comhiomláin na hEorpa, mar aon le réimsí féideartha feabhais a aithint.
Gníomhartha cur chun feidhme
Leagtar amach i Rialachán (CE) Uimh. 1062/2008 na nósanna imeachta chun coigeartú a dhéanamh go séasúrach ar shonraí agus le haghaidh tuarascálacha cáilíochta.
Sainítear i Rialachán (CE) Uimh. 19/2009, folúntas, na dátaí tagartha le haghaidh bailiú sonraí, sonraíochtaí tarchuir sonraí agus staidéir indéantachta.
CÉN UAIR ATÁ TOSACH FEIDHME AN RIALACHÁIN?
Tá sé i bhfeidhm ón .
CÚLRA
Tá sé mar aidhm le beartais AE sa réimse folúntas feabhas a chur ar fheidhmiú mhargadh an tsaothair trí iarracht a dhéanamh soláthar agus éileamh a mheaitseáil ar bhonn níos dlúithe. Féachtar le EURES, tairseach soghluaisteachta poist na hEorpa, lena dhéanamh níos éasca cuardaitheoirí poist agus fostóirí a mheaitseáil le chéile.
Folúntas: post íoctha atá cruthaithe as an nua, folamh, nó ar tí a bheith folamh.
Aicmiú NACE: ón bhFraincis Nomenclature statistique des activités économiques dans la Communauté européenne (Aicmiú staidrimh ar ghníomhaíochtaí eacnamaíocha sa Chomhphobal Eorpach). Tá leaganacha éagsúla ceaptha ó 1970 i leith.
PRÍOMHDHOICIMÉAD
Rialachán (CE) Uimh. 453/2008 ó Parlaimint na hEorpa agus ón gComhairle an maidir le staidreamh ráithiúil ar fholúntais sa Chomhphobal (IO L 145, , lgh. 234-237)
DOICIMÉID GHAOLMHARA
Rialachán (CE) Uimh. 1062/2008 ón gCoimisiún an lena gcuirtear chun feidhme Rialachán (CE) Uimh. 453/2008 ó Pharlaimint na hEorpa agus ón gComhairle maidir le staidreamh ráithiúil ar fholúntais sa Chomhphobal, i dtaca le nósanna imeachta chun coigeartú a dhéanamh go séasúrach agus tuarascálacha cáilíochta (IO L 285, , lgh. 3-8)
Rialachán (CE) Uimh. 19/2009 ón gCoimisiún an lena gcuirtear chun feidhme Rialachán (CE) Uimh. 453/2008 ó Pharlaimint na hEorpa agus ón gComhairle maidir le staidreamh ráithiúil ar fholúntais sa Chomhphobal, i dtaca le sainmhiniú folúntais, na dátaí tagartha le haghaidh sonraí a bhailiú, sonraíochtaí tarchuir sonraí agus staidéir indéantachta (IO L 9, , lgh. 3-6)
Tuarascáil ón gCoimisiún chuig Parlaimint na hEorpa agus chuig an gComhairle maidir le cur chun feidhme Rialachán (CE) Uimh. 453/2008 ó Pharlaimint na hEorpa agus ón gComhairle maidir le staidreamh ráithiúil ar fholúntais sa Chomhphobal (COM(2016) 449 final, )