Oideachas na luathóige: an chruthaitheacht, an nuálaíocht agus cumas digiteach a chothú

PRÍOMHPHOINTÍ

Tríd an gcruthaitheacht, an nuálaíocht agus cumas digiteach a spreagadh in aois linbh is féidir tairbhí pearsanta agus eacnamaíocha a bhaint amach in aois an duine fhásta.

Áirítear iad seo a leanas ar na tairbhí féideartha:

• bonn láidir a chur ar fáil do bhreisfhoghlaim, ardleibhéal eolais a fhorbairt agus feabhas a chur ar chumas linbh scileanna smaointeoireachta cruthaithí agus criticiúla a fhorbairt,
• a chinntiú go mbeidh na scileanna ag an gcéad ghlúin eile le táirgí agus seirbhísí úra a bheidh ríthábhachtach don rath eacnamaíoch a nuáil agus a ghiniúint,
• a chinntiú gur féidir le AE freastal ar an éileamh atá ag méadú ar úsáideoirí cumasacha na teicneolaíochta digití agus ar shaineolaithe sa teicneolaíocht faisnéise agus cumarsáide¹.

Ról na cruthaitheachta agus na nuálaíochta

Tugtar an méid seo a leanas chun suntais sna conclúidí:

• ról múinteoirí agus ról ghairmithe Eorpacha oideachas agus chúram na luathóige (ECEC) maidir le cuidiú le daoine bheith ina n-aosaigh chruthaitheacha agus nuálacha,
• go bhfuil sé tábhachtach don fhorbairt agus don fhoghlaim cluichí a imirt agus uirlisí digiteacha a úsáid in aois linbh,
• gur féidir le húsáid chuí uirlisí digiteacha gníomhaíochtaí an tseomra ranga a fheabhsú agus spreagadh, tuiscint agus foghlaim a fheabhsú,
• nach mór a mhúineadh do leanaí conas teicneolaíochtaí digiteacha a úsáid go sábháilte agus go freagrach agus conas ciall a bhaint as faisnéis dá leithéid, í a úsáid, a chomhroinnt, a chruthú agus a léirmheas.

Cad is féidir le tíortha AE a dhéanamh?

Iarrtar ar thíortha AE, i measc nithe eile, iad seo a leanas a dhéanamh:

• comhlachtaí teagaisc agus oiliúna a spreagadh chun soláthar a dhéanamh d’uirlisí foghlama úra ina gcláir agus modhanna teagaisc a oiriúnú chun an chruthaitheacht agus an nuálaíocht a chur chun cinn,
• údaráis oideachais a spreagadh chun scoileanna agus saoráidí eile oideachas na luathóige a fheistiú ionas gur féidir leo an chruthaitheacht agus an nuálaíocht a chothú,
• forbairt agus úsáid uirlisí digiteacha a spreagadh chun críche teagaisc agus mar chur chuige ginearálta maidir leis an bhfoghlaim,
• cumarsáid agus comhoibriú a spreagadh idir scoileanna agus múinteoirí ar leibhéal réigiúnach, náisiúnta agus ar leibhéal Eorpach agus idirnáisiúnta.

Gníomh ar leibhéal AE agus ar leibhéal náisiúnta

Iarrtar ar an gCoimisiún agus ar thíortha AE:

• leas a bhaint as acmhainní Eorpacha amhail an clár Erasmus+ agus Cistí Struchtúrtha agus Infheistíochta na hEorpa chun tacú le bearta agus tionscnamh a bhfuil sé d’aidhm leo an chruthaitheacht, an nuálaíocht agus cumais dhigiteacha a chur chun cinn
• modhanna agus cleachtais éifeachtúla a shainaithint do mhúinteoirí agus do ghairmithe ECEC chun cuidiú le leanaí cumais chruthaitheacha agus nuálacha agus cumas digiteach a fhorbairt

Agus cad ba cheart don Choimisiún a dhéanamh?

• comhar agus foghlaim fhrithpháirteach a chur chun cinn i gcomhthéacs chreat straitéiseach “ET2020” (Comhar comhar Eorpach san oideachas agus san oiliúint) agus tríd an gclár Erasmus+,
• leanúint d’obair ghrúpaí oibre ET2020 ar scileanna idirdhisciplíneacha agus ar an bhfoghlaim dhigiteach agus ar líne chun an chruthaitheacht, an nuálaíocht agus cumas digiteach a chothú, nuair is cuí, ó aois linbh ar aghaidh.

Conclúidí ón gComhairle, Deireadh Fómhair 2015

I nDeireadh Fómhair 2015, ghlac an Chomhairle sraith eile conclúidí. Baineann siad sin le luathfhágáil scoile a laghdú agus rath ar scoil a chur chun cinn.