Clár gníomhaíochta um chustam san Aontas Eorpach don tréimhse 2014-20 (Custam 2020)

Leagtar amach sa rialachán seo clár chun tacú le haontas custaim an Aontais Eorpaigh (AE) agus chun an t-aontas custaim seo a nuachóiriú trí chomhar idir na húdaráis custaim a fheabhsú.

ACHT

Rialachán (AE) Uimh. 1294/2013 ó Pharlaimint na hEorpa agus ón gComhairle an 11 Nollaig 2013 lena mbunaítear clár gníomhaíochta um chustam san Aontas Eorpach don tréimhse 2014-20 (Custam 2020) agus lena n-aisghairtear Cinneadh Uimh. 624/2007/CE.

ACHOIMRE

Is clár AE um chomhar é Lucht Custaim 2020, a reáchtálfar ó 2014 go dtí 2020, a chuirfidh le cláir gníomhaíochta ilbhliantúla um an lucht custaim roimhe seo. Is é cuspóir foriomlán an chláir ná tacú le feidhmiú agus le nuachóiriú an aontas custaim trí chomhar idir na tíortha rannpháirtíochta, a n-údaráis custaim agus a n-oifigigh custaim.

Féachtar go speisialta leis an chlár tacú le húdaráis custam chun leasanna airgeadais agus eacnamaíochta AE agus Ballstát AE a chosaint, lena n-áirítear calaois a chomhrac agus cearta maoine intleachtúla a chosaint. Féachtar leis freisin tacú le húdaráis custaim agus iarracht á déanamh acu sábháilteacht agus slándáil a mhéadú, na saoránaigh agus an comhshaol a chosaint, feabhas a chur ar chumas riaracháin agus iomaíochas na ngnóthas Eorpach a neartú.

Conas a oibríonn an clár agus cad is féidir a dhéanamh leis

Treorófar Lucht Custaim 2020 bunaithe ar chláir oibre bhliantúla lena nglacfaidh an Coimisiún Eorpach. Maoinítear gníomhartha an chláir trí bhíthin deontas, chonarthaí soláthair phoiblí nó aisíocaíocht chostais na saineolaithe seachtracha.

Is le haghaidh oifigigh a oibríonn i riaracháin custaim i mBallstáit AE na gníomhartha seo, ach tá fáil orthu freisin ag a gcontrapháirtithe i dtíortha is iarrthóirí agus i dtíortha is iarrthóirí ionchasacha a tháinig leis an chlár, agus ag a gcontrapháirtithe i dtíortha comhpháirtíochta bheartas comharsanachta na hEorpa i gcúinsí áirithe.

Áirítear le cuspóirí oibríochtúla an chláir:

• córais faisnéise Eorpacha um chustam a fhorbairt, a fheabhsú, a fheidhmiú agus a thacú;
• dea-chleachtais oibre agus nósanna imeachta riaracháin a aithint, a fhorbairt, a roinnt agus a chur i bhfeidhm;
• scileanna agus inniúlachtaí na n-oifigigh custaim a atreisiú;
• comhar a fheabhsú idir na húdaráis custaim agus eagraíochtaí idirnáisiúnta, tíortha nach tíortha den AE iad, údaráis rialtais eile, údaráis AE agus náisiúnta um fhaireachas margaidh san áireamh, agus gnóthais agus a n-eagraíochtaí ionadaíocha.

Buiséad agus gníomhartha incháilithe

Is é buiséad an chláir don tréimhse 2014-20 ná €523 mhilliún. Áirítear le gníomhartha incháilithe:

• seimineáir, ceardlanna agus grúpaí tionscadail;
• cuairteanna oibre chun a chur ar chumas oifigeach saineolas nó eolas faoi chúrsaí custaim a fháil nó a gcuid saineolais nó eolais a mhéadú;
• gníomhaíochtaí faireachais a chuirtear i gcrích ag foirne d’oifigigh náisiúnta agus d’oifigigh an Choimisiúin chun anailís a dhéanamh ar chleachtais custaim, chun deacrachtaí maidir le cur i bhfeidhm a aithint agus, más iomchuí, chun moltaí a dhéanamh maidir le rialacha AE agus le modhanna oibre a ghlacadh;
• gníomhaíochtaí riaracháin agus gníomhaíochtaí um fhorbairt chumas teicneolaíochta faisnéise, mar aon le comhthionscnaimh oiliúna;
• staidéir.

Táthar ag súil leis go gcuirfidh gníomhaíochtaí Lucht Custaim 2020 leis an Eoraip 2020: Straitéis i leith fostaíochta agus fáis a bhaint amach, go háirithe an clár oibre digiteach don Eoraip.

Nuashonraithe 26.06.2014