Scéimeanna cáilíochta a fheabhsú i gcomhair táirgí talmhaíochta agus bia–earraí

ACHOIMRE AR:

Rialachán (AE) Uimh. 1151/2012 maidir le scéimeanna cáilíochta i gcomhair táirgí talmhaíochta agus bia-earraí

CAD IS AIDHM LEIS AN RIALACHÁN?

• Féachtar leis beartas cáilíochta an Aontais Eorpaigh (AE) i gcomhair táirgí talmhaíochta a fheabhsú trí leanúnachas na scéimeanna éagsúla cáilíochta a mhéadú.
• Cuimsítear ann bearta chun iomaíocht chóir a áirithiú d’fheirmeoirí agus do tháirgeoirí táirgí atá cláraithe mar shonrúchán tionscnaimh faoi chosaint (STFC), tásc geografach faoi chosaint (TGFC) agus sainearraí traidisiúnta faoi ráthaíocht (SRT), chun:
  • cearta maoine intleachtúla a chosaint;
  • faisnéis chóir a sholáthar do thomhaltóirí faoi na táirgí sin; agus
  • tacú le gníomhaíochtaí talmhaíochta agus próiseála.
• mar aon leis na córais feirmeoireachta a bhaineann le táirgí ardchaighdeáin, i gcomhréir le cuspóirí bheartais AE um fhorbairt tuaithe.

PRÍOMHPHOINTÍ

Raon feidhme

Clúdaítear sa rialachán táirgí talmhaíochta atá ceaptha mar bhia don duine ach amháin i gcás deochanna biotáilleacha agus táirgí fíniúna.

Príomhghnéithe

Is iad seo a leanas príomhghnéithe an rialacháin:

• cuirtear i dtoll a chéile leis, in aon rialachán amháin, rialacha maidir le táirgí a chlárú mar STFC, TGFC agus SRT ó cuireadh Rialachán leasaitheach (AE) 2021/2117 i bhfeidhm;
• leagtar síos ann sraith aonair rialacha i gcomhair STFC, TGFC agus SRT maidir le nósanna imeachta agus le ról na dtáirgeoirí;
• neartaítear agus simplítear leis na scéimeanna STFC, TGFC agus SRT;
• neartaítear agus soiléirítear leis an leibhéal cosanta maidir le hainmneacha cláraithe agus le siombailí coiteanna AE;
• giorraítear agus simplítear leis an nós imeachta maidir le hainmneacha a chlárú (STFC, TGFC agus SRT);
• éascaítear leis agóid réasúnaithe i scríbhinn a dhéanamh laistigh de 3 mhí ó fhoilsiú an iarratais in Iris Oifigiúil an Aontais Eorpaigh;
• ceanglaítear leis go mbeidh lipéid ar a dtaispeántar siombail AE agus ainm an táirge ar tháirgí AE atá cláraithe agus ar an margadh mar STFC, TGFC nó SRT i gcomhréir leis an rialachán seo, mar aon le hábhair fógraíochta do tháirgí den sórt sin;
• ó cuireadh Rialachán leasaitheach (AE) 2017/625 i bhfeidhm (féach an achoimre),ceanglaítear leis go seiceálfar go gcomhlíonann táirgí na sonraíochtaí táirge sula gcuirfear ar an margadh iad:
  • na húdaráis náisiúnta ábhartha arna n–ainmniú in Airteagal 4, nó
  • comhlachtaí tarmligthe arna sainiú in Airteagal 3(5) — ní mór do chomhlachtaí tarmligthe a dhéanann seiceálacha i dtíortha nach tíortha den Aontas Eorpach iad a bheith creidiúnaithe maidir leis an gcaighdeán comhchuibhithe ábhartha i gcomhair “measúnaithe comhréire — ceanglais do chomhlachtaí a dheimhníonn táirgí, nósanna imeachta agus seirbhísí”.

CÉN UAIR ATÁ TOSACH FEIDHME AN RIALACHÁIN?

Tá feidhm ag Rialachán (AE) Uimh. 1151/2012 ón 3 Eanáir 2013, cé go raibh feidhm ag Airteagal 12(3) agus Airteagal 23(3) ón 4 Eanáir 2016, gan aon iarmhairtí diúltacha ar tháirgí a cuireadh ar an margadh cheana roimh an dáta sin.

CÚLRA

Le haghaidh tuilleadh faisnéise, féach:

• Aidhmeanna scéimeanna cáilíochta AE (An Coimisiún Eorpach).

PRÍOMHDHOICIMÉAD

Rialachán (AE) Uimh. 1151/2012 ó Pharlaimint na hEorpa agus ón gComhairle an 21 Samhain 2012 maidir le scéimeanna cáilíochta do tháirgí talmhaíochta agus do bhia–earraí (IO L 343, 14.12.2012, lgh. 1-29).

Rinneadh na leasuithe comhleanúnacha ar Rialachán (AE) Uimh. 1151/2012 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) 2017/625 ó Parlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (AE) Uimh. 1/2005 agus (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle, agus lena n–aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/ agus Cinneadh 92/438/CEE ón gComhairle (Rialachán maidir le Rialuithe Oifigiúla) (IO L 95, 7.4.2017, lgh. 1-142).

Féach an leagan comhdhlúite.

Treoir (AE) 2015/2436 ó Pharlaimint na hEorpa agus ón gComhairle an 16 Nollaig 2015 maidir le dlíthe na mBallstát i dtaca le trádmharcanna a chomhfhógasú (IO L 336, 23.12.2015, lgh. 1-26).

Féach an leagan comhdhlúite.

Rialachán (AE) Uimh 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n–aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001 agus (CE) Uimh. 1234/2007 (IO L 347, 20.12.2013, lgh. 671-854).

Féach an leagan comhdhlúite.

Rialachán (AE) Uimh. 1169/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le soláthar faisnéise bia do thomhaltóirí, lena leasaítear Rialachán (CE) Uimh. 1924/2006 agus Rialachán (CE) Uimh. 1925/2006 ó Pharlaimint na hEorpa agus ón gComhairle, agus lena n–aisghairtear Treoir 87/250/CEE ón gCoimisiún, Treoir 90/496/CEE ón gComhairle, Treoir 1999/10/CE ón gCoimisiún, Treoir 2000/13/CE ó Pharlaimint na hEorpa agus ón gComhairle, Treoir 2002/67/CE agus Treoir 2008/5/CE ón gCoimisiún agus Rialachán (CE) Uimh. 608/2004 ón gCoimisiún (IO L 304, 22.11.2011, lgh. 18-63).

Féach an leagan comhdhlúite.

Nuashonraithe 23.09.2022