Réiteach malartach díospóidí ar dhíospóidí tomhaltóirí

PRÍOMHPHOINTÍ

• Ní mór do na Ballstáit a chinntiú gur féidir gach díospóid chonarthach a eascraíonn as díol earraí nó soláthar seirbhísí – idir tomhaltóirí atá ina gcónaí san AE agus trádálaithe atá bunaithe san AE nó trádálaithe atá bunaithe lasmuigh den AE a dhíríonn a ngníomhaíochtaí i dtreo Ballstáit – a chur faoi bhráid eintitis ADR. Baineann sé seo le díolacháin agus le seirbhísí ar líne agus as líne araon.
• Is é cuspóir na reachtaíochta seo feidhmiú ceart mhargadh aonair AE a chinntiú.
• Ní mór do na Ballstáit bearta a bheith i bhfeidhm acu chun rannpháirtíocht trádálaithe agus tomhaltóirí i nósanna imeachta RMD a chur chun cinn.
• Le ADR cuirtear ar chumas tomhaltóirí díospóidí a réiteach ar bhealach inacmhainne, simplí agus tapa, mar shampla nuair a dhiúltaíonn trádálaí do tháirge a dheisiú nó d’aisíocaíocht atá ag dul le tomhaltóir a dhéanamh leis nó léi.
• Féadfaidh nósanna imeachta RMD díospóidí a bhaineann le hoibleagáidí conarthacha a thagann chun cinn sula dtabharfar conradh i gcrích nó tar éis deireadh a bheith tagtha le conradh a chumhdach freisin.
• Bíonn páirtí neodrach amhail idirghabhálaí, ombudsman nó bord um ghearáin páirteach in eintitis ADR, a dhéanann iarrachtaí an díospóid a réiteach trí nós imeachta ADR. Ag brath ar an gcineál nós imeachta ADR a oibríonn eintiteas ADR faoi leith, is féidir leis an bpáirtí neodrach:
  • réiteach a mholadh nó a fhorchur; nó
  • na páirtithe a thabhairt le chéile chun cabhrú leo réiteach a fháil.
• Ní mór d’eintitis ADR ceanglais cheangailteacha um cháilíocht a chomhlíonadh, rud a ráthaíonn go bhfeidhmeoidh siad ar bhealach éifeachtach, cóir, neamhspleách agus trédhearcach.
• Ní mór do gach tír AE údarás inniúil amháin nó níos mó a ainmniú, a dhéanann maoirseacht náisiúnta ar eintitis ADR agus a chinntíonn go gcomhlíonann siad na ceanglais um cháilíocht. Bunaíonn na húdaráis inniúla liostaí náisiúnta d’eintitis ADR. Ní mór do na húdaráis inniúla tuarascáil náisiúnta RMD maidir le cur i bhfeidhm RMD ina mBallstát a chur faoi bhráid an Choimisiúin gach ceithre bliana.
• Ní mór do thrádálaithe atá sásta feidhm a bhaint as an ADR, nó a gcuirtear d’oibleagáid orthu feidhm a bhaint as an ADR, eolas a thabhairt do thomhaltóirí maidir le ADR, ina dtéarmaí agus coinníollacha ginearálta agus ar a láithreáin ghréasáin. Chomh maith leis sin, ní mór dóibh eolas a thabhairt do thomhaltóirí maidir le ADR, i gcás nach féidir díospóid a réiteach go díreach idir an tomhaltóir agus an trádálaí.
• Nuair a chuirtear díospóid faoi bhráid eintiteas RMD, tá oibleagáid ar thrádálaithe a chur in iúl don eintiteas RMD (dualgas freagra a thabhairt), laistigh de theorainn ama shonraithe, an aontaíonn siad páirt a ghlacadh sa nós imeachta RMD, mura bhfuil a rannpháirtíocht éigeantach.
• Ní mór do na Ballstáit a áirithiú go gceadóidh eintitis RMD do thomhaltóirí rochtain a fháil ar nósanna imeachta RMD ionchuimsitheacha i bhformáid dhigiteach nó i bhformáid neamhdhigiteach agus, i gcás ina n-úsáidtear modhanna uathoibrithe sa phróiseas cinnteoireachta RMD, go gcuirfidh siad na páirtithe ar an eolas roimh ré agus go gceadóidh siad dóibh athbhreithniú ó dhuine nádúrtha a iarraidh.
• Féadfaidh eintitis RMD, faoi na coinníollacha a leagtar síos sa dlí náisiúnta, díospóidí comhchosúla i gcoinne an trádálaí chéanna a chuachadh.
• Ar mhaithe le trédhearcacht, ní mór go gcinnteoidh Ballstáit an AE go mbeidh eolas soiléir intuigthe curtha ar fáil ar láithreáin gréasáin eintitis ADR. Áirítear leis an eolas seo sonraí teagmhála, na cineálacha díospóidí ar féidir le heintitis déileáil leo, mar aon le costais, meánfhad agus éifeacht dhlíthiúil thoradh an nós imeachta ADR. Chomh maith leis sin, ní mór do na heintitis ADR na tuarascálacha bliantúla gníomhaíochta ina bhfuil faisnéis maidir leis na díospóidí ar ndéileáil siad leo a chur ar fáil go poiblí ar a láithreáin ghréasáin.
• Ní mór d’eintitis ADR comhoibriú chun díospóidí laistigh de AE a réiteach. Tá na Ballstáit le pointí teagmhála náisiúnta RMD a ainmniú chun cúnamh saincheaptha a chur ar fáil do thomhaltóirí agus do thrádálaithe i ndíospóidí trasteorann.
• Tá an Coimisiún le huirlis dhigiteach sholáimhsithe a chur ar fáil faoi mhí Aibreáin 2026, lena soláthrófar faisnéis maidir le sásamh do thomhaltóirí agus rochtain ar RMD, lena n-áirítear liostaí d’eintitis RMD agus de phointí teagmhála RMD.
• Baineann an treoir seo le gach uile earnáil den mhargadh, ach amháin na hearnálacha sláinte agus ardoideachais.