An comhaontú idirinstitiúideach maidir le smacht buiséadach, le comhar agus le bainistíocht

Ceapadh an Comhaontú Idirinstitiúideach 2013 chun smacht buiséadach a chur i bhfeidhm agus chun feabhas a chur ar fheidhmiú an nóis imeachta bhuiséadaigh bhliantúil agus an chomhair idir institiúidí an Aontais Eorpaigh (AE) maidir le cúrsaí buiséadacha, agus chun an bhainistíocht fhónta airgeadais a chinntiú.

ACHT

Comhaontú Idirinstitiúideach an 2 Nollaig 2013 idir Parlaimint na hEorpa, an Chomhairle agus an Coimisiún maidir le smacht buiséadach, maidir le comhar i gcomhair buiséid agus maidir le bainistíocht fhónta airgeadais.

ACHOIMRE

I mí na Nollag 2013, tugadh an Comhaontú maidir le smacht buiséadach, maidir le comhar i gcomhair buiséid agus maidir le bainistíocht fhónta airgeadais (IIA) i gcrích ag Parlaimint na hEorpa, ag an Chomhairle agus ag an Choimisiún.

Glacadh le IIA i gcomhthreo leis an chreat airgeadais ilbhliantúil (MFF) - plean seacht mbliana an AE don tréimhse 2014-20. Is é atá i gceist le MFF ná gealltanais de€ 960 billiún€ 908.4 billiún (gealltanas dlíthiúil chun maoiniú a sholáthar) agus íocaíochtaí de€ 908.4 billiún (an méid airgid a íoctar leis na tairbhithe), thar thréimhse seacht mbliana, curtha in iúl i bpraghsanna tairiseacha na bliana 2011.

Roinntear IIA ina thrí chuid:

• Tá mionsonraí comhlántacha faoi MFF 2014-20 igCuid I, mar aon le mionsonraí faoi ionstraimí airgeadais speisialta nach gcuimsítear in MFF (amhail an Cúlchiste um Chabhair Éigeandála (a mbaintear leas as mar shampla chun an chabhair dhaonnúil agus an bhainistíocht géarchéime sibhialta a mhaoiniú), Ciste Dlúthpháirtíochta an Aontais Eorpaigh, an Ionstraim Sholúbthachta (a mbaintear leas aisti chun an caiteachas a mhaoiniú nárbh fhéidir íoc as laistigh de theorainneacha na gceannteideal buiséadach infhaighte), an Ciste Eorpach um Choigeartú don Domhandú agus an Corrlach Teagmhasach (ionstraim nach mbaintear leas aisti ach amháin mar rogha dheireanach chun freagairt do chúinsí gan choinne). Leagtar síos i gCuid 1 chomh maith nósanna imeachta maidir le húsáid na n-ionstraimí sin.
• Féachtar leCuid II an comhar maidir le cúrsaí buiséadach idir an Pharlaimint, an Chomhairle agus an Coimisiún a fheabhsú. Cuirfidh sé seo feabhas ar an trédhearcacht ag gach céim de na caibidlí buiséadacha mar shampla, agus cuirfidh sé leis an mhéid faisnéise a chuirtear ar fáil faoi chaiteachas an airgid AE.
• BaineannCuid IIIar chistí AE le bainistíocht fhónta airgeadaisar chistí AE. Pléitear inti le gnéithe amhail an caiteachas agus an cláreagrú airgeadais a mheas lena chinntiú go gcaitear airgead go héifeachtach.

Leagtar síos in Iarscríbhinn IIA rialacha mionsonraithe le haghaidh comhair idir institiúidí le linn an nóis imeachta bhuiséadaigh. Cuimsítear sna rialacha seo:

• comhaontú maidir le féilire pragmatach;
• tosaíochtaí a leagadh amach;
• dréacht-bhuiséad a leagadh amach agus meastacháin a nuashonrú;
• nósanna imeachta sainiúla cinnteoireachta ag céimeanna éagsúla an phróisis bhuiséadaigh;
• leasú ar bhuiséid;
• gealltanais gan íoc (na híocaíochtaí nach bhfuil faighte ag tairbhithe go fóill).

Beidh ar na hinstitiúidí uile teacht ar chomhaontú faoi leasú ar bith a dhéanfar ar an IIA.

An cúlra

Tá tuilleadh faisnéise le fáil anseo thíos:

• láithreán gréasáin Pharlaimint na hEorpa
• láithreán gréasáin Chomhairle an Aontais Eorpaigh
• láithreán gréasáin an Choimisiúin Eorpaigh

ACHTANNA GAOLMHARA

Rialachán (AE, Euratom) Uimh. 1311/2013 ón gComhairle an 2 Nollaig 2013 lena leagtar síos an creat airgeadais ilbhliantúil do na blianta 2014-20. [Iris Oifigiúil L 347, 20 Nollaig 2013, lgh. 884-891].

Nuashonrú is déanaí: 24.04.2014