An Banc Ceannais Eorpach — rialacha nós imeachta

PRÍOMHPHOINTÍ

An Chomhairle Rialaithe

• Tá an Chomhairle Rialaithe comhdhéanta de:
  • na 6 chomhaltaí den Bhord Feidhmiúcháin; agus
  • gobharnóirí bhainc cheannais náisiúnta thíortha an limistéir euro.
• Buaileann an Chomhairle Rialaithe le chéile dhá uair sa mhí. Féadfaidh an tUachtarán cruinnithe a thionól freisin ar iarratas ó 3 dá comhaltaí, ar a laghad.
• Tá freastal teoranta dá comhaltaí, d’Uachtarán Chomhairle an Aontais Eorpaigh agus do chomhalta den Choimisiún Eorpach. Féadfaidh duine amháin a bheith in éineacht le gach gobharnóir de ghnáth.
• Ní mór córam de dhá thrian de chomhaltaí le cearta vótála a bheith ann má tá vóta le glacadh.
• Féadfaidh an t–uachtarán ballóid rúnda a chur ar bun sa Chomhairle Rialaithe ar iarratas ó 3 dá comhaltaí ar a laghad. Féadfar cinntí a ghlacadh le nós imeachta scríofa, ach amháin má chuireann 3 comhaltaí ar a laghad ina choinne sin.
• Féadfaidh an Chomhairle Rialaithe coistí a bhunú agus a dhíscaoileadh d’fhonn cuidiú le hobair chomhlachtaí cinnteoireachta BCE.
• Glacann an Chomhairle Rialaithe rialacháin, treoirlínte, cinntí, moltaí agus tuairimí BCE. Féadfaidh sí cumhachtaí áirithe a tharmligean don Bhord Feidhmiúcháin chun rialacháin agus treoirlínte a chur chun feidhme.

An Bord Feidhmiúcháin

• Glacann an Bord Feidhmiúcháin treoracha BCE. Féadfaidh sé, i gcúinsí áirithe, cinntí, moltaí agus tuairimí a ghlacadh freisin.
• Cinneann an Bord Feidhmiúcháin líon, ainm agus cumas faoi seach aonaid oibre BCE. Téann an Bord Feidhmiúcháin i gcomhairle leis an gComhairle Rialaithe maidir le cinntí dá leithéid, a fhoilsítear go poiblí.

An Chomhairle Ghinearálta

• Féadfaidh an Chomhairle Ghinearálta barúlacha a chur faoi bhráid na Comhairle Rialaithe maidir le nithe áirithe, lena n–áirítear moltaí i réimse na staitisticí, an tuarascáil bhliantúil agus coinníollacha fostaíochta na foirne.

Rinneadh Cinneadh 2004/257/CE a leasú roinnt uaireanta:

• Le Cinneadh 2009/328/CE tugadh isteach córas uainíochta trína ghlacann Gobharnóirí Banc Ceannais Náisiúnta sealanna ag sealbh ceart vótála ar an gComhairle Rialaithe.
• Le Cinneadh 2014/179/AE ceanglaítear ar an gComhairle Rialaithe cód iompair a ghlacadh agus a thabhairt cothrom le dáta dá comhaltaí agus do chomhaltaí malartacha, chomh maith le coiste iniúchóireachta ardleibhéil a bhunú chun sraitheanna inmheánacha agus seachtracha um rialú a neartú, agus ar an gcaoi sin rialachas corparáideach BCE a fheabhsú.
• Le Cinneadh (AE) 2015/716 tugtar an cinneadh i gcomhréir le Rialachán (AE) Uimh. 1024/2013 lenar tugadh cúraimí speisialta maidir le beartais a bhaineann le maoirseacht stuamachta na n–institiúidí creidmheasa do BCE. Leis an gcinneadh soiléirítear na cásanna inar féidir cinntí a dhéanamh trí nós imeachta i scríbhinn.
• Baineann Cinneadh (AE) 2016/1717 le gníomhartha dlíthiúla amhail treoirlínte agus treoracha BCE agus an dóigh a gcuirtear in iúl iad do na bainc cheannais náisiúnta agus do na húdaráis. Maidir le cinntí BCE a dhírítear ar eintitis mhaoirsithe nó ar eintitis a bhfuil iarratas déanta acu ar údarú chun gnó a thosú mar fhoras creidmheasa, agus maidir le cinntí lena bhforchuirtear smachtbhannaí ar thríú páirtithe, caithfidh rúnaí na Comhairle Rialaithe iad a shíniú anois (seachas Uachtarán BCE le seolaithe) chun comhréireacht le cinntí na Comhairle Rialaithe a dheimhniú.