“5)    Céim an Mheasúnaithe

Dhá oiread, ar a mhéad, an lín iarrthóirí atá á lorg do gach grád, sin é an líon iarrthóirí a dtabharfar cuireadh dóibh chuig an gcéim seo. Má léiríonn an t-eolas a thug tú i d’iarratas ar líne go gcomhlíonann tú na coinníollacha incháilitheachta agus má bhíonn an marc a ghnóthaigh tú sa triail scileanna Microsoft Office Word ar cheann de na marcanna foriomlána is airde, tabharfar cuireadh duit freastal ar chéim an mheasúnaithe.

Déanfar seacht n-inniúlacht ghinearálta, a marcálfar gach ceann acu as 10, agus inniúlachtaí réimse-shonracha an chomórtais seo a thástáil le linn chéim an mheasúnaithe. Déanfar sin le dhá thriail sa teanga a roghnaigh tú mar theanga 2, faoi mar atá léirithe sna táblaí thíos:

Inniúlacht	Triail
1. Anailísiú agus réiteach fadhbanna	Agallamh réimse-shonrach
2. Cumarsáid	Agallamh réimse-shonrach
3. Cáilíocht agus torthaí	Ról-imirt
4. Foghlaim agus forbairt	Ról-imirt
5. Tosaíochtaí a chur in ord tábhachta agus eagrúchán	Ról-imirt
6. Buanseasmhacht	Agallamh réimse-shonrach
7. Obair bhuíne	Ról-imirt

Pasmharc: 35/70 san iomlán.

Inniúlacht	Triail	Pasmharc
Inniúlachtaí réimse-shonracha	Agallamh réimse-shonrach	35/70

Ach amháin má deirtear a mhalairt leo, ní mór d’iarrthóirí cóipeanna scanta de na doiciméid tacaíochta a thacaíonn leis na dearbhuithe a rinne siad ina bhfoirm iarratais, a uaslódáil chuig a gcuntas EPSO. Cuirfidh EPSO sonraí breise agus treoracha breise ar fáil.”