|
16.1.2023 |
GA |
Iris Oifigiúil an Aontais Eorpaigh |
C 15/29 |
Iarraidh ar réamhrialú ó Nejvyšší správní soud (Poblacht na Seice) a taisceadh an 20 Deireadh Fómhair 2022 – RK v Ministerstvo zdravotnictví
(Cás C-659/22)
(2023/C 15/31)
Teanga an cháis: an tSeicis
An chúirt a rinne an tarchur
Nejvyšší správní soud
Páirtithe sna príomhimeachtaí
Iarratasóir: RK
Cosantóir: Ministerstvo zdravotnictví
An cheist a tharchuirtear:
An ionann úsáid a bhaint as an bhfeidhmchlár náisiúnta “čTečka”chun fíorú a dhéanamh ar dheimhnithe idir-inoibritheacha COVID-19 i ndáil le vacsaíniú, tástáil nó téarnamh Covid-19, arna n-eisiúint de bhun Rialachán (AE) 2021/953 (1) ó Pharlaimint na hEorpa agus ón gComhairle an 14 Meitheamh 2021 maidir le creat chun deimhnithe idir-inoibritheacha COVID-19 i ndáil le vacsaíniú, tástáil agus téarnamh (Deimhniú Digiteach COVID AE) a eisiúint agus a fhíorú, agus chun go nglacfaí leo, chun an tsaorghluaiseacht a éascú le linn phaindéim COVID-19, a úsáideann Poblacht na Seice chun críocha náisiúnta, agus próiseáil uathoibrithe sonraí pearsanta de bhun Airteagal 4, pointe (2), de Rialachán (AE) 2016/679 (2) ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí), agus dá bhrí sin, an amhlaidh a bhunaítear raon feidhme ábhartha an Rialacháin Ghinearálta um Chosaint Sonraí, i.e. de bhun Airteagal 2(1) den Rialachán sin?