AN COIMISIÚN EORPACH

An Bhruiséil,24.5.2018

COM(2018) 353 final

2018/0178(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le creat a bhunú chun infheistíocht inbhuanaithe a éascú

(Téacs atá ábhartha maidir le LEE)

{SEC(2018) 257 final}
{SWD(2018) 264 final}
{SWD(2018) 265 final}

MEABHRÁN MÍNIÚCHÁIN

1.COMHTHÉACS AN TOGRA

•    Forais agus cuspóirí an togra

Tá an togra seo ina chuid de thionscnamh níos leithne de chuid an Choimisiúin maidir le forbairt inbhuanaithe. Leagtar síos leis an togra an bunús le haghaidh creat AE ina gcuirtear breithnithe Comhshaoil, Sóisialta agus Rialachais (CSR) i gcroílár an chórais airgeadais chun tacú le hathrú ó bhonn ar gheilleagar na hEorpa ina chóras a bheidh níos glaise, níos athléimní agus níos ciorclaí. D'fhonn a fhágáil go mbeidh infheistíochtaí níos inbhuanaithe, ba cheart tosca CSR a mheas sa phróiseas cinnteoireachta i dtaobh na hinfheistíochta, agus tosca cosúil le hastaíochtaí gás ceaptha teasa, ídiú acmhainní nó dálaí oibre á gcur san áireamh. Tá sé mar aidhm leis an togra seo, agus leis na gníomhartha reachtacha atá beartaithe taobh leis, breithnithe CSR a chomhtháthú sa phróiseas infheistíochta agus sa phróiseas comhairleach ar bhealach atá comhsheasmhach ar fud earnálacha. Ba cheart a áirithiú leis sin, i gcás rannpháirtithe sa mhargadh airgeadais (comhlachtaí bainistíochta gnóthas le haghaidh comhinfheistíochta in urrúis inaistrithe, BCIManna, gnóthais árachais, institiúidí um chóir ar scor ceirde, bainisteoirí EuVECA agus bainisteoirí EuSEF), dáileoirí árachais nó comhairleoirí infheistíochta, a fhaigheann sainordú óna gcliant nó óna dtairbhithe chun cinntí infheistíochta a dhéanamh ar a son, go ndéanfaidh siad breithnithe CSR a chomhtháthú ina bpróisis inmheánacha agus go gcuirfidh siad a gcliaint ar an eolas maidir leis sin. Ina theannta sin, chun cabhrú le hinfheisteoirí lorg carbóin infheistíochtaí a chur i gcomparáid le chéile, tugtar isteach leis na tograí catagóirí nua tagarmharcanna i leith tionchar ísealcharbóin agus dea-thionchar i dtaobh carbóin. Ba cheart do na moltaí sin, lena natreisítear a chéile, infheistíochtaí i dtionscadail agus sócmhainní inbhuanaithe a éascú ar fud AE.

Go háirithe, leagtar amach sa togra seo critéir aonfhoirmeacha lena chinneadh an bhfuil gníomhaíocht eacnamaíoch inbhuanaithe ó thaobh an chomhshaoil de. Leagtar amach ann freisin próiseas a bhfuil ardán ilpháirtithe leasmhara i gceist leis chun córas aicmithe aontaithe AE a bhunú a bheidh bunaithe ar shraith critéar sonrach, chun na gníomhaíochtaí eacnamaíocha a mheastar a bheith inbhuanaithe a chinneadh.

D'fhágfadh sé sin go mbeadh soiléire ag gníomhaithe eacnamaíocha agus ag infheisteoirí maidir leis na gníomhaíochtaí a mheastar a bheith inbhuanaithe chun bonn eolais a chur faoina gcinntí infheistíochta. Chuideodh sé lena áirithiú go mbeidh straitéisí infheistíochta dírithe ar ghníomhaíochtaí eacnamaíocha atá ag rannchuidiú i ndáiríre le cuspóirí comhshaoil a bhaint amach, agus íoschaighdeáin shóisialta agus rialachais á gcomhlíonadh acu an tráth céanna. Le níos mó soiléire ar an rud is féidir a mheas gur infheistíocht é atá inbhuanaithe ó thaobh an chomhshaoil de, éascófar rochtain ar mhargadh caipitil trasteorann don infheistíocht atá inbhuanaithe ó thaobh an chomhshaoil de.

Tá pacáiste an Choimisiúin ag teacht sna sála ar iarrachtaí domhanda chun geilleagar níos inbhuanaithe a bhaint amach. Roghnaigh rialtais ó gach cearn den domhan bealach níos inbhuanaithe don phláinéad agus don gheilleagar trí Chomhaontú Pháras 2016 maidir leis an athrú aeráide a ghlacadh agus trí Chlár Oibre 2030 na Náisiún Aontaithe (NA) don Fhorbairt Inbhuanaithe a ghlacadh.

Tá AE tiomanta d'fhorbairt lena gcomhlíontar riachtanais an lae inniu gan cur isteach ar chumas na nglún atá le teacht freastal ar a gcuid riachtanas féin. Tá an inbhuanaitheacht i gcroílár an tionscadail Eorpaigh le fada an lá. I gConarthaí AE, tugtar aitheantas dá gnéithe sóisialta agus comhshaoil, ar cheart aghaidh a thabhairt orthu le chéile.

Sa Teachtaireacht ón gCoimisiún in 2016 maidir leis na chéad chéimeanna eile le haghaidh todhchaí inbhuanaithe na hEorpa, déantar nasc idir na spriocanna forbartha inbhuanaithe 1 atá i gClár Oibre 2030 de chuid NA don Fhorbairt Inbhuanaithe agus creat beartais na hEorpa lena áirithiú go gcuirfear san áireamh ag an tús na spriocanna forbartha inbhuanaithe i ngach beart agus tionscnamh beartais AE, laistigh de AE agus ar fud an domhain. Tá AE lántiomanta freisin do spriocanna aeráide agus fuinnimh AE 2030 a bhaint amach agus don fhorbairt inbhuanaithe a phríomhshruthú i mbeartais AE, mar a d'fhógair Jean-Claude Juncker sna Treoirlínte Polaitiúla don Choimisiún Eorpach 2  le Jean-Claude Juncker ón mbliain 2014. Dá bhrí sin, tá cuid mhaith de thosaíochtaí beartais an Choimisiúin Eorpaigh do 2014-2020 ina nionchur do chuspóirí aeráide AE agus cuirtear chun feidhme leo Clár Oibre 2030 don Fhorbairt Inbhuanaithe. Áirítear orthu sin an Plean Infheistíochta don Eoraip 3 , an Pacáiste don Gheilleagar Ciorclach 4 , pacáiste an Aontais Fuinnimh 5 , an Nuashonrú ar Straitéis Bhithgheilleagair AE 6 , Aontas na Margaí Caipitil  7 agus buiséad AE do 2014-2020, lena náirítear an Ciste Comhtháthaithe agus tionscadail taighde. Ina theannta sin, sheol an Coimisiún ardán ilpháirtithe leasmhara chun bearta leantacha a dhéanamh i leith an dea-chleachtais maidir le cur chun feidhme na spriocanna forbartha inbhuanaithe agus an dea-chleachtas sin a mhalartú.

Chun beart leantach a dhéanamh maidir leis an obair a rinne an Sainghrúpa Ardleibhéil, d'fhoilsigh an Coimisiún Plean Gníomhaíochta maidir le Fás Inbhuanaithe a Mhaoiniú 10  an 8 Márta 2018. Thug sé gealltanas ansin go gcuirfeadh sé síos togra reachtach i Ráithe 2 2018 lena áirithiú go ndéanfaí forbairt de réir a chéile ar thacsanomaíocht AE i leith an athraithe aeráide agus i leith gníomhaíochtaí atá inbhuanaithe ó thaobh an chomhshaoil agus na sochaí de, ag tógáil ar an obair atá ann cheana i gcás inarb ábhartha. Is é is aidhm leis sin tacsanomaíocht AE na todhchaí a leabú i ndlí AE agus an bonn a chur ar fáil chun an córas aicmithe sin a úsáid i réimsí éagsúla (e.g. caighdeáin, lipéid, tagarmharcanna inbhuanaitheachta).

•    Comhsheasmhacht le forálacha beartais atá sa réimse beartais cheana

•    Comhsheasmhacht le beartais eile de chuid an Aontais

2.    BUNÚS DLÍ, COIMHDEACHT AGUS COMHRÉIREACHT

•    Bunús dlí

In Airteagal 114 den Chonradh ar Fheidhmiú an Aontais Eorpaigh (CFAE), tugtar do Pharlaimint na hEorpa agus don Chomhairle an inniúlacht chun bearta a ghlacadh ar mhaithe le comhfhogasú na bhforálacha reachtaíochta nó rialúcháin nó riaracháin atá ceaptha sna Ballstáit a bhaineann le bunú agus feidhmiú an mhargaidh inmheánaigh. Faoi Airteagal 114 CFAE, cuirtear ar chumas AE bearta a dhéanamh chun fáil réidh le constaicí atá ann faoi láthair ar fheidhmiú na saoirsí bunúsacha agus na constaicí sin a chosc ó theacht chun cinn, lena náirítear iad siúd a fhágann é deacair ag oibreoirí eacnamaíocha, lena náirítear infheisteoirí, leas iomlán a bhaint as sochair an mhargaidh inmheánaigh.

Faoi láthair bíonn léirmhínithe difriúla ag na Ballstáit maidir le cad is infheistíocht inbhuanaithe ann. Tá scéimeanna lipéadaithe nó tionscnaimh faoi stiúir an mhargaidh i bhfeidhm ag roinnt Ballstát chun a chinneadh cad atá cáilithe mar infheistíocht ghlas chun críocha infheistíochta; i gcás Ballstáit eile níl aon riail i bhfeidhm ach is dócha go ndéanfaidh siad reachtaíocht sa réimse sin ar bhonn a gcuid sainmhínithe féin ar infheistíocht inbhuanaithe. Fágann lipéid náisiúnta atá bunaithe ar chritéir éagsúla maidir leis na gníomhaíochtaí eacnamaíocha a cháilíonn mar chinn atá inbhuanaithe ó thaobh an chomhshaoil de go mbíonn deacracht ag infheisteoirí infheistíochtaí glasa a chur i gcomparáid le chéile, rud a fhágann go mbíonn drogall orthu infheistíocht a dhéanamh thar theorainneacha.

Ina theannta sin, is ualach iad na héagsúlachtaí atá ann cheana ar oibreoirí eacnamaíocha nach mór dóibh caighdeáin éagsúla a chomhlíonadh i mBallstáit éagsúla. Chun dul i ngleic leis na héagsúlachtaí atá ann cheana agus chun cosc a chur ar aon bhacainní breise ar an margadh inmheánach ó theacht chun cinn, bunaítear leis an togra seo sainmhíniú caighdeánach ar leibhéal AE ar cad a cháilíonn mar ghníomhaíocht atá inbhuanaithe ó thaobh an chomhshaoil de chun críocha infheistíochta. Is é is cuspóir don togra seo caighdeánú ar fud an Aontais a dhéanamh ar choincheap na hinfheistíochta atá inbhuanaithe ó thaobh an chomhshaoil de, rud a éascóidh don infheistíocht i ngníomhaíochtaí eacnamaíocha atá inbhuanaithe ó thaobh an chomhshaoil de, ar an leibhéal náisiúnta agus i mbreis is tír AE amháin. Ina theannta sin, fágfaidh an coincheap caighdeánaithe gur fusa a bheidh sé ag oibreoirí eacnamaíocha infheistíocht ó thar lear a mhealladh.

In Airteagal 114 CFAE, soláthraítear an bunús dlí ar ar féidir le AE an togra seo a ghlacadh, ós rud é gurb é is cuspóir dó éascú don infheistíocht ar fud AE i ngníomhaíochtaí eacnamaíocha inbhuanaithe, beag beann ar theorainneacha náisiúnta.

•    Coimhdeacht (maidir le hinniúlacht neamheisiach)

Comhlíonann an togra seo prionsabal na coimhdeachta a leagtar síos in Airteagal 5 den Chonradh ar an Aontas Eorpach (CAE). Sonraítear sa phrionsabal sin nach féidir beart a dhéanamh ar leibhéal AE ach amháin mura féidir na haidhmeanna atá beartaithe a bhaint amach ar leibhéal níos ísle.

An easpa soiléire atá ann faoi láthair maidir le cad is gníomhaíocht eacnamaíoch ann atá inbhuanaithe ó thaobh an chomhshaoil de, d'fhéadfadh sí dul in olcas má dhéanann na Ballstáit iarracht beart a dhéanamh sa réimse sin i gcomhthreo, gan chomhordú. Mar gheall ar na gealltanais a bhaineann le spriocanna beartais comhshaoil agus aeráide ar an leibhéal idirnáisiúnta (mar shampla, Comhaontú Pháras) agus ar leibhéal AE, is dócha go mbreathnóidh níos mó agus níos mó Ballstáit isteach sa rogha i dtaobh lipéid a thabhairt isteach i gcomhair táirgí airgeadais inbhuanaithe, agus iad ag baint leas as a gcuid tacsanomaíochtaí saincheaptha féin. D'fhágfadh sé sin go gcuirfí in olcas na bacainní náisiúnta ar fheidhmiú na margaí caipitil chun cistí a thiomsú i gcomhair tionscadail inbhuanaithe. Trí éagsúlú a dhéanamh ar chórais aicmithe chuirfí le hilroinnt an mhargaidh agus thiocfadh fadhbanna iomaíochta chun cinn, rud a d'fhágfadh níos deacra agus níos costasaí ag infheisteoirí é tuiscint a fháil ar cad atá inbhuanaithe agus cad nach bhfuil.

Ba cheart, dá bhrí sin, caighdeánú ar leibhéal AE a dhéanamh ar na critéir chun a chinneadh cad is gníomhaíocht inbhuanaithe ann chun críocha infheistíochta. Ina dhiaidh sin, ba cheart córas aicmithe AE aonfhoirmeach a bhunú trí phróiseas a mbeadh na páirtithe leasmhara ábhartha go léir páirteach ann. Fágfaidh sé sin gur fusa a bheidh sé d'oibreoirí eacnamaíocha caipiteal a mhealladh i gcomhair infheistíocht inbhuanaithe ó gach cearn de AE. Beidh sé ina chéad chéim i dtreo dul i ngleic leis an 'snas glas' agus is fusa a bheidh sé d'infheisteoirí na critéir a chuirtear i bhfeidhm agus táirge airgeadais á aicmiú mar cheann 'glas' nó inbhuanaithe a shainaithint. Dá bhrí sin, tá an togra ceaptha chun dul i ngleic leis na heasnaimh atá sa chreat dlíthiúil atá ann cheana trí chritéir chaighdeánacha a bhunú chun na hinfheistíochtaí atá inbhuanaithe ó thaobh an chomhshaoil de a chinneadh. Tá beart ar leibhéal AE níos éifeachtaí chun aonfhoirmeacht agus deimhneacht dhlíthiúil a ráthú maidir le saoirsí an Chonartha a fheidhmiú.

•    Comhréireacht

•    An rogha ionstraime

3.    TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•    Comhairliúcháin leis na páirtithe leasmhara

Bailíodh tuairimí de chuid na bpáirtithe leasmhara trí chomhairliúchán poiblí i ndáil leis an Tuarascáil Eatramhach ón Sainghrúpa Ardleibhéil maidir le maoiniú inbhuanaithe, agus trí agallaimh spriocdhírithe a chur ar institiúidí airgeadais, arna seoladh ag an gCoimisiún. Iarradh ar pháirtithe leasmhara cad ba cheart a chumhdach le tacsanomaíocht AE, cibé ar mheas siad go bhfuil gá le hidirghabháil rialála nó nach bhfuil, agus cén raon feidhme is ceart a bheith ag tacsanomaíocht AE i dtosach. Féadfar achoimre a dhéanamh ar na tuairimí a bailíodh ar na trí théama sin mar seo a leanas:

·Idirghabháil rialála de chuid AE – bhí formhór na bhfreagróirí i bhfabhar tacsanomaíocht a fhorbairt (i.e. aicmiú ar ghníomhaíochtaí eacnamaíocha inbhuanaithe) ar leibhéal AE. Dúirt a lán acu gur cheart go dtógfaí le tacsanomaíocht AE ar chreataí idirnáisiúnta atá ann cheana féin (e.g. spriocanna forbartha inbhuanaithe NA) agus ar aicmithe idirnáisiúnta atá ann cheana (e.g. an obair a dhéantar faoin Tionscnamh um Bannaí Aeráide, Eurosif, an Tascfhórsa ar Nochtadh Airgeadais a bhaineann leis an Aeráid etc.) nó ar a laghad go nglacfaí san áireamh inti iad.

·Raon feidhme – thug tromlach na bhfreagróirí le fios gur cheart go gcumhdófaí i dtacsanomaíocht AE faoi dheireadh gach cuspóir inbhuanaitheachta (comhshaoil agus sóisialta). Bhí roinnt freagróirí i bhfabhar cur chuige céim ar chéim ag tosú leis an gcomhshaol.

·Leibhéal mionsonraí – cuireadh tuairimí difriúla in iúl maidir leis an leibhéal mionsonraithe is ceart a bheadh ag tacsanomaíocht AE. Cé go raibh an tionscal airgeadais i bhfabhar tacsanomaíocht neamh-fhorordaitheach tríd is tríd, b'fhearr le páirtithe leasmhara eile (daoine príobháideacha agus an tsochaí shibhialta) tacsanomaíocht ní ba mhionsonraithe, ina soláthrófaí sainmhínithe soiléire agus critéir (intomhaiste).

•    Bailiú agus úsáid saineolais

·bheadh sé ailínithe leis na spriocanna beartais phoiblí atá dearbhaithe ag AE, lena náirítear cur chun feidhme Chomhaontú Pháras, na spriocanna forbartha inbhuanaithe;

·thabharfaí treoir leis do rannpháirtithe sa mhargadh caipitil maidir le hábharthacht gníomhaíochtaí sonracha nó le hábharthacht an rannchuidiú a thugtar leo;

·ba cheart saor-rochtain a bheith ar pharaiméadair na tacsanomaíochta agus na sonraí is bonn leo, agus ba cheart iad a fhorbairt trí phróiseas ilpháirtithe leasmhara ionas go náiritheofar tacaíocht an mhargaidh;

·ba cheart gur uirlis é atá ag teacht chun cinn. Tá an eolaíocht a bhaineann leis an inbhuanaitheacht dinimiciúil agus tá sí ag teacht chun cinn, agus is amhlaidh atá freisin i gcás ionchais shóisialta agus i gcás na riachtanas a bhíonn ag infheisteoirí agus ag an margadh. Dá bhrí sin, ba cheart a mheas go léirítear sa tacsanomaíocht an teolas is fearr atá againn faoi láthair, agus beidh gá le hathbhreithniú leanúnach a dhéanamh uirthi.

·forbhreathnú agus anailís ar iarrachtaí ar fud an domhain chun sainmhíniú a thabhairt ar 'glas' i gcomhthéacs bannaí glasa, iasachtú glas agus cothromas liostaithe glas;

·na modhanna agus an raon feidhme chun sócmhainní agus gníomhaíochtaí 'glasa' a aithint trí shainmhínithe coincheapúla, tacsanomaíochtaí, modheolaíochtaí rátálacha agus sásraí eile;

·liosta sainmhínithe ar 'glas' a bhfuil fáil orthu, tuairiscí agus measúnuithe ar shainmhínithe roghnaithe, chomh maith le comparáid idir tacsanomaíochtaí earnálacha 'glasa' atá ar fáil.

•    Measúnú tionchair

Cuirtear san áireamh leis an togra na tuairimí (an tuairim dhearfach a raibh cuntair áirithe ag dul léi a heisíodh an 14 Bealtaine 2018 agus an dá thuairim dhiúltacha roimhe sin) a d'eisigh an Bord um Ghrinnscrúdú Rialála. Sa togra agus sa mheasúnú tionchair athbhreithnithe, tugtar aghaidh ar na barúlacha ón mBord um Ghrinnscrúdú Rialála, a bhain de thátal sna tuairimí uaidh gur ghá coigeartuithe a dhéanamh roimh leanúint ar aghaidh a thuilleadh leis an tionscnamh seo.

Bhí na barúlacha a fuarthas mar chuid den tríú tuairim dhearfach dírithe ar an méid seo a leanas:

·soiléire a áirithiú maidir le feidhmiú a dhéanamh ar na coincheapa i dtaobh 'gan dochar a dhéanamh' agus 'rannchuidiú go mór leis an hinbhuanaitheacht';

·a áirithiú go náirítear sa chreat faireacháin agus meastóireachta saincheisteanna agus rioscaí nach mór a chur san áireamh agus na critéir scagtha theicniúla á bhforbairt;

·an chomhbhabhtáil idir costas agus tairbhe a dhéanamh níos trédhearcaí agus comparáid á déanamh idir roghanna

Tugadh aghaidh ar na hábhair imní sin sa leagan deireanach athbhreithnithe den mheasúnú tionchair.

Tugadh aghaidh go hiomlán ar na barúlacha a fuarthas ón mBord um Ghrinnscrúdú Rialála roimhe sin sa togra agus sa mheasúnú tionchair athbhreithnithe a ghabhann leis agus is féidir iad a ghrúpáil ina dtrí mhór-réimse ábhar imní:

Ar dtús, agus ar bhonn níos ginearálta, mhol an Bord um Ghrinnscrúdú Rialála gur cheart míniú níos fearr a thabhairt sa mheasúnú tionchair ar raon feidhme, seicheamhú agus comhleanúnachas na mbeart éagsúil, lena náirítear an tacsanomaíocht agus an bhaint atá aici leis na tograí eile. Mar sin, baineadh tairbhe sa leagan deiridh den mheasúnú tionchair as na feabhsúcháin seo a leanas:

·rinneadh cur síos níos fearr ar úsáid na tacsanomaíochta faoi láthair agus a húsáid fhéideartha sa todhchaí, chomh maith leis an gcaoi a ndéanfaí feidhmiú uirthi;

·soiléiríodh go ndéanfaí measúnú tionchair ar chineál agus méid na gcostas ar pháirtithe leasmhara sula nglacfaí gach gníomh tarmligthe lena mbunófar critéir scagtha theicniúla;

·míníodh an chomhsheasmhacht agus an chomhlántacht le reachtaíocht agus beartais AE atá ann cheana i réimsí eile (e.g. an comhshaol agus an aeráid, fuinneamh, iompar);

·míníodh an seicheamhú agus na hidirghníomhaíochtaí idir 'tacsanomaíocht chomhshaoil' agus 'tacsanomaíocht shóisialta';

·soiléiríodh an chaoi a leathnófaí an tacsanomaíocht agus a dtabharfaí cothrom le dáta í le himeacht ama rinneadh meastachán ar na costais riaracháin ghaolmhara;

·soiléiríodh conas a chuirfí na comhreachtóirí ar an eolas agus a mbeidís páirteach ar feadh fhorbairt na gcritéar scagtha teicniúil.

Ar an dara dul síos, agus ar bhonn níos sonraí, léirigh an Bord um Ghrinnscrúdú Rialála imní maidir le húsáid láithreach na tacsanomaíochta agus na rioscaí a bhaineann le húsáid den sórt sin a bheith éigeantach i gcás rannpháirtithe sa mhargadh airgeadais sula mbeidh an tacsanomaíocht sách cobhsaí agus sách aibí. Sa téacs dlíthiúil atá beartaithe, atá bunaithe ar an measúnú tionchair deiridh athbhreithnithe, téitear i ngleic leis an ábhar imní sin mar seo a leanas:

·Áirithítear le roinnt forálacha sa togra seo nach núsáidfear an tacsanomaíocht go dtí go mbeidh sí cobhsaí agus aibí, chun costais dhíréireacha ar rannpháirtithe sa mhargadh airgeadais a sheachaint. Is é an aidhm atá leis na coimircí sin nach mbainfear úsáid as an tacsanomaíocht go dtí go mbeidh deireadh tagtha le próiseas comhairliúcháin le páirtithe leasmhara trínar cruthaíodh meon tacaíochta agus tuiscint mhaith ar an gcoincheap:

–Leagtar síos in Airteagal 18 go dtiocfaidh an chuid oibríochtúil den rialachán seo (airteagal 3 go hairteagal 12) i bhfeidhm sé mhí tar éis theacht i bhfeidhm na ngníomhartha tarmligthe. Fágann sé sin nach gceanglófar ar rannpháirtithe sa mhargadh airgeadais na critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de a chur i bhfeidhm go dtí go mbeidh dóthain ama acu chun ullmhúchán a dhéanamh i gcomhair na rialacha agus a gcur i bhfeidhm agus chun dul i dtaithí orthu.

–I gcás rannpháirtithe sa mhargadh airgeadais a mhargaíonn táirgí airgeadais i gcáil cinn atá inbhuanaithe ó thaobh an chomhshaoil de, ceanglófar orthu nochtadh iomchuí a sholáthar. Áirithítear leis an togra seo, áfach, go bhfuil oibleagáidí nochta ábhartha den chineál nach gcuirfear ualach neamhréireach leo ar rannpháirtithe ábhartha sa mhargadh airgeadais. Ceanglaítear in Airteagal 4 go nochtfar an bealach agus a mhéid ina gcuirtear san áireamh i bpróisis chinnteoireachta i dtaobh na hinfheistíochta na critéir lena gcinntear inbhuanaitheacht infheistíochta ó thaobh an chomhshaoil de, mar a leagtar amach sa tacsanomaíocht. Sonrófar sna gníomhartha tarmligthe raon feidhme cruinn na hoibleagáide nochta sin, bunaithe ar mheasúnú tionchair críochnúil.

–Beidh riarthóirí tagarmharcanna i leith tionchar ísealcharbóin agus dea-thionchar i dtaobh carbóin in ann a gcuid modheolaíochtaí féin agus na hoibleagáidí nochta gaolmhara a dhearadh gan é a bheith d'oibleagáid orthu an tacsanomaíocht a úsáid, rud nach mbeidh inti ach foinse thagartha i dtaobh sócmhainní foluiteacha an tagarmhairc a roghnú.

Ar an tríú dul síos, bhí imní ar an mBord um Ghrinnscrúdú Rialála faoin gcaoi a ndéanfar feidhmiú ar na sé chuspóir comhshaoil de chuid na tacsanomaíochta, mar a leagtar amach iad in airteagal 5, go háirithe maidir leis an gcoincheap i dtaobh 'gan dochar a dhéanamh' agus an idirghníomhaíocht idir é agus reachtaíocht an Aontais atá ann cheana, chomh maith leis an gcoincheap i dtaobh 'rannchuidiú go mór leis an hinbhuanaitheacht'. B'ábhar imní gaolmhar iad saincheisteanna féideartha a bhaineann le saobhadh iomaíochta nuair a bhíonn critéir ilchineálacha á leagan síos i leith fo-earnálacha éagsúla. Léiríodh na hábhair imní sin sa mheasúnú tionchair agus tugtar aghaidh orthu sa téacs dlíthiúil mar seo a leanas:

·Leagtar béim air sna haithrisí go ndéanfar measúnú tionchair críochnúil ar na gníomhartha tarmligthe lena gcinnfear na critéir scagtha theicniúla i leith gach ceann de na sé chuspóir comhshaoil. Leagtar amach sa chumhachtú don Choimisiún go dtabharfar aghaidh le chéile ar an dá shraith critéar – iad siúd a chomhlíonann an ceanglas i dtaobh 'gan dochar a dhéanamh' agus iad siúd lena gcinntear 'rannchuidiú mór leis an hinbhuanaitheacht' i gcás gníomhaíochta – i ngníomhartha tarmligthe aonair i leith gach ceann de na sé chuspóir.

·Ceanglaítear in Airteagal 14(1)(d) go gcuirfear san áireamh i bhforbairt na gcritéar scagtha teicniúil aon reachtaíocht ábhartha AE atá ann cheana. 

·Ceanglaítear in Airteagal 14(1)(h) go nadmhófar sna critéir scagtha theicniúla an riosca go mbeadh sócmhainní tréigthe i gceist agus an tionchar a d'fhéadfadh a bheith ag na bearta atá beartaithe ar leachtacht an mhargaidh. Déanfar na rioscaí sin, chomh maith le haon rioscaí a d'fhéadfadh a bheith ann i ndáil le dreasachtaí neamhréireacha a sholáthar, a mheasúnú go dian agus na critéir scagtha theicniúla á bhforbairt mar chuid de na gníomhartha tarmligthe, a bhfuil cur síos orthu in airteagal 14.

·Leagtar amach in Airteagal 14(1)(i) go bhforbrófar cuspóirí na ngníomhartha tarmligthe ina gceann is ina gceann, i leith na nearnálacha ábhartha go léir, ionas nach ndéanfar iomaíocht a shaobhadh. Tacaítear leis an bhforáil sin le hAithris 27.

·Déantar foráil in Airteagal 18 maidir le cosaintí breise i leith úsáid na tacsanomaíochta ag rannpháirtithe sa mhargadh airgeadais agus cur i bhfeidhm na bhforálacha oibriúcháin sa rialachán seo á chur siar. Áirithítear leis sin nach bhforchuirfear oibleagáidí breise ar rannpháirtithe sa mhargadh airgeadais go dtí go mbeidh soiléire leordhóthanach ann ar ábhar na tacsanomaíochta agus ar a comhlíonadh.

Tá an togra i gcomhréir le conclúidí an mheasúnaithe tionchair ar an rogha thosaíochta.

Is iad seo na roghanna ginearálta beartais a imscrúdaíodh sa mheasúnú tionchair:

·gan aon bheart AE (Rogha 1)

·Tacsanomaíocht chomhshaoil AE ina mbeidh meánleibhéal mionsonraithe (Rogha 2)

·Tacsanomaíocht chomhshaoil AE ina mbeidh ardleibhéal mionsonraithe (Rogha 3)

Faoin gcéad rogha, is dócha go ndéanfar forbairt bhreise ar thionscnaimh atá faoi stiúir an mhargaidh nó tionscnaimh mhargadhbhunaithe a bhfuil raonta feidhme éagsúla acu agus go mbeidh siad san iomaíocht le haicmithe arna bhforbairt ag comhlachtaí poiblí sa todhchaí (e.g. BEI) agus dá bhrí sin ní thiocfaidh aon chóras aicmithe comhleanúnach, aonchiallach ar ghníomhaíochtaí inbhuanaithe chun cinn sa mheántréimhse nó san fhadtréimhse. Is dócha go gcuirfear srian leis sin ar an bhféidearthacht i dtaobh sreafaí caipitil a atreorú chuig spriocanna inbhuanaitheachta. Déantar foráil le Rogha 2, ar an lámh eile, maidir le sé cinn de chuspóirí comhshaoil AE a shainaithint agus maidir le sainaithint agus aicmiú a dhéanamh ar ghníomhaíochtaí eacnamaíocha (arna ngrúpáil de réir macra-earnálacha, earnálacha agus fo-earnálacha) a rannchuidíonn go soiléir le haon cheann acu. De cheal critéir scagtha theicniúla mionsonraithe, áfach, tá amhras ann faoi (i) cé chomh 'glas' is atá an tacsanomaíocht faoi rogha 2 i ndáiríre (mar go bhféadfadh sí a bheith i bhfabhar gníomhaíochtaí eacnamaíocha i bhfo-earnáil arna sainiú mar chinn atá 'glas' fiú má tá drochfheidhmíocht chomhshaoil i gceist leo) agus (ii) cén rannchuidiú atá ann i leith cuspóir comhshaoil áirithe de chuid AE (e.g. de cheal tionchair intomhaiste is deacra é freisin sonraí a bhailiú agus faireachán a dhéanamh orthu).

Is í Rogha 3 – lena ndéantar foráil ina ionad sin maidir le forbairt critéar scagtha teicniúil a bhaineann go sonrach le fo-earnálacha agus leis an gcuspóir comhshaoil de chuid AE lena rannchuidíonn na fo-earnálacha – an rogha thosaíochta toisc go soláthraítear soiléire iomlán ar na gníomhaíochtaí atá inbhuanaithe ó thaobh an chomhshaoil de tríd an gceann is fearr a fháil freisin ar na príomheasnaimh a sainaithníodh faoin tacsanomaíocht nach bhfuil chomh mionsonraithe céanna (Rogha 2). I dtéarmaí tionchar eacnamaíoch, chuideodh aicmiú aonfhoirmeach ar leibhéal AE lena chinneadh cad iad na gníomhaíochtaí is féidir a mheas mar chinn inbhuanaithe agus comharthaí iomchuí a chur chuig gníomhaithe eacnamaíocha, mar go ndéanfadh sé cuspóirí beartais AE a 'aistriú' isteach i dtreoir inláimhsithe chun na tionscadail ábhartha nó na hinfheistíochtaí ábhartha a shainaithint. Dá bhrí sin, d'fhéadfadh sé cabhrú le tuilleadh sreafaí caipitil a threorú chuig infheistíochtaí inbhuanaithe. Is céad chéim thábhachtach é an rialachán seo chun soiléire a thabhairt maidir le cad is infheistíocht inbhuanaithe ann, ach déanfar an tacsanomaíocht féin a fhorbairt trí bhíthin gníomhartha tarmligthe. Braitheann an tionchar ar pháirtithe leasmhara ar úsáidí deiridh na tacsanomaíochta agus ar mhionsonraí na tacsanomaíochta. I dtéarmaí costas, thógfadh sé am agus acmhainní tacsanomaíocht den sórt sin a fhorbairt, rud a mbeidh tionchar aige freisin ar bhuiséad AE (féach an roinn faoi impleachtaí buiséadacha thíos).

I dtéarmaí tionchar ar an gcomhshaol, meastar gur tionchar dearfach neamhdhíreach ar an gcomhshaol a bheidh ag tacsanomaíocht AE in AE nuair a bheidh sí ag feidhmiú. Trí shoiléire a thabhairt maidir le cad atá 'glas', d'éascódh sé infheistíochtaí i dtionscadail agus sócmhainní inbhuanaithe ar fud AE. Rannchuideodh sé sin le baint amach spriocanna comhshaoil AE, e.g. astaíochtaí gás ceaptha teasa a laghdú i gcomhréir le Comhaontú Pháras, agus dul i dtreo geilleagar ciorclach ina mbítear tíosach ar acmhainní. D'fhéadfadh na hinfheistíochtaí breise a eascraíonn as trédhearcacht mhéadaithe agus comhchuibhiú margaidh méadaithe cuidiú leis an athrú forleathan ó bhonn i dtreo na hinbhuanaitheachta a bheartaítear leis na beartais chomhshaoil atá ann cheana féin ar leibhéal AE agus ar leibhéal na mBallstát. Dá bhrí sin, bheadh infheistíochtaí in earnálacha glasa (e.g. fuinneamh in-athnuaite, éifeachtúlacht fuinnimh, bainistiú dramhaíola, athchóiriú comhshaoil) ina gcúis le sochair chomhshaoil láithreacha agus cinn fhadtéarmacha amhail leibhéil laghdaithe truaillithe (e.g. truailliú aeir, uisce agus ithreach) a mbeadh sochair shláinte ag gabháil leo, laghdú ar astaíochtaí gás ceaptha teasa lena ndéanfaí maolú ar an athrú contúirteach aeráide agus caomhnú agus feabhsú caipitil nádúrtha agus seirbhísí éiceachórais.

I dtéarmaí tionchar sóisialta, toisc go bhfuil coimircí íosta sa togra, lena náirítear maidir le gnéithe sóisialta, féadfar a bheith ag súil le tionchar sóisialta íosta dearfach áirithe freisin. D'fhéadfaí a bheith ag súil le tionchar sóisialta ní ba thábhachtaí nuair a dhéanfar athbhreithniú ar an tionscnamh atá beartaithe chun cuspóirí sóisialta agus gníomhaíochtaí atá inbhuanaithe ó thaobh na gné sóisialta de a chumhdach faoi dheireadh i gcomhréir leis an gclásal athbhreithnithe.

Sa togra seo urramaítear na cearta bunúsacha agus cloítear leis na prionsabail a aithnítear i gCairt um Chearta Bunúsacha an Aontais Eorpaigh i bhfianaise na hoibleagáide nach mór an ghníomhaíocht eacnamaíoch a sainaithníodh atá inbhuanaithe ó thaobh an chomhshaoil de a dhéanamh agus roinnt coimircí íosta sóisialta agus rialachais á nurramú.

4.    IMPLEACHTAÍ BUISÉADACHA

Áirítear leis an togra airteagal maidir le hArdán maidir le Maoiniú Inbhuanaithe a chruthú. Cabhróidh an tArdán sin leis an gCoimisiún córas aicmithe AE a fhorbairt agus a thabhairt cothrom le dáta ar bhealach forchéimnitheach. Cuirfidh sé i gcrích cúraimí eile is gá chun cuspóirí an phlean gníomhaíochta maidir le maoiniú inbhuanaithe a bhaint amach, agus, go háirithe, cuirfidh sé comhairle ar an gCoimisiún maidir leis an ngá atá le leasú a dhéanamh ar an gcreat a leagtar amach leis an togra seo. Leagfar de chúram air freisin faireachán a dhéanamh ar shreafaí caipitil i dtreo infheistíocht inbhuanaithe agus tuairisciú go rialta don Choimisiún ina leith.

Beidh ról lárnach ag na hÚdaráis Mhaoirseachta Eorpacha (na ÚMEnna) i ndáil le tacsanomaíocht inbhuanaitheachta AE a fhorbairt lena áirithiú go mbeidh sí inúsáidte ag institiúidí airgeadais, infheidhme maidir le táirgí airgeadais agus comhoiriúnach do reachtaíocht airgeadais AE. Beidh ról tábhachtach ag na ÚMEnna maidir lena áirithiú go bhforbrófar tacsanomaíocht inbhuanaitheachta AE sa chaoi is go mbeidh sí úsáideach i dtaca le hanailís a dhéanamh ar chásanna aeráide agus, ina dhiaidh sin, tástáil struis a dhéanamh i dtaobh na haeráide. Chun na cúraimí sin agus cúraimí eile a chur i gcrích, bheadh aon fhostaí lánaimseartha breise amháin ag teastáil ó gach údarás ó 2020 ar aghaidh tráth a meastar go dtiocfaidh forálacha éagsúla an togra i bhfeidhm.

Ba cheart a thabhairt faoi deara go mbeidh aon éilimh bhuiséadacha ó na ÚMEnna fós faoi réir na sásraí cuntasachta agus iniúchóireachta uile arna gcur i bhfeidhm sna Rialacháin maidir leis na ÚMEnna i dtaca lena mbuiséid bhliantúla a ullmhú, a ghlacadh agus a fhorghníomhú. Ina theannta sin, ba iad Parlaimint na hEorpa agus an Chomhairle fós a d’údaródh an cinneadh bliantúil maidir leis an ranníocaíocht chothromaíochta ó AE leis na ÚMEnna agus maidir lena bpleananna bunaíochta (e.g. cinneadh ar an soláthar foirne) agus faoi réir urscaoileadh ó Pharlaimint na hEorpa ar mholadh ón gComhairle.

Beidh dlúthbhaint ag an nGníomhaireacht Eorpach Comhshaoil (EEA) freisin leis an obair i leith maoiniú inbhuanaithe, go háirithe trí eolas teicniúil a sholáthar i réimsí éagsúla comhshaoil chun tacsanomaíocht inbhuanaitheachta AE a fhorbairt agus a chothabháil do gach saincheist a bhaineann leis an aeráid agus leis an gcomhshaol. Ina theannta sin, baileoidh agus soláthróidh EEA sonraí maidir le riachtanais infheistíochta agus sreafaí infheistíochta i mBallstáit AE mar chuid den Fhaireachlann maidir le Maoiniú Inbhuanaithe, agus cuirfidh sí comhairle ar Bhallstáit AE i dtaobh a straitéisí infheistíochta ísealcharbóin agus inbhuanaithe a fhorbairt. Chun na cúraimí sin agus cúraimí eile a chur i gcrích, theastódh beirt fhostaithe lánaimseartha bhreise ó EEA ó 2020 ar aghaidh.

Beidh an Coimisiún Eorpach freagrach as an Ardán a bhainistiú (e.g. a chruinnithe agus cruinnithe de chuid aon fhoghrúpaí a eagrú, tuairisciú ar an toradh, tograí reachtacha a ullmhú, dul i gcomhairle leis na ÚMEnna agus le EEA, uirlis chomhoibritheach TF a chothabháil, saineolaithe a aisíoc, cúraimí rúnaíochta eile a chomhlíonadh, etc). Chun na cúraimí sin agus cúraimí eile a chur i gcrích, bheadh deichniúr fostaithe lánaimseartha ag teastáil ón gCoimisiún Eorpach ó 2020 ar aghaidh (8 AD agus 2 AST).

Mínítear tionchar airgeadais agus buiséadach an togra seo go mion sa ráiteas airgeadais reachtach atá ag gabháil leis an togra seo.

Ba cheart a thabhairt faoi deara go bhfuil an fhaisnéis a thugtar sa ráiteas airgeadais reachtach comhoiriúnach leis an togra maidir le creat airgeadais ilbhliantúil don tréimhse tar éis 2020.

5.    EILIMINTÍ EILE

•    Pleananna cur chun feidhme, agus socruithe faireacháin, meastóireachta agus tuairiscithe

Forbrófar agus feidhmeofar na critéir aonfhoirmeacha chun na gníomhaíochtaí eacnamaíocha atá inbhuanaithe ó thaobh an chomhshaoil de a chinneadh trí ghníomhartha tarmligthe ina dhiaidh sin, lena saineofar na critéir scagtha theicniúla. Déanfar measúnú tionchair cuí ar na gníomhartha tarmligthe sin. I bhforbairt na gcritéar scagtha teicniúil, cuirfear san áireamh, go háirithe, a dtionchar ar an iomaíocht laistigh de thionscail agus idir tionscail, ar tháirgí agus margaí airgeadais glasa atá ann cheana, agus ar leachtacht i margaí airgeadais chomh maith le rioscaí féideartha i dtaobh dreasachtaí neamhréireacha a chur ar fáil.

Tá foráil déanta maidir le faireachán agus tuairisciú gach trí bliana tar éis don Rialachán seo teacht i bhfeidhm. Tá an Coimisiún chun tuarascáil a fhoilsiú maidir le cur i bhfeidhm an Rialacháin seo, ina ndéanfar meastóireacht ar an dul chun cinn i ndáil lena chur chun feidhme i dtaobh critéir scagtha theicniúla a fhorbairt maidir le gníomhaíochtaí eacnamaíocha atá inbhuanaithe ó thaobh an chomhshaoil agus maidir leis an ngá a d'fhéadfadh a bheith le hathbhreithniú a dhéanamh ar na critéir a leagtar amach sa Rialachán seo lena bhreithniú go bhfuil gníomhaíocht eacnamaíoch inbhuanaithe ó thaobh an chomhshaoil de.

Ba cheart don Choimisiún a mheas freisin an bhfuil sé iomchuí sásra fíoraithe a bhunú lena fhíorú go bhfuil comhlíonadh á dhéanamh ar chur i bhfeidhm na gcritéar chun inbhuanaitheacht chomhshaoil gníomhaíochta eacnamaíche a chinneadh.

Ar deireadh, ba cheart don Choimisiún meastóireacht a dhéanamh i dtaobh an bhfuil sé iomchuí raon feidhme an Rialacháin seo a leathnú chun cuspóirí inbhuanaitheachta eile a chumhdach, go háirithe cuspóirí sóisialta, chomh maith le húsáid a bhaint as coincheapa coiteann na hinfheistíochta atá inbhuanaithe ó thaobh an chomhshaoil de i ndlí an Aontais, agus ar leibhéal na mBallstát.

I gcás aon tograí reachtacha ón gCoimisiún sa todhchaí ina ndéanfar foráil maidir le húsáid cheangailteach a bhaint as aicmiú AE ar ghníomhaíochtaí atá inbhuanaithe ó thaobh an chomhshaoil de i réimsí breise, beidh siad faoi réir measúnuithe tionchair, i gcomhréir leis na prionsabail maidir le Rialáil Níos Fearr.

Ceanglaítear ar an gCoimisiún an tuarascáil a chur ar aghaidh chuig Parlaimint na hEorpa agus chuig an gComhairle. Ceanglaítear ar an gCoimisiún tograí a dhéanamh chun an Rialachán seo a leasú de réir mar is iomchuí.

•    Míniúchán mionsonraithe ar fhorálacha sonracha an togra

Cuirtear siar leis infheidhmeacht an Rialacháin go dtí dáta tar éis ghlacadh na ngníomhartha tarmligthe lena mbunófar na critéir scagtha theicniúla, i leith gach cuspóra comhshaoil. Dá bhrí sin, i leith gach ceann de na cuspóirí comhshaoil, ní thiocfaidh na forálacha a bhaineann le gach cuspóir comhshaoil i bhfeidhm go dtí sé mhí tar éis bhunú na gcritéar scagtha teicniúil, chun dóthain ama ullmhúcháin a fhágáil ag na himreoirí margaidh lena mbaineann.

2018/0178 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le creat a bhunú chun infheistíocht inbhuanaithe a éascú

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ón mBanc Ceannais Eorpach 18 ,

Ag féachaint don tuairim ó Choiste Eacnamaíoch agus Sóisialta na hEorpa 19 ,

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)Is é is aidhm le hAirteagal 3(3) den Chonradh ar an Aontas Eorpach margadh inmheánach a bhunú a bhíonn ag obair ar mhaithe le forbairt inbhuanaithe na hEorpa, bunaithe, i measc nithe eile, ar fhás eacnamaíoch cothromaithe agus ardleibhéal cosanta agus feabhsaithe do cháilíocht an chomhshaoil.

(2)An 25 Meán Fómhair 2015, ghlac Comhthionól Ginearálta na Náisiún Aontaithe creat nua domhanda maidir leis an bhforbairt inbhuanaithe: Clár Oibre 2030 don Fhorbairt Inbhuanaithe 20 a bhfuil ina chroílár na Spriocanna Forbartha Inbhuanaithe lena gcumhdaítear trí cholún inbhuanaitheachta: an ghné chomhshaoil, an ghné shóisialta agus an ghné eacnamaíoch/rialachais. Sa Teachtaireacht ón gCoimisiún in 2016 maidir leis na chéad chéimeanna eile le haghaidh todhchaí inbhuanaithe don Eoraip 21 , déantar nasc idir na spriocanna forbartha inbhuanaithe agus creat beartais an Aontais lena áirithiú go gcuirfear na spriocanna forbartha inbhuanaithe san áireamh ag an tús i ngach gníomhaíocht agus tionscnamh beartais de chuid an Aontais, san Aontas agus ar fud an domhain. Sna conclúidí ón gComhairle Eorpach an 20 Meitheamh 2017 22 , dearbhaíodh tiomantas an Aontais agus na mBallstát maidir le Clár Oibre 2030 a chur chun feidhme ar bhealach atá iomlán, comhleanúnach, cuimsitheach, comhtháite agus éifeachtach agus i ndlúthchomhar le comhpháirtithe agus le páirtithe leasmhara eile.

(3)In 2016, chuir an Chomhairle Comhaontú Pháras maidir leis an Athrú Aeráide i gcrích ar son an Aontais 23 . Faoi Airteagal 2(1)(c) de Chomhaontú Pháras maidir leis an Athrú Aeráide, leagtar síos an cuspóir chun neartú a dhéanamh ar an bhfreagairt don athrú aeráide, i measc modhanna eile, trína áirithiú go mbeidh sreafaí airgeadais comhsheasmhach le bealach i dtreo astaíochtaí ísle gás ceaptha teasa agus le forbairt atá seasmhach ó thaobh na haeráide de.

(4)Gnéithe ríthábhachtacha is ea an inbhuanaitheacht agus an taistriú chuig geilleagar ísealcharbóin atá seasmhach ó thaobh aeráide de, níos tíosaí ar acmhainní ná mar a bhí agus níos ciorclaí chun a áirithiú go mbeidh geilleagar an Aontais iomaíoch san fhadtréimhse. Tá an inbhuanaitheacht i gcroílár thionscadal an Aontais Eorpaigh le fada agus tugtar aitheantas sna Conarthaí dá gnéithe sóisialta agus comhshaoil.

(5)I Nollaig 2016, thug an Coimisiún sainordú do Shainghrúpa Ardleibhéil straitéis uileghabhálach, chuimsitheach de chuid an Aontais a fhorbairt maidir le maoiniú inbhuanaithe. Sa tuarascáil ón Sainghrúpa Ardleibhéil a foilsíodh an 31 Eanáir 2018 24 , éilítear go gcruthófar córas aicmithe a mbaineann gné theicniúil stuama leis ar leibhéal an Aontais chun soiléire a bhunú maidir leis na gníomhaíochtaí atá 'glas' nó 'inbhuanaithe', ag tosú leis an maolú ar an athrú aeráide.

(6)I Márta 2018, d'fhoilsigh an Coimisiún a Phlean Gníomhaíochta i dtaca le Fás Inbhuanaithe a Mhaoiniú 25 lena gcuirtear straitéis uaillmhianach, chuimsitheach ar bun maidir le maoiniú inbhuanaithe. Ceann de na cuspóirí a leagtar amach sa Phlean Gníomhaíochta sin is ea sreafaí caipitil a atreorú chuig infheistíocht inbhuanaithe chun fás inbhuanaithe, cuimsitheach a bhaint amach. Tá bunú córais aicmithe aontaithe le haghaidh gníomhaíochtaí inbhuanaithe ar an mbeart is tábhachtaí agus is práinní a bheartaítear sa Phlean Gníomhaíochta. Aithnítear sa Phlean Gníomhaíochta nach mór tuiscint chomhroinnte ar a bhfuil i gceist le 'inbhuanaithe' a bheith mar bhonn taca le haistriú sreafaí caipitil i dtreo gníomhaíochtaí atá níos inbhuanaithe ná mar a bhí. Mar chéad chéim, ba cheart treoir shoiléir maidir le gníomhaíochtaí a cháilíonn mar chinn a rannchuidíonn le cuspóirí comhshaoil a bheith ina cabhair le hinfheisteoirí a chur ar an eolas faoi na hinfheistíochtaí lena ndéantar cistiú ar ghníomhaíochtaí eacnamaíocha atá inbhuanaithe ó thaobh an chomhshaoil de. Féadfar tuilleadh treorach a thabhairt i gcéim ina dhiaidh sin maidir leis na gníomhaíochtaí lena rannchuidítear le cuspóirí inbhuanaitheachta eile, lena náirítear cuspóirí sóisialta.

(7)I gCinneadh Uimh. 1386/2013/AE ó Pharlaimint na hEorpa agus ón gComhairle 26 , éilíodh méadú ar an gcistiú ón earnáil phríobháideach i leith caiteachas comhshaoil agus caiteachas a bhaineann leis an aeráid, go háirithe trí dhreasachtaí agus modheolaíochtaí a chur ar bun lena spreagfar cuideachtaí chun tomhas a dhéanamh ar chostais chomhshaoil a ngnó agus a mbrabús a eascraíonn as seirbhísí comhshaoil a úsáid.

(8)Chun spriocanna forbartha inbhuanaithe a bhaint amach san Aontas, ní mór sreafaí caipitil a chur i dtreo infheistíochtaí inbhuanaithe. Is tábhachtach an rud é leas iomlán a bhaint as acmhainneacht an mhargaidh inmheánaigh chun na spriocanna sin a bhaint amach. Is den tábhacht é freisin a áirithiú nach gcuirfear isteach sa mhargadh inmheánach ar shreafaí caipitil atá á gcur i dtreo infheistíocht inbhuanaithe.

(9)Bealach éifeachtach chun infheistíochtaí príobháideacha a chur i dtreo gníomhaíochtaí inbhuanaithe is ea táirgí airgeadais a thairiscint lena saothraítear cuspóirí atá inbhuanaithe ó thaobh an chomhshaoil de. Le ceanglais náisiúnta maidir le táirgí airgeadais agus bannaí corparáideacha a mhargú mar infheistíochtaí inbhuanaithe, go háirithe ceanglais a leagtar amach chun ligean do na gníomhaithe margaidh ábhartha lipéad náisiúnta a úsáid, dírítear ar mhuinín na ninfheisteoirí a fheabhsú, ar infheictheacht a chruthú agus ar dhul i ngleic le hábhair imní faoi "snas glas". Tagraíonn snas glas don chleachtas faoina bhfaightear buntáiste iomaíoch éagórach trí tháirge airgeadais a mhargú mar cheann atá neamhdhíobhálach don chomhshaol, nuair is amhlaidh i ndáiríre nach gcomhlíonann sé caighdeáin bhunúsacha chomhshaoil. Tá scéimeanna lipéadaithe i bhfeidhm ag roinnt bheag Ballstát faoi láthair. Tógann siad ar thacsanomaíochtaí éagsúla lena ndéantar aicmiú ar ghníomhaíochtaí eacnamaíocha atá inbhuanaithe ó thaobh an chomhshaoil de. Mar gheall ar na gealltanais pholaitiúla faoi Chomhaontú Pháras agus ar leibhéal an Aontais, is dócha go gcuirfidh líon méadaitheach Ballstát scéimeanna lipéadaithe ar bun nó go gcuirfidh siad ceanglais eile ar ghníomhaithe margaidh i leith táirgí airgeadais nó bannaí corparáideacha arna margú mar chinn atá inbhuanaithe ó thaobh an chomhshaoil de. Ar an gcaoi sin, bheadh na Ballstáit ag baint úsáid as a gcuid tacsanomaíochtaí náisiúnta féin chun críocha na hinfheistíochtaí a cháilíonn mar infheistíochtaí inbhuanaithe a chinneadh. Más rud é go bhfuil na ceanglais náisiúnta sin bunaithe ar chritéir éagsúla maidir leis na gníomhaíochtaí eacnamaíocha a cháilíonn mar chinn atá inbhuanaithe ó thaobh an chomhshaoil de, beidh drogall ar infheisteoirí infheistiú thar theorainneacha, mar gheall ar dheacrachtaí i dtaobh comparáid a dhéanamh idir na deiseanna infheistíochta éagsúla. Ina theannta sin, i gcás oibreoirí eacnamaíocha ar mhian leo infheistíocht a mhealladh ó gach cearn den Aontas, bheadh orthu critéir éagsúla a chomhlíonadh sna Ballstáit éagsúla ionas go bhféadfadh a ngníomhaíochtaí cáiliú mar chinn atá inbhuanaithe ó thaobh an chomhshaoil de chun críocha na lipéad éagsúil. Dá bhrí sin, in éagmais critéir aonfhoirmeacha, méadófar costais agus cruthófar dídhreasacht suntasach d'oibreoirí eacnamaíocha, arb ionann é agus bac le rochtain a fháil ar mhargaí caipitil trasteorann i gcás infheistíochtaí inbhuanaithe. Meastar go dtiocfaidh méadú eile ar na bacainní ar an rochtain ar mhargaí caipitil trasteorann chun críocha cistí a thiomsú le haghaidh tionscadail inbhuanaithe. Dá bhrí sin, ba cheart na critéir lena chinneadh an bhfuil gníomhaíocht eacnamaíoch inbhuanaithe ó thaobh an chomhshaoil de a chomhchuibhiú ar leibhéal an Aontais, chun constaicí ar fheidhmiú an mhargaidh inmheánaigh a bhaint agus a chinntiú nach dtiocfaidh siad chun cinn arís amach anseo. Le comhchuibhiú den sórt sin, is fusa a bheidh sé d'oibreoirí eacnamaíocha cistiú a thiomsú dá ngníomhaíochtaí glasa thar theorainneacha, toisc gur féidir a ngníomhaíochtaí eacnamaíocha a chur i gcomparáid le critéir aonfhoirmeacha chun iad a roghnú mar shócmhainní foluiteacha i leith infheistíochtaí atá inbhuanaithe ó thaobh an chomhshaoil de. Éascófar, dá bhrí sin, infheistíocht a mhealladh thar theorainneacha laistigh den Aontas.

(10)Thairis sin, mura gcuireann rannpháirtithe sa mhargadh aon mhíniú ar fáil d'infheisteoirí maidir leis an gcaoi a rannchuidíonn na gníomhaíochtaí a ndéanann siad infheistíocht iontu le cuspóirí comhshaoil, nó má úsáideann siad coincheapa difriúla sa mhíniú a thugann siad ar a bhfuil i gceist le gníomhaíocht eacnamaíoch 'inbhuanaithe', beidh ualach neamhréireach ar infheisteoirí i dtaobh na táirgí airgeadais éagsúla sin a sheiceáil agus a chur i gcomparáid le chéile. Fuarthas amach go mbíonn drogall ar infheisteoirí infheistíocht a dhéanamh i dtáirgí airgeadais glasa. Ina theannta sin, bíonn drochéifeachtaí móra ag an easpa muiníne i measc infheisteoirí ar an margadh le haghaidh infheistíocht inbhuanaithe. Léiríodh chomh maith go ndéanfar an margadh inmheánach a ilroinnt de bharr rialacha náisiúnta nó tionscnaimh mhargadhbhunaithe arna nglacadh chun dul i ngleic leis an tsaincheist sin laistigh de theorainneacha náisiúnta. Más rud é go nochtann rannpháirtithe sa mhargadh airgeadais an chaoi a gcomhlíontar cuspóirí comhshaoil leis na táirgí airgeadais a mhaíonn siad a bheith neamhdhíobhálach don chomhshaol, agus más rud é, i dtaca le nochtaí den sórt sin, go mbaineann siad leas as critéir choiteanna ar fud an Aontais maidir lena bhfuil i gceist le gníomhaíocht eacnamaíoch atá inbhuanaithe ó thaobh an chomhshaoil de, cabhróidh sé sin le hinfheisteoirí deiseanna infheistíochta atá neamhdhíobhálach don chomhshaol a chur i gcomparáid le chéile thar theorainneacha. Is mó an méid muiníne a bheidh ag infheisteoirí agus iad ag infheistiú i dtáirgí airgeadais glasa ar fud an Aontais, rud a chuirfidh feabhas ar fheidhmiú an mhargaidh inmheánaigh.

(11)Chun dul i ngleic le constaicí atá ann cheana maidir le feidhmiú an mhargaidh inmheánaigh agus chun teacht chun cinn na gconstaicí sin sa todhchaí a chosc, ba cheart a cheangal ar na Ballstáit leas a bhaint as coincheap coiteann i leith na hinfheistíochta atá inbhuanaithe ó thaobh an chomhshaoil de agus ceanglais á leagan síos acu do ghníomhaithe margaidh chun críche lipéadú a dhéanamh ar tháirgí airgeadais nó ar bhannaí corparáideacha atá á margú ar an leibhéal náisiúnta mar chinn atá inbhuanaithe ó thaobh an chomhshaoil de. Ar na cúiseanna céanna, i gcás bainisteoirí ciste agus infheisteoirí institiúideacha a mhaíonn go mbíonn cuspóirí comhshaoil á saothrú acu, ba cheart dóibh leas a bhaint as an gcoincheap céanna i leith infheistíocht atá inbhuanaithe ó thaobh an chomhshaoil de agus an dóigh a saothraíonn siad na cuspóirí sin á nochtadh acu.

(12)Ach critéir a bhunú i leith gníomhaíochtaí eacnamaíocha atá inbhuanaithe ó thaobh an chomhshaoil de, d'fhéadfadh sé go spreagfaí gnólachtaí chun faisnéis a nochtadh ar a suíomh gréasáin, ar bhonn deonach, maidir leis na gníomhaíochtaí eacnamaíocha a mbíonn siad ag gabháil dóibh atá inbhuanaithe ó thaobh an chomhshaoil de. Ní hamháin go gcuideoidh an fhaisnéis sin le gníomhaithe ábhartha sna margaí airgeadais na gnólachtaí a bhíonn ag gabháil do ghníomhaíochtaí eacnamaíocha atá inbhuanaithe ó thaobh an chomhshaoil de a aithint go héasca, ach is fearr a bheidh na gnólachtaí sin in ann cistí a thiomsú dá ngníomhaíochtaí glasa.

(13)Le haicmiú de chuid an Aontais ar ghníomhaíochtaí eacnamaíocha atá inbhuanaithe ó thaobh an chomhshaoil de, ba cheart go bhféadfaí beartais de chuid an Aontais a fhorbairt amach anseo, lena náirítear caighdeáin ar fud an Aontais i leith táirgí airgeadais atá inbhuanaithe ó thaobh an chomhshaoil de agus, bunú lipéad, ar deireadh, lena dtugtar aitheantas foirmiúil do chomhlíonadh na gcaighdeán sin ar fud an Aontais. Tá gá le ceanglais dhlíthiúla aonfhoirmeacha chun infheistíochtaí a mheas mar chinn atá inbhuanaithe ó thaobh an chomhshaoil de, ar bhonn critéir aonfhoirmeacha i leith gníomhaíochtaí eacnamaíocha atá inbhuanaithe ó thaobh an chomhshaoil de, mar thagairt le haghaidh reachtaíocht de chuid an Aontais sa todhchaí lena ndíreofar ar na hinfheistíochtaí sin a chumasú.

(14)I gcomhthéacs spriocanna forbartha inbhuanaithe a bhaint amach san Aontas, léiríodh go raibh roghanna beartais cosúil le cruthú Ciste Eorpaigh le haghaidh Infheistíochtaí Straitéiseacha éifeachtach i dtaobh rannchuidiú le hinfheistíocht phríobháideach, taobh le caiteachas poiblí, a chur i dtreo infheistíochtaí inbhuanaithe. Sonraítear i Rialachán (AE) 2015/1017 ó Pharlaimint na hEorpa agus ón gComhairle 27 sprioc infheistíochta aeráide 40% do thionscadail bhonneagair agus nuálaíochta faoin gCiste Eorpach le haghaidh Infheistíochtaí Straitéiseacha. D'fhéadfadh critéir choiteanna maidir le hinbhuanaitheacht gníomhaíochtaí eacnamaíocha a bheith mar bhonn taca le tionscnaimh den chineál céanna de chuid an Aontais amach anseo lena dtacófar le hinfheistíocht lena saothraítear cuspóirí a bhaineann leis an aeráid nó cuspóirí comhshaoil eile.

(15)Chun ilroinnt an mhargaidh a sheachaint chomh maith le dochar do leasanna tomhaltóirí a sheachaint de bharr smaointe éagsúla maidir leis na gníomhaíochtaí eacnamaíocha atá inbhuanaithe ó thaobh an chomhshaoil de, ba cheart ceanglais náisiúnta nach mór do ghníomhairí margaidh a chomhlíonadh nuair is mian leo táirgí airgeadais nó bannaí corparáideacha a mhargú mar chinn atá inbhuanaithe ó thaobh an chomhshaoil de a thógáil ar na critéir aonfhoirmeacha i leith gníomhaíochtaí eacnamaíocha atá inbhuanaithe ó thaobh an chomhshaoil de. Áirítear leis na gníomhaithe margaidh sin rannpháirtithe sa mhargadh airgeadais a thairgeann táirgí airgeadais "glasa" agus cuideachtaí neamhairgeadais a eisíonn bannaí corparáideacha "glasa".

(16)Ionas nach ndéanfar dochar do leasanna tomhaltóirí, ba cheart do bhainisteoirí cistí agus d'infheisteoirí institiúideacha a thairgeann táirgí airgeadais mar chinn atá inbhuanaithe ó thaobh an chomhshaoil de nochtadh a dhéanamh ar an dóigh agus ar a mhéid a úsáidtear na critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de chun inbhuanaitheacht chomhshaoil na ninfheistíochtaí a chinneadh. Leis an bhfaisnéis sin arna nochtadh, ba cheart a chur ar a gcumas d'infheisteoirí tuiscint a fháil ar an sciar den infheistíocht lena ndéantar cistiú ar ghníomhaíochtaí eacnamaíocha atá inbhuanaithe ó thaobh an chomhshaoil de mar chéatadán de na gníomhaíochtaí eacnamaíocha go léir, agus, ar an gcaoi sin, tuiscint a fháil ar inbhuanaitheacht comhshaoil na hinfheistíochta. Ba cheart don Choimisiún an fhaisnéis nach mór a nochtadh chun na críche sin a shonrú. Leis an bhfaisnéis sin, ba cheart a chur ar a gcumas do na húdaráis inniúla náisiúnta comhlíonadh na hoibleagáide nochta a fhíorú go héasca, agus an oibleagáid sin a fhorfheidhmiú i gcomhréir leis an dlí náisiúnta is infheidhme.

(17)Ionas nach rachfar timpeall ar an oibleagáid nochta, ba cheart feidhm a bheith ag an oibleagáid sin freisin i gcás ina dtairgtear táirgí airgeadais mar chinn a bhfuil saintréithe comhchosúla acu le hinfheistíochtaí atá inbhuanaithe ó thaobh an chomhshaoil de, lena náirítear iad siúd a bhfuil sé de sprioc leo an comhshaol a chosaint go ginearálta. Níor cheart a cheangal ar rannpháirtithe sa mhargadh airgeadais gan infheistíocht a dhéanamh ach amháin i ngníomhaíochtaí eacnamaíocha atá inbhuanaithe ó thaobh an chomhshaoil de arna gcinneadh i gcomhréir leis na critéir scagtha theicniúla a leagtar amach sa Rialachán seo. Ba cheart iad a spreagadh chun an Coimisiún a chur ar an eolas má mheasann siad, i gcás gníomhaíocht eacnamaíoch nach gcomhlíonann na critéir scagtha theicniúla, nó nach bhfuil na critéir sin bunaithe ina leith go fóill, gur cheart a mheas go bhfuil sí inbhuanaithe ó thaobh an chomhshaoil de, chun cuidiú leis an gCoimisiún meastóireacht a dhéanamh ar a iomchuí agus atá sé na critéir scagtha theicniúla a chomhlánú nó a thabhairt cothrom le dáta.

(18)Chun críocha a chinneadh an bhfuil gníomhaíocht eacnamaíoch inbhuanaithe ó thaobh an chomhshaoil de, ba cheart liosta uileghabhálach cuspóirí comhshaoil a leagan síos.

(19)Agus léirmhíniú a dhéanamh ar an gcuspóir comhshaoil i dtaobh éiceachórais shláintiúla a chosaint, ba cheart ionstraimí ábhartha reachtacha agus neamhreachtacha de chuid an Aontais a chur san áireamh, lena náirítear Treoir 2009/147/CE ó Pharlaimint na hEorpa agus ón gComhairle 28 , Treoir 92/43/CEE ón gComhairle 29 , Rialachán (AE) Uimh. 1143/2014 ó Pharlaimint na hEorpa agus ón gComhairle 30 , Straitéis Bhithéagsúlachta AE go dtí 2020 31 , Straitéis AE maidir le Bonneagar Glas, Treoir 91/676 ón gComhairle 32 , Rialachán (AE) Uimh. 511/2014 ó Pharlaimint na hEorpa agus ón gComhairle 33 , Rialachán (AE) Uimh. 995/2010 ó Pharlaimint na hEorpa agus ón gComhairle 34 , an Plean Gníomhaíochta maidir le Forfheidhmiú an Dlí, Rialachas agus Trádáil i dtaca le Foraoisí 35 , agus an Plean Gníomhaíochta maidir le Gáinneáil ar Fhiadhúlra 36 .

(20)Maidir le gach cuspóir comhshaoil, ba cheart critéir aonfhoirmeacha a leagan síos chun gníomhaíochtaí eacnamaíocha a mheas mar chinn atá ag rannchuidiú go mór leis an gcuspóir sin. Ba cheart gur ghné amháin de na critéir aonfhoirmeacha dochar suntasach d'aon cheann de na cuspóirí comhshaoil a leagtar amach sa Rialachán seo a sheachaint. Is amhlaidh atá ionas nach measfar go bhfuil infheistíochtaí inbhuanaithe ó thaobh an chomhshaoil de d'ainneoin go ndéanann na gníomhaíochtaí eacnamaíocha a a dtéann na hinfheistíochtaí sin chun sochair dóibh dochar don chomhshaol ar mó é ná rannchuidiú na ngníomhaíochtaí sin do chuspóir comhshaoil. Leis na coinníollacha i leith rannchuidiú mór agus i leith dochar suntasach ar bith a dhéanamh, ba cheart féachaint chuige, trí infheistíochtaí i ngníomhaíochtaí eacnamaíocha atá inbhuanaithe ó thaobh an chomhshaoil de, go rannchuideofar i ndáiríre leis na cuspóirí comhshaoil a bhaint amach.

(21)Ag meabhrú an ghealltanais chomhpháirtigh a rinne Parlaimint na hEorpa, an Chomhairle agus an Coimisiún chun na prionsabail atá cumhdaithe i gColún Eorpach na gCeart Sóisialta a shaothrú d'fhonn tacú le fás inbhuanaithe, cuimsitheach, agus ag aithint ábharthacht chearta agus chaighdeáin íosta idirnáisiúnta an duine agus na gceart agus na gcaighdeán íosta idirnáisiúnta saothair, ba cheart nár mhór gníomhaíochtaí eacnamaíocha a bheith i gcomhréir le coimircí íosta chun cáiliú mar chinn atá inbhuanaithe ó thaobh an chomhshaoil de. Ar an gcúis sin, níor cheart gníomhaíochtaí eacnamaíocha a bheith cáilithe mar chinn atá inbhuanaithe ó thaobh an chomhshaoil de ach amháin nuair a dhéantar iad agus dearbhú na hEagraíochta Idirnáisiúnta Saothair (EIS) maidir le Cearta Bunúsacha agus Prionsabail ag an Obair agus na hocht gcroíchoinbhinsiún de chuid EIS á gcomhlíonadh. Sainítear i gcroíchoinbhinsiúin EIS cearta an duine agus cearta saothair atá cuideachtaí ceaptha a urramú. Cumhdaítear roinnt de na caighdeáin idirnáisiúnta sin freisin i gCairt um Chearta Bunúsacha an Aontais Eorpaigh, go háirithe toirmeasc ar an sclábhaíocht agus ar shaothar éignithe agus prionsabal an neamh-idirdhealaithe. Tá na coimircí íosta sin gan dochar do chur i bhfeidhm ceanglais atá níos déine ná mar a bhí maidir leis an an gcomhshaol, le sláinte agus le sábháilteacht agus le hinbhuanaitheacht shóisialta a leagtar amach i ndlí an Aontais, i gcás inarb infheidhme.

(22)I bhfianaise na sonraí teicniúla sonracha is gá chun measúnú a dhéanamh ar thionchar comhshaoil gníomhaíochta eacnamaíche agus i bhfianaise gur dual d'athruithe tarlú go sciobtha san eolaíocht agus sa teicneolaíocht araon, ba cheart na critéir i leith gníomhaíochtaí eacnamaíocha atá inbhuanaithe ó thaobh an chomhshaoil de a chur in oiriúint go rialta do na hathruithe sin. Chun go mbeidh na critéir cothrom le dáta, bunaithe ar fhianaise eolaíoch agus ar ionchur ó shaineolaithe chomh maith le páirtithe leasmhara ábhartha, ba cheart na coinníollacha maidir le rannchuidiú mór agus dochar suntasach a mhionsonrú tuilleadh i leith gníomhaíochtaí eacnamaíocha éagsúla agus ba cheart iad a thabhairt cothrom le dáta go rialta. Chuige sin, ba cheart don Choimisiún critéir scagtha theicniúla, atá mionsonraithe agus calabraithe, a leagan síos i leith na ngníomhaíochtaí eacnamaíocha difriúla, ar bhonn an ionchuir theicniúil ó Ardán maidir le Maoiniú Inbhuanaithe, ar ardán ilpháirtithe leasmhara é.

(23)Bíonn drochthionchar ag roinnt gníomhaíochtaí eacnamaíocha ar an gcomhshaol, agus is féidir rannchuidiú go mór le cuspóir comhshaoil amháin nó níos mó ach an drochthionchar sin a laghdú. I gcás na ngníomhaíochtaí eacnamaíocha sin, is iomchuí critéir scagtha theicniúla a leagan síos lena gceanglaítear feabhas mór a chur ar fheidhmíocht chomhshaoil i gcomparáid le meán an tionscail, inter alia. Ba cheart tionchar fadtéarmach gníomhaíochta eacnamaíche ar leith a mheas sna critéir sin freisin.

(24)Níor cheart a mheas go bhfuil gníomhaíocht eacnamaíoch inbhuanaithe ó thaobh an chomhshaoil de más mó an dochar a dhéantar don chomhshaol dá barr ná na sochair a thugtar léi. Ba cheart a aithint leis na critéir scagtha theicniúla na ceanglais íosta is gá chun dochar suntasach do chuspóirí eile a sheachaint. Agus na critéir scagtha theicniúla á mbunú agus á dtabhairt cothrom le dáta, ba cheart don Choimisiún a áirithiú go bhfuil na critéir sin bunaithe ar fhianaise eolaíoch atá ar fáil agus go dtugtar cothrom le dáta iad go rialta. I gcás ina bhfágann an mheastóireacht eolaíoch nach féidir an riosca a chinneadh le deimhneacht leordhóthanach, ba cheart feidhm a bheith ag prionsabal an réamhchúraim, i gcomhréir le hAirteagal 191 CFAE.

(25)Agus na critéir scagtha theicniúla á mbunú agus á dtabhairt cothrom le dáta, ba cheart don Choimisiún dlí ábhartha an Aontais a chur san áireamh, chomh maith le hionstraimí neamhreachtacha an Aontais atá i bhfeidhm cheana féin, lena náirítear Rialachán (CE) 66/2010 ó Pharlaimint na hEorpa agus ón gComhairle 37 , Scéim AE um Bainistíocht agus Iniúchadh Comhshaoil 38 , critéir AE um Sholáthar Poiblí Glas 39 agus an obair leanúnach ar na rialacha maidir le Lorg Comhshaoil Táirgí agus Eagraíochtaí 40 . Chun neamhréireachtaí neamhriachtanacha le haicmithe ar ghníomhaíochtaí eacnamaíocha atá ann cheana chun críocha eile a sheachaint, ba cheart don Choimisiún na haicmithe staidrimh a bhaineann leis an Earnáil Earraí agus Seirbhísí Comhshaoil a chur san áireamh freisin, eadhon Aicmiú na nGníomhaíochtaí agus an Chaiteachais maidir le Cosaint an Chomhshaoil (CEPA) agus Aicmiú na nGníomhaíochtaí Bainistithe Acmhainní (CReMA) 41 .

(26)Agus na critéir scagtha theicniúla á mbunú agus á dtabhairt cothrom le dáta, ba cheart don Choimisiún sainiúlachtaí earnáil an bhonneagair, agus seachtrachtaí comhshaoil, sóisialta agus eacnamaíocha a chur san áireamh laistigh d'anailís chostais agus tairbhe. Maidir leis sin, ba cheart don Choimisiún breithniú a dhéanamh ar an obair a dhéanann eagraíochtaí idirnáisiúnta, amhail ECFE, ar reachtaíocht agus caighdeáin ábhartha an Aontais, lena náirítear Treoir 2001/42/CE ó Pharlaimint na hEorpa agus ón gComhairle 42 , Treoir 2011/92/AE ó Pharlaimint na hEorpa agus ón gComhairle 43 , Treoir 2014/23/AE ó Pharlaimint na hEorpa agus ón gComhairle 44 , Treoir 2014/24/AE ó Pharlaimint na hEorpa agus ón gComhairle 45 , Treoir 2014/25/AE ó Pharlaimint na hEorpa agus ón gComhairle 46 , agus ar an modheolaíocht atá ann faoi láthair. Sa chomhthéacs sin, ba cheart creataí rialachais iomchuí a chur chun cinn leis na critéir scagtha theicniúla, ar creataí iad lena ndéantar comhtháthú ar thosca comhshaoil, sóisialta agus rialachais, dá dtagraítear sna Prionsabail um Infheistíocht Fhreagrach 47 a dtacaíonn na Náisiúin Aontaithe leo, i ngach céim de shaolré thionscadail.

(27)Chun saobhadh iomaíochta a sheachaint agus maoiniú á thiomsú i gcomhair gníomhaíochtaí eacnamaíocha atá inbhuanaithe ó thaobh an chomhshaoil de, ba cheart a áirithiú leis na critéir scagtha theicniúla gur féidir le gach gníomhaíocht eacnamaíoch ábhartha laistigh d'earnáil shonrach cáiliú mar cheann atá inbhuanaithe ó thaobh an chomhshaoil de agus go gcaithfear go cothrom leo más é an méid céanna rannchuidithe a bhíonn i gceist leo i dtaca le ceann amháin nó níos mó de na cuspóirí comhshaoil a leagtar amach sa Rialachán seo. D'fhéadfadh éagsúlacht a bheith i gceist idir earnálacha ó thaobh cumas féideartha chun rannchuidiú leis na cuspóirí comhshaoil sin, áfach, agus ba cheart é sin a léiriú sna critéir. Laistigh de gach earnáil, áfach, níor cheart go bhfágfadh na critéir sin go mbeadh gníomhaíocht eacnamaíoch faoi mhíbhuntáiste éagórach i gcomparáid le ceann eile má bhíonn an méid céanna rannchuidithe i gceist leis an gcéad cheann i dtaca leis na cuspóirí comhshaoil agus a bhíonn i gceist leis an dara ceann.

(28)Agus critéir scagtha theicniúla á mbunú aige, ba cheart don Choimisiún a mheasúnú an mbeadh glacadh na gcritéar sin i leith gníomhaíochtaí atá inbhuanaithe ó thaobh an chomhshaoil de ina chúis le sócmhainní tréigthe nó an mbeadh dreasachtaí neamhréireacha ann dá mbarr, agus an mbeadh aon drochthionchar aige ar leachtacht sna margaí airgeadais.

(29)Chun ualach rómhór costas comhlíontachta ar oibreoirí eacnamaíocha a sheachaint, ba cheart don Choimisiún critéir scagtha theicniúla a bhunú lena ndéanfar foráil maidir le soiléire dhlíthiúil leordhóthanach, ar critéir iad atá indéanta agus is féidir a chur i bhfeidhm go héasca, agus ar féidir comhlíonadh na gcritéar sin a fhíorú laistigh de theorainneacha réasúnta i dtaobh costais chomhlíontachta.

(30)Chun a áirithiú go ndéantar infheistíochtaí a threorú i dtreo gníomhaíochtaí eacnamaíocha a mbeidh an tionchar dearfach is mó acu ar na cuspóirí comhshaoil, ba cheart don Choimisiún tosaíocht a thabhairt do chritéir scagtha theicniúla a bhunú i leith na ngníomhaíochtaí eacnamaíocha a d'fhéadfadh an rannchuidiú ba mhó a bheith i gceist leo i dtaca leis na cuspóirí comhshaoil.

(31)Ba cheart critéir scagtha theicniúla iomchuí a bhunú don earnáil iompair, lena náirítear le haghaidh sócmhainní soghluaiste, agus ba cheart a chur san áireamh iontu gur ón earnáil iompair, lena náirítear loingseoireacht idirnáisiúnta, a thagann gar do 26% d'iomlán na nastaíochtaí gás ceaptha teasa san Aontas. Mar a léirítear sa Phlean Gníomhaíochta maidir le Fás Inbhuanaithe a Mhaoiniú 48 , is san earnáil iompair atá thart ar 30% de na riachtanais infheistíochta bliantúla breise don fhorbairt inbhuanaithe san Aontas, lena náirítear trí chur leis an leictriú nó trí aistriú chuig modhanna iompair ar glaine iad ná mar a bhí trí athrú modha agus bainistíocht tráchta a chur chun cinn.

(32)Agus forbairt na gcritéar scagtha teicniúil á hullmhú ag an gCoimisiún, is gá dó dul i mbun comhairliúcháin iomchuí i gcomhréir le ceanglais maidir le Rialáil Níos Fearr agus tá tábhacht ar leith leis sin. Ba cheart páirtithe leasmhara ábhartha a bheith páirteach sa phróiseas faoina mbunófar na critéir scagtha theicniúla agus faoina dtabharfar cothrom le dáta iad, agus ba cheart an próiseas sin a thógáil ar chomhairle ó shaineolaithe a bhfuil eolas agus taithí chruthaithe acu sna réimsí ábhartha. Chun na críche sin, ba cheart don Choimisiún Ardán maidir le maoiniú inbhuanaithe a bhunú. Ba cheart an tArdán sin a bheith comhdhéanta de shaineolaithe lena ndéantar ionadaíocht ar an earnáil phoiblí agus ar an earnáil phríobháideach araon. Ba cheart saineolaithe ón nGníomhaireacht Eorpach Comhshaoil, ó na hÚdaráis Mhaoirseachta Eorpacha agus ón mBanc Eorpach Infheistíochta a áireamh le hionadaithe na hearnála poiblí. Ba cheart ionadaithe de chuid páirtithe leasmhara ábhartha, lena náirítear gníomhaithe margaidh airgeadais, ollscoileanna, institiúidí taighde, comhlachais agus eagraíochtaí a áireamh le saineolaithe na hearnála príobháidí. Ba cheart don Ardán comhairle a chur ar an gCoimisiún maidir le critéir scagtha theicniúla a fhorbairt, a anailísiú agus a athbhreithniú, lena náirítear a dtionchar féideartha ar luacháil sócmhainní ar measadh, go dtí glacadh na gcritéar scagtha teicniúil, gur shócmhainní glasa iad faoi chleachtais mhargaidh atá ann cheana. Ina theannta sin, ba cheart don Ardán comhairle a chur ar an gCoimisiún maidir le hoiriúnacht na gcritéar scagtha teicniúil le haghaidh tuilleadh úsáidí i dtionscnaimh bheartais de chuid an Aontais amach anseo a bheidh dírithe ar infheistíocht inbhuanaithe a éascú.

(33)Chun na ceanglais a leagtar amach sa Rialachán seo a shonrú, agus go háirithe chun critéir scagtha theicniúla atá mionsonraithe agus calabraithe a bhunú agus a thabhairt cothrom le dáta i leith gníomhaíochtaí eacnamaíocha éagsúla maidir lena bhfuil i gceist le rannchuidiú mór leis na cuspóirí comhshaoil agus dochar suntasach dóibh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca leis an bhfaisnéis is gá chun an oibleagáid nochta a leagtar amach in Airteagal 4(3) a chomhlíonadh, agus i dtaca leis na critéir scagtha theicniúla a luaitear in Airteagal 6(2), Airteagal 7(2), Airteagal 8(2), Airteagal 9(2), Airteagal 10(2) agus Airteagal 11(2). Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena náirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach maidir le Reachtóireacht Níos Fearr an 13 Aibreán 2016. Go sonrach, chun rannpháirtíocht chomhionann in ullmhú gníomhartha tarmligthe a áirithiú, ba cheart do Pharlaimint na hEorpa agus don Chomhairle na doiciméid uile a fháil an tráth céanna le saineolaithe na mBallstát, agus ba cheart rochtain chórasach a bheith ag saineolaithe Pharlaimint na hEorpa agus na Comhairle ar chruinnithe de shainghrúpaí de chuid an Choimisiúin a bhíonn ag plé le hullmhú gníomhartha tarmligthe.

(34)Chun dóthain ama a fhágáil ag na gníomhaithe ábhartha go léir chun dul i dtaithí ar na critéir i leith gníomhaíochtaí eacnamaíocha atá inbhuanaithe ó thaobh an chomhshaoil de a leagtar amach sa Rialachán seo agus chun ullmhú lena gcur i bhfeidhm, ba cheart na hoibleagáidí a leagtar amach sa Rialachán seo a bheith infheidhme, i leith gach cuspóra comhshaoil, sé mhí tar éis ghlacadh na gcritéar scagtha teicniúil ábhartha.

(35)Ba cheart athbhreithniú rialta a dhéanamh ar chur i bhfeidhm an Rialacháin seo chun measúnú a dhéanamh ar an dul chun cinn maidir le forbairt critéar scagtha teicniúil i leith gníomhaíochtaí atá inbhuanaithe ó thaobh an chomhshaoil de, chun measúnú a dhéanamh ar an úsáid atá á baint as an sainmhíniú ar infheistíocht atá inbhuanaithe ó thaobh an chomhshaoil de, agus chun a mheas an gá sásra fíoraithe a bhunú ionas go gcomhlíonfar na hoibleagáidí. Ba cheart a áireamh san athbhreithniú freisin measúnú i dtaobh ar cheart raon feidhme an Rialacháin seo a leathnú chun cuspóirí inbhuanaitheachta sóisialta a chumhdach.

(36)Ós rud é nach féidir leis na Ballstáit féin cuspóirí an Rialacháin seo a ghnóthú go leordhóthanach, ach gur fearr is féidir iad a ghnóthú ar leibhéal an Aontais, mar gheall ar an ngá atá le critéir aonfhoirmeacha a thabhairt isteach ar leibhéal an Aontais i leith gníomhaíochtaí eacnamaíocha atá inbhuanaithe ó thaobh an chomhshaoil de, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú,

TAR ÉIS AN RIALACHÁN SEO A GHLACADH:

Caibidil I

Ábhar, raon feidhme agus sainmhínithe

Airteagal 1
Ábhar agus raon feidhme

1.Bunaítear leis an Rialachán seo na critéir chun a chinneadh an bhfuil gníomhaíocht eacnamaíoch inbhuanaithe ó thaobh an chomhshaoil de chun críocha inbhuanaitheacht comhshaoil infheistíochta a shuíomh.

2.Beidh feidhm ag an Rialachán seo maidir leis an méid seo a leanas:

(a)bearta arna nglacadh ag na Ballstáit nó ag an Aontas lena leagtar amach aon cheanglais atá ar ghníomhaithe margaidh i leith táirgí airgeadais nó bannaí corparáideacha arna margú mar chinn atá inbhuanaithe ó thaobh an chomhshaoil de.

(b)rannpháirtithe sa mhargadh airgeadais a thairgeann táirgí airgeadais mar infheistíochtaí atá inbhuanaithe ó thaobh an chomhshaoil de nó mar infheistíochtaí a bhfuil tréithe comhchosúla acu.

Airteagal 2
Sainmhínithe

1.Chun críocha an Rialacháin seo, beidh feidhm ag na sainmhínithe seo a leanas:

(a)ciallaíonn 'infheistíocht atá inbhuanaithe ó thaobh an chomhshaoil de' infheistíocht lena ndéantar cistiú ar ghníomhaíocht eacnamaíoch amháin nó roinnt gníomhaíochtaí eacnamaíocha a cháilíonn faoin Rialachán seo mar chinn atá inbhuanaithe ó thaobh an chomhshaoil de;

(b)ciallaíonn 'rannpháirtithe sa mhargadh airgeadais' rannpháirtithe sa mhargadh airgeadais mar a shainmhínítear iad in Airteagal 2(a) de [togra ón gCoimisiún le haghaidh Rialachán maidir le nochtaí a bhaineann le hinfheistíochtaí inbhuanaithe agus rioscaí hinbhuanaitheachta agus lena leasaítear Treoir (AE) 2016/2341];

(c)ciallaíonn 'táirgí airgeadais' táirgí airgeadais mar a shainmhínítear iad in Airteagal 2(j) de [togra ón gCoimisiún le haghaidh Rialachán maidir le nochtaí a bhaineann le hinfheistíochtaí inbhuanaithe agus rioscaí inbhuanaitheachta agus lena leasaítear Treoir (AE) 2016/2341];

(d)ciallaíonn 'maolú ar an athrú aeráide' an próiseas a bhaineann leis an méadú ar an meánteocht dhomhanda á choimeád go mór faoi bhun 2 °C os cionn na leibhéal réamhthionsclaíoch, agus an méadú teochta a theorannú do 1.5 °C os cionn na leibhéal réamhthionsclaíoch;

(e)ciallaíonn 'oiriúnú don athrú aeráide' an próiseas chun oiriúnú don aeráid iarbhír agus don aeráid a bhfuiltear ag súil léi agus dá héifeachtaí;

(f)ciallaíonn 'gás ceaptha teasa' gás ceaptha teasa a liostaítear in Iarscríbhinn I a ghabhann le Rialachán (AE) Uimh. 525/2013 ó Pharlaimint na hEorpa agus ón gComhairle 49 ;

(g)ciallaíonn 'geilleagar ciorclach' luach táirgí, ábhar agus acmhainní sa gheilleagar a choinneáil a fhad agus is féidir, agus dramhaíl a íoslaghdú, lena náirítear trí chur i bhfeidhm an ordlathais dramhaíola a leagtar síos in Airteagal 4 de Threoir 2008/98/CE ó Pharlaimint na hEorpa agus ón gComhairle 50 ;

(h)ciallaíonn 'truailliú':

(i)substaintí, creathadh, teas, torann nó truailleáin eile a thabhairt isteach, go díreach nó go hindíreach, mar thoradh ar ghníomhaíocht an duine, san aer, san uisce nó sa talamh, ar substaintí, creathadh, teas, torann nó truailleáin eile iad a d'fhéadfadh a bheith díobhálach do shláinte an duine nó do cháilíocht an chomhshaoil, a d'fhéadfadh damáiste a dhéanamh do mhaoin ábhartha, nó a d'fhéadfadh dochar a dhéanamh do thaitneamhachtaí agus d'úsáidí dlisteanacha eile a bhaintear as an gcomhshaol nó cur isteach orthu;

(ii)i gcomhthéacs na muirthimpeallachta, truailliú mar a shainmhínítear é in Airteagal 3(8) de Threoir 2008/56/CE ó Pharlaimint na hEorpa agus ón gComhairle 51 ;

(i)ciallaíonn 'éiceachóras sláintiúil' éiceachóras atá i riocht maith fisiceach, ceimiceach agus bitheolaíoch nó ar dhea-chaighdeán fisiceach, ceimiceach agus bitheolaíoch;

(j)ciallaíonn 'éifeachtúlacht fuinnimh' úsáid a bhaint as fuinneamh ar shlí níos éifeachtúla i ngach céim den slabhra fuinnimh ó tháirgeadh go dtí an tomhaltas deiridh;

(k)ciallaíonn 'dea-stádas comhshaoil' dea-stádas comhshaoil mar a shainmhínítear é in Airteagal 3(5) de Threoir 2008/56/CE;

(l)ciallaíonn 'uiscí mara' uiscí mara mar a shainmhínítear iad in Airteagal 3(1) de Threoir 2008/56/CE;

(m)beidh le 'uisce dromchla', 'uisce intíre', 'uiscí idirchriosacha' agus 'uisce cósta' an chiall chéanna atá leo i bpointí (1), (3), (6) agus (7) d'Airteagal 2 de Threoir 2000/60/CE 52 ;

(n)ciallaíonn 'bainistiú inbhuanaithe ar fhoraoisí' úsáid a bhaint as foraoisí agus talamh foraoise ar bhealach, agus ar ráta, lena gcoinnítear a mbithéagsúlacht, a dtáirgiúlacht, a gcumas athghiniúna, a mbeogacht agus a gcumas chun feidhmeanna ábhartha éiceolaíocha, eacnamaíocha agus sóisialta a chomhlíonadh, anois agus amach anseo, ar an leibhéal áitiúil, ar an leibhéal náisiúnta agus ar an leibhéal domhanda, agus nach bhfágtar dá mbarr go ndéantar damáiste d'éiceachórais eile.

Caibidil II

Gníomhaíochtaí eacnamaíocha atá inbhuanaithe ó thaobh an chomhshaoil de

Airteagal 3
Critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de

Chun críocha inbhuanaitheacht comhshaoil infheistíochta a shuíomh, beidh gníomhaíocht eacnamaíoch inbhuanaithe ó thaobh an chomhshaoil de i gcás ina gcomhlíonann an ghníomhaíocht sin na critéir seo a leanas go léir:

(a)rannchuidíonn an ghníomhaíocht eacnamaíoch go mór le ceann amháin nó níos mó de na cuspóirí comhshaoil a leagtar amach in Airteagal 5 i gcomhréir le hAirteagal 6 go hAirteagal 11;

(b)ní dhéanann an ghníomhaíocht eacnamaíoch dochar suntasach d'aon cheann de na cuspóirí comhshaoil a leagtar amach in Airteagal 5 i gcomhréir le hAirteagal 12;

(c)déantar an ghníomhaíocht eacnamaíoch i gcomhréir leis na coimircí íosta a leagtar síos in Airteagal 13;

(d)comhlíonann an ghníomhaíocht eacnamaíoch critéir scagtha theicniúla, i gcás inar shonraigh an Coimisiún na critéir sin i gcomhréir le hAirteagail 6(2), 7(2), 8(2), 9(2), 10(2) agus 11(2).

Airteagal 4
Úsáid a bhaint as na critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de

1.Cuirfidh na Ballstáit i bhfeidhm na critéir leis na gníomhaíochtaí eacnamaíocha atá inbhuanaithe ó thaobh an chomhshaoil de a chinneadh, a leagtar amach in Airteagal 3, chun críocha aon bhearta lena leagtar síos ceanglais ar ghníomhaithe margaidh i leith táirgí airgeadais nó bannaí corparáideacha a mhargaítear mar chinn atá 'inbhuanaithe ó thaobh an chomhshaoil de'.

2.I gcás rannpháirtithe sa mhargadh airgeadais a thairgeann táirgí airgeadais mar infheistíochtaí atá inbhuanaithe ó thaobh an chomhshaoil de, nó mar infheistíochtaí a bhfuil tréithe comhchosúla leo, nochtfaidh siad faisnéis i ndáil leis an dóigh agus lena mhéid a úsáidtear na critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de a leagtar amach in Airteagal 3 chun inbhuanaitheacht comhshaoil na hinfheistíochta a chinneadh. I gcás ina measann rannpháirtithe sa mhargadh airgeadais, maidir le gníomhaíocht eacnamaíoch nach gcomhlíonann na critéir scagtha theicniúla a leagtar amach i gcomhréir leis an Rialachán seo nó nach bhfuil na critéir scagtha theicniúla sin bunaithe fós ina leith, gur cheart í a mheas mar cheann atá inbhuanaithe ó thaobh an chomhshaoil de, féadfaidh siad an Coimisiún a chur ar an eolas faoi sin.

3.Glacfaidh an Coimisiún gníomhartha tarmligthe i gcomhréir le hAirteagal 16 chun mír 2 a fhorlíonadh d'fhonn sonrú a dhéanamh ar an bhfaisnéis is gá chun an mhír sin a chomhlíonadh, agus na critéir scagtha theicniúla a leagtar amach i gcomhréir leis an Rialachán seo á gcur san áireamh aige. Leis an bhfaisnéis sin, beidh infheisteoirí in ann na nithe seo a leanas a shainaithint:

(a)céatadán na sealúchas a bhaineann le cuideachtaí a dhéanann gníomhaíochtaí eacnamaíocha atá inbhuanaithe ó thaobh an chomhshaoil de;

(b)an sciar den infheistíocht lena ndéantar cistiú ar ghníomhaíochtaí eacnamaíocha atá inbhuanaithe ó thaobh an chomhshaoil de mar chéatadán de na gníomhaíochtaí eacnamaíocha go léir. 

4.Glacfaidh an Coimisiún an gníomh tarmligthe i gcomhréir le mír 3 faoin 31 Nollaig 2019 d'fhonn a áirithiú go dtiocfaidh sé i bhfeidhm an 1 Iúil 2020. Féadfaidh an Coimisiún an gníomh tarmligthe sin a leasú, go háirithe i bhfianaise leasuithe ar na gníomhartha tarmligthe arna nglacadh i gcomhréir le hAirteagal 6(2), le hAirteagal 7(2), le hAirteagal 8(2), le hAirteagal 9(2), le hAirteagal 10(2) agus le hAirteagal 11(2).

Airteagal 5
Cuspóirí comhshaoil

Chun críocha an Rialacháin seo, beidh siad seo a leanas ina gcuspóirí comhshaoil:

(1)maolú ar an athrú aeráide;

(2)oiriúnú don athrú aeráide;

(3)úsáid inbhuanaithe a bhaint as uisce agus acmhainní mara agus iad a chosaint;

(4)aistriú chuig geilleagar ciorclach, cosc agus athchúrsáil ar dhramhaíl;

(5)cosc agus rialú ar thruailliú;

(6)éiceachórais shláintiúla a chosaint.

Airteagal 6
Rannchuidiú mór le maolú ar an athrú aeráide

1.Measfar go rannchuidíonn gníomhaíocht eacnamaíoch go mór le maolú ar an athrú aeráide i gcás ina rannchuidíonn an ghníomhaíocht sin go mór le cobhsú na dtiúchan gás ceaptha teasa san atmaisféar ar leibhéal a chuireann cosc ar thrasnaíocht chontúirteach antrapaigineach leis an gcóras aeráide trí astaíochtaí gás ceaptha teasa a sheachaint nó a laghdú nó trí fheabhas a chur ar bhaint gás ceaptha teasa trí aon cheann de na modhanna seo a leanas, lena náirítear trí nuálaíocht phróisis nó táirge:

(a)fuinneamh in-athnuaite nó fuinneamh a bheadh neodrach ó thaobh aeráide de a ghiniúint, a stóráil nó a úsáid (lena náirítear fuinneamh atá neodrach ó thaobh carbóin de), lena náirítear trí leas a bhaint as teicneolaíocht nuálach a bhféadfaí coigilteas suntasach a dhéanamh sa todhchaí dá barr nó trí atreisiú riachtanach na greille;

(b)éifeachtúlacht fuinnimh a fheabhsú;

(c)cur le soghluaisteacht ghlan nó soghluaisteacht atá neodrach ó thaobh aeráide de;

(d)aistriú chuig úsáid a bhaint as ábhair in-athnuaite;

(e)cur leis an úsáid a bhaintear as gabháil agus stóráil carbóin;

(f)astaíochtaí antrapaigineacha gás ceaptha teasa a chéimniú amach, lena náirítear i gcás breoslaí iontaise;

(g)bonneagar fuinnimh a bhunú is gá chun dícharbónú a dhéanamh ar chórais fuinnimh;

(h)breoslaí glana, éifeachtúla a tháirgeadh ó fhoinsí in-athnuaite nó ó fhoinsí atá neodrach ó thaobh carbóin de.

2.Déanfaidh an Coimisiún gníomhartha tarmligthe a ghlacadh i gcomhréir le hAirteagal 16 chun:

(a)    mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór le maolú ar an athrú aeráide;

(b)    Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 i ngníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 31 Nollaig 2019, d'fhonn a áirithiú go dtiocfaidh sé i bhfeidhm an 1 Iúil 2020.

Airteagal 7
Rannchuidiú mór le hoiriúnú don athrú aeráide

1.Measfar go rannchuidíonn gníomhaíocht eacnamaíoch go mór le hoiriúnú don athrú aeráide i gcás ina rannchuidíonn an ghníomhaíocht sin go mór le laghdú a dhéanamh ar éifeachtaí diúltacha na haeráide atá ann faoi láthair agus na haeráide a mheastar a bheidh ann sa todhchaí nó go gcuireann sí cosc ar mhéadú nó aistriú ar éifeachtaí diúltacha an athraithe aeráide, trí na modhanna seo a leanas:

(a)éifeachtaí diúltacha an athraithe aeráide ar an ngníomhaíocht eacnamaíoch a chosc nó a laghdú, ar éifeachtaí iad a bhaineann le suíomh nó comhthéacs sonrach, agus a ndéanfar iad a mheasúnú agus a chur in ord tosaíochta ag baint úsáid as réamh-mheastacháin aeráide atá ar fáil;

(b)cosc nó laghdú a dhéanamh ar na héifeachtaí diúltacha a d'fhéadfadh a bheith ag an athrú aeráide ar an timpeallacht nádúrtha agus ar an timpeallacht thógtha ina ndéantar an ghníomhaíocht eacnamaíoch, ar éifeachtaí diúltacha iad a dhéanfar a mheasúnú agus a chur in ord tosaíochta ag baint úsáid as réamh-mheastacháin aeráide atá ar fáil.

2.Glacfaidh an Coimisiún gníomh tarmligthe i gcomhréir le hAirteagal 16 chun:

(a)mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór le hoiriúnú don athrú aeráide;

(b)Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 le chéile in aon ghníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 31 Nollaig 2019, d'fhonn a áirithiú go dtiocfaidh sé i bhfeidhm an 1 Iúil 2020.

Airteagal 8
Rannchuidiú mór le húsáid inbhuanaithe a bhaint as uisce agus acmhainní mara agus iad a chosaint

1.Measfar go rannchuidíonn gníomhaíocht eacnamaíoch go mór le húsáid inbhuanaithe a bhaint as uisce agus acmhainní mara agus iad a chosaint i gcás ina rannchuidíonn an ghníomhaíocht sin go mór le dea-stádas uiscí, lena náirítear fionnuisce, uiscí idirchriosacha agus uiscí cósta, nó le dea-stádas comhshaoil uiscí mara, trí aon cheann de na modhanna seo a leanas:

(a)an comhshaol uisceach a chosaint ó éifeachtaí díobhálacha de bharr scaoileadh fuíolluisce uirbigh agus thionsclaíoch trína áirithiú go ndéantar bailiú agus cóireáil leordhóthanach ar fhuíolluisce uirbeach agus tionsclaíoch i gcomhréir le hAirteagail 3, 4, 5 agus 11 de Threoir 91/271/CEE ón gComhairle 53 ;

(b)sláinte an duine a chosaint ó éifeachtaí díobhálacha aon éillithe ar uisce óil trína áirithiú go bhfuil sé saor ó aon mhiocrorgánaigh, paraisítí agus substaintí a d'fhéadfadh sláinte an duine a chur i mbaol, agus go gcomhlíonann sé na ceanglais íosta a leagtar síos in Iarscríbhinn I, Cuid A agus Cuid B, a ghabhann le Treoir 98/83/CE ón gComhairle 54 , agus cur le rochtain saoránach ar uisce óil glan;

(c)uisce a asbhaint i gcomhréir le cuspóir an dea-stádais chainníochtúil mar a shainítear é i dtábla 2.1.2 in Iarscríbhinn V a ghabhann le Treoir 2000/60/CE;

(d)éifeachtúlacht uisce a fheabhsú, athúsáid uisce a éascú, nó aon ghníomhaíocht eile lena gcosnaítear nó lena bhfeabhsaítear cáilíocht dhobharlaigh an Aontais i gcomhréir le Treoir 2000/60/CE;

(e)úsáid inbhuanaithe seirbhísí éiceachórais mhuirí a áirithiú nó cur le dea-stádas comhshaoil uiscí muirí, arna chinneadh ar bhonn na dtuairisceoirí cáilíochtúla a leagtar amach in Iarscríbhinn I a ghabhann le Treoir 2008/56/CE agus mar a shonraítear tuilleadh i gCinneadh (AE) 2017/848 ón gCoimisiún 55 .

2.Glacfaidh an Coimisiún gníomh tarmligthe i gcomhréir le hAirteagal 16 chun:

(a)mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór le húsáid inbhuanaithe a bhaint as uisce agus acmhainní mara agus iad a chosaint;

(b)Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 le chéile in aon ghníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 1 Iúil 2022, d'fhonn a áirithiú go dtiocfaidh sé i bhfeidhm an 31 Nollaig 2022.

Airteagal 9
Rannchuidiú mór leis an ngeilleagar ciorclach agus le cosc agus athchúrsáil ar dhramhaíl

1.Measfar go rannchuidíonn gníomhaíocht eacnamaíoch go mór leis an aistriú chuig geilleagar ciorclach agus le cosc agus athchúrsáil ar dhramhaíl i gcás ina rannchuidíonn an ghníomhaíocht sin go mór leis an gcuspóir comhshaoil sin trí aon cheann de na modhanna seo a leanas:

(a)feabhas a chur ar úsáid éifeachtúil amhábhar i dtáirgeadh, lena náirítear trí laghdú a dhéanamh ar an úsáid a bhaintear as bun-amhábhair agus cur leis an úsáid a bhaintear as seachtháirgí agus dramhaíl;

(b)cur le marthanacht táirgí agus leis an acmhainneacht iad a dheisiú, a uasghrádú nó a athúsáid;

(c)cur lena mhéid is féidir táirgí a athchúrsáil, lena náirítear ábhair aonair atá i dtáirgí, inter alia trí úsáid a bhaint as táirgí agus ábhair eile in ionad cinn nach féidir a athchúrsáil nó trí laghdú a dhéanamh ar úsáid táirgí agus ábhar nach féidir a athchúrsáil;

(d)laghdú a dhéanamh ar chion na substaintí guaiseacha in ábhair agus táirgí;

(e)síneadh ama a chur le húsáid táirgí, lena náirítear trí chur le hathúsáid, le hathmhonarú, le huasghrádú, le deisiú agus le comhroinnt táirgí arna ndéanamh ag tomhaltóirí;

(f)cur leis an úsáid a bhaintear as amhábhair thánaisteacha agus lena gcáilíocht, lena náirítear trí athchúrsáil ardchaighdeán dramhaíola;

(g)giniúint dramhaíola a laghdú;

(h)cur leis an ullmhúchán le haghaidh athúsáid agus athchúrsáil dramhaíola;

(i)loscadh agus diúscairt dramhaíola a sheachaint;

(j)bruscar agus truailliú eile de bharr bainistiú dramhaíola míchuí a sheachaint agus a ghlanadh;

(k)úsáid éifeachtúil a bhaint as acmhainní fuinnimh nádúrtha.

2.Glacfaidh an Coimisiún gníomh tarmligthe i gcomhréir le hAirteagal 16 chun:

(a)mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór leis an ngeilleagar ciorclach agus le cosc agus athchúrsáil ar dhramhaíl;

(b)Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 le chéile in aon ghníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 1 Iúil 2021, d'fhonn a áirithiú go dtiocfaidh sé i bhfeidhm an 31 Nollaig 2021.

Airteagal 10
Rannchuidiú mór le cosc agus rialú ar thruailliú

1.Measfar go rannchuidíonn gníomhaíocht eacnamaíoch go mór le cosc agus rialú ar thruailliú i gcás ina rannchuidíonn an ghníomhaíocht sin le hardleibhéal cosanta don chomhshaol ó thruailliú trí aon cheann de na modhanna seo a leanas:

(a)laghdú a dhéanamh ar astaíochtaí truailleán aeir, uisce agus ithreach seachas gáis ceaptha teasa;

(b)leibhéil cháilíochta aeir, uisce nó ithreach a fheabhsú sna limistéir ina dtarlaíonn an ghníomhaíocht eacnamaíoch agus íoslaghdú a dhéanamh ar an drochthionchar ar shláinte an duine agus ar an gcomhshaol agus ar an mbaol ina leith;

(c)íoslaghdú a dhéanamh ar éifeachtaí díobhálacha suntasacha ar shláinte an duine agus ar an gcomhshaol de bharr táirgeadh agus úsáid ceimiceán.

2.Glacfaidh an Coimisiún gníomh tarmligthe i gcomhréir le hAirteagal 16 chun:

(a)mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad sin faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór le cosc agus rialú ar thruailliú;

(b)Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 le chéile in aon ghníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 1 Iúil 2021, d'fhonn a áirithiú go dtiocfaidh sé i bhfeidhm an 31 Nollaig 2021.

Airteagal 11
Rannchuidiú mór le héiceachórais shláintiúla a chosaint

1.Chun críocha an Rialacháin seo, measfar go rannchuidíonn gníomhaíocht eacnamaíoch go mór le héiceachórais shláintiúla i gcás ina rannchuidíonn an ghníomhaíocht sin go mór le cosaint, caomhnú agus feabhsú seirbhísí bithéagsúlachta agus éiceachórais i gcomhréir leis na hionstraimí reachtacha agus neamhreachtacha ábhartha de chuid an Aontais, trí aon cheann de na modhanna seo a leanas:

(a)caomhnú an dúlra (gnáthóga, speicis); éiceachórais a chosaint, a aisiriú agus an bhail atá orthu a fheabhsú, agus a gcumas i dtaobh seirbhísí a sholáthar a chosaint, a athbhunú agus a fheabhsú;

(b)bainistiú talún inbhuanaithe, lena náirítear cosaint leordhóthanach ar bhithéagsúlacht ithreach; neodracht i dtaobh díghrádú talún; agus láithreáin éillithe a fheabhsú;

(c)cleachtais talmhaíochta inbhuanaithe, lena náirítear iad siúd a rannchuidíonn le dífhoraoisiú agus caillteanas gnáthóige a stopadh nó a chosc;

(d)bainistiú inbhuanaithe ar fhoraoisí.

2.Glacfaidh an Coimisiún gníomh tarmligthe i gcomhréir le hAirteagal 16 chun:

(a)mír 1 a fhorlíonadh chun critéir scagtha theicniúla a bhunú le coinníollacha a chinneadh, ar coinníollacha iad faoina measfar, chun críocha an Rialacháin seo, go rannchuidíonn gníomhaíocht eacnamaíoch shonrach go mór le héiceachórais shláintiúla a chosaint;

(b)Airteagal 12 a fhorlíonadh chun critéir scagtha theicniúla a bhunú, maidir le gach cuspóir comhshaoil ábhartha, lena chinneadh an measfar, chun críocha an Rialacháin seo, go ndéanann gníomhaíocht eacnamaíoch a bhfuil critéir scagtha bunaithe ina leith de bhun phointe (a) den mhír seo dochar suntasach do cheann amháin nó níos mó de na cuspóirí sin.

3.Bunóidh an Coimisiún na critéir scagtha theicniúla dá dtagraítear i mír 2 le chéile in aon ghníomh tarmligthe amháin, agus na ceanglais a leagtar síos in Airteagal 14 á gcur san áireamh aige.

4.Glacfaidh an Coimisiún an gníomh tarmligthe dá dtagraítear i mír 2 faoin 1 Iúil 2022, d'fhonn a áirithiú go dtiocfaidh sé i bhfeidhm an 31 Nollaig 2022.

Airteagal 12
Dochar suntasach do chuspóirí comhshaoil

Chun críocha Airteagal 3(b), measfar go ndéanann gníomhaíocht eacnamaíoch dochar suntasach:

(a)do mhaolú ar an athrú aeráide, i gcás ina mbíonn an ghníomhaíocht sin ina cúis le méid suntasach astaíochtaí gás ceaptha teasa;

(b)d'oiriúnú don athrú aeráide, i gcás ina gcuirtear leis an éifeacht dhiúltach ar an aeráid atá ann faoi láthair, agus an aeráid a mheastar a bheidh ann, de bharr na gníomhaíochta sin, i gcás na timpeallachta nádúrtha agus na timpeallachta tógtha ina dtarlaíonn an ghníomhaíocht sin agus níos faide i gcéin;

(c)d'úsáid inbhuanaithe agus cosaint uisce agus acmhainní mara, i gcás ina ndéanann an ghníomhaíocht sin díobháil shuntasach do dhea-stádas uiscí an Aontais, lena náirítear fionnuisce, uiscí idirchriosacha agus uiscí cósta, nó do dhea-stádas comhshaoil uiscí mara de chuid an Aontais;

(d)don gheilleagar ciorclach agus do chosc agus athchúrsáil ar dhramhaíl, i gcás ina mbíonn neamhéifeachtúlachtaí suntasacha i gceist maidir le húsáid ábhar i gcéim amháin nó níos mó de shaolré táirgí de bharr na gníomhaíochta sin, lena náirítear i dtéarmaí marthanacht táirgí agus i dtaca leis an acmhainneacht iad a dheisiú, a uasghrádú, a athúsáid nó a athchúrsáil; nó i gcás ina dtagann méadú suntasach ar ghiniúint, ar loscadh nó ar dhiúscairt dramhaíola de bharr na gníomhaíochta sin;

(e)do chosc agus rialú ar thruailliú i gcás ina dtagann méadú suntasach ar astaíochtaí truailleán san aer, san uisce agus sa talamh de bharr na gníomhaíochta sin, i gcomparáid leis an gcás sular cuireadh tús leis an ngníomhaíocht sin;

(f)d'éiceachórais shláintiúla, i gcás ina ndéanann an ghníomhaíocht sin díobháil shuntasach do dhea-bhail éiceachóras.

Airteagal 13
Coimircí íosta

Is éard a bheidh sna coimircí íosta dá dtagraítear in Airteagal 3(c) nósanna imeachta arna gcur chun feidhme ag an ngnóthas a bhfuil gníomhaíocht eacnamaíoch á déanamh aige lena áirithiú go gcloífear leis na prionsabail agus na cearta a leagtar amach sna hocht gcoinbhinsiún bhunúsacha a shainaithnítear i ndearbhú na hEagraíochta Idirnáisiúnta Saothair maidir le Cearta agus Prionsabail Bhunúsacha ag an Obair, eadhon: maidir leis an gceart gan bheith faoi réir saothar éignithe, le saoirse comhlachais, le ceart oibrithe i dtaobh eagrúcháin, leis an gceart chun cómhargála, le luach saothair comhionann d'oibrithe fireanna agus d'oibrithe baineanna ar obair a mbaineann luach comhionann léi, le neamh-idirdhealú maidir le deiseanna agus cóir i dtaobh fostaíochta agus slí bheatha, chomh maith le ceart leanaí gan bheith faoi réir saothar leanaí, déantar iad a urramú.

Airteagal 14
Ceanglais maidir le critéir scagtha theicniúla

1.Maidir leis na critéir scagtha theicniúla arna nglacadh i gcomhréir le hAirteagail 6(2), 7(2), 8(2), 9(2), 10(2) agus 11(2):

(a)sainaithneofar leo an rannchuidiú féideartha is ábhartha leis an gcuspóir comhshaoil áirithe, agus iad á meas, ní hamháin ar bhonn tionchar gearrthéarmach, ach ar bhonn tionchar fadtéarmach gníomhaíochta eacnamaíche áirithe freisin;

(b)sonrófar iontu na ceanglais íosta nach mór a chomhlíonadh chun dochar suntasach d'aon cheann de na cuspóirí comhshaoil ábhartha a sheachaint;

(c)beidh siad cáilíochtúil nó cainníochtúil, nó iad araon, agus beidh tairseacha san áireamh iontu i gcás inar féidir;

(d)i gcás inarb iomchuí, beidh siad bunaithe ar scéimeanna lipéadaithe agus deimhniúcháin de chuid an Aontais, ar mhodheolaíochtaí de chuid an Aontais chun lorg comhshaoil a mheas, agus ar chórais aicmithe staidrimh de chuid an Aontais, agus cuirfear san áireamh iontu aon reachtaíocht ábhartha de chuid an Aontais atá ann cheana;

(e)beidh siad bunaithe ar fhianaise dhochloíte eolaíoch agus cuirfear san áireamh leo, i gcás inarb ábhartha, prionsabal an réamhchúraim a chumhdaítear in Airteagal 191 CFAE;

(f)cuirfear san áireamh leo tionchar na gníomhaíochta eacnamaíche féin ar an gcomhshaol, chomh maith leis an tionchar ar an gcomhshaol atá ag na táirgí agus na seirbhísí a sholáthraítear de bharr na gníomhaíochta eacnamaíche sin, go háirithe trína dtáirgeadh, trína núsáid agus trí dheireadh a ré a bhreithniú;

(g)cuirfear san áireamh leo cineál agus scála na gníomhaíochta eacnamaíche;

(h)cuirfear san áireamh leo an tionchar féideartha ar leachtacht sa mhargadh, an baol go bhféadfaí sócmhainní áirithe a thréigean mar thoradh ar luach a chailleadh mar gheall ar an aistriú chuig geilleagar atá níos inbhuanaithe, chomh maith leis an mbaol go gcruthófaí dreasachtaí neamhréireacha;

(i)cumhdófar leo gach gníomhaíocht eacnamaíoch ábhartha laistigh d'earnáil shonrach agus áiritheofar go gcaithfear go cothrom leis na gníomhaíochtaí sin má rannchuidíonn siad go cothrom le ceann amháin nó níos mó de na cuspóirí comhshaoil, chun saobhadh iomaíochta sa mhargadh a sheachaint;

(j)leagfar síos iad chun fíorú chomhlíonadh na gcritéar sin a éascú nuair is féidir é.

2.Áireofar leis na critéir scagtha theicniúla dá dtagraítear i mír 1 freisin critéir i leith gníomhaíochtaí a bhaineann leis an aistriú chuig fuinneamh glan, go háirithe éifeachtúlacht fuinnimh agus fuinneamh in-athnuaite, a mhéid a rannchuidíonn siad siúd go mór le haon cheann de na cuspóirí comhshaoil.

3.Áireofar freisin leis na critéir scagtha theicniúla dá dtagraítear i mír 1 critéir i leith gníomhaíochtaí a bhaineann leis an aistriú chuig soghluaisteacht ghlan nó soghluaisteacht atá neodrach ó thaobh na haeráide de, lena náirítear trí athrú modha, bearta éifeachtúlachta agus breoslaí malartacha, a mhéid a rannchuidíonn siad siúd go mór le haon cheann de na cuspóirí comhshaoil.

4.Déanfaidh an Coimisiún athbhreithniú rialta ar na critéir scagtha dá dtagraítear i mír 1 agus, más iomchuí, leasóidh sé na gníomhartha tarmligthe arna nglacadh i gcomhréir leis an Rialachán seo i gcomhréir le forbairtí eolaíochta agus teicneolaíochta.

Airteagal 15
Ardán maidir le Maoiniú Inbhuanaithe

1.Bunóidh an Coimisiún Ardán maidir le maoiniú inbhuanaithe ar a mbeidh:

(a)ionadaithe de chuid na neagraíochtaí seo a leanas:

(i)an Ghníomhaireacht Eorpach Comhshaoil;

(ii)na hÚdaráis Mhaoirseachta Eorpacha;

(iii)an Banc Eorpach Infheistíochta agus an Ciste Eorpach Infheistíochta;

(b)saineolaithe a bheidh ionadaíoch do pháirtithe leasmhara príobháideacha ábhartha;

(c)saineolaithe arna gceapadh i gcáil phearsanta, a bhfuil eolas agus taithí chruthaithe acu sna réimsí a chumhdaítear leis an Rialachán seo.

2.Déanfaidh an tArdán maidir le Maoiniú Inbhuanaithe an méid seo a leanas:

(a)cuirfidh sé comhairle ar an gCoimisiún maidir leis na critéir scagtha theicniúla dá dtagraítear in Airteagal 14, agus maidir leis an ngá a d'fhéadfadh a bheith ann na critéir sin a thabhairt cothrom le dáta;

(b)déanfaidh sé anailís ar thionchar na gcritéar scagtha teicniúil i dtéarmaí na gcostas agus na sochar féideartha a bhaineann lena gcur i bhfeidhm;

(c)cuideoidh sé leis an gCoimisiún anailís a dhéanamh ar iarratais ó pháirtithe leasmhara ar chritéir scagtha theicniúla a fhorbairt nó a athbhreithniú i leith gníomhaíocht eacnamaíoch áirithe;

(d)cuirfidh sé comhairle ar an gCoimisiún maidir le hoiriúnacht na gcritéar scagtha teicniúil i leith úsáidí breise a bhféadfaí a bhaint astu amach seo;

(e)déanfaidh sé faireachán ar shreafaí caipitil i dtreo infheistíocht inbhuanaithe agus tuairisceoidh sé go rialta don Choimisiún ina leith;

(f)cuirfidh sé comhairle ar an gCoimisiún maidir leis an ngá a d'fhéadfadh a bheith ann an Rialachán seo a leasú.

3.Beidh an tArdán maidir le Maoiniú Inbhuanaithe faoi chathaoirleacht an Choimisiúin.

Airteagal 16
An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar an chumhacht chun gníomhartha tarmligthe a ghlacadh dá dtagraítear in Airteagail 4(3), 6(2), 7(2), 8(2), 9(2), 10(2) agus 11(2) a thabhairt don Choimisiún go ceann tréimhse neamhchinntithe ama amhail ón [Dáta theacht i bhfeidhm an Rialacháin seo].

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear i mír 2 a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.

4.Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun Airteagail 4(3), 6(2), 7(2), 8(2), 9(2), 10(2) agus 11(2) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.

Caibidil III

Forálacha deiridh

Airteagal 17
Clásal athbhreithnithe

1.Faoin 31 Nollaig 2021 agus gach 3 bliana ina dhiaidh sin, foilseoidh an Coimisiún tuarascáil maidir le cur i bhfeidhm an Rialacháin seo. Déanfar meastóireacht sa tuarascáil sin ar na nithe seo a leanas:

(a)an dul chun cinn i ndáil le cur chun feidhme an Rialacháin seo maidir le forbairt na gcritéar scagtha teicniúil i leith gníomhaíochtaí eacnamaíocha atá inbhuanaithe ó thaobh an chomhshaoil de;

(b)an gá a d'fhéadfadh a bheith ann athbhreithniú a dhéanamh ar na critéir a leagtar amach sa Rialachán seo i dtaobh gníomhaíocht eacnamaíoch a mheas mar ghníomhaíocht atá inbhuanaithe ó thaobh an chomhshaoil de;

(c)a iomchuí atá sé cur le raon feidhme an Rialacháin seo chun cuspóirí inbhuanaitheachta eile a chumhdach, go háirithe cuspóirí sóisialta;

(d)an úsáid a bhaintear as an sainmhíniú ar infheistíocht atá inbhuanaithe ó thaobh an chomhshaoil de i ndlí an Aontais, agus ar leibhéal na mBallstát, lena náirítear a iomchuí atá sé sásra fíoraithe a bhunú maidir le comhlíonadh na gcritéar a leagtar amach sa Rialachán seo.

2.Cuirfear an tuarascáil chuig Parlaimint na hEorpa agus chuig an gComhairle. Déanfaidh an Coimisiún tograí a ghabhann leis nuair is iomchuí.

Airteagal 18
Teacht i bhfeidhm agus cur i bhfeidhm

1.Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2.Beidh feidhm ag Airteagal 3 go hAirteagal 13 den Rialachán seo:

(a)maidir leis na cuspóirí comhshaoil dá dtagraítear i bpointe (1) agus pointe (2) d'Airteagal 5, ón 1 Iúil 2020;

(b)maidir leis na cuspóirí comhshaoil dá dtagraítear i bpointe (4) agus pointe (5) d'Airteagal 5, ón 31 Nollaig 2021;

(c)maidir leis na cuspóirí comhshaoil dá dtagraítear i bpointe (3) agus pointe (6) d'Airteagal 5, ón 31 Nollaig 2022.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimsí beartais lena mbaineann

1.3.An cineál togra/tionscnaimh

1.4.Cuspóirí

1.5.Forais an togra/tionscnaimh

1.6.Fad agus tionchar airgeadais

1.7.Modhanna bainistíochta atá beartaithe

2.BEARTA BAINISTÍOCHTA

2.1.Rialacha faireacháin agus tuairiscithe

2.2.Córas bainistíochta agus rialaithe

2.3.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

3.2.3.An tionchar a mheastar a bheidh ag an togra/tionscnamh ar acmhainní daonna

3.2.4.Comhoiriúnacht don chreat airgeadais ilbhliantúil reatha

3.2.5.Ranníocaíochtaí ó thríú páirtithe

3.3.An tionchar a mheastar a bheidh ar ioncam

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimsí beartais lena mbaineann

1.3.An cineál togra/tionscnaimh

☑ Baineann an togra/tionscnamh le beart nua

◻ Baineann an togra/tionscnamh le beart nua a leanann treoirthionscadal/réamhbheart 56  

◻ Baineann an togra/tionscnamh le síneadh ar bheart atá ann cheana 

◻ Baineann an togra/tionscnamh le beart a atreoraíodh i dtreo beart nua 

1.4.Cuspóirí

1.4.1.Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe

1.4.2.Cuspóirí sonracha

1.4.3.An toradh agus an tionchar a bhfuil súil leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.4.4.Táscairí lena léireofar toradh agus tionchar

Sonraigh na táscairí lena léireofar an faireachán ar chur chun feidhme an togra/tionscnaimh.

1.5.Forais an togra/tionscnaimh

1.5.1.Na ceanglais is gá a chomhlíonadh sa ghearrthéarma nó san fhadtéarma

1.5.2.Breisluach atá le rannpháirteachas an Aontais (d’fhéadfadh an breisluach a bheith mar thoradh ar thosca éagsúla, e.g. gnóthachain de thoradh comhordú, deimhneacht dhlíthiúil, éifeachtacht mhéadaithe nó comhlántachtaí). Chun críocha an phointe seo, is é is ciall le 'breisluach atá le rannpháirteachas an Aontais' an luach a thagann as idirghabháil an Aontais atá sa bhreis ar an luach a bheadh le hidirghabháil na mBallstát dá mbeidís ag feidhmiú astu féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht d'ionstraimí iomchuí eile agus sineirgíocht a d'fhéadfadh a bheith ann

1.6.Fad agus tionchar airgeadais

◻ Togra/tionscnamh a bheidh i bhfeidhm ar feadh tréimhse theoranta

–◻    Togra/tionscnamh a bheidh i bhfeidhm ón [LL/MM]BBBB go dtí an [LL/MM]BBBB

–◻    Tionchar airgeadais ó BBBB go BBBB

☑ Togra/tionscnamh a bheidh i bhfeidhm ar feadh tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Modhanna bainistíochta atá beartaithe 57  

☑ Bainistíocht dhíreach a dhéanann an Coimisiún

–◻    trí ghníomhaireachtaí feidhmiúcháin

◻ Bainistíocht atá comhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas::

◻ eagraíochtaí idirnáisiúnta agus a ngníomhaireachtaí (tabhair sonraí);

◻BEI agus an Ciste Eorpach Infheistíochta;

☑ comhlachtaí dá dtagraítear in Airteagal 208 agus Airteagal 209;

◻ comhlachtaí dlí poiblí;

◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

Nótaí

2.BEARTA BAINISTÍOCHTA

2.1.Rialacha faireacháin agus tuairiscithe

Sonraigh minicíocht na mbeart agus na coinníollacha atá leo

2.2.Córas bainistíochta agus rialaithe

2.2.1.Na rioscaí a aithníodh.

2.2.2.Modhanna rialaithe atá beartaithe

2.3.Bearta chun calaois agus neamhrialtachtaí a chosc

Sonraigh bearta coisctheacha agus cosanta atá ann cheana nó atá beartaithe.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á niarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar a mheastar a bheidh ag an togra/tionscnamh ar chaiteachas

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

EUR milliúin (go dtí an tríú deachúil) 67

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

–◻    Ní éilíonn an togra/tionscnamh go núsáidfear leithreasuithe faoi chomhair oibríochtaí

–☑    Éilíonn an togra/tionscnamh go núsáidfear leithreasuithe faoi chomhair oibríochtaí mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.An tionchar a mheastar a bheidh ar acmhainní daonna

3.2.3.1.Achoimre

–◻    Ní éilíonn an togra/tionscnamh go núsáidfear leithreasuithe de chineál riaracháin

–☑    Éilíonn an togra/tionscnamh go núsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Glactar leis gurb é an 1 Eanáir 2020 an dáta earcaithe atá beartaithe.

Glactar leis gurb é an 1 Eanáir 2020 an dáta earcaithe atá beartaithe.

Glactar leis gurb é an 1 Eanáir 2020 an dáta earcaithe atá beartaithe.

Glactar leis gurb é an 1 Eanáir 2020 an dáta earcaithe atá beartaithe.

3.2.3.2.Na riachtanais acmhainní daonna a mheastar a bheidh ag an máthair-Ard-Stiúrthóireacht agus Ard-Stiúrthóireachtaí/Seirbhísí bainteacha

–◻    Ní éilíonn an togra/tionscnamh go núsáidfear acmhainní daonna.

–☑    Éilíonn an togra/tionscnamh go núsáidfear acmhainní daonna mar a mhínítear thíos:

Sloinnfear an meastachán i méideanna iomlána (nó go dtí an 1ú deachúil ar a mhéad)

Is é XX an réimse beartais nó an teideal buiséid lena mbaineann.

Cur síos ar na cúraimí a bheidh le déanamh:

Ba cheart tuairisc ar ríomh an chostais i gcomhair aonaid FTE (coibhéis lánaimseartha) a bheith ar áireamh i roinn 3 d'Iarscríbhinn V.

3.2.4.Comhoiriúnacht don chreat airgeadais ilbhliantúil reatha

–☑    Tá an togra/tionscnamh comhoiriúnach don chreat airgeadais ilbhliantúil reatha agus don togra le haghaidh creat airgeadais ilbhliantúil tar éis 2020.

–◻    Beidh athchlárú an cheannteidil ábhartha sa chreat airgeadais ilbhliantúil ag gabháil leis an togra/tionscnamh seo.

–◻    Éilíonn an togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil 93 .

3.2.5.Ranníocaíochtaí ó thríú páirtithe

–◻Ní dhéantar foráil sa togra/tionscnamh maidir le cómhaoiniú le tríú páirtithe.

–☑ Déantar foráil sa togra/tionscnamh maidir le cómhaoiniú atá réamh-mheasta thíos:

EUR milliúin (go dtí an tríú deachúil)

3.3.An tionchar a mheastar a bheidh ar ioncam

–☑    Ní bheidh tionchar airgeadais ar bith ag an togra ar ioncam..

–◻    Beidh an tionchar airgeadais seo a leanas ag an togra/tionscnamh:

–◻    ar acmhainní dílse

–◻    ar ioncam ilghnéitheach

EUR milliúin (go dtí an tríú deachúil)

I gcás ioncam ilghnéitheach atá 'sannta', sonraigh na línte buiséid a nimrítear tionchar orthu.

Sonraigh an modh chun an tionchar ar ioncam a ríomh. 

(1)    Leis na 17 sprioc forbartha inbhuanaithe, soláthraítear cuspóirí cáilíochtúla agus cainníochtúla do na 15 bliana amach romhainn chun muid féin a ullmhú don todhchaí agus a bheith ag obair i dtreo dhínit an duine, na cobhsaíochta, pláinéad sláintiúil, sochaithe atá cothrom agus athléimneach agus geilleagair atá faoi bhláth.

(2)    Tús Nua don Eoraip: Mo Chlár Oibre i ndáil le Poist, Fás, Cothromaíocht agus Athrú Daonlathach – Treoirlínte Polaitiúla don chéad Choimisiún Eorpach eile, Strasbourg, an 15 Iúil 2014, le fáil ag: https://ec.europa.eu/commission/sites/beta-political/files/juncker-political-guidelines-speech_en.pdf  

(3)    COM(2014) 0903 final.

(4)    COM(2015) 614 final.

(5)    COM(2015) 80 final.

(6)    Doiciméad Inmheánach Oibre de chuid an Choimisiúin maidir leis an athbhreithniú ar Straitéis Bhithgheilleagair na hEorpa 2012 (SWD(2017) 374 final).

(7)    COM(2015) 468 final.

(8)    Is é atá sa mheastachán ná meánbhearna bhliantúil infheistíochta don tréimhse 2021 go 2030, bunaithe ar réamh-mheastacháin ó shamhail PRIMES a d'úsáid an Coimisiún Eorpach sa Mheasúnú Tionchair ar an Togra i ndáil leis an Treoir maidir le hÉifeachtúlacht Fuinnimh (2016), atá le fáil ag: http://eur-lex.europa.eu/legal-content/EN/TXT/?qid=1483696687107&uri=CELEX:52016SC0405 .

(9)    Tuarascáil Deiridh Shainghrúpa Ardleibhéil AE maidir le Maoiniú Inbhuanaithe, Geilleagar Eorpach Inbhuanaithe a Mhaoiniú, le fáil ag: https://ec.europa.eu/info/sites/info/files/180131-sustainable-finance-final-report_en.pdf  

(10)    COM(2018) 97 final.

(11)    Cinneadh Uimh. 1386/2013/AE.

(12)    Treoir 2000/60/CE.

(13)    COM/2015/0614 final.

(14)    Treoir 2010/75/AE.

(15)    Rialachán (CE) Uimh. 66/2010.

(16)    Rialachán (CE) Uimh. 1893/2006 ó Pharlaimint na hEorpa agus ón gComhairle an 20 Nollaig 2006 lena mbunaítear aicmiú staidrimh gníomhaíochtaí eacnamaíocha NACE Rev. 2 agus lena leasaítear Rialachán (CEE) Uimh. 3037/90 ón gComhairle chomh maith le Rialacháin CE áirithe maidir le réimsí sonracha staidrimh (IO L 393/1, 30.12.2006, lch. 1)

(17)    Iarscríbhinn 4 agus Iarscríbhinn 5 a ghabhann le Rialachán (AE) Uimh. 538/2014 ó Pharlaimint na hEorpa agus ón gComhairle an 16 Aibreán 2014 lena leasaítear Rialachán (AE) Uimh. 691/2011 maidir le Cuntais Eorpacha Eacnamaíocha Chomhshaoil (IO L 158, 27.5.2014).

(18)    IO C , , lch. .

(19)    IO C , , lch. .

(20)    I mbun athraithe: Clár Oibre 2030 don Fhorbairt Inbhuanaithe (NA 2015) le fáil ag https://sustainabledevelopment.un.org/post2015/transformingourworld.

(21)    COM(2016) 739 final.

(22)    CO EUR 17, CONCL. 5.

(23)    Cinneadh (AE) 2016/1841 ón gComhairle an 5 Deireadh Fómhair 2016 maidir le tabhairt i gcrích, thar ceann an Aontais Eorpaigh, Chomhaontú Pháras a glacadh faoi Chreat-Choinbhinsiún na Náisiún Aontaithe ar an Athrú Aeráide (IO L 282, 19.10.2016, lch. 4).

(24)    Tuarascáil Deiridh Shainghrúpa Ardleibhéil AE maidir le Maoiniú Inbhuanaithe, Geilleagar Eorpach Inbhuanaithe a Mhaoiniú, le fáil ag: https://ec.europa.eu/info/sites/info/files/180131-sustainable-finance-final-report_en.pdf .

(25)    COM(2018) 97 final.

(26)    Cinneadh Uimh. 1386/2013/AE ó Pharlaimint na hEorpa agus ón gComhairle an 20 Samhain 2013 maidir le Clár Ginearálta Gníomhaíochta Comhshaoil an Aontais go dtí 2020 dar teideal 'Muid ag maireachtáil go maith, faoi shrianta ár bpláinéid' (IO L 354/171, 28.12.2013).

(27)    Rialachán (AE) 2017/2396 ó Pharlaimint na hEorpa agus ón gComhairle an 13 Nollaig 2017 lena leasaítear Rialachán (AE) Uimh. 1316/2013 agus Rialachán (AE) Uimh. 2015/1017 i ndáil le síneadh a chur le ré an Chiste Eorpaigh le haghaidh Infheistíochtaí Straitéiseacha chomh maith le feabhsuithe teicniúla ar an gCiste sin agus ar an Mol Comhairleach Eorpach maidir le hInfheistíocht a thabhairt isteach (IO L 345, 27.12.2017, lch. 34).

(28)    Treoir 2009/147/CE ó Pharlaimint na hEorpa agus ón gComhairle an 30 Samhain 2009 maidir le héin fhiáine a chaomhnú (IO L 020, 26.1.2010, lch. 7).

(29)    Treoir 92/43/CEE ón gComhairle an 21 Bealtaine 1992 maidir le gnáthóga nádúrtha agus fauna agus flóra fiáine a chaomhnú (IO L 206, 22.7.1992, lch. 7).

(30)    Rialachán (AE) Uimh. 1143/2014 ó Pharlaimint na hEorpa agus ón gComhairle an 22 Deireadh Fómhair 2014 maidir le tabhairt isteach agus leathadh speiceas coimhthíoch ionrach a chosc agus a bhainistiú (IO L 317, 4.11.2014, lch. 35).

(31)    Communication from the Commission to the European Parliament, the Council, the European Economic and Social Committee and the Committee of the Regions - Our life insurance, our natural capital: an EU biodiversity strategy to 2020 [Teachtaireacht ón gCoimisiún chuig Parlaimint na hEorpa, chuig an gComhairle, chuig an gCoiste Eacnamaíoch agus Sóisialta agus chuig Coiste na Réigiún – Ár nárachas saoil, ár gcaipiteal nádúrtha: straitéis bhithéagsúlachta AE go 2020] (COM/2011/0244 final).

(32)    Treoir 91/676 ón gComhairle an 12 Nollaig 1991 maidir le huiscí a chosaint ar thruailliú de bharr níotráití ó fhoinsí talmhaíochta (IO L 375, 31.12.1991, lch. 1).

(33)    Rialachán (AE) Uimh. 511/2014 ó Pharlaimint na hEorpa agus ón gComhairle an 16 Aibreán 2014 i ndáil le bearta comhlíonta d'úsáideoirí ó Phrótacal Nagoya maidir le Rochtain ar Acmhainní Géiniteacha agus Comhroinnt Chothrom agus Chothromasach na dTairbhí a eascraíonn as a nÚsáid san Aontas (IO L 150, 20.5.2014, lch. 59).

(34)    Rialachán (AE) Uimh. 995/2010 ó Pharlaimint na hEorpa agus ón gComhairle an 20 Deireadh Fómhair 2010 lena leagtar síos oibleagáidí na noibreoirí a chuireann adhmad agus táirgí adhmaid ar an margadh (IO L 295, 12.11.2010, lch. 23).

(35)    Communication from the Commission to the Council and the European Parliament - Forest Law Enforcement, Governance and Trade (FLEGT) - Proposal for an EU Action Plan [Teachtaireacht ón gCoimisiún chuig an gComhairle agus chuig Parlaimint na hEorpa – Forfheidhmiú an Dlí, Rialachas agus Trádáil i dtaca le Foraoisí (FLEGT) – Togra le haghaidh Plean Gníomhaíochta AE] (COM/2003/0251 final).

(36)    Communication from the Commission to the European Parliament, the Council, the European Economic and Social Committee and the Committee of the Regions - EU Action Plan against Wildlife Trafficking [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún – Plean Gníomhaíochta AE i gcoinne na Gáinneála ar Fhiadhúlra] (COM/2016/087 final).

(37)    Rialachán (CE) 66/2010 ó Pharlaimint na hEorpa agus ón gComhairle an 25 Samhain 2009 maidir le hÉicilipéad an AE (IO L 27, 30.1.2010, lch. 1).

(38)    Rialachán (CE) Uimh. 1221/2009 ó Pharlaimint na hEorpa agus ón gComhairle an 25 Samhain 2009 maidir le rannpháirtíocht shaorálach eagraíochtaí i scéim Chomhphobail um bainistíocht agus iniúchadh comhshaoil (EMAS), agus lena naisghairtear Rialachán (CE) Uimh. 761/2001, Cinneadh 2001/681/CE ón gCoimisiún agus Cinneadh 2006/193/CE ón gCoimisiún (IO L 342, 22.12.2009, lch. 1–45).

(39)    Communication from the Commission to the European Parliament, the Council, the European Economic and Social Committee and the Committee of the Regions Public procurement for a better environment [Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún Soláthar Poiblí le haghaidh comhshaol níos fearr] {SEC(2008) 2124} {SEC(2008) 2125} {SEC(2008) 2126} COM/2008/0400 final.

(40)    2013/179/AE: Commission Recommendation of 9 April 2013 on the use of common methods to measure and communicate the life cycle environmental performance of products and organisations [Moladh ón gCoimisiún an 9 Aibreán 2013 maidir le modhanna coiteanna a úsáid chun feidhmíocht chomhshaoil ​​saolré táirgí agus eagraíochtaí a thomhas agus a chur in iúl] (IO L 124, 4.5.2013, lch. 1–210).

(41)    Iarscríbhinn 4 agus Iarscríbhinn 5 a ghabhann le Rialachán (AE) Uimh. 538/2014 ó Pharlaimint na hEorpa agus ón gComhairle an 16 Aibreán 2014 lena leasaítear Rialachán (AE) Uimh. 691/2011 maidir le Cuntais Eorpacha Eacnamaíocha Chomhshaoil (IO L 158, 27.5.2014).

(42)    Treoir 2001/42/CE ó Pharlaimint na hEorpa agus ón gComhairle an 27 Meitheamh 2001 maidir le héifeachtaí pleananna agus clár áirithe ar an gcomhshaol a mheasúnú (IO L 197, 21.7.2001, lch. 30).

(43)    Treoir 2011/92/AE ó Pharlaimint na hEorpa agus ón gComhairle an 13 Nollaig 2011 maidir le measúnú a dhéanamh ar éifeachtaí tionscadal poiblí agus príobháideach áirithe ar an gcomhshaol (IO L 26, 28.1.2012, lch. 1).

(44)    Treoir 2014/23/AE ó Pharlaimint na hEorpa agus ón gComhairle an 26 Feabhra 2014 maidir le conarthaí lamháltais a dhámhachtain (IO L 94, 28.3.2014, lch. 1).

(45)    Treoir 2014/24/AE ó Pharlaimint na hEorpa agus ón gComhairle an 26 Feabhra 2014 maidir le soláthar poiblí agus lena naisghairtear Treoir 2004/18/CE (IO L 94, 28.3.2014, lch. 65).

(46)    Treoir 2014/25/AE ó Pharlaimint na hEorpa agus ón gComhairle an 26 Feabhra 2014 maidir le soláthar arna dhéanamh ag eintitis a fheidhmíonn in earnáil an uisce, an fhuinnimh, an iompair agus na seirbhísí poist agus lena naisghairtear Treoir 2004/17/CE (IO L 94, 28.3.2014, lch. 243).

(47)    https://www.unpri.org/download?ac=1534.

(48)    COM(2018) 97 final.

(49)    Rialachán (AE) Uimh. 525/2013 ó Pharlaimint na hEorpa agus ón gComhairle maidir le sásra chun faireachán agus tuairisciú a dhéanamh ar astaíochtaí gás ceaptha teasa agus chun faisnéis eile atá ábhartha don athrú aeráide a thuairisciú ar an leibhéal náisiúnta agus ar leibhéal an Aontais agus lena naisghairtear Cinneadh 280/2004/CE (IO L 165, 18.6.2013, lch. 13).

(50)    Treoir 2008/98/CE ó Pharlaimint na hEorpa agus ón gComhairle an 19 Samhain 2008 maidir le dramhaíl agus lena naisghairtear Treoracha áirithe (IO L 312, 22.11.2008, lch. 3).

(51)    Treoir 2008/56/CE ó Pharlaimint na hEorpa agus ón gComhairle an 17 Meitheamh 2008 lena mbunaítear creat do ghníomhaíocht Chomhphobail i réimse an bheartais chomhshaoil mhuirí (An Treoir Réime um Straitéis Mhuirí) (IO L 164, 25.6.2008, lch. 19–40).

(52)    Treoir 2000/60/CE ó Pharlaimint na hEorpa agus ón gComhairle an 23 Deireadh Fómhair 2000 lena mbunaítear creat do ghníomhaíocht Chomhphobail i réimse an bheartais uisce (IO L 327, 22.12.2000, lch. 1).

(53)    Treoir 91/271/CEE ón gComhairle an 21 Bealtaine 1991 maidir le cóireáil fuíolluisce uirbigh (IO L 135, 30.5.1991, lch. 40).

(54)    Treoir 98/83/CE ón gComhairle an 3 Samhain 1998 maidir le cáilíocht uisce atá ceaptha le hól ag daoine (IO L 330, 5.12.1998, lch. 32).

(55)    Cinneadh (AE) 2017/848 ón gCoimisiún an 17 Bealtaine 2017 lena leagtar síos critéir agus caighdeáin mhodheolaíochta maidir le dea-stádas comhshaoil ​​uiscí mara agus sonraíochtaí agus modhanna caighdeánaithe le haghaidh faireacháin agus measúnú, agus lena naisghairtear Cinneadh 2010/477/AE (IO L 125, 18.5.2017, lch. 43).

(56)    Mar a thagraítear dó in Airteagal 54(2)(a) nó (b) den Rialachán Airgeadais.

(57)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard-Stiúrthóireacht an Bhuiséid: https://myintracomm.ec.europa.eu/budgweb/EN/man/budgmanag/Pages/budgmanag.aspx .

(58)    LD = Leithreasuithe difreáilte / LN = Leithreasuithe neamhdhifreáilte.

(59)    CSTA: Comhlachas Saorthrádála na hEorpa.

(60)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh bheith ina niarrthóirí.

(61)    LD = Leithreasuithe difreáilte / LN = Leithreasuithe neamhdhifreáilte.

(62)    CSTA: Comhlachas Saorthrádála na hEorpa.

(63)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh bheith ina niarrthóirí.

(64)    LD = Leithreasuithe difreáilte / LN = Leithreasuithe neamhdhifreáilte.

(65)    CSTA: Comhlachas Saorthrádála na hEorpa.

(66)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh bheith ina niarrthóirí.

(67)    Tá difríocht bheag sa mhéid iomlán mar gheall ar na huimhreacha a shlánú go dtí an tríú deachúil.

(68)    Tá an caiteachas don tréimhse tar éis 2020 comhoiriúnach le tograí an Choimisiúin don chéad Chreat Airgeadais Ilbhliantúil eile (2021-2027) a foilsíodh an 2 Bealtaine 2018.

(69)    Ní féidir an líon blianta chun obair an Ardáin a chur i gcrích a mheas ag an am seo; dá bhrí sin, ní léirítear sa tábla an tionchar ar chaiteachas ach amháin le haghaidh na chéad cheithre bliana a mbeidh an tArdán ann. Táthar ag súil go mbeidh an tArdán ann ar a laghad le linn thréimhse an chéad Chreata Airgeadais Ilbhliantúil eile (i.e. go dtí 2027).

(70)    Tá an caiteachas don tréimhse tar éis 2020 comhoiriúnach le tograí an Choimisiúin don chéad Chreat Airgeadais Ilbhliantúil eile (2021-2027) a foilsíodh an 2 Bealtaine 2018.

(71)    Ní féidir an líon blianta chun obair an Ardáin a chur i gcrích a mheas ag an am seo; dá bhrí sin, ní léirítear sa tábla an tionchar ar chaiteachas ach amháin le haghaidh na chéad cheithre bliana a mbeidh an tArdán ann. Táthar ag súil go mbeidh an tArdán ann ar a laghad le linn thréimhse an chéad Chreata Airgeadais Ilbhliantúil eile (i.e. go dtí 2027).

(72)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(73)    Mar a thuairiscítear i bpointe 1.4.2. 'Cuspóirí sonracha...'

(74)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(75)    Mar a thuairiscítear i bpointe 1.4.2. 'Cuspóirí sonracha...'

(76)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(77)    Mar a thuairiscítear i bpointe 1.4.2. 'Cuspóirí sonracha...'

(78)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(79)    Mar a thuairiscítear i bpointe 1.4.2. 'Cuspóirí sonracha...'

(80)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(81)    Mar a thuairiscítear i bpointe 1.4.2. 'Cuspóirí sonracha...'

(82)    Is ionann aschuir agus táirgí agus seirbhísí le soláthar (e.g. líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(83)    Tá an caiteachas don tréimhse tar éis 2020 comhoiriúnach le tograí an Choimisiúin don chéad Chreat Airgeadais Ilbhliantúil eile (2021-2027) a foilsíodh an 2 Bealtaine 2018.

(84)    Ní féidir an líon blianta chun obair an Ardáin a chur i gcrích a mheas ag an am seo; dá bhrí sin, ní léirítear sa tábla an tionchar ar chaiteachas ach amháin le haghaidh na chéad cheithre bliana a mbeidh an tArdán ann. Táthar ag súil go mbeidh an tArdán ann ar a laghad le linn thréimhse an chéad Chreata Airgeadais Ilbhliantúil eile (i.e. go dtí 2027).

(85)    Soláthrófar na hacmhainní daonna is gá le baill foirne ó na hArd-Stiúrthóireachtaí a bhfuil bainistíocht an bhirt faoina gcúram cheana agus/nó a ath-imlonnófar laistigh de na hArd-Stiúrthóireachtaí, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

(86)    Tá an caiteachas don tréimhse tar éis 2020 comhoiriúnach le tograí an Choimisiúin don chéad Chreat Airgeadais Ilbhliantúil eile (2021-2027) a foilsíodh an 2 Bealtaine 2018.

(87)    Ní féidir an líon blianta chun obair an Ardáin a chur i gcrích a mheas ag an am seo; dá bhrí sin, ní léirítear sa tábla an tionchar ar chaiteachas ach amháin le haghaidh na chéad cheithre bliana a mbeidh an tArdán ann. Táthar ag súil go mbeidh an tArdán ann ar a laghad le linn thréimhse an chéad Chreata Airgeadais Ilbhliantúil eile (i.e. go dtí 2027).

(88)    Soláthrófar na hacmhainní daonna is gá le baill foirne ó na hArd-Stiúrthóireachtaí a bhfuil bainistíocht an bhirt faoina gcúram cheana agus/nó a ath-imlonnófar laistigh de na hArd-Stiúrthóireachtaí, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

(89)    CA = Ball foirne ar conradh; LA= Ball foirne áitiúil; SNE= Saineolaí náisiúnta ar iasacht; INT= Ball foirne gníomhaireachta; JPD = Gairmí Sóisearach i dToscaireacht.

(90)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(91)    Le haghaidh na gCistí Struchtúracha, an Chiste Eorpaigh Talmhaíochta um Fhorbairt Tuaithe (CETFT) agus an Chiste Eorpaigh Iascaigh (CEI) go príomha.

(92)    Féach Airteagal 11 agus Airteagal 17 de Rialachán (AE, Euratom) Uimh. 1311/2013 ón gComhairle lena leagtar síos an creat airgeadais ilbhliantúil do na blianta 2014-2020.

(93)    Bunaithe ar na módúlachtaí rialachais agus cistithe reatha (i.e. cómhaoiniú 60% ó údaráis inniúla náisiúnta na mBallstát agus ranníocaíocht 40% ó AE), nach gcuirtear san áireamh iontu an togra ón gCoimisiún maidir leis an athbhreithniú ar na ÚMEnna nach bhfuil glactha fós.

(94)    Tá an caiteachas don tréimhse tar éis 2020 comhoiriúnach le tograí an Choimisiúin don chéad Chreat Airgeadais Ilbhliantúil eile (2021-2027) a foilsíodh an 2 Bealtaine 2018.

(95)    Ní féidir an líon blianta chun obair an Ardáin a chur i gcrích a mheas ag an am seo; dá bhrí sin, ní léirítear sa tábla an tionchar ar chaiteachas ach amháin le haghaidh na chéad cheithre bliana a mbeidh an tArdán ann. Táthar ag súil go mbeidh an tArdán ann ar a laghad le linn thréimhse an chéad Chreata Airgeadais Ilbhliantúil eile (i.e. go dtí 2027).

(96)    A fhad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 20% de na costais bhailiúcháin a bheith bainte astu.