1.   Gach bliain, tiomsóidh na Ballstáit sraith amháin ualaí do IPT agus tarchuirfidh siad chuig an gCoimisiún (Eurostat) í, i gcomhréir leis na catagóirí caiteachais a leagtar amach in Airteagal 3.

2.   Is mar a leanas a dhéanfaidh na Ballstáit ualaí fo-innéacsanna agus comhiomlána bunúsacha a dhíorthú lena léirítear struchtúr an chaiteachais ar thithíocht, arna úsáid san innéacs le haghaidh bhliain t:

3.   Ualaí fo-innéacsanna agus comhiomlána bunúsacha, coinneofar ar leibhéal seasta iad le linn na bliana féilire.

4.   Beidh suim na n-ualaí fo-innéacs uile comhionann le 1 000.

5.   Beidh ualach an fho-innéacs comhionann le suim na n-ualaí do chomhiomláin bhunúsacha a aithnítear laistigh de chatagóir caiteachais áirithe.

6.   Úsáidfidh na Ballstáit ualaí sraithe atá ionadaíoch do chaiteachas teaghlaigh ar theaghaisí trádáilte a bhaineann le huilephobal sprice IPT sa tréimhse chomparáide, nó in aon tréimhse nach dtagann níos mó ná 2 bhliain roimh an mbliain reatha.

1.   Gheobhaidh na Ballstáit an fhaisnéis bhunúsach is gá chun na sraitheanna nó na comhiomláin bhunúsacha, nó iad araon, a shainiú agus chun IPT a thiomsú.

2.   Áiritheoidh na Ballstáit go gcumhdófar le bailiú sonraí saintréithe ábhartha praghaschinntitheacha a fhágann gur féidir innéacs praghsanna a thiomsú nach ndéanann difríochtaí cáilíochta idir teaghaisí trádáilte difear dóibh.

1.   Áiritheoidh na Ballstáit, maidir leis na sonraí a úsáidtear mar fhoinse faisnéise maidir le teaghaisí trádáilte, go bhfuil na sonraí sin ionadaíoch d’uilephobal sprice gach fo-innéacs IPT i ngach tréimhse thagartha.

2.   Féadfaidh na Ballstáit cineál teaghaise amháin nó níos mó agus réigiún amháin nó níos mó a eisiamh ó IPT, ar choinníoll nach mó ná cúig faoin gcéad sciar iomlán na dteaghaisí eisiata i luach na dteaghaisí uile a cheannaíonn teaghlaigh. Caiteachas ar cheannach teaghaisí i gcás cineálacha teaghaisí nó réigiún a eisítear, ba cheart é a leithdháileadh ar an gcineál teaghaise nó réigiún is cosúla.

1.   Bunófar IPT ar phraghsanna idirbhirt na dteaghaisí.

2.   Cuirfear praghas idirbhirt teaghaise san áireamh in IPT don ráithe ina n-aistrítear úinéireacht dhlíthiúil na teaghaise ón díoltóir chuig an gceannaitheoir.

1.   Gheobhadh na Ballstáit fo-innéacsanna trí úsáid a bhaint as ceann amháin de na roghanna seo a leanas:

2.   I gcás ina n-úsáideann Ballstát innéacs héadónach, áiritheoidh sé go ndéanann an modh a chuirtear i bhfeidhm rialú ar dhifríochtaí cáilíochta idir teaghaisí trádáilte sa tréimhse chomparáide agus sa tréimhse thagartha.

3.   I gcás ina n-úsáideann Ballstát modh a mhacasamhlaíonn cur chuige na samhla comhoiriúnaithe, áiritheoidh sé go ndéanfar comparáidí praghais comhoiriúnaithe do na teaghaisí céanna sa tréimhse chomparáide agus sa tréimhse thagartha, ar bhealach a áirithíonn go ndéantar rialú ar dhifríochtaí cáilíochta idir teaghaisí trádáilte.

4.   I gcás ina n-úsáideann Ballstát innéacs airmheáin nó meáin srathaithe, cinnfidh sé athróga srathaithe ar bhonn anailíse staidrimh agus áiritheoidh sé go bhfuil na sraitheanna a shainítear aonchineálach go leor.

1.   I gcás nach leor an líon teaghaisí trádáilte a bheidh ar fáil chun go mbeifear in ann innéacs praghsanna iontaofa a ríomh i gcomhair sraith áirithe, déanfaidh na Ballstáit an t-athrú ar phraghas na sraithe sin a mheas mar an t-athrú ar phraghas i gcás sraithe nó comhcheangal sraitheanna ag a bhfuil dálaí inchomparáide margaidh ina saintréith.

2.   Ní thabharfaidh na Ballstáit praghsanna na ráithe roimhe sin ar aghaidh ná ní measfaidh siad go barúlach go bhfuil an t-athrú ar phraghsanna mar a bhí sé sa ráithe roimhe sin, ach amháin más féidir údar cuí a thabhairt leis mar mheastachán iomchuí.

1.   Gach bliain, tiomsóidh na Ballstáit sraith amháin ualaí d’innéacsanna praghsanna TÚÁ agus tarchuirfidh siad chuig an gCoimisiún (Eurostat) í, i gcomhréir leis na catagóirí caiteachais dá dtagraítear in Airteagal 11.

2.   Is mar a leanas a dhéanfaidh na Ballstáit ualaí fo-innéacsanna agus comhiomlána bunúsacha a dhíorthú lena léirítear struchtúr caiteachais úinéirí-áititheoirí ar thithíocht, mar a shainmhínítear san Iarscríbhinn, arna úsáid san innéacs do bhliain t:

3.   Ualaí fo-innéacsanna agus comhiomlána bunúsacha, coinneofar ar leibhéal seasta iad le linn na bliana féilire.

4.   Beidh suim na n-ualaí fo-innéacs uile comhionann le 1 000.

5.   Beidh ualach an fho-innéacs comhionann le suim na n-ualaí do chomhiomláin bhunúsacha a aithnítear laistigh de chatagóir caiteachais áirithe.

6.   Úsáidfidh na Ballstáit ualaí sraithe atá ionadaíoch do chaiteachas úinéirí-áititheoirí ar thithíocht a bhaineann le huilephobal innéacs praghsanna IPT sa tréimhse chomparáide, nó in aon tréimhse nach dtagann níos mó ná 2 bhliain roimh an mbliain reatha.

1.   Gheobhaidh na Ballstáit fo-innéacsanna TÚÁ maidir le ceannach teaghaisí nuathógtha agus teaghaisí atá ann cheana agus atá nua do theaghlaigh i gcomhréir le míreanna 2 go 12.

2.   Gheobhaidh na Ballstáit an fhaisnéis bhunúsach is gá chun na sraitheanna nó na comhiomláin bhunúsacha, nó iad araon, a shainiú agus chun na fo-innéacsanna dá dtagraítear i mír 1 a thiomsú.

3.   Áiritheoidh na Ballstáit go gcumhdófar le bailiú sonraí saintréithe ábhartha praghaschinntitheacha a fhágann gur féidir innéacs praghsanna a thiomsú nach ndéanann difríochtaí cáilíochta idir teaghaisí trádáilte difear dóibh.

4.   Áiritheoidh na Ballstáit, maidir leis na sonraí a úsáidtear mar fhoinse faisnéise maidir le teaghaisí trádáilte, go bhfuil na sonraí sin ionadaíoch d’uilephobal sprice gach fo-innéacs i ngach tréimhse thagartha.

5.   Féadfaidh na Ballstáit cineál teaghaise amháin nó níos mó agus réigiún amháin nó níos mó a eisiamh ó na fo-innéacsanna dá dtagraítear i mír 1, ar choinníoll nach mó ná cúig faoin gcéad sciar iomlán na dteaghaisí eisiata i gcaiteachas teaghlaigh ar cheannach teaghaisí a bhaineann le huilephobal sprice innéacs praghsanna TÚÁ. Caiteachas ar cheannach teaghaisí i gcás cineálacha teaghaisí nó réigiún a eisítear, leithdháilfear é ar an gcineál teaghaise nó réigiún is cosúla.

6.   Na fo-innéacsanna dá dtagraítear i mír 1, beidh siad bunaithe ar phraghsanna idirbhirt teaghaisí. Cuirfear praghas idirbhirt teaghaise san áireamh sna fo-innéacsanna sin don ráithe ina n-aistrítear úinéireacht dhlíthiúil na teaghaise ón díoltóir chuig an gceannaitheoir.

7.   Gheobhadh na Ballstáit na fo-innéacsanna dá dtagraítear i mír 1 trí úsáid a bhaint as ceann amháin de na roghanna seo a leanas:

8.   I gcás ina n-úsáideann Ballstát innéacs héadónach, áiritheoidh sé go ndéanann an modh a chuirtear i bhfeidhm rialú ar dhifríochtaí cáilíochta idir teaghaisí trádáilte sa tréimhse chomparáide agus sa tréimhse thagartha.

9.   I gcás ina n-úsáideann Ballstát modh a mhacasamhlaíonn cur chuige na samhla comhoiriúnaithe, áiritheoidh sé go ndéanfar comparáidí praghais comhoiriúnaithe do na teaghaisí céanna sa tréimhse chomparáide agus sa tréimhse thagartha, ar bhealach a áirithíonn go ndéantar rialú ar dhifríochtaí cáilíochta idir teaghaisí trádáilte.

10.   I gcás ina n-úsáideann Ballstát innéacs airmheáin nó meáin srathaithe, cinnfidh sé athróga srathaithe ar bhonn anailíse staidrimh agus áiritheoidh sé go bhfuil na sraitheanna a shainítear aonchineálach go leor.

11.   I gcás nach leor an líon teaghaisí trádáilte a bheidh ar fáil chun go mbeifear in ann innéacs praghsanna iontaofa a ríomh i gcomhair sraith áirithe, déanfaidh na Ballstáit an t-athrú ar phraghas na sraithe sin a mheas mar an t-athrú ar phraghas i gcás sraithe nó comhcheangal sraitheanna ag a bhfuil dálaí inchomparáide margaidh ina saintréith.

12.   Ní thabharfaidh na Ballstáit praghsanna na ráithe roimhe sin ar aghaidh ná ní measfaidh siad go barúlach go bhfuil an t-athrú ar phraghsanna mar a bhí sé sa ráithe roimhe sin, ach amháin más féidir údar cuí a thabhairt leis mar mheastachán iomchuí.

1.   I gcás ina gcinntear praghas seirbhíse mar chion de phraghas idirbhirt na teaghaise, beidh innéacs praghsanna na seirbhíse bunaithe ar an gcion sin agus í méadaithe faoi phraghas idirbhirt ionadaíoch.

2.   Déanfar an t-athrú ar phraghas idirbhirt ionadaíoch a mheas trí IPT nó fo-innéacs IPT iomchuí a úsáid.

1.   Beidh feidhm ag Airteagail 19 go 25 i gcás ina dtiomsaítear comhiomláin bhunúsacha d’aon fho-innéacs de chuid innéacs praghsanna TÚÁ ó phraghsanna breathnaithe a bhailítear go sonrach chun na críche sin.

2.   Ní bheidh feidhm ag Airteagail 19 go 25 den Rialachán seo i gcás ina gcumhdaítear na comhiomláin bhunúsacha dá dtagraítear i mír 1 le hAirteagal 15 den Rialachán seo.

1.   Déanfaidh na Ballstáit spriocshampla d’innéacs praghsanna TÚÁ atá ionadaíoch d’uilephobal sprice innéacs praghsanna TÚÁ trí chomhiomláin bhunúsacha a shainiú agus táirgí aonair a roghnú do na comhiomláin bhunúsacha sin.

2.   Braithfidh líon na dtáirgí aonair agus na gcomhiomlán bunúsach ar ualach na catagóire caiteachais agus ar athraitheas na ngluaiseachtaí praghais i gcás na dtáirgí aonair a bhaineann léi.

3.   Áiritheoidh na Ballstáit go mbeidh an spriocshampla d’innéacs praghsanna TÚÁ ionadaíoch d’uilephobal sprice innéacs praghsanna TÚÁ i gcónaí trí athbhreithniú agus nuashonrú a dhéanamh, gach bliain ar a laghad, ar an spriocshampla d’innéacs praghsanna TÚÁ, agus trí tháirgí athsholáthair a roghnú.

1.   Úsáidfidh na Ballstáit na praghsanna breathnaithe chun innéacs praghsanna TÚÁ a thiomsú. Ní úsáidfidh siad na praghsanna measta ach amháin chun na gcríoch a leagtar síos in Airteagail 22 agus 24.

2.   Préimheanna iarbhír a bheidh i bpraghsanna breathnaithe i gcomhair an fho-innéacs ‘árachas a bhaineann le teaghaisí’.

3.   I gcás ina bhfuil táirge a bhaineann le héadáil nó le húinéireacht teaghaisí curtha ar fáil saor in aisce agus go ngearrfar praghas ina dhiaidh sin, taispeánfar é mar mhéadú ar an bpraghas in innéacs praghsanna TÚÁ. Os a choinne sin, i gcás inar gearradh praghas ar sheirbhís aonair a chuirtear ar fáil saor in aisce ina dhiaidh sin, taispeánfar é mar laghdú ar phraghas in innéacs praghsanna TÚÁ.

1.   Cuirfidh na Ballstáit san áireamh na lascainí seo a leanas:

2.   I gcás inar féidir, cuirfear san áireamh lascainí nach bhfuil ar fáil ach do ghrúpa teoranta ceannaitheoirí.

3.   Láimhseálfar mealltaí i gcomhréir le hAirteagail 23 go 24.

1.   Mura féidir praghas táirge aonair sa spriocshampla d’innéacs praghsanna TÚÁ a bhreathnú laistigh den ráithe thagartha, úsáidfear praghas measta don ráithe sin amháin, agus roghnófar táirge athsholáthair ina dhiaidh sin. Ní bheidh feidhm ag an mír sin maidir leis na táirgí aonair a bhfuil coinne leis go mbeidh siad ar fáil arís.

2.   Ní úsáidfear praghas a breathnaíodh roimhe mar phraghas measta ach amháin más féidir údar a thabhairt leis mar mheastachán iomchuí.

1.   Roghnóidh na Ballstáit táirge athsholáthair atá cosúil leis an táirge atá ag imeacht, agus áiritheoidh siad go mbíonn an spriocshampla d’innéacs praghsanna TÚÁ fós ionadaíoch.

2.   Ní roghnóidh na Ballstáit táirgí athsholáthair ar bhonn praghais chomhchosúil.

1.   Mura bhfuil aon difríocht idir táirge a athsholáthraítear agus an táirge a chuirtear ina ionad ó thaobh saintréithe, am agus áit cheannaigh nó téarmaí soláthair de, déanfaidh na Ballstáit comparáid dhíreach idir na praghsanna breathnaithe. Mura ndéanfar sin, déanfaidh na Ballstáit coigeartú cáilíochta.

2.   Coigeartú cáilíochta a bheidh comhionann leis an difríocht iomlán sa phraghas idir an táirge a athsholáthraítear agus an táirge a chuirtear ina ionad, ní dhéanfaidh na Ballstáit an coigeartú sin ach amháin más féidir údar a thabhairt leis mar mheastachán iomchuí ar an difríocht cháilíochta.

1.   Déanfar praghsanna táirgí aonair a chomhiomlánú chun innéacsanna praghsanna bunúsacha a fháil agus úsáid á baint as ceachtar de na roghanna seo a leanas:

2.   Bainfear úsáid as foirmle innéacs atá comhsheasmhach leo sin a dtugtar tuairisc orthu i mír 1 chun innéacs praghsanna a fháil do chomhiomlán bunúsach ó dhá innéacs praghsanna bunúsacha nó níos mó.

1.   Ceartóidh na Ballstáit botúin agus tarchuirfidh siad chuig an gCoimisiún (Eurostat) na fo-innéacsanna nó ualaí fo-innéacs athbhreithnithe gan mhoill nach bhfuil bonn cirt léi.

2.   Tabharfaidh na Ballstáit faisnéis faoin gcúis leis an mbotún don Choimisiún (Eurostat) tráth a dtarchuirtear na sonraí athbhreithnithe ar a dhéanaí.

1.   Gan dochar d’Airteagal 27, féadfaidh na Ballstáit athbhreithniú a dhéanamh ar na fo-innéacsanna agus ualaí sealadacha sa ráithe i ndiaidh an chéad tarchuir.

2.   I ndiaidh athbhreithnithe dá dtagraítear i mír 1, agus gan dochar fós d’Airteagal 27, ní fhéadfaidh na Ballstáit athbhreithniú a dhéanamh ar fho-innéacsanna agus ualaí sealadacha ach sa bhliain féilire i ndiaidh an chéad tarchuir, tráth a dtarchuirtear sonraí don chéad ráithe den bhliain ina dhiaidh sin.

1.   Uainiú agus fad na n-athbhreithnithe seachas na cinn a dhéanfar de bhun Airteagail 27 agus 28, déanfar iad a chomhordú leis an gCoimisiún (Eurostat).

2.   Cuirfidh na Ballstáit meastacháin ar na fo-innéacsanna agus ar na hualaí athbhreithnithe ar fáil don Choimisiún (Eurostat) tráth nach déanaí ná 3 mhí roimh chur chun feidhme beartaithe an athbhreithnithe atá beartaithe.

1.   Tarchuirfidh na Ballstáit sonraí agus meiteashonraí chuig an gCoimisiún (Eurostat) i bhfoirm leictreonach trí sheirbhísí an phointe iontrála aonair i gcomhréir leis na caighdeáin maidir le sonraí staidrimh agus meiteashonraí a mhalartú.

2.   Déanfar sonraí rúnda, mar a shainmhínítear in Airteagal 3(7) de Rialachán (CE) Uimh. 223/2009, a mharcáil go hiomchuí nuair a tharchuirtear chuig an gCoimisiún (Eurostat) iad.