(1)

Le Rialachán (AE) Uimh. 231/2012 (3) ón gCoimisiún, leagtar síos sonraíochtaí le haghaidh breiseáin bhia a liostaítear in Iarscríbhinní II agus III a ghabhann le Rialachán (CE) Uimh. 1333/2008.

(2)

Féadfar na sonraíochtaí le haghaidh breiseáin bhia a thabhairt cothrom le dáta i gcomhréir leis an nós imeachta comhchoiteann dá dtagraítear in Airteagal 3(1) de Rialachán (CE) Uimh. 1331/2008, ar thionscnamh an Choimisiúin nó tar éis iarratas a fháil ó Bhallstát nó ó pháirtí leasmhar.

(3)

Is substaint cheimiceach thábhachtach í ocsaíd eitiléine as a mbaintear an iliomad úsáidí, lena n-áirítear an úsáid a bhaintear as mar ghníomhaí steirilithe agus mar amhábhar a úsáidtear chun táirgí éagsúla a mhonarú. Tá ocsaíd eitiléine, áfach, ina substaint ar ábhar imní í agus a aicmítear mar shubstaint atá carcanaigineach, só-ghineach agus tocsaineach don atáirgeadh i gcomhréir le Rialachán (CE) Uimh. 1272/2008 ó Pharlaimint na hEorpa agus ón gComhairle (4). Níl sé formheasta mar tháirge bithicídeach faoi Rialachán (AE) Uimh. 528/2012 ó Pharlaimint na hEorpa agus ón gComhairle (5) ná mar shubstaint ghníomhach lena húsáid i dtáirgí cosanta plandaí i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle (6).

(4)

Foráiltear le Rialachán (AE) Uimh. 231/2012 nach bhféadfaidh ocsaíd eitiléine a úsáid chun críocha steirilithe i mbreiseáin bhia. Mar sin féin, níl aon teorainn chainníochtúil ann ó thaobh láithreacht na ocsaíde eitiléine maidir le gach breiseán bia. I gcomhréir leis an Rialachán sin leagtar amach teorainn nach mó ná 0,2 mg/kg ocsaíde eitiléine le haghaidh na mbreiseán bia sin a n-úsáidtear ocsaíd eitiléine le linn a dtáirgthe. Leagadh síos an teorainn den chéad uair le Treoir 2003/95/CE ón gCoimisiún (7), bunaithe ar an tuairim ón gCoiste Eolaíoch um Bia an 6 Bealtaine 2002 (8), a tháinig ar an gconclúid gur cheart iontógálacha ó fhoinsí bia a choinneáil chomh híseal is féidir ó tharla go bhfuil ocsaíd eitiléine idir ghéineatocsaineach agus charcanaigineach, d’ainneoin go meastar na hiontógálacha ón mbeagán foinsí bia a n-úsáidtear ocsaíd eitiléine lena monarú a bheith an-íseal.

(5)

Le déanaí, tháinig roinnt fógraí ón gCóras Mear-rabhaidh um Bia don Duine agus d’Ainmhithe (RASFF) maidir le hocsaíd eitiléine a fuarthas i roinnt earraí bia, agus go háirithe i roinnt breiseán bia a úsáidtear chun éagsúlacht earraí bia a mhonarú. Ar bhonn na bhfógraí sin agus ar bhonn faisnéise maidir le rialuithe oifigiúla arna ndéanamh ag Ballstáit, le Rialachán Cur Chun Feidhme (AE) 2021/2246 ón gCoimisiún (9) leagadh síos bearta a mhéid a bhaineann le hearraí nach de bhunadh ainmhíoch a thagann isteach san Aontas ó thríú tíortha chun sláinte an duine a chosaint i ndáil leis an riosca féideartha a bhaineann le truailliú ó ocsaíd eitiléine. Mar sin féin, d’fhéadfadh forfheidhmiú dhlí an Aontais deacrachtaí a chruthú, a mhéid a bhaineann le breiseáin bhia, toisc go bhfuil sé deacair a shuíomh an bhfuil láithreacht na hocsaíde eitiléine ina toradh ar a húsáid le linn na breiseáin bhia a steiriliú de shárú ar Rialachán (AE) Uimh. 231/2012 nó an bhfuil sí ina toradh ar aon chúis eile.

(6)

Chun na deacrachtaí sin a sheachaint agus chun ardleibhéal cosanta a áirithiú le haghaidh shláinte an duine, tá sé iomchuí dá bhrí sin a leagan síos nach n-údaraítear láithreacht na hocsaíde eitiléine le haghaidh na mbreiseán bia uile gan beann ar a foinse bhunaidh. Chun na críche sin, ba cheart teorainn uasta i gcomhair breiseáin bhia a shocrú ag an teorainn cainníochtaithe atá sna táirgí sin, is é sin, ag an íostiúchan iarmhar bailíochtaithe is féidir a chainníochtú agus a thuairisciú trí ghnáthfhaireachán le modhanna rialaithe bailíochtaithe. Chun comhsheasmhacht le Rialachán (CE) Uimh. 396/2005 ó Pharlaimint na hEorpa agus ón gComhairle a áirithiú (10), go háirithe, leis na teorainneacha a leagtar síos ann maidir leis na hamhábhair atá le húsáid chun breiseáin bhia a tháirgeadh, ba cheart na hiarmhair ocsaíde eitiléine a shainmhíniú sna téarmaí céanna is atá sa Rialachán sin.

(7)

Ag cur san áireamh gur dócha nach mbeidh aon éifeacht dhiúltach ag leasú na sonraíochtaí ar shláinte an duine, ní gá don Údarás Eorpach um Shábháilteacht Bia meastóireacht sábháilteachta a dhéanamh i gcomhréir le hAirteagal 3(2) de Rialachán (CE) Uimh. 1331/2008.

(8)

Ba cheart, dá bhrí sin, an Iarscríbhinn a ghabhann le Rialachán (AE) Uimh. 231/2012 a leasú dá réir.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,