(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 (2) ón gCoimisiún.

(3)

Ar liosta an Aontais a leagtar amach san Iarscríbhinn a ghabhann le Rialachán Cur Chun Feidhme (AE) 2017/2470 áirítear clóiríd riobóisíde nicitíonaimíde mar bhia núíosach údaraithe.

(4)

Le Rialachán Cur Chun Feidhme (AE) 2020/16 ón gCoimisiún (3) údaraíodh clóiríd riobóisíde nicitíonaimíde a chur ar an margadh mar bhia núíosach lena úsáid i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4), don phobal fásta.

(5)

An 2 Márta 2020, chuir an chuideachta ChromaDex Inc. (‘an t-iarratasóir’) iarratas faoi bhráid an Choimisiúin de bhun Airteagal 10(1) de Rialachán (AE) 2015/2283 chun coinníollacha úsáide an bhia núíosaigh clóiríd riobóisíde nicitíonaimíde a leasú. Rinne an t-iarratasóir iarraidh chun úsáid chlóiríde riobóisíde nicitíonaimíde a leathnú go dtí na rudaí seo a leanas: bianna chun críocha speisialta míochaine agus ionadach ar an aiste bia iomlán chun meáchan a rialú, mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (5), ag 500 mg in aghaidh an lae, agus ionadaigh ar bhéilí, ag 300 mg in aghaidh an lae; agus na catagóirí sin ar fad beartaithe don phobal fásta, gan mná torracha ná mná atá ag lachtadh a áireamh.

(6)

An 2 Márta 2020, rinne an t-iarratasóir iarraidh ar an gCoimisiún freisin ar chosaint sonraí dílseánaigh le haghaidh staidéar a cuireadh isteach chun tacú leis an iarratas, eadhon, staidéar ar dhaoine ina ndéantar meastóireacht ar an tsábháilteacht agus na héifeachtaí atá spleách ar dháileoga a bhaineann le forlíonadh clóiríde riobóisíde nicitíonaimíde (6).

(7)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (‘an tÚdarás’) an 8 Meitheamh 2020, agus d’iarr sé air tuairim eolaíoch a thabhairt trí mheasúnú a dhéanamh ar an leathnú ar úsáid an bhia núíosaigh clóiríd riobóisíde nicitíonaimíde mar bhia núíosach.

(8)

An 14 Meán Fómhair 2021, ghlac an tÚdarás a thuairim eolaíoch maidir le ‘Leathnú ar úsáid chlóiríde riobóisíde nicitíonaimíde mar bhia núíosach de bhun Rialachán (AE) 2015/2283’ (7) i gcomhréir le hAirteagal 11 de Rialachán (AE) 2015/2283.

(9)

Ina thuairim eolaíoch, chinn an tÚdarás go bhfuil go bhfuil clóiríd riobóisíde nicitíonaimíde sábháilte, nuair a úsáidtear í ar leibhéal 500 mg in aghaidh an lae i mbianna chun críocha speisialta míochaine agus in ionadach ar an aiste bia iomlán chun meáchan a rialú atá beartaithe don phobal fásta, gan mná torracha ná mná atá ag lachtadh a áireamh. Dá bhrí sin, is iomchuí coinníollacha úsáide clóiríde riobóisíde nicitíonaimíde a athrú agus úsáid chlóiríde riobóisíde nicitíonaimíde sna bianna sin a údarú.

(10)

Sa Tuairim chéanna, rinne an tÚdarás measúnú ar shábháilteacht ionadach ar bhéilí don phobal i gcoitinne, agus ní do dhaoine fásta amháin, ós rud é, de réir Airteagal 5(6) de Rialachán Cur Chun Feidhme (AE) 2017/2469 ón gCoimisiún (8), nach féidir a eisiamh go ndéanfadh grúpaí eile den phobal ionadaigh ar bhéilí ina bhfuil an bia núíosach a thomhailt. Ina thuairim, thug an tÚdarás le fios freisin, seachas i gcás naíonán, go mbeadh iontógáil 300 mg in aghaidh an lae de chlóiríd riobóisíde nicitíonaimíde ó ionadaigh ar bhéilí don phobal fásta, gan mná torracha ná mná atá ag lachtadh a áireamh, faoi bhun an uasleibhéil nicitíonaimíde (9) arna bhunú agus, dá bhrí sin, go measfaí é a bheith sábháilte. Mar sin féin, i bhfianaise mheasúnú an Údaráis ar úsáid an bhia núíosaigh in ionadaigh ar bhéilí do gach grúpa den phobal, seachas naíonáin, lena léirítear go mbeidh iontógáil an bhia núíosaigh ó ionadaigh ar bhéilí i bhfad faoi bhun an uasleibhéil le haghaidh nicitíonaimíde, agus i bhfianaise gur catagóir bhia iad ionadaigh ar bhéilí a bhíonn á lorg agus á húsáid go bunúsach ag daoine fásta amháin, tá an Coimisiún den tuairim nach bhféadfar an bia núíosach a údarú ach lena úsáid in ionadaigh ar bhéilí don phobal fásta, gan mná torracha ná mná atá ag lachtadh a áireamh, ach ag leibhéal úsáid 300 mg in aghaidh an lae, mar atá molta ag an iarratasóir.

(11)

Is leor na forais sa tuairim eolaíoch sin chun a shuí go gcomhlíonann clóiríd riobóisíde nicitíonaimíd na coinníollacha lena cur ar an margadh i gcomhréir le hAirteagal 9 agus Airteagal 12(1) de Rialachán (AE) 2015/2283, nuair a úsáidtear í ar leibhéil de 500 mg in aghaidh an lae i mbianna chun críocha speisialta míochaine agus ionadach ar an aiste bia iomlán chun meáchan a rialú atá beartaithe don phobal fásta, gan mná torracha ná mná atá ag lachtadh a áireamh. Thairis sin, is leor na forais sa tuairim eolaíoch sin freisin chun a shuí go gcomhlíonann clóiríd riobóisíde nicitíonaimíd na coinníollacha lena cur ar an margadh i gcomhréir le hAirteagal 12(1) de Rialachán (AE) 2015/2283, nuair a úsáidtear í ar leibhéil de 300 mg in aghaidh an lae in ionadaigh ar bhéilí atá beartaithe don phobal fásta, gan mná torracha ná mná atá ag lachtadh a áireamh.

(12)

Níor cumhdaíodh ach an pobal fásta, gan mná torracha ná mná atá ag lachtadh a áireamh, leis na sonraí sábháilteachta agus an measúnú ar chlóiríd riobóisíde nicitíonaimíde lena úsáid i mbianna chun críocha speisialta míochaine, ionadach ar an aiste bia iomlán chun meáchan a rialú agus ionadaigh ar bhéilí. Dá bhrí sin, ba cheart foráil a dhéanamh maidir le ceanglas lipéadaithe chun tomhaltóirí a chur ar an eolas go cuí nár cheart ach do dhaoine atá os cionn 18 mbliana d’aois, gan mná torracha ná mná atá ag lachtadh a áireamh, bianna chun críocha speisialta míochaine, ionadach ar an aiste bia iomlán chun meáchan a rialú agus ionadaigh ar bhéilí ina bhfuil clóiríd riobóisíde nicitíonaimíde a thomhailt.

(13)

Ina thuairim eolaíoch, d’áirigh an tÚdarás na huasleibhéil mhearcair, chaidmiaim agus luaidhe i sonraíochtaí an bhia núíosaigh. Níl na leibhéil sin infheidhme ach maidir le bianna chun críocha speisialta míochaine, ionadach ar an aiste bia iomlán chun meáchan a rialú agus ionadaigh ar bhéilí toisc nach bhfuil aon uasleibhéal mearcair, caidmiaim agus luaidhe bunaithe i leith na mbianna sin le Rialachán (CE) Uimh. 1881/2006 ón gCoimisiún (10). Dá bhrí sin, ba cheart sonraíocht an bhia núíosaigh a leasú dá réir trí uasleibhéil a shocrú maidir leis na miotail throma sin, uasleibhéil is infheidhme i ndáil le húsáidí nua amháin. Toisc nach bhfuil aon uasleibhéal socraithe maidir le harsanaic sa Rialachán sin, beidh an leibhéal a shocraítear sa Rialachán seo infheidhme i ndáil le gach úsáid údaraithe.

(14)

Ina thuairim eolaíoch, thug an tÚdarás le fios nach raibh gá leis an staidéar ar dhaoine ina ndéantar meastóireacht ar an tsábháilteacht agus na héifeachtaí atá spleách ar dháileoga a bhaineann le forlíonadh clóiríde riobóisíde nicitíonaimíde (11) le haghaidh mheasúnú agus chonclúid an Údaráis. Dá bhrí sin, níor cheart an staidéar a chosaint i gcomhréir le hAirteagal 27(1) de Rialachán (AE) 2015/2283.

(15)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir sin.

(16)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,