1.   Ríomhfaidh na hinstitiúidí luach na neamhchosanta indírí ar chliant ó chonarthaí díorthach nó ó chonarthaí díorthach a liostaítear in Iarscríbhinn II a ghabhann le Rialachán (AE) Uimh. 575/2013 agus ó chonarthaí díorthach creidmheasa, i gcás nach ndearnadh na conarthaí díorthach go díreach leis an gcliant sin ach gur eisigh an cliant sin an ionstraim fholuiteach fiachais nó chothromais, i gcomhréir leis an modheolaíocht a leagtar amach in Airteagail 2 go 5 den Rialachán seo.

2.   De mhaolú ar mhír 1, i gcás ina gcuirtear na hionstraimí foluiteacha san áireamh in innéacs babhtála mainneachtana fiachais, cothromais nó creidmheasa nó i ngnóthas comhinfheistíochta, nó i gcás ina bhfuil ainmneacha tagartha foluiteacha iomadúla ag na conarthaí díorthach, ríomhfaidh na hinstitiúidí luachanna na neamhchosaintí indíreacha ar chliant ó chonarthaí díorthach nó ó chonarthaí díorthach dá dtagraítear i mír 1 agus rannchuidiú na neamhchosanta sin leis an neamhchosaint ar chliant i gcomhréir leis an modheolaíocht a leagtar amach in Airteagal 6.

3.   I gcás ina leithdháiltear na conarthaí díorthach agus na conarthaí díorthach creidmheasa dá dtagraítear i mír 1 ar an leabhar trádála, tar éis ríomh luachanna na neamhchosaintí indíreacha ar chliant ó chonarthaí díorthach nó ó na conarthaí sin, déanfaidh na hinstitiúidí luachanna na neamhchosaintí sin a chur san áireamh sna neamhchosaintí ar an gcliant sin sa leabhar trádála. Tar éis a gcomhiomlánaithe, socrófar ag nialas na glan-neamhchosaintí diúltacha ar an gcliant.

4.   De mhaolú ar mhír 1 agus mír 2, i gcás ina leithdháiltear na conarthaí díorthach agus na conarthaí díorthach creidmheasa dá dtagraítear i mír 1 ar an leabhar neamhthrádála agus i gcás, tar éis ríomh luachanna na neamhchosaintí indíreacha ar chliant ó chonarthaí díorthach nó ó na conarthaí sin, go bhfuil luach diúltach ag na neamhchosaintí indíreacha sin, déanfaidh institiúidí luachanna na neamhchosaintí sin a shocrú ag nialas sula gcuirtear san áireamh iad mar chuid de na neamhchosaintí ar an gcliant sin.

1.   Faoi réir mhír 2, mír 3 agus mír 4 den Airteagal seo, ríomhfaidh na hinstitiúidí luach na neamhchosanta indírí le haghaidh céadroghanna dá dtagraítear in Airteagal 2, pointe (a), mar shuim mhargadhluach reatha na chéadrogha agus an mhéid atá dlite do chontrapháirtí na chéadrogha mar thoradh ar mhainneachtain fhéideartha eisitheoir na hionstraime foluití arna laghdú faoin méid atá dlite don institiúid ag an gcontrapháirtí sin sa chás sin.

2.   Maidir le céadroghanna ar cheannach, beidh luach na neamhchosanta indírí cothrom le margadhluach na chéadrogha. Maidir le suíomh fada i gcéadrogha ar cheannach, beidh luach na neamhchosanta indírí deimhneach ach maidir le suíomh gearr i gcéadrogha ar cheannach, beidh luach na neamhchosanta indírí diúltach.

3.   Maidir le céadroghanna ar dhíol, beidh luach na neamhchosanta indírí cothrom leis an difríocht idir margadhluach na chéadrogha agus an praghas ceangail atá uirthi. Maidir le suíomh gearr i gcéadrogha ar dhíol, beidh luach na neamhchosanta indírí deimhneach ach maidir le suíomh fada i gcéadrogha ar dhíol, beidh luach na neamhchosanta indírí diúltach.

4.   De mhaolú ar mhír 3, maidir le céadroghanna ar dhíol nach bhfuil praghas ceangail ar fáil lena n-aghaidh ar dháta an idirbhirt, ach a bhfuil praghas ceangail ar fáil lena n-aghaidh ag céim níos déanaí, úsáidfidh na hinstitiúidí an praghas ceangail samhaltaithe ionchasach a úsáideadh le haghaidh ríomh luach cóir na chéadrogha.

5.   I gcás nach mbeidh margadhluach na chéadrogha ar fáil ar dháta áirithe, glacfaidh na hinstitiúidí luach cóir na chéadrogha ar an dáta sin. I gcás nach mbeidh margadhluach na chéadrogha ná a luach cóir ar fáil ar dháta áirithe, glacfaidh na hinstitiúidí an margadhluach nó an luach cóir is déanaí. I gcás nach mbeidh margadhluach na chéadrogha ná a luach cóir ar fáil ar dháta ar bith, glacfaidh na hinstitiúidí an luach ag a ndéantar an chéadrogha a thomhas i gcomhréir leis an gcreat cuntasaíochta is infheidhme.

1.   Luach na neamhchosanta indírí ar chliant ó chonarthaí díorthach creidmheasa dá dtagraítear in Airteagal 2, pointe (b), beidh sé cothrom le suim mhargadhluach reatha an chonartha díorthach creidmheasa agus an mhéid atá dlite do chontrapháirtí an chonartha díorthach creidmheasa mar thoradh ar mhainneachtain fhéideartha eisitheoir na hionstraime foluití arna laghdú faoin méid atá dlite don institiúid ag an gcontrapháirtí sin sa chás sin.

2.   I gcás nach mbeidh margadhluach an díorthaigh creidmheasa ar fáil ar dháta áirithe, glacfaidh na hinstitiúidí luach cóir an díorthaigh creidmheasa ar an dáta sin. I gcás nach mbeidh margadhluach an díorthaigh creidmheasa ná a luach cóir ar fáil ar dháta áirithe, glacfaidh na hinstitiúidí an margadhluach nó an luach cóir is déanaí. I gcás nach mbeidh margadhluach an chonartha díorthach creidmheasa ná a luach cóir ar fáil ar dháta ar bith, glacfaidh na hinstitiúidí an luach ag a ndéantar an conradh díorthach creidmheasa a thomhas i gcomhréir leis an gcreat cuntasaíochta is infheidhme.

1.   Agus luach na neamhchosanta indírí ar chliant ó chonarthaí díorthach eile dá dtagraítear in Airteagal 2, pointe (c), lena n-áirítear babhtálacha, todhchaíochtaí nó réamh-idirbhearta, á ríomh, déanfaidh na hinstitiúidí a gcodanna idirbhirt iomadúla a mhiondealú i gcodanna idirbhirt aonair.

2.   Maidir leis na codanna idirbhirt dá dtagraítear i mír 1 lena ngabhann an priacal go mainneoidh eisitheoir na hionstraime foluití, ríomhfaidh na hinstitiúidí a luach neamhchosanta indírí amhail agus dá mba shuíomhanna sna codanna sin a bhí iontu.

3.   I gcás nach féidir le hinstitiúid an láimhseáil dá bhforáiltear i mír 1 agus mír 2 a chur i bhfeidhm, is é an luach a chinnfidh sí mar luach na neamhchosanta indírí i leith eisitheoir na n-ionstraimí foluiteacha ná an caillteanas uasta a thabhódh an institiúid ó mhainneachtain fhéideartha eisitheoir na n-ionstraimí foluiteacha dá dtagraíonn an conradh díorthach.

1.   Agus luach na neamhchosanta indírí ar chliant ó chonarthaí díorthach arna scríobh ar innéacsanna babhtála mainneachtana fiachais, cothromais nó creidmheasa nó ar ghnóthas comhinfheistíochta, nó a bhfuil ainmneacha tagartha foluiteacha iomadúla acu, á chinneadh, breathnóidh na hinstitiúidí ar gach ceann de na hionstraimí foluiteacha aonair agus is é an luach ríofa a bheidh ar luachanna na neamhchosaintí indíreacha ná an éagsúlacht i bpraghas an chonartha díorthach i gcás mhainneachtain gach ceann de na hainmneacha tagartha foluiteacha. Sannfaidh institiúidí gach luach neamhchosanta indírí do chliant sainaitheanta, do chliant ar leith nó don chliant anaithnid, mar a leagtar amach in Airteagal 6(1) agus (2) de Rialachán Tarmligthe (AE) Uimh. 1187/2014.

2.   I gcás nach féidir le hinstitiúid breathnú ar ionstraimí foluiteacha aonair uile an chonartha díorthach mar a fhoráiltear i mír 1 nó i gcás ina ngabhfadh ualach míchuí leis sin a dhéanamh mbeadh ualach míchuí uirthi déanamh amhlaidh, déanfaidh sí mar a leanas:

Sannfar luach na neamhchosanta indírí dá dtagraítear i bpointe (b) den chéad fhomhír den mhír seo don idirbheart díorthach mar chliant ar leith nó don chliant anaithnid, mar a leagtar síos in Airteagal 6(3) den Rialachán Tarmligthe (AE) Uimh. 1187/2014.

3.   De mhaolú ar mhír 1 agus mír 2 den Airteagal seo, i gcás ina bhfuil luachanna na neamhchosaintí indíreacha le sannadh ar an gcliant anaithnid, mar a leagtar amach in Airteagal 6(2) agus (3) de Rialachán Tarmligthe (AE) Uimh. 1187/2014 ón gCoimisiún, agus i gcás ina bhfuil luach diúltach ag na neamhchosaintí indíreacha, déanfaidh an institiúid luachanna na neamhchosaintí indíreacha sin a shocrú ag nialas sula gcuirtear san áireamh iad mar chuid de na neamhchosaintí ar an gcliant anaithnid.