1.   Doiciméadóidh agus tabharfaidh na saotharlanna tagartha údar leis na ceanglais maidir leis an eolas agus taithí i ndáil leis an bhfoireann, lena n-áirítear an stiúrthóir, an fhoireann theicniúil agus eolaíoch, arb eolas agus taithí é atá ag teastáil chun cúraimí na saotharlainne tagartha a chomhlíonadh i réimse feistí sonracha, catagóirí nó grúpaí feistí, nó guaiseacha sonracha a bhaineann le catagóir nó grúpa feistí a bhfuil saotharlanna tagartha an Aontais ainmnithe ina leith (“raon feidhme ainmniúcháin”).

2.   Beidh foireann ag saotharlanna tagartha an Aontais a chomhlíonann na ceanglais dá dtagraítear i mír 1 agus doiciméadóidh siad conas a chomhlíontar na ceanglais sin.

3.   Beidh líon leordhóthanach den fhoireann dá dtagraítear i mír 2 ag saotharlanna tagartha an Aontais maidir le líon na gcúraimí atá le déanamh ag saotharlanna tagartha an Aontais ina raon feidhme ainmniúcháin.

4.   Cuirfidh saotharlanna tagartha an Aontais clár leanúnach oiliúna agus oideachais ar bun dá bhfoireann.

1.   Sainaithneoidh saotharlanna tagartha an Aontais duine amháin ar a laghad laistigh dá bhainistíocht mar dhuine a bhfuil freagracht fhoriomlán air as feidhmiú na gcúraimí a leagtar amach in Airteagal 100(2) de Rialachán (AE) 2017/746.

2.   Beidh foireann riaracháin leordhóthanach ag saotharlanna tagartha an Aontais chun an tacaíocht riaracháin is gá a chur ar fáil chun na cúraimí a leagtar amach in Airteagal 100(2) de Rialachán (AE) 2017/746 a fheidhmiú, maidir le méid na gcúraimí sin.

3.   Déanfaidh saotharlanna tagartha an Aontais doiciméadacht ina mbeidh na nithe seo a leanas a shuí agus a choimeád cothrom le dáta:

Cuirfidh saotharlanna tagartha an Aontais an doiciméadacht dá dtagraítear sa chéad fhomhír ar fáil don Choimisiún, ar iarraidh uaidh.

1.   Beidh beartas rúndachta ag saotharlanna tagartha an Aontais ina mbeidh na nithe seo a leanas:

2.   Déanfaidh saotharlanna tagartha an Aontais bearta a chur i bhfeidhm agus a dhoiciméadú chun a áirithiú go gcomhlíonann an fhoireann an beartas rúndachta dá dtagraítear i mír 1.

1.   Deimhneoidh na Ballstáit go ndéanfaidh saotharlanna a bhfuil iarratas ar ainmniúchán curtha isteach acu ina leith de bhun Airteagal 100(1) de Rialachán (AE) 2017/746 a gcúraimí mar shaotharlanna tagartha an Aontais ar mhaithe le leas an phobail agus ar bhealach neamhspleách laistigh de na raonta feidhme ainmniúcháin atá beartaithe acu. Áireofar an deimhniú sin san iarratas.

2.   Beidh beartas ag saotharlanna tagartha an Aontais chun a áirithiú nach bhfuil leasanna airgeadais ná leasanna eile ag a mbaill foirne i dtionscal na bhfeistí leighis in vitro, a d’fhéadfadh difear a dhéanamh dá neamhchlaontacht i ndáil lena gcúraimí a chomhlíonadh.

Áireofar sa bheartas dá dtagraítear sa chéad fhomhír bearta chun coinbhleachtaí leasa a chosc, a shainaithint agus a réiteach agus cuirfear ar fáil don Choimisiún é ar iarraidh uaidh.

3.   Ní bheidh saotharlann tagartha an Aontais ina dearthóir, ina monaróir, ina soláthróir, ina suiteálaí, ina ceannaitheoir, ina húinéir ná ina cothabhálaí ar na feistí laistigh dá raon feidhme ainmniúcháin, ná ina hionadaí údaraithe thar ceann aon cheann de na páirtithe sin agus ní bheidh baint aici le dearadh, monarú ná tógáil, margú, suiteáil, úsáid ná cothabháil na bhfeistí laistigh dá raon feidhme ainmniúcháin.

Ní ghníomhóidh saotharlann tagartha an Aontais mar chomhlacht dá dtugtar fógra maidir le feistí a thagann faoina raon feidhme ainmniúcháin.

Laistigh dá raon feidhme ainmniúcháin, ní dhéanfaidh saotharlann tagartha de chuid an Aontais aon chúraimí a bhaineann le measúnú comhréireachta faoi Rialachán (AE) 2017/746 ar iarraidh ó chomhlacht dá dtugtar fógra, cé is moite de na cúraimí dá dtagraítear in Airteagal 100(2) de Rialachán (AE) 2017/746.

4.   Ní thiocfaidh saotharlann tagartha de chuid an Aontais i gcomhar le monaróir feiste nó le comhlacht dá dtugtar fógra maidir le comhshaothrú tráchtála má thagann comhoibriú den sórt sin laistigh dá raon feidhme ainmniúcháin.

1.   I gcás inar gá sin de bharr mhéid na tástála saotharlainne le haghaidh cúraim a shanntar do shaotharlann tagartha de chuid an Aontais laistigh dá raon feidhme ainmniúcháin, féadfaidh sí an tástáil nó cuid den tástáil a eisfhoinsiú chuig saotharlanna tagartha náisiúnta agus saotharlanna eile a bhunaítear i mBallstát (dá ngairtear “saotharlanna seachtracha” le chéile) nó chuig saotharlann tagartha eile de chuid an Aontais trí chonradh.

2.   I gcás inar gá sin de bharr méid, nádúr sonrach nó úrnuacht cúraim a shanntar do shaotharlann tagartha de chuid an Aontais, féadfaidh sí conradh a dhéanamh le saotharlann sheachtrach nó le saotharlann tagartha eile de chuid Aontais chun rochtain a fháil ar threalamh nó ar ábhair bhreise shonracha is gá chun an cúram a chur i gcrích.

3.   Ní fhéadfaidh saotharlann tagartha de chuid an Aontais conarthaí dá dtagraítear i mír 1 a thabhairt i gcrích ach le saotharlanna seachtracha a chomhlíonann na coinníollacha seo a leanas:

4.   Cuirfidh saotharlanna tagartha an Aontais an conarthaí dá dtagraítear sa chéad fhomhír ar fáil don Choimisiún, ar iarraidh uaidh.

5.   Beidh an fhreagracht fhoriomlán ar shaotharlann tagartha an Aontais as torthaí tástálacha agus as comhlíonadh na gcúraimí a thagann faoina raon feidhme ainmniúcháin, beag beann ar aon tacaíocht a gheofar ó shaotharlanna seachtracha nó ó shaotharlanna tagartha eile de chuid Aontais i gcomhréir leis an Airteagal seo.

1.   Saotharlanna atá creidiúnaithe i gcomhréir leis an gcaighdeán comhchuibhithe EN ISO/IEC 17025, agus ar fhoilsigh comhlacht creidiúnaithe náisiúnta, atá ag feidhmiú i gcomhréir le Rialachán (CE) Uimh. 765/2008, tagairt dóibh in Iris Oifigiúil an Aontais Eorpaigh, féadfaidh na Ballstáit nó an Coimisiún a mheas go bhfuil i gcomhréir leis na ceanglais a leagtar amach sna forálacha seo a leanas den Rialachán seo:

2.   Maidir le raon feidhme an chreidiúnaithe dá dtagraítear i mír 1:

1.   Sula gcuirfear isteach iarratas ar ainmniúchán saotharlainne i gcomhréir le hAirteagal 100(1) de Rialachán (AE) 2017/746, fíoróidh na Ballstáit go gcomhlíonann an tsaotharlann na critéir a leagtar amach in Airteagal 100(4) den Rialachán sin, mar a shonraítear tuilleadh in Airteagail 1 go 7 den Rialachán seo.

2.   Sula gcuirfear isteach iarratas a bheidh le hainmniú i gcomhréir le hAirteagal 100(1) de Rialachán (AE) 2017/746, fíoróidh Airmheán Comhpháirteach Taighde an Choimisiúin go gcomhlíonann sé na critéir a leagtar amach in Airteagal 100(4) den Rialachán sin, mar a shonraítear tuilleadh in Airteagail 1 go 7 den Rialachán seo.

3.   Déanfaidh na Ballstáit nó Airmheán Comhpháirteach Taighde an Choimisiúin an fíorú dá dtagraítear i mír 1 agus mír 2, mar aon lena thoradh, a dhoiciméadú san iarratas.

1.   Maidir le cúraimí a iarrann comhlacht dá dtugtar fógra nó Ballstát, tabharfaidh saotharlanna tagartha an Aontais conradh i gcrích leis an bpáirtí iarrthach sula ndéanfaidh siad an cúram. Leagfar amach sa chonradh sin na téarmaí agus na coinníollacha chun an cúram a chomhlíonadh, lena n-áirítear an sceideal ama. Tabharfar an conradh sin i gcrích leis an méid seo a leanas:

2.   Ní fhéadfaidh saotharlann tagartha an Aontais diúltú d’iarrataí ó chomhlachtaí dá dtugtar fógra chun conradh a thabhairt i gcrích na cúraimí dá dtagraítear in Airteagal 100(2), pointe (a) nó pointe (b), de Rialachán (AE) 2017/746 a dhéanamh ach amháin i gcás nach dtagann na cúraimí sin laistigh dá raon feidhme ainmniúcháin.

3.   I gcás ina bhfuil conradh tugtha i gcrích idir comhlacht dá dtugtar fógra agus saotharlann tagartha an Aontais, cuirfidh an comhlacht dá dtugtar fógra an conradh ar fáil don údarás atá freagrach as an gcomhlacht dá dtugtar fógra má iarrtar sin.

1.   Le haghaidh gach feiste agus gach cúraim dá dtagraítear in Airteagal 100(2), pointe (a) agus pointe (b), de Rialachán (AE) 2017/746, féadfaidh comhlacht dá dtugtar fógra conradh dá dtagraítear in Airteagal 10(1), pointe (a), den Rialachán seo a thabhairt i gcrích le saotharlann tagartha amháin de chuid Aontais.

2.   Cuirfidh an comhlacht dá dtugtar fógra ar fáil do shaotharlann tagartha an Aontais an doiciméadacht uile a bhaineann leis an bhfeiste agus aon fhaisnéis ábhartha eile atá ina sheilbh atá riachtanach chun an cúram dá dtagraítear i mír 1 a chomhlíonadh. Beidh an doiciméadacht sin ar fáil in aon cheann de theangacha oifigiúla an Aontais is inghlactha ag saotharlann tagartha an Aontais.

3.   Féadfaidh saotharlann tagartha an Aontais a iarraidh ar an gcomhlacht dá dtugtar fógra soiléiriú a fháil ar an doiciméadacht agus ar an bhfaisnéis a cuireadh isteach. Coimeádfaidh saotharlann tagartha an Aontais taifead de na hiarrataí sin.

4.   Áiritheoidh an comhlacht dá dtugtar fógra go ndéanfaidh an monaróir aon trealamh agus aon ábhar tagartha a fhorbraíonn nó a fhorordaíonn an monaróir le haghaidh feiste áirithe chun tástáil a dhéanamh ar an bhfeiste sin a sholáthar do shaotharlann tagartha an Aontais saor in aisce, ar choinníoll nach bhfuil trealamh den sórt sin ag saotharlann tagartha an Aontais cheana féin. I gcás ina gceadóidh an monaróir an fheiste a úsáid le trealamh a chuireann monaróirí éagsúla ar fáil, áiritheoidh an comhlacht dá dtugtar fógra go gcuirfidh an monaróir trealamh ó cheann amháin de na monaróirí sin ar a laghad ar fáil do shaotharlann tagartha Aontais agus go mbeidh údar maith leis an rogha a rinneadh. Féadfaidh an monaróir aon trealamh nó ábhar tagartha eile atá ar fáil ar bhonn tráchtála a sholáthar do shaotharlann tagartha an Aontais saor in aisce chun tástáil a dhéanamh ar fheiste an mhonaróra.

Seolfar an trealamh nó na hábhair thagartha dá dtagraítear sa chéad fhomhír chuig saotharlann tagartha an Aontais nó, in imthosca a bhfuil údar cuí leo, cuirfear ar fáil iad do shaotharlann tagartha an Aontais ar áitreabh an mhonaróra.

Áiritheoidh an comhlacht dá dtugtar fógra go gcuirfidh an monaróir oiliúint ar fáil d’fhoireann shaotharlann tagartha an Aontais maidir le húsáid an trealaimh dá dtagraítear sa chéad fhomhír, i gcás ina measfaidh saotharlann tagartha an Aontais an oiliúint sin a bheith riachtanach chun an trealamh a oibriú.

5.   Cuirfidh an comhlacht dá dtugtar fógra saotharlann tagartha an Aontais ar an eolas láithreach maidir le haon fhaisnéis nua a bhaineann leis an bhfeiste ar cuireadh í ar a shúile dó agus a bhféadfadh tionchar a bheith aici ar chomhlíonadh an chúraim dá dtagraítear i mír 1.

1.   Chun críocha an chúraim dá dtagraítear in Airteagal 100(2), pointe (a), de Rialachán (AE) 2017/746, fíoróidh saotharlanna tagartha an Aontais feidhmíocht feiste agus an gcomhlíonann sí sonraíochtaí coiteanna is infheidhme nó réitigh eile a roghnaíonn an monaróir i gcomparáid leis na héilimh feidhmíochta a dtugann an monaróir bunús cuí leo sa tuarascáil ar an meastóireacht feidhmíochta.

2.   Cinnfidh saotharlanna tagartha an Aontais cé na tástálacha saotharlainne atá riachtanach chun feidhmíocht na feiste agus comhlíonadh na feiste leis na sonraíochtaí coiteanna nó le réitigh eile arna roghnú ag an monaróir mar a leagtar amach i mír 1 a fhíorú. Tabharfaidh saotharlanna tagartha an Aontais, ina dtuairim, na cúiseanna ar roghnaíodh na tástálacha.

3.   Fíoróidh saotharlanna tagartha an Aontais feidhmíocht na feiste agus an chaoi a gcomhlíonann sí sonraíochtaí coiteanna nó réitigh eile a roghnaíonn an monaróir mar a leagtar amach i mír 1 bunaithe ar thorthaí na dtástálacha saotharlainne dá dtagraítear i mír 2.

4.   Tabharfaidh saotharlanna tagartha an Aontais a dtuairim laistigh de 60 lá tar éis an dáta is déanaí de na dátaí seo a leanas:

5.   Beidh tuairim shaotharlanna tagartha an Aontais mionsonraithe agus tabharfar cúiseanna inti leis na conclúidí agus leis na moltaí a rinneadh.

Cuirfear moltaí ar fáil sa tuairim dá dtagraítear sa chéad fhomhír maidir leis an tástáil dá dtagraítear in Airteagal 100(2), pointe (b), de Rialachán (AE) 2017/746, lena n-áirítear na heiseamail atá le tástáil, líon samplaí na feiste agus an mhinicíocht le haghaidh tástáil shamplach nó baisc-thástála a dhéanann saotharlann tagartha an Aontais i gcás nach ann d’aon cheanglas a ghlactar i gcomhréir le hAirteagal 48(13), pointe (c), de Rialachán (AE) 2017/746.

1.   Chun críocha an chúraim dá dtagraítear in Airteagal 100(2), pointe (b), de Rialachán (AE) 2017/746, molfaidh an comhlacht dá dtugtar fógra plean tástála samplaí nó baisc-thástála le haghaidh na feiste do shaotharlann tagartha an Aontais, ag cur san áireamh, más infheidhme, na moltaí ó shaotharlann tagartha an Aontais dá dtagraítear in Airteagal 12(5), an dara fomhír, den Rialachán seo.

Féadfaidh saotharlann tagartha an Aontais leasuithe ar an bplean tástála dá dtagraítear sa chéad fhomhír a mholadh. Tabharfaidh saotharlann tagartha an Aontais na cúiseanna atá leis na tograí sin.

Tiocfaidh an comhlacht dá dtugtar fógra agus saotharlann tagartha an Aontais ar chomhaontú maidir leis an leagan deiridh den phlean tástála dá dtagraítear sa chéad fhomhír. Comhlíonfaidh an plean sin na sonraíochtaí coiteanna is infheidhme agus aon cheanglas a ghlactar i gcomhréir le hAirteagal 48(13), pointe (c), de Rialachán (AE) 2017/746.

2.   Cuirfidh an comhlacht dá dtugtar fógra an doiciméadacht seo a leanas ar fáil do shaotharlann tagartha an Aontais a dhéanann an sampla nó an baisc-thástáil:

Cuirfidh saotharlann tagartha an Aontais an tuairim agus na torthaí dá dtagraítear sa chéad fhomhír san áireamh nuair a bheidh leasuithe á moladh aici ar an leagan críochnaitheach den phlean dá dtagraítear i mír 1 nó nuair a bheidh comhaontú ann maidir leis.

3.   Déanfaidh an comhlacht dá dtugtar fógra, i gcomhaontú leis an monaróir, socruithe lóistíochta a chur i bhfeidhm le saotharlann tagartha an Aontais chun a áirithiú go mbeidh a dóthain ama ag saotharlann tagartha an Aontais tar éis na samplaí a fháil chun an tástáil a dhéanamh agus chun a torthaí a chur ar fáil don chomhlacht dá dtugtar fógra. Cuirfear san áireamh sna socruithe sin an t-am a theastaíonn ón gcomhlacht dá dtugtar fógra chun cinneadh féideartha a chur in iúl don mhonaróir laistigh den tréimhse ama a comhaontaíodh, ach tráth nach déanaí ná 30 lá tar éis na samplaí a fháil.

4.   Torthaí shaotharlann tagartha an Aontais maidir le torthaí na tástála samplaí nó na baisc-thástála, beidh siad mionsonraithe agus áireofar iontu na cúiseanna atá leis na conclúidí.

1.   Féadfaidh an Coimisiún, ar a thionscnamh féin nó ar iarraidh ón nGrúpa Comhordaithe Feistí Leighis (GCFL), iarraidh a chur isteach chun cúraimí dá dtagraítear in Airteagal 100(2), pointí (c), (d), (f) nó (i), de Rialachán (AE) 2017/746, a chur chuig saotharlann tagartha de chuid an Aontais nó, i gcás ina dtagann an iarraidh faoi raon feidhme ainmniúcháin níos mó ná saotharlann tagartha amháin de chuid an Aontais, chuig líonra shaotharlanna tagartha an Aontais dá dtagraítear in Airteagal 100(5) de Rialachán (AE) 2017/746 (líonra “shaotharlanna tagartha an Aontais”) nó chuig fo-líonra ábhartha dá dtagraítear in Airteagal 17(1) den Rialachán seo (“fo-líonra”).

Féadfaidh na Ballstáit iarraidh a chur faoi bhráid saotharlann tagartha de chuid an Aontais chun cúram dá dtagraítear in Airteagal 100(2), pointe (c) nó pointe (d), de Rialachán (AE) 2017/746 a chur i gcrích nó, i gcás ina dtagann an iarraidh faoi raon feidhme ainmniúcháin níos mó ná saotharlann tagartha amháin de chuid an Aontais, chuig líonra shaotharlanna tagartha an Aontais nó fo-líonra ábhartha.

2.   Féadfaidh na Ballstáit iarraidh a chur faoi bhráid shaotharlann tagartha de chuid an Aontais chun cúram dá dtagraítear in Airteagal 100(2), pointe (c) nó pointe (d) nó pointe (g) de Rialachán (AE) 2017/746 a chur i gcrích nó, i gcás ina dtagann an iarraidh faoi raon feidhme ainmniúcháin níos mó ná saotharlann tagartha amháin de chuid an Aontais, chuig líonra shaotharlanna tagartha an Aontais nó fo-líonra ábhartha. I gcás ina mbaineann ábhar na hiarrata le níos mó ná comhlacht amháin dá dtugtar fógra, déanfaidh na comhlachtaí sin dá dtugtar fógra an iarraidh a chomhordú.

3.   Féadfaidh saotharlann tagartha an Aontais, líonra shaotharlanna tagartha an Aontais nó an fo-líonra comhoibriú le saotharlanna tagartha náisiúnta ábhartha chun an cúram a dhéanamh.

4.   I gcás, mar fhreagairt ar iarrataí faoin Airteagal seo, ina bhfuil gnéithe atá éagsúil ó na caighdeáin ábhartha sa chúnamh, sa chomhairle nó sa rannchuidiú a chuireann saotharlanna tagartha de chuid an Aontais ar fáil, luafaidh saotharlann tagartha an Aontais, líonra shaotharlanna tagartha an Aontais nó an fo-líonra na cúiseanna atá leis an éagsúlacht sin sna doiciméid ina dtuairiscítear an cúnamh, an chomhairle nó an rannchuidiú.

1.   Cuirfidh na húdaráis inniúla saotharlanna tagartha ábhartha an Aontais ar an eolas faoi aon saotharlann atá ainmnithe mar shaotharlann tagartha náisiúnta i gcomhréir leis an dlí náisiúnta a bhfuil a raon feidhme ainmniúcháin laistigh de raon feidhme ainmniúcháin na saotharlann tagartha sin de chuid an Aontais.

2.   I gcás ina bhfuil raon feidhme ainmniúcháin saotharlainne tagartha náisiúnta laistigh de raon feidhme ainmniúcháin saotharlainne tagartha de chuid an Aontais nó fo-líonra, beidh an tsaotharlann tagartha náisiúnta sin ina cuid den líonra comhfhreagrach de shaotharlanna tagartha náisiúnta.

3.   Déanfaidh saotharlanna tagartha an Aontais nó na fo-líonraí faisnéis ábhartha a chomhroinnt agus úsáid modhanna tástála coiteanna laistigh dá líonraí de shaotharlanna tagartha náisiúnta a chur chun cinn.

4.   Foilseoidh saotharlanna tagartha an Aontais ar a suíomhanna gréasáin liostaí de na saotharlanna tagartha náisiúnta atá mar chuid dá líonra dá dtagraítear i mír 2 mar aon le liosta de chúraimí na saotharlann tagartha náisiúnta sin.

1.   Déanfaidh saotharlanna tagartha an an Aontais athbhreithniú ar na hábhair thagartha agus ar na nósanna imeachta tomhais tagartha d’ardord méadreolaíoch níos airde a thagann faoina raon feidhme ainmniúcháin agus is ar a suíomh gréasáin a fhoilseoidh siad moltaí maidir le hábhair thagartha oiriúnacha agus maidir le gnáthaimh tomhais thagartha d’ardord méadreolaíoch.

2.   I gcás ina bhfuil ábhair thagartha nó nósanna imeachta tomhais tagartha d’ardord méadreolaíoch ábhartha do níos mó ná saotharlann tagartha amháin de chuid an Aontais, déanfaidh líonra nó fo-líonra ábhartha shaotharlanna tagartha an Aontais an t-athbhreithniú a chomhordú agus comhaontóidh siad ar mholtaí coiteanna.

3.   Déanfaidh saotharlanna tagartha an Aontais na moltaí a thabhairt cothrom le dáta nuair a bheidh fáil ar ábhair thagartha nua nó ar nósanna imeachta tomhais tagartha nua d’ardord méadreolaíoch.

4.   I gcás ina molann saotharlanna tagartha an Aontais ábhair thagartha nó nósanna imeachta tomhais tagartha d’ardord méadreolaíoch a imíonn ó na caighdeáin ábhartha, luafaidh saotharlanna tagartha an Aontais na cúiseanna leis an éagsúlacht sin ina gcuid moltaí.

1.   I gcás ina bhfuil níos mó ná saotharlann tagartha amháin de chuid an Aontais ainmnithe le haghaidh feiste shonrach, catagóire nó grúpa feistí nó guais shonrach a bhaineann le catagóir nó grúpa feistí, déanfaidh na saotharlanna tagartha sin de chuid an Aontais fo-líonra a chruthú le haghaidh líonra shaotharlanna tagartha an Aontais.

2.   Féadfaidh saotharlanna tagartha an Aontais fo-líonraí eile a chruthú le haghaidh ábhair shonracha.

3.   Déanfaidh na fo-líonraí nósanna imeachta coiteanna a tháirgeadh agus a choinneáil cothrom le dáta chun na cúraimí dá dtagraítear in Airteagal 100(2), pointe (a) agus pointe (b), de Rialachán (AE) 2017/746 a chur i gcrích.

4.   Gach 2 bhliain ar a laghad, cinnfidh na fo-líonraí cad iad na modhanna agus na hábhair a úsáidtear chun na cúraimí dá dtagraítear in Airteagal 100(2), pointe (a) nó pointe (b), de Rialachán (AE) 2017/746 a chur i gcrích, ar modhanna agus ábhair iad a bhfuil gá le tástálacha inniúlachta ina leith chun na torthaí céanna a áirithiú i saotharlanna tagartha an Aontais ar fud an fho-líonra.

Forbróidh na fo-líonraí modheolaíocht le haghaidh na dtástálacha inniúlachta. Déanfaidh baill fo-líonra na tástálacha inniúlachta i gcomhréir leis an modheolaíocht a forbraíodh leis an bhfo-líonra sin agus déanfaidh siad an méid seo a leanas:

Cuirfidh an fo-líonra líonra shaotharlanna tagartha an Aontais ar an eolas maidir le torthaí na dtástálacha inniúlachta agus maidir le haon obair leantach a rinneadh orthu.

1.   Ar thogra ón gCoimisiún, agus i gcomhaontú leis, glacfaidh saotharlanna tagartha an Aontais, trí thromlach simplí, rialacha nós imeachta coiteanna le haghaidh shaotharlanna tagartha uile an Aontais lena gcumhdófar ar a laghad feidhmiú na gcúraimí a leagtar amach in Airteagal 100(2) de Rialachán (AE) 2017/746.

2.   Comhlíonfaidh saotharlanna tagartha an Aontais na rialacha nós imeachta comhchoiteanna dá dtagraítear i mír 1 agus cuirfidh siad ar fáil go poiblí iad ar a suíomhanna gréasáin.

3.   Déanfaidh saotharlanna tagartha an Aontais, i gcomhaontú leis an gCoimisiún, athbhreithniú ar na rialacha nós imeachta comhchoiteanna dá dtagraítear i mír 1 gach 3 bliana ar a laghad agus tabharfaidh siad cothrom le dáta iad lena áirithiú go bhfuil siad éifeachtúil agus go léiríonn siad an cleachtas úrscothach.