(a)

bunófar iad go dleathach i mBallstát amháin nó i dtríú tír amháin;

(b)

beidh sé d’acmhainn acu rialuithe a dhéanamh lena áirithiú go ndéanfar na coinníollacha a leagtar amach in Airteagal 45(1), pointe (a), pointe (b)(i) agus pointe (c), agus san Airteagal seo a chomhlíonadh maidir le táirgí orgánacha agus táirgí atá á dtiontú ar beartaíodh iad a allmhairiú isteach san Aontas, gan cúraimí rialúcháin a tharmligean; chun críocha an phointe seo, cúraimí rialúcháin a dhéanann daoine a oibríonn faoi chonradh aonair nó faoi chomhaontú foirmiúil lena gcuirtear iad faoi rialú bainistíochta agus faoi nósanna imeachta na n-údarás rialúcháin nó na gcomhlachtaí rialúcháin conarthacha, ní mheasfar gur cúraimí tarmligthe iad, agus ní bheidh feidhm ag an toirmeasc faoi chúraimí rialúcháin a tharmligean maidir le sampláil;

(c)

tabharfaidh siad ráthaíochtaí leordhóthanacha oibiachtúlachta agus neamhchlaontachta agus beidh siad saor ó aon choinbhleacht leasa maidir le feidhmiú a gcúraimí rialaithe; go háirithe, beidh nósanna imeachta i bhfeidhm acu lena áirithiú go mbeidh na baill foirne a dhéanfaidh rialuithe agus gníomhaíochtaí eile saor ó aon choinbhleacht leasa, agus nach mó ná 3 bliana as a chéile a dhéanfaidh na cigirí céanna iniúchadh ar na hoibreoirí;

(d)

i gcás na gcomhlachtaí rialúcháin, déanfar iad a chreidiúnú chun nach bhfaighidh siad aitheantas ach ó aon chomhlacht creidiúnaithe amháin i gcomhréir leis an Rialachán seo de réir an chaighdeáin chomhchuibhithe ábhartha um ‘Measúnú comhréireachta — Ceanglais ar chomhlachtaí a dheimhníonn táirgí, próisis agus seirbhísí’, ar foilsíodh an tagairt dó in Iris Oifigiúil an Aontais Eorpaigh;

(e)

beidh an saineolas, an trealamh agus an bonneagar is gá acu chun cúraimí rialúcháin a dhéanamh agus beidh go leor ball foirne acu a mbeidh an cháilíocht agus an taithí chuí acu;

(f)

beidh an cumas agus an inniúlacht acu lena ngníomhaíochtaí deimhniúcháin agus rialúcháin a dhéanamh i gcomhréir le ceanglais an Rialacháin seo agus go háirithe le Rialachán Tarmligthe (AE) 2021/1698 ón gCoimisiún (*1) i gcás gach cineáil oibreora (oibreoir aonair nó grúpa oibreoirí) i ngach tríú tír agus i gcás gach catagóire táirgí ar mian leo go dtabharfaí aitheantas dóibh;

(g)

beidh nósanna imeachta agus socruithe i bhfeidhm acu chun neamhchlaontacht, cáilíocht, comhsheasmhacht, éifeachtacht agus oiriúnacht a áirithiú maidir leis na rialuithe agus na gníomhaíochtaí eile a dhéanann siad;

(h)

beidh go leor ball foirne acu leis an gcáilíocht agus leis an taithí chuí chun na rialuithe agus na gníomhaíochtaí eile a dhéanamh go héifeachtach agus in am trátha;

(i)

beidh saoráidí agus trealamh atá iomchuí agus coinnithe go cuí acu lena áirithiú gur féidir leis na baill foirne rialuithe oifigiúla agus gníomhaíochtaí oifigiúla eile a dhéanamh go héifeachtach agus in am trátha;

(j)

beidh na nósanna imeachta i bhfeidhm acu lena áirithiú go mbeidh rochtain ag na baill foirne ar áitreabh, agus ar dhoiciméid, na n-oibreoirí, chun go mbeidh siad in ann a gcuid cúraimí a chur i gcrích;

(k)

beidh scileanna, oiliúint agus nósanna imeachta inmheánacha acu a bheidh oiriúnach chun rialuithe éifeachtacha a dhéanamh, cigireacht san áireamh, ar oibreoirí chomh maith le córas rialúcháin inmheánaigh de chuid oibreoirí grúpa, más ann dóibh;

(l)

an t-aitheantas a tugadh cheana dóibh i dtaca le tríú tír shonrach agus/nó i dtaca le catagóir táirgí, i gcomhréir le mír 2a, ní bheidh sin aistarraingthe, ná a gcreidiúnú, ní bheidh sin aistarraingthe ná curtha ar fionraí ag aon chomhlacht creidiúnaithe i gcomhréir lena nósanna imeachta maidir le fionraí nó aistarraingt arna mbunú i gcomhréir leis an gcaighdeán idirnáisiúnta ábhartha, go háirithe le caighdeán 17011 de chuid na hEagraíochta Idirnáisiúnta um Chaighdeánú (ISO) – Measúnú comhréireachta – ceanglais ghinearálta maidir le comhlachtaí creidiúnaithe lena ndéantar comhlachtaí um measúnú comhréireachta a chreidiúnú, le linn na 24 mhí roimh na rudaí seo a leanas:

(m)

i gcás údaráis rialúcháin, is eagraíochtaí riaracháin poiblí iad sa tríú tír a bhfuil aitheantas iarrtha acu ina leith;

(n)

comhlíonfaidh siad na ceanglais nós imeachta a leagtar síos i gCaibidil I de Rialachán Tarmligthe (AE) 2021/1698; agus

(o)

comhlíonfaidh siad aon chritéar breise a d’fhéadfaí a leagan síos i ngníomh tarmligthe a ghlacfaí de bhun mhír 7.

(a)

ní chomhlíontar a thuilleadh ceann de na critéir aitheantais a leagtar amach i mír 2;

(b)

ní bheidh an tuarascáil bhliantúil dá dtagraítear in Airteagal 4 de Rialachán Tarmligthe (AE) 2021/1698 faighte ag an gCoimisiún faoin sprioc-am a shonraítear san Airteagal sin nó an fhaisnéis a áirítear sa tuarascáil bhliantúil, beidh sí neamhiomlán nó míchruinn, nó ní chomhlíonfaidh sí na ceanglais a leagtar amach sa Rialachán sin;

(c)

an fhaisnéis ar fad a bhaineann leis an sainchomhad teicniúil dá dtagraítear i mír 4, leis an gcóras rialúcháin a chuirtear i bhfeidhm leis, leis an liosta cothrom le dáta d’oibreoirí nó de ghrúpaí oibreoirí nó leis na táirgí orgánacha a chumhdaítear faoi raon feidhme a aitheantais, ní sholáthróidh an t-údarás rialúcháin ná an comhlacht rialúcháin í ná ní chuirfidh sé in iúl í;

(d)

ní thabharfaidh an t-údarás rialúcháin ná an comhlacht rialúcháin fógra don Choimisiún laistigh de 30 lá féilire ó rinneadh athruithe ar a shainchomhad teicniúil dá dtagraítear i mír 4;

(e)

ní sholáthróidh an t-údarás rialúcháin ná an comhlacht rialúcháin faisnéis a d’iarr an Coimisiún nó Ballstát roimh na spriocdhátaí arna leagan síos, nó beidh an fhaisnéis neamhiomlán, míchruinn nó ní chomhlíonfar léi na ceanglais a leagtar amach sa Rialachán seo, i Rialachán Tarmligthe (AE) 2021/1698 agus i ngníomh cur chun feidhme atá le glacadh de bhun mhír 8, nó ní chomhoibreoidh sé leis an gCoimisiún, go háirithe le linn na n-imscrúduithe a dhéanfar i dtaca le neamh-chomhlíontacht;

(f)

ní aontóidh an t-údarás rialúcháin ná an comhlacht rialúcháin dul faoi scrúdú ar an láthair a thionscain an Coimisiún;

(g)

le toradh an scrúdaithe ar an láthair nó le toradh an iniúchta léireofar mífheidhmiú córasach na mbeart rialúcháin nó ní bheidh an t-údarás rialúcháin ná an comhlacht rialúcháin in ann na moltaí ar fad a rinne an Coimisiún tar éis an scrúdaithe ar an láthair nó tar éis an iniúchta a chur i bhfeidhm ina bplean gníomhaíochta atá beartaithe agus a cuireadh faoi bhráid an Choimisiúin;

(h)

ní dhéanfaidh an t-údarás rialúcháin ná an comhlacht rialúcháin bearta ceartaitheacha leordhóthanacha mar fhreagairt ar na neamh-chomhlíontachtaí agus ar na sáruithe a breathnaíodh laistigh de sprioc-am a leag an Coimisiún síos i gcomhréir lena thromchúisí atá an cás, sprioc-am nach giorra ná 30 lá féilire;

(i)

i gcás ina n-athróidh oibreoir a údarás rialúcháin nó a chomhlacht rialúcháin, ní chuirfidh an t-údarás rialúcháin ná an comhlacht rialúcháin in iúl don údarás rialúcháin nua nó don chomhlacht rialúcháin nua gnéithe ábhartha den chomhad rialúcháin, lena n-áirítear taifid i scríbhinn de chuid an oibreora laistigh de 30 lá féilire ar a mhéad ó fuarthas an iarraidh ar aistriú ón oibreoir nó ón údarás rialúcháin nua nó ón gcomhlacht rialúcháin nua;

(j)

beidh baol ann go gcuirfear an tomhaltóir amú maidir le fíorchineál na dtáirgí a chumhdaítear le raon feidhme an aitheantais; nó;

(k)

ní bheidh aon oibreoir deimhnithe ag an údarás rialúcháin nó ag an gcomhlacht rialúcháin ar feadh tréimhse 48 mí as a chéile sa tríú tír ina bhfuil sé aitheanta.