(a)

teagmhálacha a fhorbairt le rialtais, le parlaimintí, le príomhghníomhaithe polaitiúla eile, leis na breithiúna agus leis an tsochaí shibhialta sa réigiún;

(b)

na tíortha sa réigiún a spreagadh chun comhoibriú agus comhar den sórt sin a éascú ar théamaí réigiúnacha comhleasa, amhail bagairtí comhchoiteanna slándála, an comhrac i gcoinne na sceimhlitheoireachta, na gáinneála aindleathaí agus na coireachta eagraithe; comhar trasteorann a spreagadh agus a éascú nuair is féidir chun aghaidh a thabhairt ar riachtanais áitiúla agus chun muinín agus athmhuintearas a chothú;

(c)

cuidiú le réiteach síochánta ar choinbhleachtaí i gcomhréir le prionsabail an dlí idirnáisiúnta agus cur chun feidhme an réitigh sin a éascú i ndlúthchomhar leis na Náisiúin Aontaithe agus ESCE; agus chun tacú le Grúpa ESCE Mhionsc agus a chomhchathaoirligh;

(d)

maidir leis an ngéarchéim sa tSeoirsia:

(e)

forbairt agus cur chun feidhme beart cothaithe muiníne a éascú, ag comhordú le saineolas na mBallstát i gcás ina mbeidh sin ar fáil agus inarb iomchuí;

(f)

iarrachtaí cuimsitheacha chun síocháin a chothú laistigh de na sochaithe a éascú agus cuidiú leo d’fhonn na coinbhleachtaí a shárú agus an tsíocháin a chomhdhlúthú;

(g)

cúnamh a thabhairt maidir le hionchur ón Aontais a ullmhú, de réir mar is iomchuí, maidir le socrú ionchasach coinbhleachta;

(h)

idirphlé an Aontais leis na príomhghníomhaithe lena mbaineann a threisiú maidir leis an réigiún;

(i)

cabhrú leis an Aontas forbairt bhreise a dhéanamh ar bheartas cuimsitheach i dtaobh an Chugais Theas;

(j)

faoi chuimsiú na ngníomhaíochtaí a leagtar amach san Airteagal seo, rannchuidiú le cur chun feidhme bheartas an Aontais um chearta an duine agus Threoirlínte an Aontais maidir le Cearta an Duine, go háirithe a mhéid a bhaineann le leanaí agus mná i limistéir ina bhfuil coinbhleachtaí, go háirithe trí fhaireachán a dhéanamh ar fhorbairtí ina leith sin agus trí aghaidh a thabhairt orthu.”;