(1)

I gcomhréir le hAirteagal 12 de Threoir 2014/68/AE ó Pharlaimint na hEorpa agus ón gComhairle (2), maidir le brú-threalamh nó cóimeálacha dá dtagraítear in Airteagal 4(1) agus (2) den Treoir sin atá i gcomhréir le caighdeáin chomhchuibhithe nó codanna de na caighdeáin chomhchuibhithe sin agus a bhfuil a sonraí tagartha foilsithe in Iris Oifigiúil an Aontais Eorpaigh, glacfar leis go bhfuil siad i gcomhréir leis na ceanglais riachtanacha sábháilteachta a chumhdaítear faoi na caighdeáin sin nó faoi chodanna de na caighdeáin sin dá dtagraítear in Iarscríbhinn I a ghabhann leis an Treoir sin.

(2)

I litir M/071 dar dáta an 1 Lúnasa 1994, d’iarr an Coimisiún ar an gCoiste Eorpach um Chaighdeánú (CEN) na caighdeáin a bhaineann le táirgí agus na caighdeáin de chineál cothrománach a tharraingt suas i ndáil leis an mbrú-threalamh chun tacú le Treoir 97/23/CE ó Pharlaimint na hEorpa agus ón gComhairle (3). Cuireadh Treoir 2014/68/AE in ionad na Treorach sin gan athrú a dhéanamh ar na ceanglais riachtanacha sábháilteachta dá dtagraítear in Iarscríbhinn I a ghabhann le Treoir 97/23/CE.

(3)

Ar bhonn iarraidh M/071 agus chun úrscothacht a léiriú, rinne CEN athbhreithniú agus leasú ar chuid de na caighdeáin chomhchuibhithe a bhí ann cheana. Go sonrach, rinne CEN athbhreithniú ar chaighdeáin chomhchuibhithe EN ISO 4126-3:2006, EN 12542:2010 agus EN 13175:2014 agus dá thoradh sin, glacadh caighdeán chomhchuibhithe EN ISO 4126-3:2020 maidir le feistí sábháilteachta, caighdeán EN 12542:2020 agus caighdeán EN 13175:2019+A1:2020 maidir le trealamh agus oiriúintí GPL; caighdeán comhchuibhithe EN 12735-1:2016 a raibh glacadh chaighdeán comhchuibhithe EN 12735-1:2020 maidir le copar agus cóimhiotail chopair ina thoradh air; agus caighdeán comhchuibhithe EN 12953-5:2002 a raibh glacadh chaighdeán comhchuibhithe EN 12953-5:2020 maidir le coirí scealla mar thoradh air. Rinne CEN athbhreithniú freisin ar chaighdeáin chomhchuibhithe EN 14276-1:2006+A1:2011 agus EN 14276-2:2007+A1:2011 agus dá thoradh sin, glacadh caighdeáin chomhchuibhithe EN 14276-1:2020 agus EN 14276-2:2020 maidir le brú-threalamh do chórais chuisniúcháin agus do chaidéil teasa mar aon le caighdeán comhchuibhithe EN ISO 15620:2000 a raibh glacadh chaighdeán comhchuibhithe EN ISO 15620:2019 maidir le táthú ina thoradh air.

(4)

Sa bhreis air sin rinne CEN athbhreithniú agus leasú ar shraith caighdeán comhchuibhithe maidir le comhlaí tionsclaíocha. Is é sin, rinne CEN leasú ar chaighdeáin chomhchuibhithe EN ISO 16135:2006, EN ISO 16136:2006, EN ISO 16137:2006, EN ISO 16138:2006, EN ISO 16139:2006 agus EN ISO 21787:2006. Rinne CEN athbhreithniú freisin ar chaighdeán comhchuibhithe EN 16767:2016 a raibh glacadh chaighdeán comhchuibhithe EN 16767:2020 maidir le comhlaí tionsclaíocha ina thoradh air.

(5)

Rinne CEN athbhreithniú freisin ar chaighdeáin chomhchuibhithe EN 13480-2:2017 agus EN 13480-3:2017 maidir le píopaí miotalacha tionsclaíocha.

(6)

I dteannta le CEN, rinne an Coimisiún measúnú ar cé acu a chomhlíonann nó nach gcomhlíonann na caighdeáin maidir le brú-threalamh arna leasú nó arna n-athbhreithniú ag CEN iarraidh M/071.

(7)

Na caighdeáin maidir le brú-threalamh arna leasú nó arna n-athbhreithniú ag CEN, comhlíonann siad na ceanglais a bhfuil sé d’aidhm leo iad a chumhdach agus a dtagraítear dóibh in Iarscríbhinn I a ghabhann le Treoir 2014/68/AE. Dá bhrí sin, is iomchuí sonraí tagartha na gcaighdeán sin a fhoilsiú in Iris Oifigiúil an Aontais Eorpaigh.

(8)

Foilseofar sonraí tagartha leaganacha leasaithe nó athbhreithnithe chaighdeáin EN 12542:2010, EN 12735-1:2016, EN 12953-5:2002, EN 13175:2014, EN 13480-2:2017, EN 13480-3:2017, EN 14276-1:2006+A1:2011, EN 14276-2:2007+A1:2011, EN 16767:2016, EN ISO 15620:2000, EN ISO 16135:2006, EN ISO 16136:2006, EN ISO 16137:2006, EN ISO 16138:2006, EN ISO 16139:2006, EN ISO 21787:2006 agus EN ISO 4126-3:2006. Dá bhrí sin, is gá tarraingt siar as Iris Oifigiúil an Aontais Eorpaigh (4) sonraí tagartha chaighdeáin EN 12542:2010, EN 12735-1:2016, EN 12953-5:2002, EN 13175:2014, EN 13480-3:2017, EN 14276-1:2006+A1:2011, EN 14276-2:2007+A1:2011, EN 16767:2016, EN ISO 15620:2000, EN ISO 16135:2006, EN ISO 16136:2006, EN ISO 16137:2006, EN ISO 16138:2006, EN ISO 16139:2006, EN ISO 21787:2006 agus EN ISO 4126-3:2006.

(9)

Chun a ndóthain ama a thabhairt do mhonaróirí chun a dtáirgí a chur in oiriúint do leaganacha leasaithe nó athbhreithnithe na gcaighdeán comhchuibhithe maidir le comhlaí tionsclaíocha, modhanna táthaithe, trealamh do chórais chuisniúcháin agus do chaidéil teasa, coirí scealla, píopaí miotalacha tionsclaíocha, copar agus cóimhiotail chopair, trealamh agus oiriúintí GPL agus feistí sábháilteachta le haghaidh cosaint ar bhrú iomarcach, is gá tarraingt siar shonraí tagartha na gcaighdeán sin a chur ar athló.

(10)

In Iarscríbhinn I a ghabhann le Cinneadh Cur Chun Feidhme (AE) 2019/1616 ón gCoimisiún (5), liostaítear sonraí tagartha na gcaighdeán comhchuibhithe arna ndréachtú chun tacú le Treoir 2014/68/AE. Ba cheart sonraí tagartha chaighdeáin chomhchuibhithe EN ISO 4126-3:2020, EN 12542:2020, EN 12735-1:2020, EN 12953-5:2020, EN 13175:2019+A1:2020, EN 13480-3:2017, EN 13480-3:2017/A2:2020, EN 13480-3:2017/A3:2020, EN 14276-1:2020, EN 14276-2:2020, EN ISO 15620:2019, EN ISO 16135:2006, EN ISO 16135:2006/A1:2019, EN ISO 16136:2006, EN ISO 16136:2006/A1:2019, EN ISO 16137:2006, EN ISO 16137:2006/A1:2019, EN ISO 16138:2006, EN ISO 16138:2006/A1:2019, EN ISO 16139:2006, EN ISO 16139:2006/A1:2019, EN 16767:2020, EN ISO 21787:2006 agus EN ISO 21787:2006/A1:2019 a chuimsiú san Iarscríbhinn sin.

(11)

In Iarscríbhinn II a ghabhann le Cinneadh Cur Chun Feidhme (AE) 2019/1616, liostaítear sonraí tagartha na gcaighdeán comhchuibhithe arna ndréachtú chun tacú le Treoir 2014/68/AE agus atá le tarraingt siar as Iris Oifigiúil an Aontais Eorpaigh. Ba cheart sonraí tagartha chaighdeáin chomhchuibhithe EN 12542:2010, EN 12735-1:2016, EN 12953-5:2002, EN 13175:2014, EN 13480-3:2017, EN 14276-1:2006+A1:2011, EN 14276-2:2007+A1:2011, EN 16767:2016, EN ISO 15620:2000, EN ISO 16135:2006, EN ISO 16136:2006, EN ISO 16137:2006, EN ISO 16138:2006, EN ISO 16139:2006, EN ISO 21787:2006 agus EN ISO 4126-3:2006 a chuimsiú san Iarscríbhinn sin.

(12)

Cuimsítear in Iarscríbhinn I a ghabhann le Cinneadh Cur Chun Feidhme (AE) 2019/1616 sonraí tagartha chaighdeán comhchuibhithe EN 13480-2:2017 agus sonraí tagartha leasuithe EN 13480- 2:2017/A1:2018, EN 13480-2:2017/A2:2018 agus EN 13480-2:2017/A3:2018. Rinneadh leasú breise ar chaighdeán EN 13480-2:2017. Is iomchuí an iontráil ábhartha san Iarscríbhinn sin a ionadú agus sonraí tagartha leasú EN 13480-2:2017/A7:2020 a chur isteach.

(13)

Dá bhrí sin, ba cheart Cinneadh Cur Chun Feidhme (AE) 2019/1616 a leasú dá réir.

(14)

Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear sonraí tagartha caighdeáin den chineál sin in Iris Oifigiúil an Aontais Eorpaigh. Dá bhrí sin, ba cheart don Chinneadh seo teacht i bhfeidhm lá a fhoilsithe,