(1)

Is é is aidhm do Chiste Dlúthpháirtíochta an Aontais Eorpaigh (“an Ciste”) cur ar chumas an Aontais freagairt ar bhealach tapa éifeachtúil solúbtha do staideanna éigeandála chun dlúthpháirtíocht a léiriú le pobail réigiún a mbuaileann tubaistí nádúrtha iad.

(2)

Ní fhéadfaidh a bheith sa Chiste níos mó ná méid uasta bliantúil EUR 500 000 000 (praghsanna 2011), de réir mar a leagtar síos in Airteagal 10 de Rialachán (AE, Euratom) Uimh. 1311/2013 ón gComhairle (3).

(3)

An 8 Samhain 2019, tar éis eachtraí adhaimsire sna hAsóir, chuir an Phortaingéil iarratas isteach go slógfaí an Ciste.

(4)

An 28 Samhain 2019, tar éis báisteach thar na bearta a bhí ina chúis le tuilte i réigiúin Valencia, Murcia, Castilla-La Mancha agus na hAndalúise, chuir an Spáinn iarratas isteach go slógfaí an Ciste.

(5)

An 10 Eanáir 2020, tar éis eachtraí adhaimsire i 17 réigiún i bhfómhar 2019, chuir an Iodáil iarratas isteach go slógfaí an Ciste.

(6)

An 29 Eanáir 2020, tar éis eachtraí adhaimsire a tharla i mí na Samhna 2019, chuir an Ostair iarratas isteach go slógfaí an Ciste.

(7)

Comhlíonann na hiarratais ón bPortaingéil, ón Spáinn, ón Iodáil agus ón Ostair na coinníollacha i dtaca le ranníocaíocht airgeadais a thabhairt ón gCiste, mar a leagtar síos in Airteagal 4 de Rialachán (CE) Uimh. 2012/2002.

(8)

Dá bhrí sin, ba cheart an Ciste a shlógadh chun ranníocaíocht airgeadais a sholáthar don Phortaingéil, don Spáinn, don Iodáil agus don Ostair.

(9)

Chun giorrú a oiread agus is féidir ar an am a thógfaidh sé an Ciste a shlógadh, ba cheart feidhm a bheith ag an gCinneadh seo ó dháta a ghlactha,

(a)

tabharfar an méid EUR 8 212 697 don Phortaingéil;

(b)

tabharfar an méid EUR 56 743 358 don Spáinn;

(c)

tabharfar an méid EUR 211 707 982 don Iodáil;

(d)

tabharfar an méid EUR 2 329 777 don Ostair.