(1)

Is trí bhíthin Chinneadh 2013/103/AE (1) a d’aontaigh an tAontas don Choinbhinsiún maidir le hIompar Idirnáisiúnta d’Iarnród an 9 Bealtaine 1980 (“COTIF”), arna leasú le Prótacal Vilnias an 3 Meitheamh 1999.

(2)

Is Páirtithe in COTIF iad gach Ballstát seachas an Chipir agus Málta.

(3)

In Airteagal 6 COTIF, luaitear go bhfuil trácht iarnróid idirnáisiúnta agus cead d’ábhar iarnróid sa trácht idirnáisiúnta le rialú le rialacha a liostaítear san Airteagal sin, go háirithe na Rialacháin maidir le hIompar Idirnáisiúnta Earraí Contúirteacha d’Iarnród (RID), is é sin Aguisín C a ghabhann le COTIF.

(4)

Le Treoir 2008/68/CE ó Pharlaimint na hEorpa agus ón gComhairle (2), leagtar síos riachtanais le haghaidh iompar earraí contúirteacha de bhóthar, d’iarnród nó ar uiscebhealaí intíre laistigh de na Ballstáit nó eatarthu ar bhonn na RID.

(5)

De bhun litir d) d’Airteagal 13 § 1 agus Airteagal 33 § 5 COTIF, is féidir leis an gCoiste Saineolaithe um Iompar Earraí Contúirteacha (“Coiste Saineolaithe RID”) de chuid na hEagraíochta Idir-Rialtasaí um Iompar Idirnáisiúnta d’Iarnród (OTIF) an Iarscríbhinn a ghabhann le RID a leasú.

(6)

Ag an 56ú seisiún de Choiste Saineolaithe RID an 27 Bealtaine 2020, glacfaidh siad leasuithe leis an Iarscríbhinn a ghabhann le RID a chur in oiriúint don dul chun cinn eolaíoch agus teicniúil.

(7)

Baineann na leasuithe atá beartaithe le caighdeáin theicniúla agus is é is aidhm dóibh a áirithiú gur go sábháilte éifeachtúil a iomprófar earraí contúirteacha, agus dul chun cinn eolaíoch agus teicniúil san earnáil, chomh maith le forbairt substaintí agus earraí nua a d’fhéadfadh a bheith ina mbaol le linn a n-iompartha, á gcur san áireamh.

(8)

Meastar gurb iomchuí na leasuithe atá beartaithe ó thaobh iompar sábháilte earraí contúirteacha ar bhealach atá costéifeachtach de agus féadfar tacú leo dá bhrí sin.

(9)

Is iomchuí an seasamh a ghlacfar thar ceann an Aontais i gCoiste Saineolaithe RID a leagan síos mar beidh na leasuithe ar RID ceangailteach ar an Aontas,