23.4.2018   

GA

Iris Oifigiúil an Aontais Eorpaigh

4

(1)

I dTreoir 92/66/CEE ón gComhairle (3), leagtar síos bearta rialaithe an Aontais atá le déanamh i gcás ina dtarlaíonn ráig de ghalar Newcastle in éanlaith chlóis, i gcolúir rásaíochta agus in éin eile a choinnítear i mbraighdeanas.

(2)

Foráiltear in Airteagal 15 de Threoir 92/66/CEE go mbeidh tagairt do shaotharlann tagartha an Aontais Eorpaigh um ghalar Newcastle in Iarscríbhinn V a ghabhann leis an Treoir sin. In Iarscríbhinn V a ghabhann leis an Treoir sin déantar tagairt chuí don tsaotharlann sin agus liostaítear a cuid feidhmeanna agus na dualgais atá uirthi.

(3)

In Airteagal 19 de Threoir 92/66/CEE, leagtar síos bearta rialaithe atá le déanamh ag na Ballstáit i gcás ina bhfuil amhras ann go bhfuil colúir theachtaireachta nó éin a choinnítear i mbraighdeanas ionfhabhtaithe le galar Newcastle. Foráiltear ann go ndéanfaidh na Ballstáit, a mhéid is gá chun na bearta rialaithe sin a chur i bhfeidhm mar is cuí, faisnéis a chur ar fáil don Choimisiún maidir le staid an ghalair agus leis na bearta rialaithe arna gcur i bhfeidhm i gcomhréir leis an bhfoirm shamplach a leagtar amach in Iarscríbhinn VI a ghabhann leis an Treoir sin.

(4)

Foráiltear in Airteagal 21 de Threoir 92/66/CEE go bhfuil ar gach Ballstát plean teagmhais a tharraingt suas, ina sonrófar na bearta náisiúnta atá le cur chun feidhme i gcás ráig de ghalar Newcastle. Foráiltear ann go bhfuil na critéir atá le cur i bhfeidhm maidir leis an bplean sin a tharraingt suas leagtha amach in Iarscríbhinn VII a ghabhann leis an Treoir sin.

(5)

Foráiltear in Airteagal 24 de Threoir 92/66/CEE go ndéanfaidh an Chomhairle na hIarscríbhinní a ghabhann léi a leasú, de réir mar is gá agus nuair is gá, ag gníomhú di trí thromlach cáilithe ar thogra ón gCoimisiún, go háirithe chun forbairtí taighde agus forbairtí i nósanna imeachta diagnóiseacha a chur san áireamh.

(6)

In Iarscríbhinní V, VI agus VII de Threoir 92/66/CEE, leagtar amach faoi seach: (i) ainm agus seoladh shaotharlann tagartha an Aontais Eorpaigh um ghalar Newcastle mar aon lena cuid feidhmeanna agus na dualgais atá uirthi; (ii) an fhoirm shamplach atá le húsáid ag na Ballstáit chun staid an ghalair, agus na bearta rialaithe arna gcur i bhfeidhm, a thuairisciú; agus (iii) na critéir íosta a bheidh ar na Ballstáit a chur i bhfeidhm maidir le pleananna teagmhais a tharraingt suas ina sonrófar na bearta náisiúnta atá le cur chun feidhme i gcás ráig de ghalar Newcastle.

(7)

Chun na nósanna imeachta maidir le rialú ghalar Newcastle a shimpliú agus a chuíchóiriú, agus, go háirithe, na rialacha nua maidir le hainmniúchán shaotharlanna tagartha an Aontais Eorpaigh dá bhforáiltear in Airteagal 93 de Rialachán (AE) 2017/625 ó Pharlaimint na hEorpa agus ón gComhairle (4) á gcur san áireamh, maille leis an gcóras nua chun gníomhartha a chur chun feidhme dá bhforáiltear in Airteagal 291 den Chonradh ar Fheidhmiú an Aontais Eorpaigh, agus chun coinníollacha aonfhoirmeacha a áirithiú maidir le Treoir 92/66/CEE a chur chun feidhme, ba cheart Iarscríbhinní V, VI agus VII de Threoir 92/66/CEE a scriosadh agus ba cheart cumhachtaí cur chun feidhme sna réimsí a chumhdaítear leis na hIarscríbhinní sin a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (5).

(8)

Ar mhaithe le soiléireacht, ba cheart feidhmeanna agus dualgais shaotharlann tagartha an Aontais Eorpaigh um ghalar Newcastle a leagan síos in Airteagal 15 de Threoir 92/66/CEE, agus ba cheart na critéir maidir leis na pleananna teagmhais a leagan síos in Airteagal 21 den Treoir sin.

(9)

Ar mhaithe le comhsheasmhacht agus éifeachtúlacht, ba cheart do na Ballstáit a áirithiú go ndéanfar forálacha na Treorach seo a thrasuí go tráthúil.

(10)

Ba cheart, dá bhrí sin, Treoir 92/66/CEE a leasú dá réir sin,

(1)

cuirtear an méid seo a leanas in ionad Airteagal 15:

“Airteagal 15

1.   Déanfaidh an Coimisiún, trí bhíthin gníomhartha cur chun feidhme, saotharlann tagartha de chuid an Aontais Eorpaigh um ghalar Newcastle a ainmniú. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 25.

2.   Is iad seo a leanas feidhmeanna agus dualgais shaotharlann tagartha an Aontais Eorpaigh um ghalar Newcastle:

(2)

leasaítear Airteagal 19 mar a leanas:

(3)

cuirtear an méid seo a leanas in ionad Airteagal 21:

“Airteagal 21

1.   Déanfaidh gach Ballstát plean teagmhais a tharraingt suas, ina sonrófar na bearta náisiúnta a bheidh le cur chun feidhme i gcás ráig de ghalar Newcastle. Tabharfar an plean teagmhais cothrom le dáta, de réir mar is iomchuí, chun athruithe ar staid an ghalair a chur san áireamh.

Ceadófar leis an bplean teagmhais go mbeidh rochtain ar shaoráidí, trealamh, pearsanra agus gach ábhar riachtanach eile is gá chun ráig de ghalar Newcastle a dhíothú go pras agus go héifeachtúil. Tabharfar tásc beacht sa phlean ar na riachtanais a mheasann gach Ballstát is gá le haghaidh vacsaíniú éigeandála.

2.   Cuirfear na pleananna teagmhais agus aon nuashonruithe a dhéanfar orthu faoi bhráid an Choimisiúin.

3.   Déanfaidh an Coimisiún na pleananna teagmhais agus aon nuashonruithe a dhéanfar orthu a scrúdú chun a chinneadh an bhfágann siad gur féidir an cuspóir inmhianaithe a bhaint amach agus molfaidh sé aon leasuithe is gá don Bhallstát lena mbaineann go háirithe chun a áirithiú go bhfuil na pleananna sin comhoiriúnach do phleananna na mBallstát eile.

Déanfaidh an Coimisiún na pleananna teagmhais agus aon nuashonruithe a dhéanfar orthu, agus aon leasuithe a dhéanfar más gá, a fhormheas i gcomhréir leis an nós imeachta scrúdúcháin dá dtagraítear in Airteagal 25.

4.   Féadfaidh an Coimisiún, trí bhíthin gníomhartha cur chun feidhme, critéir a leagan síos a bheidh ar na Ballstáit a chur i bhfeidhm maidir leis na pleananna teagmhais a tharraingt suas. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 25.”.

(4)

cuirtear an méid seo a leanas in ionad Airteagal 25:

“Airteagal 25

1.   Déanfaidh an Buanchoiste um Plandaí, Ainmhithe, Bia agus Beatha, a bunaíodh le hAirteagal 58(1) de Rialachán (CE) Uimh. 178/2002 ó Pharlaimint na hEorpa agus ón gComhairle (*1), cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*2).

2.   I gcás ina ndéanfar tagairt don Airteagal seo, beidh feidhm ag Airteagal 5 de Rialachán (AE) Uimh. 182/2011.

(5)

Scriostar Iarscríbhinní V, VI agus VII.