maidir leis an nGníomhaireacht Eorpach Chomhshaoil agus maidir leis an nGréasán Eorpach um Fhaisnéis agus um Fhaire ar an gComhshaol

Ag féachaint don Chonradh ag bunú an Chomhphobail Eorpaigh, agus go háirithe Airteagal 175 de,

Ag féachaint don tuairim ó Choiste Eacnamaíoch agus Sóisialta na hEorpa (1),

Ag gníomhú dóibh i gcomhréir leis an nós imeachta a leagtar síos in Airteagal 251 den Chonradh (2),

1. Foráiltear leis an Rialachán seo don Ghníomhaireacht Eorpach Chomhshaoil, dá ngairtear ‘an Ghníomhaireacht’ anseo feasta, agus is é is aidhm dó gréasán Eorpach um fhaisnéis agus um fhaire ar an gcomhshaol a chur ar bun.

2. Chun na haidhmeanna a bhaineann le cosaint agus le feabhsú an chomhshaoil, mar a leagtar síos iad leis an gConradh agus le cláir ghníomhaíochta chomhleanúnacha an Chomhphobail maidir leis an gcomhshaol, mar aon leis na haidhmeanna a bhaineann le forbairt inbhuanaithe, a bhaint amach is é is cuspóir don Ghníomhaireacht agus don Ghréasán Eorpach um Fhaisnéis agus um Fhaire ar an gComhshaol na nithe seo a leanas a sholáthar don Chomhphobal agus do na Ballstáit:

D’fhonn an cuspóir a leagtar amach in Airteagal 1 a bhaint amach, is iad seo a leanas cúraimí na Gníomhaireachta:

1. Áireofar i bpríomhréimsí gníomhaíochta na Gníomhaireachta, a mhéid is féidir, na heilimintí sin go léir lena gcuirfear ar a cumas faisnéis a bhailiú lena bhféadfar cur síos a dhéanamh ar staid an chomhshaoil mar atá agus mar is intuartha de réir na gceannteideal seo a leanas:

lena n-áirítear na ceannteidil sin a chur i gcomhthéacs na forbartha inbhuanaithe.

2. Soláthróidh an Ghníomhaireacht faisnéis ar féidir í a úsáid go díreach chun beartas comhshaoil an Chomhphobail a chur chun feidhme.

Go háirithe, déanfar feiniméin trasteorann, ilnáisiúnta agus dhomhanda a chumhdach.

3. Féadfaidh an Ghníomhaireacht comhoibriú freisin trí fhaisnéis a mhalartú le comhlachtaí eile, lena n-áirítear an Gréasán Eorpach um Chur chun Feidhme agus um Fhorghníomhú Dhlí an Chomhshaoil (Gréasán IMPEL).

Agus í i mbun a cuid gníomhaíochtaí, seachnóidh an Ghníomhaireacht dúbláil a dhéanamh ar na gníomhaíochtaí atá ar bun cheana ag institiúidí agus ag comhlachtaí eile.

2. Coimeádfaidh na Ballstáit an Ghníomhaireacht ar an eolas faoi phríomh-eilimintí a gcuid gréasán náisiúnta faisnéise comhshaoil, go háirithe sna réimsí tosaíochta dá dtagraítear in Airteagal 3(2), lena n-áirítear aon institiúid a d’fhéadfadh, ina dtuairim, rannchuidiú le hobair na Gníomhaireachta, agus an gá lena áirithiú go bhfuil an cumhdach geografach is forleithne is féidir ann ar a gcríoch á chur san áireamh.

Comhoibreoidh na Ballstáit, de réir mar is cuí, leis an nGníomhaireacht agus rannchuideoidh siad le hobair an Ghréasán Eorpaigh um Fhaisnéis agus um Fhaire ar an gComhshaol i gcomhréir le clár oibre na Gníomhaireachta trí na sonraí náisiúnta a bhailiú, a chóimheas agus a anailísiú.

Féadfaidh na Ballstáit teacht le chéile freisin chun comhoibriú a dhéanamh sna gníomhaíochtaí sin ar leibhéal trasnáisiúnta.

3. Féadfaidh na Ballstáit, go háirithe, ‘pointe fócasach náisiúnta’ a ainmniú as measc na n-institiúidí dá dtagraítear i mír 2 nó as measc eagraíochtaí eile atá bunaithe ar a gcríoch chun an fhaisnéis atá le soláthar ar an leibhéal náisiúnta don Ghníomhaireacht agus do na hinstitiúidí nó na comhlachtaí ar cuid den Ghréasán iad, lena n-áirítear na sainionaid téamaí dá dtagraítear i mír 4, a chomhordú agus/nó a tharchur.

4. Féadfaidh na Ballstáit freisin, faoin 30 Aibreán 1994, institiúidí nó eagraíochtaí eile atá bunaithe ar a gcríoch a shainaithint arb iad na hinstitiúidí nó na heagraíochtaí iad a bhféadfaí é a chur de chúram sonrach orthu comhoibriú leis an nGníomhaireacht maidir le téamaí leasa ar leith.

Ba cheart go mbeadh institiúid a shainaithneofar amhlaidh in ann comhaontú a thabhairt i gcrích leis an nGníomhaireacht chun go bhfeidhmeoidh sí mar shainionad téamaí de chuid an Ghréasáin maidir le cúraimí sonracha.

Comhoibreoidh na sainionaid sin le hinstitiúidí eile ar cuid den Ghréasán iad.

5. Déanfaidh an Bord Bainistíochta, mar a shainítear é in Airteagal 8(1), na sainionaid téamaí a ainmniú ar feadh tréimhse nach faide ná ré gach cláir oibre ilbhliantúil dá dtagraítear in Airteagal 8(4). Féadfar gach ainmniúchán a athnuachan áfach.

6. Déanfar leithdháileadh na gcúraimí sonracha ar na sainionaid téamaí a thaispeáint i gclár oibre ilbhliantúil na Gníomhaireachta a luaitear in Airteagal 8(4).

7. I bhfianaise an chláir oibre ilbhliantúil, go háirithe, déanfaidh an Ghníomhaireacht athscrúdú ar bhonn tréimhsiúil ar eilimintí an Ghréasáin dá dtagraítear i mír 2 agus déanfaidh sí cibé athruithe a chinnfidh an Bord Bainistíochta, agus aon ainmniúcháin nua arna ndéanamh ag na Ballstáit á gcur san áireamh.

Féadfaidh an Ghníomhaireacht comhaontú a dhéanamh leis na hinstitiúidí nó leis na comhlachtaí ar cuid den Ghréasán iad agus dá dtagraítear in Airteagal 4, ar comhaontú é ar na socruithe is gá, go háirithe conarthaí, chun na cúraimí a leagfaidh sí faoina gcúram a chomhall.

Féadfaidh Ballstát foráil a dhéanamh, maidir leis na hinstitiúidí nó leis na heagraíochtaí náisiúnta atá ar a chríoch, go ndéanfar na socruithe sin leis an nGníomhaireacht a chomhaontú leis an bpointe fócasach náisiúnta.

1. Beidh feidhm ag Rialachán (CE) Uimh. 1049/2001 maidir le doiciméid atá i seilbh na Gníomhaireachta.

2. Féadfaidh cinntí arna nglacadh ag an nGníomhaireacht de bhun Airteagal 8 de Rialachán (CE) Uimh. 1049/2001 a bheith ina n-ábhar gearáin chuig an Ombudsman Eorpach nó a bheith ina n-ábhar caingne os comhair Chúirt Bhreithiúnais na gComhphobal Eorpach, faoi na coinníollacha arna leagan síos in Airteagal 195 agus in Airteagal 230 den Chonradh faoi seach.

Beidh pearsantacht dhlítheanach ag an nGníomhaireacht. Beidh ag an nGníomhaireacht, i ngach ceann de na Ballstáit, an inniúlacht dhlítheanach is fairsinge atá ar fáil faoina dhlíthe ag daoine dlítheanacha.

1. Beidh Bord Bainistíochta ag an nGníomhaireacht ar a mbeidh ionadaí amháin ó gach Ballstát agus dhá ionadaí ón gCoimisiún. Ina theannta sin, féadfaidh ionadaí amháin ó gach tír eile atá rannpháirteach sa Ghníomhaireacht a bheith ann i gcomhréir leis na forálacha ábhartha.

Ina theannta sin, déanfaidh Parlaimint na hEorpa dhá phearsa eolaíochta atá saincháilithe i réimse chosaint an chomhshaoil a ainmniú mar chomhaltaí den Bhord Bainistíochta, agus roghnófar na pearsana sin ar bhonn an rannchuidithe phearsanta ar dóigh dóibh a dhéanamh i dtaca le hobair na Gníomhaireachta.

Féadfaidh comhalta malartach ionadaíocht a dhéanamh ar gach comhalta den Bhord Bainistíochta.

2. Toghfaidh an Bord Bainistíochta a chathaoirleach as measc chomhaltaí an bhoird ar feadh tréimhse trí bliana agus glacfaidh an Bord a rialacha nós imeachta. Beidh vóta ag gach comhalta den Bhord Bainistíochta.

Toghfaidh an Bord Bainistíochta biúró chuig a bhféadfaidh sé cinntí feidhmiúcháin a tharmligean de réir na rialacha a ghlacfaidh sé.

3. Beidh gá le tromlach dhá thrian de chomhaltaí an Bhoird chun cinntí an Bhoird Bainistíochta a ghlacadh.

4. Glacfaidh an Bord Bainistíochta clár oibre ilbhliantúil a bheidh bunaithe ar na réimsí tosaíochta dá dtagraítear in Airteagal 3(2), agus déanfaidh sé dréacht a chuirfidh an Stiúrthóir Feidhmiúcháin dá dtagraítear in Airteagal 9 faoina bhráid a úsáid mar bhonn, tar éis dul i gcomhairle leis an gcoiste eolaíochta, dá dtagraítear in Airteagal 10, agus tar éis tuairim an Choimisiúin a fháil. Áireofar meastachán buiséid ilbhliantúil sa chlár oibre ilbhliantúil, ach sin gan dochar do nós imeachta buiséadach bliantúil an Chomhphobail.

5. Faoin gclár ilbhliantúil, glacfaidh an Bord Bainistíochta clár oibre na Gníomhaireachta gach bliain ar bhonn dréachta a chuirfidh an Stiúrthóir Feidhmiúcháin faoina bhráid tar éis dul i gcomhairle leis an gcoiste eolaíochta agus tuairim an Choimisiúin a fháil. Féadfar an clár a choigeartú i gcaitheamh na bliana leis an nós imeachta céanna.

6. Déanfaidh an Bord Bainistíochta an tuarascáil bhliantúil maidir le gníomhaíochtaí na Gníomhaireachta a ghlacadh agus í a chur ar aghaidh, faoin 15 Meitheamh ar a dhéanaí, chuig Parlaimint na hEorpa, chuig an gComhairle, chuig an gCoimisiún, chuig an gCúirt Iniúchóirí agus chuig na Ballstáit.

7. Déanfaidh an Ghníomhaireacht an fhaisnéis uile a bhaineann le toradh na nósanna imeachta meastóireachta a chur ar aghaidh, ar bhonn bliantúil, chuig an údarás buiséadach.

1. Beidh Stiúrthóir Feidhmiúcháin i gceannas ar an nGníomhaireacht agus is é an Bord Bainistíochta a cheapfaidh é ar thogra ón gCoimisiún ar feadh tréimhse cúig bliana, ar tréimhse í a bheidh inathnuaite.

Gheobhaidh sé tuairim an choiste eolaíochta, dá dtagraítear in Airteagal 10, chun críocha foireann eolaíochta na Gníomhaireachta a earcú.

2. Beidh an Stiúrthóir Feidhmiúcháin cuntasach don Bhord Bainistíochta as a chuid gníomhaíochtaí.

1. Tabharfaidh coiste eolaíochta cúnamh don Bhord Bainistíochta agus don Stiúrthóir Feidhmiúcháin, ar coiste é a thabharfaidh tuairim uaidh i gcás ina bhforáiltear amhlaidh leis an Rialachán seo agus maidir le haon ábhar eolaíochta a bhaineann le gníomhaíocht na Gníomhaireachta agus a chuirfidh an Bord Bainistíochta nó an Stiúrthóir Feidhmiúcháin faoina bhráid.

2. Beidh an coiste eolaíochta comhdhéanta de chomhaltaí atá saincháilithe i réimse an chomhshaoil agus a n-ainmneoidh an Bord Bainistíochta iad ar feadh téarma ceithre bliana a bheidh inathnuaite uair amháin, agus cuirfidh an Bord san áireamh, inter alia, na réimsí eolaíochta nach mór ionadaíocht a dhéanamh orthu ar an gcoiste chun cuidiú leis an nGníomhaireacht ina cuid réimsí gníomhaíochta. Feidhmeoidh sé faoi mar a chinnfear leis na rialacha nós imeachta dá bhforáiltear in Airteagal 8(2).

1. Tarraingeofar suas meastacháin ioncaim agus caiteachais uile na Gníomhaireachta do gach bliain airgeadais, ar bliain í a chomhfhreagróidh don bhliain féilire, agus taifeadfar na meastacháin sin i mbuiséad na Gníomhaireachta.

2. Ní foláir an t-ioncam agus an caiteachas a thaispeántar sa bhuiséad a bheith ar comhardú.

3. Is é a bheidh in ioncam na Gníomhaireachta, gan dochar d’aon acmhainní eile, ná fóirdheontas ón gComhphobal arna thaifeadadh i mbuiséad ginearálta na gComhphobal Eorpach agus íocaíochtaí i leith seirbhísí a sholáthraítear.

4. Áireofar i gcaiteachas na Gníomhaireachta, inter alia, luach saothair na foirne, caiteachais riaracháin agus bonneagair, costais oibriúcháin agus caiteachas a bhaineann le conarthaí a thugtar i gcrích le hinstitiúidí nó le comhlachtaí ar cuid den Ghréasán iad agus le tríú páirtithe.

1. Gach bliain déanfaidh an Bord Bainistíochta, ar bhonn dréachta arna tharraingt suas ag an Stiúrthóir Feidhmiúcháin, ráiteas faoi mheastacháin ar ioncam agus caiteachas na Gníomhaireachta a thabhairt ar aird don bhliain airgeadais ina dhiaidh sin. Déanfaidh an Bord Bainistíochta an ráiteas sin faoi mheastacháin, ina gcuimseofar dréachtphlean bunaíochta, a chur ar aghaidh chuig an gCoimisiún faoin 31 Márta ar a dhéanaí.

2. Cuirfidh an Coimisiún an ráiteas faoi mheastacháin ar aghaidh chuig Parlaimint na hEorpa agus chuig an gComhairle (dá ngairtear an t-údarás buiséadach anseo feasta) mar aon leis an réamhdhréacht de bhuiséad ginearálta na gComhphobal Eorpach.

3. Ar bhonn an ráitis faoi mheastacháin, déanfaidh an Coimisiún na meastacháin a mheasann sé is gá don phlean bunaíochta agus méid an fhóirdheontais a mhuirearófar ar an mbuiséad ginearálta a thaifeadadh sa réamhdhréacht de bhuiséad ginearálta na gComhphobal Eorpach, agus cuirfidh sé an réamhdhréacht sin faoi bhráid an údaráis bhuiséadaigh i gcomhréir le hAirteagal 272 den Chonradh.

4. Údaróidh an t-údarás buiséadach na leithreasaí don fhóirdheontas a thabharfar don Ghníomhaireacht.

5. Is é an Bord Bainistíochta a ghlacfaidh an buiséad. Beidh an buiséad críochnaitheach i ndiaidh ghlacadh críochnaitheach bhuiséad ginearálta na gComhphobal Eorpach. Déanfar é a choigeartú dá réir sin i gcás inarb iomchuí.

6. Cuirfidh an Bord Bainistíochta in iúl don údarás buiséadach, a luaithe is féidir, go bhfuil ar intinn aige aon tionscadal a chur chun feidhme a bhféadfadh impleachtaí suntasacha airgeadais a bheith aige maidir le cistiú an bhuiséid, go háirithe aon tionscadail a bhaineann le maoin amhail foirgnimh a fháil ar cíos nó a cheannach. Cuirfidh sé an Coimisiún ar an eolas faoi sin.

I gcás ina mbeidh brainse den údarás buiséadach tar éis a chur in iúl go bhfuil ar intinn aige tuairim a thabhairt uaidh, cuirfidh sé a thuairim ar aghaidh chuig an mBord Bainistíochta laistigh de thréimhse sé seachtaine ón dáta a bhfaigheann sé fógra maidir leis an tionscadal.

1. Is é an Stiúrthóir Feidhmiúcháin a chuirfidh buiséad na Gníomhaireachta chun feidhme.

2. Faoin 1 Márta, ar a dhéanaí, i ndiaidh gach bliana airgeadais, cuirfidh oifigeach cuntasaíochta na Gníomhaireachta na cuntais shealadacha chuig oifigeach cuntasaíochta an Choimisiúin mar aon le tuarascáil ar an mbainistíocht buiséid agus airgeadais don bhliain airgeadais sin. Comhdhlúthóidh oifigeach cuntasaíochta an Choimisiúin cuntais shealadacha na n-institiúidí agus na gcomhlachtaí díláraithe i gcomhréir le hAirteagal 128 de Rialachán (CE, Euratom) Uimh. 1605/2002 ón gComhairle an 25 Meitheamh 2002 maidir leis an Rialachán Airgeadais is infheidhme ar bhuiséad ginearálta na gComhphobal Eorpach (6).

3. Faoin 31 Márta, ar a dhéanaí, i ndiaidh gach bliana airgeadais, cuirfidh oifigeach cuntasaíochta an Choimisiúin cuntais shealadacha na Gníomhaireachta ar aghaidh chuig an gCúirt Iniúchóirí, mar aon le tuarascáil ar an mbainistíocht buiséid agus airgeadais don bhliain airgeadais sin. Déanfar an tuarascáil ar an mbainistíocht buiséid agus airgeadais don bhliain airgeadais sin a chur ar aghaidh chuig Parlaimint na hEorpa agus chuig an gComhairle freisin.

4. Ar bharúlacha na Cúirte Iniúchóirí a fháil maidir le cuntais shealadacha na Gníomhaireachta faoi Airteagal 129 de Rialachán (CE, Euratom) Uimh. 1605/2002, tarraingeoidh an Stiúrthóir Feidhmiúcháin suas cuntais chríochnaitheacha na Gníomhaireachta ar a fhreagracht féin agus cuirfidh sé faoi bhráid an Bhoird Bainistíochta iad chun tuairim a fháil.

5. Tabharfaidh an Bord Bainistíochta tuairim uaidh ar chuntais chríochnaitheacha na Gníomhaireachta.

6. Déanfaidh an Stiúrthóir Feidhmiúcháin, faoin 1 Iúil ar a dhéanaí i ndiaidh gach bliana airgeadais, na cuntais chríochnaitheacha, mar aon le tuairim an Bhoird Bainistíochta, a chur ar aghaidh chuig Parlaimint na hEorpa, chuig an gComhairle, chuig an gCoimisiún agus chuig an gCúirt Iniúchóirí.

8. Déanfaidh an Stiúrthóir Feidhmiúcháin freagra ar a cuid barúlacha a chur chuig an gCúirt Iniúchóirí faoin 30 Meán Fómhair ar a dhéanaí. Cuirfidh sé an freagra sin chuig an mBord Bainistíochta freisin.

9. Déanfaidh an Stiúrthóir Feidhmiúcháin, arna iarraidh sin do Pharlaimint na hEorpa, an fhaisnéis go léir is gá le haghaidh chur i bhfeidhm rianúil an nós imeachta urscaoilte don bhliain airgeadais i dtrácht, de réir mar atá leagtha síos in Airteagal 146(3) de Rialachán (CE, Euratom) Uimh. 1605/2002, a chur faoi bhráid na Parlaiminte.

10. Déanfaidh Parlaimint na hEorpa, ar mholadh ón gComhairle ag gníomhú di trí thromlach cáilithe, roimh an 30 Aibreán den bhliain N + 2, urscaoileadh a thabhairt don Stiúrthóir Feidhmiúcháin i leith chur chun feidhme an bhuiséid don bhliain N.

Glacfaidh an Bord Bainistíochta na rialacha airgeadais is infheidhme maidir leis an nGníomhaireacht tar éis dó dul i gcomhairle leis an gCoimisiún. Ní fhéadfaidh siad imeacht ó Rialachán (CE, Euratom) Uimh. 2343/2002 ón gCoimisiún an 19 Samhain 2002 maidir leis an gcreat-Rialachán Airgeadais do na comhlachtaí dá dtagraítear in Airteagal 185 de Rialachán (CE, Euratom) Uimh. 1605/2002 ón gComhairle maidir leis an Rialachán Airgeadais is infheidhme ar bhuiséad ginearálta na gComhphobal Eorpach (7), mura rud é go bhfuil gá sonrach leis an imeacht sin le haghaidh oibriú na Gníomhaireachta agus mura rud é go bhfuil a thoiliú tugtha ag an gCoimisiún roimh ré.

1. Déanfaidh an Ghníomhaireacht iarracht ghníomhach chun comhoibriú a fháil ó chomhlachtaí agus ó chláir eile an Chomhphobail, agus go háirithe ón Airmheán Comhpháirteach Taighde, ó Oifig Staidrimh na gComhphobal Eorpach (Eurostat) agus ó chláir thaighde agus forbartha comhshaoil an Chomhphobail. Go háirithe:

2. Comhoibreoidh an Ghníomhaireacht go gníomhach freisin le comhlachtaí eile amhail an Ghníomhaireacht Eorpach Spáis, an Eagraíocht um Chomhar agus Forbairt Eacnamaíochta (OECD), Comhairle na hEorpa agus an Ghníomhaireacht Idirnáisiúnta Fuinnimh mar aon leis na Náisiúin Aontaithe agus a shainghníomhaireachtaí, go háirithe Clár Comhshaoil na Náisiún Aontaithe, an Eagraíocht Mheitéareolaíoch Dhomhanda agus an tÚdarás Idirnáisiúnta do Fhuinneamh Adamhach.

3. Féadfaidh an Ghníomhaireacht comhoibriú i réimsí leasa choitinn leis na hinstitiúidí sin i dtíortha nach baill den Chomhphobal iad, ar institiúidí iad ar féidir leo sonraí, faisnéis agus saineolas, modheolaíochtaí bailithe sonraí, anailíse sonraí agus measúnaithe sonraí a sholáthar, ar nithe leasa fhrithpháirtigh iad a bhfuil gá leo chun obair na Gníomhaireachta a thabhairt chun críche go rathúil.

4. Ní mór, go háirithe, maidir leis an gcomhoibriú dá dtagraítear i mír 1, i mír 2 agus i mír 3, go gcuirfear san áireamh ann an gá le haon dúbailt saothair a sheachaint.

Beidh feidhm ag an bPrótacal ar Phribhléidí agus Díolúintí na gComhphobal Eorpach maidir leis an nGníomhaireacht.

Beidh foireann na Gníomhaireachta faoi réir ag na Rialacháin agus ag na Rialacha is infheidhme maidir le hoifigigh agus le seirbhísigh eile de chuid na gComhphobal Eorpach.

Feidhmeoidh an Ghníomhaireacht, maidir lena cuid foirne, na cumhachtaí a tugadh don Údarás Ceapacháin.

Déanfaidh an Bord Bainistíochta, le comhaontú an Choimisiúin, na rialacha cuí cur chun feidhme a ghlacadh.

1. Beidh dliteanas conarthach na Gníomhaireachta faoi rialú ag an dlí is infheidhme maidir leis an gconradh atá i gceist. Beidh dlínse ag an gCúirt Bhreithiúnais chun breithiúnas a thabhairt de bhun clásail eadrána i gconradh arna thabhairt i gcrích ag an nGníomhaireacht.

2. I gcás dliteanais neamhchonarthaigh, déanfaidh an Ghníomhaireacht, i gcomhréir leis na prionsabail ghinearálta is coiteann do dhlíthe na mBallstát, aon damáiste a shlánú arbh é an Ghníomhaireacht nó a seirbhísigh ba chúis leis i gcomhlíonadh a ndualgas.

Beidh dlínse ag an gCúirt Bhreithiúnais i ndíospóidí a bhaineann le cúiteamh in aon damáiste den sórt sin.

3. Beidh dliteanas pearsanta a seirbhíseach i leith na Gníomhaireachta faoi rialú ag na forálacha a bhfuil feidhm acu maidir le foireann na Gníomhaireachta.

Maidir le tíortha nach baill den Chomhphobal iad ach ar cás leo, mar is cás leis an gComhphobal agus leis na Ballstáit, cuspóirí na Gníomhaireachta, tá an Ghníomhaireacht ar oscailt dóibh faoi chomhaontuithe arna dtabhairt i gcrích idir iad agus an Comhphobal i gcomhréir leis an nós imeachta in Airteagal 300 den Chonradh.

Aisghairtear Rialachán (CEE) Uimh. 1210/90, arna leasú leis na Rialacháin a liostaítear in Iarscríbhinn II.

Déanfar tagairtí don Rialachán aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil in Iarscríbhinn III.

Tiocfaidh an Rialachán seo i bhfeidhm an fichiú lá tar éis a fhoilsithe in Iris Oifigiúil an Aontais Eorpaigh.

(2) Tuairim ó Pharlaimint na hEorpa an 19 Feabhra 2008 (nár foilsíodh fós san Iris Oifigiúil) agus Cinneadh ón gComhairle an 23 Márta 2009.

IARSCRÍBHINN III

TÁBLA COMHGHAOIL

Rialachán (CEE) Uimh. 1210/90	An Rialachán seo
Airteagal 1(1)	Airteagal 1(1)
Airteagal 1(2), an fhoclaíocht tosaigh	Airteagal 1(2), an fhoclaíocht tosaigh
Airteagal 1(2), an chéad fhleasc	Airteagal 1(2), pointe (a)
Airteagal 1(2), an dara fleasc	Airteagal 1(2), pointe (b)
Airteagal 2, an fhoclaíocht tosaigh	Airteagal 2, an fhoclaíocht tosaigh
Airteagal 2, pointe (i)	Airteagal 2, pointe (a)
Airteagal 2, pointe (ii), an chéad fhleasc	Airteagal 2, pointe (b)
Airteagal 2, pointe (ii), an dara fleasc	Airteagal 2, pointe (c)
Airteagal 2, pointe (ii), an tríú fleasc	Airteagal 2, pointe (d)
Airteagal 2, pointe (iii)	Airteagal 2, pointe (e)
Airteagal 2, pointe (iv)	Airteagal 2, pointe (f)
Airteagal 2, pointe (v)	Airteagal 2, pointe (g)
Airteagal 2, pointe (vi)	Airteagal 2, pointe (h)
Airteagal 2, pointe (vii)	Airteagal 2, pointe (i)
Airteagal 2, pointe (viii)	Airteagal 2, pointe (j)
Airteagal 2, pointe (ix)	Airteagal 2, pointe (k)
Airteagal 2, pointe (x)	Airteagal 2, pointe (l)
Airteagal 2, pointe (xi)	Airteagal 2, pointe (m)
Airteagal 2, pointe (xii)	Airteagal 2, pointe (n)
Airteagal 2, pointe (xiii)	Airteagal 2, pointe (o)
Airteagal 3(1), an fhoclaíocht tosaigh	Airteagal 3(1), an fhoclaíocht tosaigh
Airteagal 3(1)(i)	Airteagal 3(1)(a)
Airteagal 3(1)(ii)	Airteagal 3(1)(b)
Airteagal 3(1)(iii)	Airteagal 3(1)(c)
Airteagal 3(1), an fhoclaíocht deiridh	Airteagal 3(1), an fhoclaíocht deiridh
Airteagal 3(2), an chéad fhomhír	Airteagal 3(2), an chéad fhomhír
Airteagal 3(2), an dara fomhír, an fhoclaíocht tosaigh	Airteagal 3(2), an dara fomhír, an fhoclaíocht tosaigh
Airteagal 3(2), an dara fomhír, an chéad fhleasc	Airteagal 3(2), an dara fomhír, pointe (a)
Airteagal 3(2), an dara fomhír, an dara fleasc	Airteagal 3(2), an dara fomhír, pointe (b)
Airteagal 3(2), an dara fomhír, an tríú fleasc	Airteagal 3(2), an dara fomhír, pointe (c)
Airteagal 3(2), an dara fomhír, an ceathrú fleasc	Airteagal 3(2), an dara fomhír, pointe (d)
Airteagal 3(2), an dara fomhír, an cúigiú fleasc	Airteagal 3(2), an dara fomhír, pointe (e)
Airteagal 3(2), an dara fomhír, an séú fleasc	Airteagal 3(2), an dara fomhír, pointe (f)
Airteagal 3(2), an dara fomhír, an seachtú fleasc	Airteagal 3(2), an dara fomhír, pointe (g)
Airteagal 3(2), an dara fomhír, an t-ochtú fleasc	Airteagal 3(2), an dara fomhír, pointe (h)
Airteagal 3(2), an tríú fomhír	Airteagal 3(2), an tríú fomhír
Airteagal 3(2), an ceathrú fomhír	Airteagal 3(2), an ceathrú fomhír
Airteagal 3(3)	Airteagal 3(3)
Airteagal 4(1), an fhoclaíocht tosaigh	Airteagal 4(1), an fhoclaíocht tosaigh
Airteagal 4(1), an chéad fhleasc	Airteagal 4(1), pointe (a)
Airteagal 4(1), an dara fleasc	Airteagal 4(1), pointe (b)
Airteagal 4(1), an tríú fleasc	Airteagal 4(1), pointe (c)
Airteagal 4(2), an chéad fhomhír, ó ‘to’ go ‘networks’	—
Airteagal 4(2), an chéad fhomhír, ó ‘especially’ go ‘territory’	Airteagal 4(2), an chéad fhomhír, an fhoclaíocht deiridh
Airteagal 4(2), an dara fomhír	Airteagal 4(2), an chéad fhomhír, an dara fomhír agus an tríú fomhír
Airteagal 4(3)	Airteagal 4(3)
Airteagal 4(4)	Airteagal 4(4), an chéad fhomhír, an dara fomhír agus an tríú fomhír
Airteagal 4(5), an chéad fhomhír	—
Airteagal 4(5), an dara fomhír	Airteagal 4(5)
Airteagal 4(6) agus (7)	Airteagal 4(6) agus (7)
Airteagal 5	Airteagal 5, an chéad fhomhír agus an dara fomhír
Airteagal 6(1)	Airteagal 6(1)
Airteagal 6(2)	—
Airteagal 6(3)	Airteagal 6(2)
Airteagal 7 agus Airteagal 8	Airteagal 7 agus Airteagal 8
Airteagal 9(1), an chéad fhomhír, an chéad abairt	Airteagal 9(1), an chéad fhomhír
Airteagal 9(1), an chéad fhomhír, an dara habairt	Airteagal 9(1), an dara fomhír
Airteagal 9(1), an chéad fhomhír, an fhoclaíocht tosaigh	Airteagal 9(1), an tríú fomhír, an fhoclaíocht tosaigh
Airteagal 9(1), an chéad fhomhír, an chéad fhleasc	Airteagal 9(1), an tríú fomhír, pointe (a)
Airteagal 9(1), an chéad fhomhír, an dara fleasc	Airteagal 9(1), an tríú fomhír, pointe (b)
Airteagal 9(1), an chéad fhomhír, an tríú fleasc	Airteagal 9(1), an tríú fomhír, pointe (c)
Airteagal 9(1), an chéad fhomhír, an ceathrú fleasc	Airteagal 9(1), an tríú fomhír, pointe (d)
Airteagal 9(1), an chéad fhomhír, an cúigiú fleasc	Airteagal 9(1), an tríú fomhír, pointe (e)
Airteagal 9(1), an dara fomhír	Airteagal 9(1), an ceathrú fomhír
Airteagal 9(2)	Airteagal 9(2)
Airteagal 10	Airteagal 10
Airteagal 11	Airteagal 11
Airteagal 12	Airteagal 12
Airteagal 13	Airteagal 13
Airteagal 14	Airteagal 14
Airteagal 15(1), an fhoclaíocht tosaigh	Airteagal 15(1), an fhoclaíocht tosaigh
Airteagal 15(1), an chéad fhleasc	Airteagal 15(1), pointe (a)
Airteagal 15(1), an dara fleasc	Airteagal 15(1), pointe (b)
Airteagal 15(2)	Airteagal 15(2)
Airteagal 15(2a)	Airteagal 15(3)
Airteagal 15(3)	Airteagal 15(4)
Airteagal 16	Airteagal 16
Airteagal 17	Airteagal 17
Airteagal 18	Airteagal 18
Airteagal 19	Airteagal 19
Airteagal 20	—
—	Airteagal 20
Airteagal 21	Airteagal 21
Iarscríbhinn	Iarscríbhinn I
—	Iarscríbhinn II
—	Iarscríbhinn III

Rialachán (CEE) Uimh. 1210/90 ón gComhairle	(IO L 120, 11.5.1990, lch. 1)
Rialachán (CE) Uimh. 933/1999 ón gComhairle	(IO L 117, 5.5.1999, lch. 1)
Rialachán (CE) Uimh. 1641/2003 ó Pharlaimint na hEorpa agus ón gComhairle	(IO L 245, 29.9.2003, lch. 1)