0. GINEARÁLTA

0.1. Déantús (trádainm an mhonaróra):

0.2. Cineál:

0.2.1. Ainm(neacha) trádála (má tá siad ar fáil):

0.3. Modh aitheantais an chineáil, má tá sé marcáilte ar an bhfeithicil / gcomhpháirt / aonad teicniúil ar leithligh (1) (3):

0.3.1. Suíomh na marcála sin:

0.4. Catagóir feithicle (4):

0.5. Ainm na cuideachta agus seoladh an mhonaróra:

0.8. Ainm(neacha) agus seoladh/seoltaí na monarchan/monarchana cóimeála:

0.9. Ainm agus seoladh ionadaí an mhonaróra (más ann dó):

1. SAINTRÉITHE GINEARÁLTA DÉANMHAIS NA FEITHICLE

1.1. Grianghraif, pictiúir agus/nó líníochtaí feithicle / comhpháirte/ aonaid theicniúil ar leithligh ionadaíoch (1):

0. GINEARÁLTA

0.1. Déantús (trádainm an mhonaróra):

0.2. Cineál:

0.2.1. Ainm(neacha) trádála (má tá siad ar fáil):

0.3. Modh aitheantais an chineáil, má tá sé marcáilte ar an bhfeithicil / gcomhpháirt / aonad teicniúil ar leithligh (1) :

0.3.1. Suíomh na marcála sin:

0.4. Catagóir feithicle ( 2 ):

0.5. Ainm agus seoladh an mhonaróra:

0.8. Ainm(neacha) agus seoladh/seoltaí na monarchan/monarchana cóimeála:

0.9. Ainm agus seoladh ionadaí an mhonaróra (más ann dó):

1. SAINTRÉITHE GINEARÁLTA DÉANMHAIS NA FEITHICLE

1.1. Grianghraif agus/nó líníochtaí d’fheithicil ionadaíoch:

1. Faisnéis bhreise (i gcás inarb infheidhme): féach an tAguisín.

2. Seirbhís theicniúil atá freagrach as na tástálacha a dhéanamh:

3. Dáta na tuarascála tástála:

4. Uimhir na tuarascála tástála:

5. Nótaí (más ann dóibh): féach an tAguisín.

6. Áit:

7. Dáta:

8. Síniú:

1. Bunaithe ar Rialachán NA agus comhpháirteanna nó aonaid theicniúla ar leithligh a fuair cineálcheadú AE á n-úsáid: tá / níl ( 3 )

2. An nós imeachta formheasa de réir Airteagal 30(7) de Rialachán AE 2018/858 (tástáil fhíorúil): tá / níl (3)

3. An nós imeachta formheasa de réir Airteagal 72(1) agus Iarscríbhinn VII de Rialachán AE 2018/858 (seirbhís theicniúil intí): tá / níl (3)

4. I gcás comhpháirteanna agus aonaid theicniúla ar leithligh, sampla den mharcáil chineálcheadúcháinar an gcomhpháirt nó ar an aonad teicniúil ar leithligh:

5. Nótaí:

1.1. Forálacha ginearálta:

1.1.1. Feisteofar pláta reachtúil an mhonaróra a dtugtar tuairisc air sa roinn seo ar gach feithicil

1.1.2. Greamóidh an monaróir feithiclí nó ionadaí an mhonaróra feithiclí pláta reachtúil an mhonaróra.

1.1.3. Beidh pláta reachtúil an mhonaróra comhdhéanta de cheachtar acu seo a leanas:

1.1.4. Daingneofar plátaí miotalacha le seamanna nó a gcoibhéis.

1.1.5. Léireoidh na lipéid má sháraítear iad, beidh siad calaoisdíonach agus féinscriosach i gcás ina ndéantar iarracht an lipéad a bhaint.

1.2. Faisnéis atá le lua ar phláta reachtúil an mhonaróra.

1.2.1. Déanfar an fhaisnéis a leanas a chló go doscriosta ar phláta reachtúil an mhonaróra san ord a liostaítear:

1.2.2. Ní bheidh airde na gcarachtar dá dtagraítear i bpointe 1.2.1.(d) níos lú ná 4 mm.

1.2.3. Ní bheidh airde na gcarachtar san fhaisnéis dá dtagraítear i bpointe 1.2.1., seachas uimhir aitheantais na feithicle, níos lú ná 2 mm.

1.3. Forálacha sonracha

1.3.1. Leantóirí

1.3.1.1. I gcás leantóra, luafar an uasmhais statach cheartingearach atá incheadaithe go teicniúil ar an bpointe cúplála.

1.3.1.2. Measfar gur acastóir é an pointe cúplála. Uimhreofar an t-acastóir sin ‘0’.

1.3.1.3. Uimhreofar an chéad acastóir ‘1’, an dara hacastóir ‘2’ agus mar sin de, agus iad deighilte ó chéile le fleiscín.

1.3.1.4. Fágfar mais an chónaisc dá dtagraítear i bpointe 1.2.1.(f) ar lár.

1.3.2. Feithiclí tromshaothair

1.3.2.1. Maidir le feithiclí i gcatagóir N3, O3 nó O4, luafar an uasmhais atá incheadaithe go teicniúil ar shraith acastóirí. Sainaithneofar an iontráil a chomhfhreagraíonn do “Shraith acastóirí” leis an litir ‘T’, agus fleiscín ina dhiaidh.

1.3.2.2. Maidir le feithiclí i gcatagóir M3, N3, O3 nó O4, féadfaidh an monaróir an uasmhais ualaithe incheadaithe atá beartaithe tráth an chlárúcháin/i seirbhís a lua ar phláta reachtúil an mhonaróra.

1.3.2.2.1. Déanfar an chuid de phláta reachtúil an mhonaróra ar a luafar na maiseanna a fhoroinnt in dhá cholún: luafar na huasmhaiseanna incheadaithe atá beartaithe tráth an chlárúcháin/i seirbhís sa cholún ar chlé agus luafar na huasmhaiseanna ualaithe atá incheadaithe go teicniúil sa cholún ar dheis.

1.3.2.2.2. Léireofar cód dhá litreach na tíre ina bhfuil an fheithicil beartaithe le bheith cláraithe sa cheanntásc den cholún ar chlé. Beidh an cód i gcomhréir le Caighdeán ISO 3166-1:2006.

1.3.2.3. Ní bheidh feidhm ag ceanglais phointe 1.3.2.1. i gcás:

1.4. Faisnéis bhreise

1.4.1. Féadfaidh an monaróir faisnéis bhreise a sholáthar faoi na hinscríbhinní forordaithe nó taobh leo, lasmuigh de dhronuilleog atá marcáilte go soiléir ina mbeidh an fhaisnéis dá dtagraítear i bpointí 1.2. agus 1.3. amháin.

1.5. Samhlacha de phláta reachtúil an mhonaróra

1.5.1. Tugtar samplaí de na samhlacha éagsúla a d’fhéadfaí a úsáid le haghaidh pláta reachtúil an mhonaróra i Roinn B.

1.5.2. Is sonraí samhailteacha iad na sonraí a thugtar ar na samhlacha.

1.6. Ceanglais maidir le suíomh ar fheithicil

1.6.1. Beidh pláta reachtúil an mhonaróra ceangailte go docht i suíomh feiceálach a bheidh inrochtana go héasca.

1.6.2. Roghnófar an suíomh ionas nach mbeidh an chuid dá mbeidh sé greamaithe faoi réir athsholáthair agus é in úsáid.

2.0.1. Marcálfar VIN ar gach feithicil.

2.0.2. Beidh an VIN uathúil agus sannta go haonchiallach d’fheithicil ar leith.

2.0.3. Marcálfar an VIN ar an bhfonnadh nó ar an bhfeithicil nuair a fhágann an fheithicil an líne tháirgthe.

2.0.4 Áiritheoidh an monaróir inrianaitheacht na feithicle trí bhíthin an VIN thar thréimhse 30 bliain.

2.0.5 Ní fhéadfar a sheiceáil tráth an chineálcheadaithe an ann do bhearta arna ndéanamh ag an monaróir chun inrianaitheacht na feithicle dá dtagraítear i bpointe 2.0.4. a áirithiú.

2.1. Beidh na trí chuid agus an digit seiceála a leanas i gceist le VIN:

2.2. Beidh cód i gceist leis an WMI a shanntar ar an monaróir feithiclí lenar féidir an monaróir sin a shainaithint.

2.2.1. Beidh trí charachtar alfa-uimhriúla sa chód, ceannlitreacha Rómhánacha nó uimhreacha Arabacha, a shannfaidh an t-údarás inniúil sa tír ina bhfuil príomháit ghnó an mhonaróra suite.

2.2.2. Gníomhóidh an t-údarás inniúil i gcomhréir leis an eagraíocht idirnáisiúnta dá dtagraítear i gCaighdeán ISO 3780:2009 maidir le “Feithiclí bóthair – Cód an aitheantóra monaróra domhanda (WMI)”.

2.2.3. I gcás ina mbíonn táirgeacht dhomhanda an mhonaróra níos lú ná 500 feithicil in aghaidh na bliana, beidh an tríú carachtar i gcónaí ‘9’. D’fhonn monaróirí den sórt sin a shainaithint, sannfaidh an t-údarás inniúil dá dtagraítear i bpointe 2.2. an tríú, an ceathrú agus an cúigiú carachtar den VIS.

2.3. Beidh cúig charachtar alfa-uimhriúla sa VDS, ceannlitreacha Rómhánacha nó uimhreacha Arabacha, a léireoidh saintréithe ginearálta na feithicle. I gcás nach n-úsáideann an monaróir ceann amháin nó níos mó de na cúig charachtar, líonfar na spásanna nach n-úsáidtear le carachtair alfa-uimhriúla de rogha an mhonaróra ionas go mbeidh cúig charachtar san iomlán ann.

2.4. Beidh digit seiceála ann le haghaidh an naoú suíomh den VIN atá ceart ó thaobh na matamaitice de i gcomhréir leis an bhfoirmle a shonraítear i Roinn C.

2.5. Beidh ocht gcarachtar alfa-uimhriúla sa VIS, ceannlitreacha Rómhánacha nó uimhreacha Arabacha, agus ní bheidh sna ceithre charachtar dheireanacha ach digití amháin.

2.6. Ní bheidh airde na gcarachtar VIN atá marcáilte ar an bhfonnadh níos lú ná 7 mm.

2.7. Ní bheidh aon spás idir na carachtair.

2.8. Ní cheadófar na litreacha ‘I’, ‘O’ nó ‘Q’ a úsáid.

2.9. Beidh tús agus deireadh an VIN teoranta ag siombail amháin ar rogha an mhonaróra. Níor cheart go mbeadh an tsiombail sin ina ceannlitir Rómhánach ná uimhir Arabach.

2.9.1. Féadfar an ceanglas faoi phointe 2.9. a tharscaoileadh i gcás ina marcáiltear an VIN ar líne amháin.

2.9.2. I gcás ina marcáiltear an VIN ar dhá líne, beidh feidhm ag an gceanglas faoi phointe 2.9. maidir le gach líne.

2.10. Ceanglais maidir le suíomh an VIN ar fheithicil

2.10.1. Beidh an VIN marcáilte ar líne amháin.

2.10.1.1. I gcás nach féidir an VIN a mharcáil ar líne amháin, ar chúiseanna teicniúla amhail easpa spáis, féadann an t-údarás inniúil, arna iarraidh sin don mhonaróir, marcáil an VIN ar dhá líne a cheadú. I gcás den sórt sin, ní fhéadfaidh na codanna dá dtagraítear i bpointe 2.1. a bheith briste.

2.10.2. Marcálfar an VIN trí stampáil nó trí ghreadú meicniúil ar an bhfonnadh, ar an bhfráma nó ar struchtúr eile dá shamhail.

2.10.3. Féadfar teicnící eile ar cruthaíodh ina leith go bhfuil sé dodhéanta iad a athrú trí chrioscaíl nó trí bhrionnú ar an leibhéal céanna leis an ngreadú meicniúil a úsáid in ionad na teicníce sin.

2.10.4. Marcálfar an VIN i suíomh ina bhfuil sé le feiceáil go soiléir agus éasca rochtain a fháil air, ar bhealach nach bhféadfar é a scriosadh ná nach bhféadfadh meath teacht air.

2.10.5. Beidh an VIN suite ar thaobh na láimhe deise den fheithicil.

Tugtar  an méid seo a leanas faoi deara: tá an colún ar an taobh clé roghnach

Tugtar  an méid seo a leanas faoi deara: tá an colún ar an taobh clé roghnach

1.1. Sann ar gach uimhir sa VIN a luach iarbhír matamaiticiúil agus sann ar gach litir an luach a shonraítear thíos:

1.2. Iolraigh an luach atá sannta ar gach carachtar sa VIN faoin toisc ualúcháin suímh a shonraítear thíos:

1.3. Cuir na torthaí a leanann as sin le chéile agus roinn an t-iomlán ar 11.

1.4. Tá an digit seiceála (uimhir 0 go 9 nó litir X) bunaithe ar an bhfuílleach codánach nó ar an bhfuílleach coibhéise deachúla (arna shlánú go dtí an míliú is gaire) mar a liostaítear sa tábla thíos.

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

2. Suíomh na huimhreach aitheantais feithicle:

3. Suíomh an phláta reachtúil:

4. Pláta reachtúil le haghaidh feithicil a tógadh go hilchéimneach: tá / níl (1)

5. Nótaí:

1. Chun críocha na hIarscríbhinne seo, beidh feidhm ag na sainmhínithe seo a leanas:

1.1. ciallaíonn “dromchla beagnach comhréidh” dromchla d’ábhar soladach, a d’fhéadfadh a bheith ina mhogall patrúnaithe nó gríl freisin, agus ga cuaire 3 000 mm ar a laghad aige;

1.2. ciallaíonn “dromchla mogaill phatrúnaithe” dromchla a bhfuil patrún cruthanna air amhail poill chruinne, ubhchruthacha, mhuileatacha, dhronuilleogacha nó chearnógacha atá scaipthe go cothrom ag eatraimh nach faide ná 15 mm;

1.3. ciallaíonn “dromchla gríle” dromchla a bhfuil barraí comhthreomhara air atá scaipthe go cothrom agus a bhfuil comhfhad nach faide ná 15 mm acu;

1.4. ciallaíonn “dromchla ainmniúil” dromchla atá foirfe go teoiriciúil ó thaobh na geoiméadrachta de gan neamhrialtachtaí dromchla amhail starrtha nó loig a chur san áireamh;

1.5. ciallaíonn “fadphlána meánach na feithicle” plána siméadrachta na feithicle nó, mura bhfuil an fheithicil siméadrach, an fadphlána ceartingearach a théann trí lár acastóirí na feithicle;

1.6. ciallaíonn “claonadh” céim an diallta uilligh i ndáil le plána ceartingearach.

2. Ceanglais theicniúla

2.1. Beidh feithiclí feistithe le spás chun plátaí clárúcháin cúil a ghléasadh agus a shocrú.

2.1.1. Beidh feithiclí i gcatagóirí M agus N feistithe freisin le spás chun plátaí clárúcháin tosaigh a ghléasadh agus a shocrú.

2.1.2. Beidh feithiclí de chatagóir O3 agus O4 feistithe le dhá spás ar leith chun plátaí clárúcháin cúil a ghléasadh agus a shocrú (i.e. chun gur féidir sainaithint roghnach feithicle tarraingthe a bheith ann i gcás ina n-éilíonn údarás náisiúnta é).

2.2. Cruth agus toisí an spáis chun pláta clárúcháin a ghléasadh

2.2.1. Beidh limistéar dronuilleogach i gceist leis an spás ainmnithe le haghaidh gléasta agus na híostoisí a leanas aige:

2.3. Plátaí clárúcháin tosaigh agus cúil a ghléasadh agus a shocrú.

2.3.1. Beidh an spás chun pláta clárúcháin tosaigh nó cúil a ghléasadh comhdhéanta de dhromchla dronuilleogach comhréidh nó beagnach comhréidh.

2.3.1.1. Féadfaidh pláta nó brac cuibheora a bheith ina bhonn don spás chun pláta clárúcháin a ghléasadh i gcás ina soláthraítear mar threalamh caighdeánach é. Féadfar é a dhearadh ar bhealach a fhágfaidh nach mbeidh sé greamaithe den fheithicil ach amháin in éineacht le pláta clárúcháin.

2.3.1.2. Féadfaidh an monaróir feithiclí spásanna roghnacha nó malartacha a sholáthar le haghaidh plátaí clárúcháin ar an bhfeithicil ar choinníoll go gcomhlíontar na ceanglais leo freisin.

2.3.2. D’fhéadfadh poill nó bearnaí a bheith sa dromchla a bheidh le cumhdach ag pláta clárúcháin tosaigh nó cúil; ní bheidh na poill nó bearnaí sin níos mó ná 75 mm ar airde, áfach, gan a leithead a chur san áireamh.

2.3.3. D’fhéadfadh starrtha a bheith sa dromchla a bheidh le cumhdach ag pláta clárúcháin tosaigh nó cúil, ar choinníoll nach ngobann na starrtha sin amach níos mó ná 5,0 mm ón dromchla ainmniúil. Ní dhéanfar paistí d’ábhair atá an-bhog, amhail cúr nó feilt chun an pláta clárúcháin a stopadh de bheith ag crith, a chur san áireamh.

2.3.4. Beidh an spás chun pláta clárúcháin tosaigh nó cúil a ghléasadh leagtha amach ar bhealach a fhágann, le pláta tástála, mar a shainmhínítear i bpointe 3.4., á shocrú i gcomhréir le treoracha an mhonaróra, go gcomhlíontar na ceanglais a leanas:

2.3.4.1. Suíomh an spáis chun pláta clárúcháin tosaigh nó cúil a ghléasadh:

2.3.4.1.1. Beidh an spás chun pláta clárúcháin a ghléasadh chun tosaigh ar an bhfeithicil ar bhealach a fhágann go bhféadtar an pláta a chur go hiomlán laistigh den dá fhadphlána cheartingearacha chomhthreomhara a théann trí fhoircinn sheachtracha na feithicle, gan aon ghaireas amhairc neamhdhírigh a chur san áireamh. Ní bheidh an spás ainmnithe féin ar an bpointe is leithne den fheithicil.

2.3.4.1.2. Beidh an spás chun pláta clárúcháin a ghléasadh ar chúl na feithicle ar bhealach a fhágann go bhféadtar an pláta a chur go hiomlán laistigh den dá fhadphlána cheartingearacha chomhthreomhara a théann trí fhoircinn sheachtracha na feithicle, gan aon ghaireas amhairc neamhdhírigh a chur san áireamh. Ní bheidh an spás ainmnithe féin ar an bpointe is leithne den fheithicil.

2.3.4.1.3. Beidh plátaí clárúcháin tosaigh agus cúil ingearach (± 5°) le fadphlána meánach na feithicle, arna thomhas i lár an phláta. ►M1  Féadfaidh an t-údarás cineálcheadaithe lamháltas suas le ± 15° a cheadú, áfach, arna iarraidh sin don mhonaróir chun an pláta clárúcháin tosaigh a shuí amach ón lárlíne ag tosach na feithicle ar chúiseanna teicniúla, aeraidinimiciúla nó ar chúiseanna eile. ◄

2.3.4.2. Suíomh an phláta tosaigh agus cúil i ndáil leis an trasphlána ingearach:

2.3.4.2.1. Féadfaidh an pláta a bheith claonta ar an ingear nach lú ná – 5° agus nach mó ná 30°, ar choinníoll nach mó ná 1 500 mm ó dhromchla na talún é airde chiumhais uachtarach an phláta.

2.3.4.2.2. Féadfaidh an pláta a bheith claonta ar an ingear nach lú ná – 15° agus nach mó ná 5°, ar choinníoll gur mó ná 1 500 mm ó dhromchla na talún é airde chiumhais uachtarach an phláta.

2.3.4.3. Airde an phláta tosaigh agus cúil ó dhromchla na talún:

2.3.4.3.1. Ní bheidh ciumhais íochtarach an phláta tosaigh níos lú ná 100 mm ó dhromchla na talún.

2.3.4.3.2. Ní bheidh ciumhais íochtarach an phláta cúil níos lú ná 200 mm ó dhromchla na talún.

2.3.4.3.3. Ní bheidh airde chiumhais uachtarach an phláta tosaigh agus cúil níos mó ná 1 500 mm ó dhromchla na talún.

2.3.4.3.3.1. Maidir le feithiclí sainchuspóireacha, i gcás nach bhfuil sé indéanta an fhoráil maidir le hairde a chomhlíonadh le haghaidh spás an phláta clárúcháin tosaigh nó cúil de bharr thógáil na feithicle, féadfaidh an uasairde, de mhaolú ar phointe 2.3.4.3.3., a bheith níos mó ná 1 500 mm ar choinníoll go bhfuil sé chomh gar don teorainn agus is féidir i bhfianaise shaintréithe tógála na feithicle.

2.3.4.4. Infheictheacht gheoiméadrach:

2.3.4.4.1. Beidh plátaí tosaigh agus cúil sofheicthe sa spás iomlán laistigh de na ceithre phlána a leanas:

2.3.4.4.2. Ní bheidh aon ghné struchtúrach, fiú i gcás ina mbíonn sé go hiomlán trédhearcach, suite laistigh den spás a dtugtar tuairisc air thuas.

2.3.4.5. Ní bheidh an bhearna idir ciumhaiseanna an phláta gléasta agus socraithe agus dromchla iarbhír spás an phláta níos mó ná 5,0 mm feadh imlíne iomlán an phláta.

2.3.4.5.1. Féadfar an bhearna sin a shárú má thomhaistear ag poll nó bearna sa mhogall patrúnaithe nó idir na barraí comhthreomhara i ndromchla gríle é.

2.3.5. Déanfar suíomh agus cruth iarbhír an phláta gléasta agus socraithe mar a chinntear thuas, go háirithe an ga cuaire atá aige dá bharr, a chur san áireamh chun críche ceanglais gairis soilsithe an phláta clárúcháin cúil.

2.4. Ceanglais eile

2.4.1. Ní bheidh an pláta clárúcháin ina bhonn ná ina chuid de bhonn chun aon pháirt, comhpháirt nó gaireas feithicle eile a cheangal de, a ghléasadh nó a fháscadh air (e.g. ní féidir tacaí gairis soilsithe a shocrú ar phláta clárúcháin).

2.4.2. Ní éireoidh aon pháirt, pláta cuibheora, comhpháirt ná gaireas scaoilte ná scortha de thoradh ar phláta clárúcháin a bhaint.

2.4.3. Agus pláta clárúcháin socraithe, ní laghdófar a infheictheacht faoi ghnáthdhálaí úsáide mar gheall, go háirithe, ar chreathanna ná fórsaí dinimiciúla amhail fórsaí gaoithe tiomána.

2.4.4. Ní cheadaítear suíomh gléasta le haghaidh pláta clárúcháin a sholáthar a d’fhéadfadh casadh suas agus/nó síos níos faide ná na huillinneacha a leagtar síos i bpointí 2.3.4.2.1. agus 2.3.4.2.2. i ndáil le struchtúr na feithicle i ngnáthdhálaí tiomána (i.e. agus na doirse nó painéil rochtana dúnta).

2.4.5. I gcás ina ndearbhaíonn an monaróir feithiclí go bhfuil mótarfheithicil oiriúnach le hualaí a tharraingt (pointe 2.11.5. den doiciméad faisnéise dá dtagraítear in Airteagal 24(1) de Rialachán (AE) 2018/858) agus i gcás ina bhféadfaidh aon pháirt de ghaireas oiriúnach cúplála meicniúla, bíodh sé feistithe ar chineál na mótarfheithiclí nó ná bíodh, an spás le haghaidh gléasadh agus socrú an phláta clárúcháin cúil a cheilt (nó cuid de), beidh feidhm ag an méid seo a leanas:

3. Nós imeachta tástála

3.1. Claonadh ingearach agus airde an phláta tástála clárúcháin ó dhromchla na talún a chinneadh.

3.1.1. Cuirfear an fheithicil ar dhromchla comhréidh cothrománach. Beidh na rothaí faoi stiúir dírithe sa suíomh díreach ar aghaidh agus beidh mais na feithicle coigeartaithe chuig an mais réidh le hoibriú, ach gan an tiománaí, sula ndéantar na tomhais.

3.1.2. I gcás ina mbíonn an fheithicil feistithe le crochadh hidrineomatach, hiodrálach nó neomatach nó le gaireas eile is féidir a choigeartú i ndáil leis an lód, tástálfar é leis an gcrochadh nó leis an ngaireas sa ghnáthdháil ord reatha, arna shonrú ag an monaróir.

3.1.3. I gcás ina mbíonn príomhthaobh infheicthe an phláta tástála clárúcháin dírithe síos, sloinnfear tomhas an chlaonta mar uillinn ísle.

3.2. Déanfar starrtha a thomhas go hingearach agus go díreach i dtreo an dromchla ainmniúil a bheidh le cumhdach ag an bpláta clárúcháin.

3.3. Déanfar an bhearna idir ciumhais an phláta tástála clárúcháin gléasta agus socraithe agus an dromchla a thomhas go hingearach agus go díreach i dtreo an dromchla iarbhír a bheidh le cumhdach ag an bpláta.

3.4. Beidh ceann amháin den dá mhéid a shonraítear i bpointe 2.2.1. agus tiús nach mó ná 4,0 mm ag an bpláta clárúcháin a úsáidtear chun comhréireacht a sheiceáil. Beidh ga 10 mm ag na coirnéil.

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

1.2. Tuairisc ar spásanna na bplátaí clárúcháin (tosaigh agus cúil):

2. Tá spás an phláta clárúcháin oiriúnach do mhéid pláta clárúcháin suas le (mm) a shocrú:

2.1. Tosach: 520 × 120 / 340 × 240 (2)

2.2. Cúl: 520 × 120 / 340 × 240 (2)

2.3. An dara pláta clárúcháin cúil i gcás feithiclí i gcatagóir O3 agus O4: 520 × 120/340 × 240 (2)

4. Spás le haghaidh pláta clárúcháin cúil faoi cheilt i gcás ina bhfeistítear aon ghaireas cúplála meicniúla: tá / níl (2)

5. Nótaí:

1. Chun críocha na hIarscríbhinne seo, beidh feidhm ag na sainmhínithe seo a leanas:

1.1. ciallaíonn “réimse cuimilteora” an limistéar/na limistéir ar an ngaothscáth a dhéantar a chuimilt ag lann(a) cuimilteora agus an córas cuimilteoirí ag oibriú faoi ghnáthdhálaí;

1.2. ciallaíonn “oibríocht uaineach an chórais cuimilteoirí” modh oibriúcháin uathoibríoch neamhleanúnach an chórais cuimilteoirí, i gcás ina mbíonn tréimhse nuair a bhíonn na cuimilteoirí ina stad i suíomh stad sonrach ainmnithe tar éis gach timthriall iomlán;

1.3. ciallaíonn “rialtán niteoirí” gaireas lena ndéantar an córas niteoirí a ghníomhachtú agus a dhíghníomhachtú de láimh;

1.4. ciallaíonn “caidéal niteoirí” gaireas chun sreabhán a aistriú ó thaiscumar stórála an chórais niteoirí go dtí aghaidh sheachtrach an ghaothscátha;

1.5. ciallaíonn “buinne” gaireas a dhíríonn sreabhán ar an ngaothscáth;

1.6. ciallaíonn “córas lánphrímeáilte” córas a gníomhachtaíodh ar an ngnáthbhealach ar feadh tréimhse ama agus inar aistríodh sreabhán tríd an gcaidéal, tríd an bhfeadánra agus amach as an mbuinne/na buinní;

1.7. ciallaíonn “limistéar glanta” an limistéar a bhí salach roimhe agus nach bhfuil aon rian de bhraonta agus salachar fágtha air tar éis dó a bheith go hiomlán triomaithe;

1.8. ciallaíonn “achar radhairc A” limistéar tástála A mar a shainmhínítear i mír 2.2 d’Iarscríbhinn 21 a ghabhann le Rialachán Uimh. 43 de chuid NA maidir le forálacha aonfhoirmeacha a bhaineann le hábhair gloinithe sábháilteachta agus a suiteáil ar fheithiclí a cheadú ( 7 );

1.9. ciallaíonn “achar radhairc B” limistéar tástála laghdaithe B mar a shainmhínítear i mír 2.4. d’Iarscríbhinn 21 a ghabhann le Rialachán Uimh. 43 de chuid NA, gan an limistéar a shainmhínítear i mír 2.4.1. a eisiamh. (i.e. cuirtear achar radhairc A san áireamh);

1.10. ciallaíonn “córas tagartha tríthoiseach” greille tagartha mar a dtugtar tuairisc air in Iarscríbhinn 1 a ghabhann leis an Réiteach Comhdhlúite maidir le Déanamh Feithiclí (R.E.3);

1.11. ciallaíonn “máistirlasc rialaithe na feithicle” an gaireas trínar féidir an córas leictreonaice atá ar bord na feithicle a athrú óna bheith múchta, mar a bheadh i gcás ina bhfuil an fheithicil páirceáilte gan an tiománaí istigh inti, chuig a gnáthmhodh oibríochta.

2. Ceanglais theicniúla

2.1. Córas cuimilteoirí gaothscátha.

2.1.1. Maidir le gach feithicil a bhfuil gaothscáth feistithe inti, beidh córas cuimilteoirí gaothscátha ina threalamh aici a bheidh in ann oibriú nuair a ghníomhachtaítear máistirlasc rialaithe na feithicle, gan aon ghníomhaíocht ón tiománaí seachas an rialú oibriúcháin, atá de dhíth chun an córas cuimilteoirí gaothscátha a thosú agus a stopadh, a lascadh ann.

2.1.1.1. Beidh géag cuimilteora amháin nó níos mó agus lann cuimilteora orthu atá éasca le hathsholáthar sa chóras cuimilteoirí gaothscátha.

2.1.2. Cumhdóidh réimse cuimilteora an ghaothscátha 98 % ar a laghad d’achar radhairc A.

2.1.3. Cumhdóidh réimse cuimilteora an ghaothscátha 80 % ar a laghad d’achar radhairc B.

2.1.4. Comhlíonfaidh réimse cuimilteora an ghaothscátha ceanglais phointe 2.1.2. agus 2.1.3. agus an córas ag oibriú ag minicíocht buille a chomhfhreagraíonn do phointe 2.1.5.1. agus tástálfar é faoi na coinníollacha mar a leagtar amach i bpointí 3.1.10. agus 3.1.10.3.

2.1.5. Beidh dhá shocrú minicíochta buille ar a laghad ag an gcóras cuimilteoirí gaothscátha:

2.1.5.1. Minicíocht amháin nach lú ná 10 agus nach mó ná 55 thimthriall sa nóiméad.

2.1.5.2. Minicíocht amháin nach lú ná 45 thimthriall foriomlán sa nóiméad.

2.1.5.3. Beidh an difríocht idir an socrú minicíochta buille is airde agus is ísle 15 thimthriall sa nóiméad ar a laghad.

2.1.5.4. Féadfar oibriú uaineach an chórais cuimilteoirí gaothscátha a úsáid chun ceanglais phointí 2.1.5.1. go 2.1.5.3. a chomhlíonadh.

2.1.6. Tástálfar na minicíochtaí dá dtagraítear i bpointí 2.1.5. go 2.1.5.3. faoi na coinníollacha a leagtar amach i bpointí 3.1.1. go 3.1.6. agus 3.1.8.

2.1.7. I gcás ina stoptar an córas cuimilteoirí gaothscátha de thoradh an rialú oibriúcháin a lascadh as, fillfidh an géag/na géaga cuimilteora agus an lann/na lanna ar an suíomh ina mbíonn siad nuair nach mbíonn siad ag obair.

2.1.8. Beidh an córas cuimilteoirí gaothscátha in ann loiceadh a sheasamh ar feadh 15 shoicind ar a laghad. Ceadaítear gairis cosanta ciorcaid uathoibríocha a úsáid, ar choinníoll nach n-éilítear aon ghníomhaíocht le haghaidh athshocrú a d’fhéadfadh a bheith ann seachas an rialú oibriúcháin cuimilteora gaothscátha a oibriú.

2.1.9. Tástálfar an cumas chun loiceadh an chórais cuimilteoirí gaothscátha a sheasamh dá dtagraítear i bpointe 2.1.8. faoi na coinníollacha mar a leagtar amach i bpointe 3.1.7.

2.1.10. I gcás nach mbíonn an suíomh ina mbíonn géag(a) nó lann(a) an chuimilteora gaothscátha lasmuigh d’achar radhairc B, beifear in ann lann(a) an chuimilteora a chur as a áit de láimh ar bhealach gur féidir lann(a) an chuimilteora a ardú óna suíomh ar an ngaothscáth ionas gur féidir an gaothscáth a ghlanadh de láimh.

2.1.11. Beidh an córas cuimilteoirí gaothscátha in ann oibriú ar feadh 120 soicind ar ghaothscáth tirim i dteocht chomhthimpeallach – 18 °C, gan díghrádú ar an bhfeidhmíocht.

2.1.12. Tástálfar feidhmíocht an chórais cuimilteoirí gaothscátha ag – 18 °C faoi na coinníollacha mar a leagtar amach i bpointe 3.1.11.

2.1.13. Leanfaidh an córas cuimilteoirí gaothscátha de cheanglais phointe 2.1.2. a chomhlíonadh gan aon díghrádú ar éifeachtúlacht, agus é ag oibriú ag an uasmhinicíocht agus nuair a bhíonn an fheithicil á cur faoi aerluas coibhneasta atá comhionann le 80 % d’uasluas deartha na feithicle nó 160 km/u, cibé acu is ísle. Ullmhófar achar radhairc A an ghaothscátha i gcomhréir le pointí 3.1.8. agus 3.1.9. Déanfar na héifeachtaí aeraidinimiciúla atá bainteach le méid agus cruth an ghaothscátha, géag(a) an chuimilteora agus lann(a) an chuimilteora a fhíorú faoi na coinníollacha sin, agus pointe 3.1.9.1 á chur san áireamh freisin. Le linn na tástála, fanfaidh lann an chuimilteora i dteagmháil leis an ngaothscáth agus ní cheadófar éirí iomlán. Fanfaidh lann(a) an chuimilteora i dteagmháil iomlán leis an ngaothscáth sa limistéar mar a bhunaítear i bpointe 2.1.2. ar feadh gach timthriall iomlán agus ní cheadófar aon éirí páirteach le linn an bhuille suas chomh maith leis an mbuille síos.

2.2. Córas niteoirí gaothscátha.

2.2.1. Maidir le gach feithicil a bhfuil gaothscáth feistithe inti, beidh córas niteoirí gaothscátha ina threalamh aici a bheidh in ann oibriú nuair a ghníomhachtaítear máistirlasc rialaithe na feithicle, agus atá in ann ualaí agus brúnna a leanann as buinní a phlugáil agus an córas a ghníomhrú a sheasamh i gcomhréir leis an nós imeachta a leagtar amach i bpointí 3.2.1.1. go 3.2.1.1.2.

2.2.2. Ní dhéanfar difear d’fheidhmíocht an chórais niteoirí gaothscátha trí nochtadh do na timthriallta teochta i gcomhréir le pointí 3.2.1. go 3.2.5.

2.2.3. Beidh an córas niteoirí gaothscátha in ann sreabhán a spraeáil ar sprioclimistéar an ghaothscátha, gan aon rian sceite, díchónascadh aon fheadánra agus mífheidhmiú aon bhuinne, ag gnáthdhálaí nuair a chuirtear faoi theochtaí comhthimpeallacha idir – 18 °C agus 80°C é. Ina theannta sin, nuair a bhíonn na buinní blocáilte, ní léireoidh an córas aon rian sceite agus díchónascadh aon fheadánra ach oiread.

2.2.3.1. I gcás ina bhfuil an córas niteoirí gaothscátha deartha chun feidhm a ionchorprú chun brúnna iomarcacha a mhaolú nuair a dhéantar na buinní a bhlocáil (e.g. comhla fuascailte), ceadófar feidhm den sórt sin, de mhaolú ar phointe 2.2.3, an dara habairt, ar choinníoll go gcomhlíonfar na coinníollacha seo a leanas:

2.2.4. Beidh an córas niteoirí gaothscátha in ann sreabhán leordhóthanach a sheachadadh chun 60 % ar a laghad d’achar radhairc A a ghlanadh, faoi na coinníollacha a leagtar amach i bpointí 3.2.6. go 3.2.6.4.

2.2.5. Beifear in ann an córas niteoirí gaothscátha a ghníomhachtú de láimh trí bhíthin an rialtáin niteoirí. Ina theannta sin, beifear in ann gníomhachtú agus díghníomhachtú an chórais a chomhordú agus a chomhcheangal freisin le haon chóras feithicle eile.

2.2.6. Beidh inniúlacht an taiscumair ina mbeidh an leacht ≥ 1.0 lítear.

3. Nós imeachta tástála

3.1. Coinníollacha tástála an chórais cuimilteoirí gaothscátha.

3.1.1. Déanfar na tástálacha a dtugtar tuairisc orthu thíos faoi na coinníollacha mar a luaitear i bpointí 3.1.2. go 3.1.5. mura sonrófar a mhalairt.

3.1.2. Beidh an teocht chomhthimpeallach idir 5°C agus 40°C.

3.1.3. Beidh an gaothscáth fliuch an t-am ar fad.

3.1.4. I gcás chóras leictreonach cuimilteoirí gaothscátha, comhlíonfar na coinníollacha breise a leanas.

3.1.4.1. Beidh gach cadhnra luchtaithe go hiomlán ag tús na tástála.

3.1.4.2. Rithfidh an t-inneall, má tá sé feistithe, ar luas nach mó ná 30 % den luas a chomhfhreagraíonn dá aschur cumhachta uasta. I gcás ina gcruthaítear nach féidir é sin a dhéanamh, áfach, mar gheall ar straitéisí sonracha rialaithe innill, mar shampla i gcás feithiclí hibrideacha leictreacha, cinnfear cás réalaíoch agus luasanna innill, easpa thréimhsiúil nó easpa iomlán d’inneall a bheith ar siúl á gcur san áireamh le linn gnáthdhálaí tiomána. I gcás inar féidir leis an gcóras cuimilteoirí gaothscátha na ceanglais a chomhlíonadh gan inneall a bheith ar siúl, ní gá don inneall a bheith ar siúl.

3.1.4.3. Lascfar na ceannlampaí léis mhaolaithe ann.

3.1.4.4. Beidh gach córas téimh, aerála, díreoite agus dínéalaithe atá feistithe (beag beann ar an suíomh san fheithicil) ag oibriú ar uasídiú leictreachais.

3.1.5. Beidh córais cuimilteoirí aeir chomhbhrúite nó folús-oibrithe in ann feidhmiú go leanúnach ag na minicíochtaí buille forordaithe cibé luas an innill agus ualach innill nó íosleibhéil nó uasleibhéil luchtaithe cadhnra arna sonrú ag an monaróir le haghaidh gnáthoibriúcháin.

3.1.6. Comhlíonfar ceanglais phointí 2.1.5. go 2.1.5.3. le minicíochtaí buille an chórais cuimilteoirí gaothscátha tar éis réamh-am oibriúcháin 20 nóiméad ar ghaothscáth fliuch.

3.1.7. Measfar go mbeidh ceanglais phointe 2.1.8. comhlíonta nuair a bheidh géaga an chuimilteora srianta i suíomh a chomhfhreagraíonn do leath timthrialla, ar feadh tréimhse 15 shoicind agus an rialtán cuimilteoirí gaothscátha socraithe ag an uasmhinicíocht buille.

3.1.8. Beidh aghaidh sheachtrach an ghaothscátha díbhealaithe go maith trí bhíthin biotáille mheitileach nó díbhealaitheoir coibhéiseach. Tar éis a thriomaithe, cuirfear tuaslagán amóinia nach lú ná 3 % agus nach mó ná 10 % air. Ligfear don dromchla triomú arís agus cuimleofar ansin é le héadach cadáis tirim.

3.1.9. Cuirfear bratú den mheascán tástála, i gcomhréir leis na sonraíochtaí mar a leagtar síos i bpointe 4., go haonfhoirmeach ar dhromchla seachtrach an ghaothscátha agus ligfear dó triomú.

3.1.9.1. I gcás inar ullmhaíodh aghaidh sheachtrach an ghaothscátha i gcomhréir le pointí 3.1.8. agus 3.1.9., féadfar an córas niteoirí gaothscátha a úsáid le linn na dtástálacha is infheidhme.

3.1.10. Cinnfear réimse cuimilteoirí an chórais cuimilteoirí gaothscátha, dá dtagraítear i bpointe 2.1.4., mar a leanas:

3.1.10.1. Déileálfar le haghaidh sheachtrach an ghaothscátha i gcomhréir le pointí 3.1.8. agus 3.1.9.

3.1.10.2. D’fhonn a fhíorú go gcomhlíontar ceanglais phointí 2.1.2. agus 2.1.3., gníomhachtófar an córas cuimilteoirí gaothscátha, agus pointe 3.1.9.1. á chur san áireamh, agus déanfar rian an réimse cuimilteora agus cuirfear i gcomparáid le rian achair radhairc A agus B é.

3.1.10.3. D’fhéadfadh an tseirbhís theicniúil nós imeachta tástála malartach a chomhaontú (e.g. tástáil fhíorúil) chun cheanglais phointí 2.1.2. agus 2.1.3. a fhíorú.

3.1.11. Comhlíonfar ceanglais phointe 2.1.11. ag teocht chomhthimpeallach – 18 ± 3°C ina mbeidh an fheithicil stóráilte ar feadh ceithre huaire an chloig ar a laghad. Ullmhófar an fheithicil chun oibriú faoi na coinníollacha a leagtar amach i bpointí 3.1.4. agus 3.1.5. Le linn na tástála, beidh an córas cuimilteoirí ag oibriú mar is gnáth, ach ag an uasmhinicíocht buille. Ní gá breathnú ar réimse an chuimilteora.

3.2. Coinníollacha tástála an chórais niteoirí gaothscátha.

3.2.1. Tástáil Uimh. 1 Líonfar an córas niteoirí gaothscátha le huisce, beidh sé lánphrímeáilte agus cuirfear i dteocht chomhthimpeallach 20 ± 2°C ar feadh ceithre huaire an chloig ar a laghad é. Cobhsófar an t-uisce ag an teocht sin.

3.2.1.1. Plugáilfear gach asraon buinne ag an suíomh ina dtéann an sreabhán amach na hasraonta sin, agus gníomhrófar an rialtán niteoirí gaothscátha sé huaire in aon nóiméad amháin, ar feadh 3 shoicind ar a laghad gach uair. Mar sin féin, i gcás nach bhfuil an phlugáil indéanta go teicniúil i gcás ina dtéann an sreabhán amach, is féidir í a dhéanamh taobh istigh den asraon/de na asraonta buinní.

3.2.1.1.1. I gcás ina gcumhachtaítear an córas niteoirí gaothscátha ag fuinneamh matánach an tiománaí, beidh an fórsa a chuirtear i bhfeidhm 11.0 go 13.5 daN i gcás caidéal lámhoibrithe. Beidh an fórsa a chuirtear i bhfeidhm 40.0 to 44.5 daN i gcás caidéal cosoibrithe.

3.2.1.1.2. I gcás caidéil leictreacha, ní bheidh an voltas tástála níos lú ná an voltas rátaithe agus níos mó ná an voltas tástála móide 2 Volta.

3.2.1.2. Beidh feidhmíocht an chórais niteoirí gaothscátha ag deireadh na tástála i gcomhréir le pointe 2.2.3.

3.2.2. Tástáil Uimh. 2 Líonfar an córas niteoirí gaothscátha le huisce, beidh sé lánphrímeáilte agus cuirfear i dteocht chomhthimpeallach – 18 ± 3°C ar feadh ceithre huaire an chloig ar a laghad é. Ní gá don uisce a bheidh cobhsaithe ag an teocht sin.

3.2.2.1. Gníomhrófar an rialtán niteoirí gaothscátha sé huaire in aon nóiméad amháin, gach uair ar feadh trí shoicind ar a laghad, i gcomhréir le pointí 3.2.1.1.1. agus 3.2.1.1.2. Cuirfear an córas i dteocht chomhthimpeallach 20 ± 2°C ansin go dtí go mbíonn an t-oighear go hiomlán díreoite. Ní gá don uisce a bheidh cobhsaithe ag an teocht sin. Fíorófar feidhmíocht an chórais niteoirí gaothscátha ansin tríd an gcóras a ghníomhrú i gcomhréir le pointí 3.2.1.1. agus 3.2.1.2.

3.2.3. Tástáil Uimh. 3 Tástáil nochta timthrialla teochta ísle

3.2.3.1. Líonfar an córas niteoirí gaothscátha le huisce, beidh sé lánphrímeáilte agus cuirfear i dteocht chomhthimpeallach – 18 ± 3°C ar feadh ceithre huaire an chloig ar a laghad é ionas go mbeidh mais iomlán an uisce sa chóras niteoirí reoite. Cuirfear an córas i dteocht chomhthimpeallach 20 ± 2°C ansin go dtí go mbíonn an t-oighear go hiomlán díreoite, ach in aon chás nach faide ná ceithre huaire an chloig. Athdhéanfar an timthriall reoite/díreoite sin sé huaire. Ar deireadh, nuair a chuirtear an córas niteoirí gaothscátha sa teocht chomhthimpeallach 20 ± 2°C agus nuair a bhíonn an t-oighear go hiomlán díreoite, cé nach gá an t-uisce a bheith cobhsaithe ag an teocht sin, fíorófar feidhmíocht an chórais niteoirí gaothscátha tríd an gcóras a ghníomhrú i gcomhréir le pointí 3.2.1.1. agus 3.2.1.2.

3.2.3.2. Líonfar an córas niteoirí gaothscátha agus beidh sé lánphrímeáilte le sreabhán niteoirí gaothscátha teochta ísle atá comhdhéanta de 50 % tuaslagán meatánól, nó de rogha air sin alcól iseapróipile, in uisce de chruas nach mó ná 205 mg/l (Ca). Cuirfear an córas i dteocht chomhthimpeallach – 18 ± 3°C ar feadh ceithre huaire an chloig ar a laghad. Ní gá don sreabhán a bheidh cobhsaithe ag an teocht sin. Fíorófar feidhmíocht an chórais niteoirí gaothscátha ansin tríd an gcóras a ghníomhrú i gcomhréir le pointí 3.2.1.1. agus 3.2.1.2.

3.2.4. Tástáil Uimh. 4 Tástáil nochta timthrialla teochta airde

3.2.4.1. Má bhíonn aon chuid den chóras niteoirí gaothscátha suite san urrann innill, líonfar an córas le huisce, beidh sé lánphrímeáilte agus cuirfear i dteocht chomhthimpeallach 80 ± 3°C ar feadh ocht n-uaire an chloig ar a laghad é. Ní gá don uisce a bheidh cobhsaithe ag an teocht sin. Fíorófar feidhmíocht an chórais niteoirí gaothscátha ansin tríd an gcóras a ghníomhrú i gcomhréir le pointí 3.2.1.1. agus 3.2.1.2.

3.2.4.2. Mura mbíonn aon chuid den chóras niteoirí gaothscátha suite san urrann innill, líonfar an córas le huisce, beidh sé lánphrímeáilte agus cuirfear i dteocht chomhthimpeallach 80 ± 3°C ar feadh ocht n-uaire an chloig ar a laghad é. Ní gá don uisce a bheidh cobhsaithe ag an teocht sin. Ina dhiaidh sin, cuirfear an córas i dteocht chomhthimpeallach 20 ± 2°C é. Nuair a bheidh teocht an uisce cobhsaithe, fíorófar feidhmíocht an chórais niteoirí gaothscátha tríd an gcóras a ghníomhrú i gcomhréir le pointí 3.2.1.1. agus 3.2.1.2. Tar éis é sin, líonfar an córas le huisce, beidh sé lánphrímeáilte agus cuirfear i dteocht chomhthimpeallach 60 ± 3°C ar feadh ocht n-uaire an chloig ar a laghad é. Ní gá don uisce a bheidh cobhsaithe ag an teocht sin. Fíorófar feidhmíocht an chórais niteoirí gaothscátha ansin tríd an gcóras a ghníomhrú i gcomhréir le pointí 3.2.1.1. agus 3.2.1.2. De rogha air sin, féadfaidh an monaróir a iarraidh go dtástálfar an córas niteoirí gaothscátha faoi na coinníollacha a leagtar amach i bpointe 3.2.4.1.

3.2.5. Déanfar na tástálacha niteoirí gaothscátha a leagtar amach i bpointí 3.2.1. go 3.2.4.2. de réir oird ar an gcóras niteoirí gaothscátha céanna. Féadfar an córas a thástáil mar atá sé suiteáilte ar an gcineál feithicle dá bhfuil cineálcheadú AE á lorg, nó ar leithligh. I gcás ina bhfuil cineálcheadú AE á lorg le haghaidh aonad teicniúil ar leithligh, déanfar an córas a thástáil ar leithligh.

3.2.6. Tástáil Uimh. 5 Tástáil cumais córais niteoirí gaothscátha

3.2.6.1. Líonfar an córas niteoirí gaothscátha le huisce agus beidh sé lánphrímeáilte. Agus an fheithicil ina stad agus gan aon éifeacht shuntasach gaoithe, féadfar an buinne/na buinní a choigeartú le bheith dírithe ar an sprioclimistéar ar aghaidh sheachtrach an ghaothscátha.

3.2.6.2. Déileálfar le haghaidh sheachtrach an ghaothscátha mar a leagtar amach i bpointí 3.1.8. agus 3.1.9.

3.2.6.3. Gníomhrófar an córas niteoirí gaothscátha i gcomhréir le treoracha an mhonaróra, agus pointí 3.2.1.1.1. agus 3.2.1.1.2. á gcur san áireamh. Ní rachaidh fad na tástála thar 10 dtimthriall iomlán oibríochta uathoibríche an chórais cuimilteoirí gaothscátha agus é ag oibriú ag an uasmhinicíocht buille.

3.2.6.4. D’fhonn a fhíorú go gcomhlíonfar ceanglais phointe 2.2.4., déanfar rian den limistéar ábhartha glanta agus cuirfear i gcomparáid le rian achar radhairc A é. Más léir don bhreathnóir go bhfuil na ceanglais comhlíonta, ní éilítear go n-ullmhófar na rianta.

3.2.7. Déanfar an tástáil mar a leagtar amach i bpointí 3.2.6. go 3.2.6.4. i gcónaí ar an gcineál feithicle dá bhfuil cineálcheadú AE á lorg, fiú i gcás ina bhfuil aonad teicniúil ar leithligh formheasta suiteáilte ar an bhfeithicil.

4. Sonraíochtaí an mheascáin tástála chun na córais cuimilteoirí agus niteoirí gaothscátha a thástáil.

4.1. Beidh an méid a leanas sa mheascán tástála dá dtagraítear i bpointe 3.1.9.:

4.1.1. Uisce, le cruas níos lú ná 205 mg/l (Ca): 92,5 % de réir toirte.

4.1.2. Salann sáithithe uiscí (clóiríd sóidiam), tuaslagán: 5,0 % de réir toirte.

4.1.3. Deannach, i gcomhréir le sonraíochtaí phointí 4.1.3.1. go 4.1.3.2.6. thíos: 2,5 % de réir toirte.

4.1.3.1. Sonraíochtaí na hanailíse deannaigh tástála

4.1.3.1.1. 68 ± 1 % SiO2 de réir maise

4.1.3.1.2. 4 ± 1 % Fe2O3 de réir maise

4.1.3.1.3. 16 ± 1 % Al2O3 de réir maise

4.1.3.1.4. 3 ± 1 % CaO de réir maise

4.1.3.1.5. 1,0 ± 0,5 % MgO de réir maise

4.1.3.1.6. 4 ± 1 % Alcailí de réir maise

4.1.3.1.7. 2,5 ± 0,5 % Caillteanas ar adhaint de réir maise

4.1.3.2. Sonraíochtaí mhéid-dáileachán na gcáithníní i ndeannach de ghrád-cúrsa

4.1.3.2.1. 12 ± 2 % de 0 go 5 μm méid cáithnín

4.1.3.2.2. 12 ± 3 % de 5 go 10 μm méid cáithnín

4.1.3.2.3. 14 ± 3 % de 10 go 20 μm méid cáithnín

4.1.3.2.4. 23 ± 3 % de 20 go 40 μm méid cáithnín

4.1.3.2.5. 30 ± 3 % de 40 go 80 μm méid cáithnín

4.1.3.2.6. 9 ± 3 % de 80 go 200 μm méid cáithnín

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

1.2. Tuairisc ar mhodh oibriúcháin na gcóras cuimilteoirí agus niteoirí:

1.3. Tuairisc mhionsonraithe ar an gcóras cuimilteoirí (i.e. líon na lann, faid na lann, toisí na géige cuimilteora, etc.):

1.4. Tuairisc mhionsonraithe ar an gcóras niteoirí (i.e. líon na mbuinní, líon na mbéalóg easraoin in aghaidh an bhuinne, coimeádán stórála sreabháin, osán líne niteora agus a ngléasadh ar chaidéil agus ar bhuinní, etc.)

1.5. Inniúlacht stórála sreabháin (lítear):

1.6. Uasluas deartha na feithicle (km/u):

2. Taobh an stiúrtha: ar chlé / ar dheis (2)

3. Córais stiúrtha ar dheis agus stiúrtha ar chlé malairte scáthánaí: tá / níl (2)

4. Bacóir aeraidinimiciúil feistithe ar an ngéag chuimilteora / ar an lann chuimilteora (2) ar thaobh an tiománaí / sa lár / ar thaobh an phaisinéara / … (2)

5. Nótaí:

1. Faisnéis bhreise:

1.1. Tuairisc achomair ar chineál an aonaid theicniúil ar leithligh:

1.2. Tuairisc mhionsonraithe ar an gcóras niteoirí:

1.2.1. Líon na mbuinní:

1.2.2. Líon na mbéalóg easraoin in aghaidh an bhuinne:

1.2.3. Tuairisc ar osáin líne niteoirí agus a ngléasadh ar chaidéal agus ar bhuinní:

1.2.4. Tuairisc ar chaidéal an niteora:

1.2.5. Inniúlacht stórála sreabháin (lítear):

2. Oiriúnach do thaobh an stiúrtha: ar chlé / ar dheis (3)

3. Féadtar aon chuid den chóras a bheith suite san urrann innill: tá / níl (3)

4. Aonad teicniúil ar leithligh: uilíoch / sonrach don fheithicil (3)

5. Nótaí:

6. Liosta na gcineálacha feithicle a bhfuil aonad teicniúil ar leithligh formheasta dóibh (i gcás inarb infheidhme):

1. Beidh an méid a leanas i marc cineálcheadaithe AE maidir le haonaid theicniúla ar leithligh dá dtagraítear in Airteagal 38(2) de Rialachán (AE) 2018/858:

1.1. Dronuilleog timpeall ar an litir ‘e’ sa chás íochtair, agus uimhir shainiúil an Bhallstáit a bhronn an cineálcheadú AE don chomhpháirt nó don aonad teicniúil ar leithligh i gcomhréir leis an méid a leanas:

1.2. I gcóngaracht na dronuilleoige, dhá dhigit a thugann le fios an tsraith leasuithe ina leagtar síos na ceanglais a chomhlíonann an t-aonad teicniúil ar leithligh seo, “00” faoi láthair, agus spás ina dhiaidh sin agus an uimhir cúig dhigit dá dtagraítear i bpointe 2.4. d’Iarscríbhinn IV de Rialachán (AE) 2018/858.

2. Beidh marc cineálcheadaithe AE maidir le haonaid theicniúla ar leithligh doscriosta agus inléite go soiléir.

3. Léirítear sampla de mharc cineálcheadaithe AE le haghaidh aonaid theicniúil ar leithligh i bhFíor 1.

Eochair D’eisigh an Ísiltír cineálcheadú AE maidir le haonad teicniúil ar leithligh faoin uimhir 00406. Tugann an chéad dá dhigit “00” le fios gur formheasadh an t-aonad teicniúil ar leithligh i gcomhréir leis na Rialachán seo.

1. Chun críocha na hIarscríbhinne seo, beidh feidhm ag na sainmhínithe seo a leanas:

1.1. ciallaíonn “imchlúdach boinn” uasleithead boinn agus trastomhas seachtrach boinn, lamháltais san áireamh, mar a cheadaítear agus a shonraítear de réir a cheadaithe comhpháirte;

1.2. ciallaíonn ‘gaireas greamaithe sneachta’ slabhra sneachta nó gaireas coibhéiseach eile a sholáthraíonn greamú sa sneachta, a fhéadtar a ghléasadh ar theaglaim bonn/rothaí na feithicle agus nach bonn sneachta, bonn geimhridh, bonn le haghaidh gach séasúr nó aon bhonn eile as féin é.

2. Ceanglais theicniúla

2.1. Forálacha ginearálta

2.1.1. Soláthrófar rothgharda le haghaidh gach roth don fheithicil.

2.1.2. D’fhéadfadh páirteanna den chabhail nó pludgharda faoi leith a bheith sa rothgharda agus dearfar é ar bhealach a thabharfaidh cosaint d’úsáideoirí bóthair, a mhéid is féidir, ar chlocha, pluda, oighear, sneachta, agus ar uisce a chaitheann an fheithicil in airde agus a laghdóidh na contúirtí a tharlaíonn de bharr teagmháil le rothaí rothlacha.

2.2. Ceanglais shonracha

2.2.1. Comhlíonfaidh na rothghardaí na ceanglais ó phointe 2.2.1.1. go 2.2.1.4. agus mais na feithicle coigeartaithe de réir mais dearbhaithe an mhonaróra réidh le hoibriú agus paisinéir amháin breise sa chéad sraith suí, más infheidhme, agus aon roth faoi stiúir sa suíomh díreach ar aghaidh.

2.2.1.1. Sa chuid a chruthaítear le plánaí gathacha ar uillinn 30° i dtreo an tosaigh agus 50° i dtreo an chúil de lár na rothaí (féach Fíor 1), beidh leithead iomlán (q) an rothgharda leordhóthanach chun leithead iomlán an bhoinn (b) a chumhdach ar a laghad agus imchlúdach an bhoinn chomh maith le foircinn na teaglaime/na dteaglaimí bonn/rothaí mar a shonraíonn an monaróir á gcur san áireamh. I gcás rothaí dúbailte, cuirfear na himchlúdaigh boinn agus leithead iomlán an dá bhonn (t) san áireamh.

2.2.1.1.1. Chun críocha na leithid dá dtagraítear i bpointe 2.2.1.1. a chinneadh, ní dhéanfar an lipéadú (marcáil) agus maisiúcháin, bandaí cosanta ná easnacha ar bhallaí boinn a chur san áireamh.

2.2.1.2. Ní fhoirceannfaidh cúl an rothgharda os cionn plána cothrománach 150 mm os cionn ais rothlaithe na rothaí, thairis sin:

2.2.1.2.1. I gcás rothaí aonair, luífidh trasnú ciumhais cúil an rothgharda leis an bplána cothrománach dá dtagraítear i bpointe 2.2.1.2 (féach Fíor 1, pointe A) amach ó fhadphlána meánach an bhoinn.

2.2.1.2.2. I gcás rothaí dúbailte, luífidh trasnú ciumhais cúil an rothgharda leis an bplána cothrománach dá dtagraítear i bpointe 2.2.1.2. (féach Fíor 1, pointe A) ag an roth seachtrach amach ó fhadphlána meánach an bhoinn is forimeallaí.

2.2.1.3. Fágfaidh comhrian agus suíomh gach rothgharda go mbíonn siad chomh gar agus is féidir do na boinn. Go háirithe laistigh den chuid a chruthaítear leis na plánaí gathacha dá dtagraítear i bpointe 2.2.1.1., comhlíonfar na ceanglais a leanas:

2.2.1.3.1. Beidh doimhneacht an chuais atá suite i bplána ceartingearach ais an bhoinn, arna tomhas ó chiumhaiseanna seachtracha agus inmheánacha an rothgharda ag an bhfadphlána ceartingearach a théann trí lár an bhoinn laistigh den rothgharda, 30 mm ar a laghad. Féadfar an doimhneacht sin (p) a laghdú go comhleanúnach go dtí nialas i dtreo na bplánaí gathacha a shonraítear i bpointe 2.2.1.1.

2.2.1.3.2. Ní rachaidh an fad (c) idir ciumhaiseanna íochtaracha an rothgharda agus an ais a théann trí lár rothlaithe na rothaí thar 2 × r, i gcás inarb ionann an ga (r) agus ga statach an bhoinn.

2.2.1.4. I gcás feithiclí a bhfuil airde crochta inchoigeartaithe acu, comhlíonfar na ceanglais i bpointí 2.2.1.3.1. agus 2.2.1.3.2. nuair atá an fheithicil sa ghnáthshuíomh in ord reatha mar atá sonraithe ag an monaróir feithiclí.

2.2.2. Féadtar roinnt comhpháirteanna a bheith sna rothghardaí, ar choinníoll nach bhfuil aon bhearna idir na páirteanna aonair nó laistigh díobh nuair a bhíonn siad cóimeáilte.

2.2.3. Beidh na rothghardaí ceangailte go docht. Ceadaítear dóibh, áfach, a bheith inbhainte mar aonad nó i bpáirteanna.

2.3. Gairis greamaithe sneachta a úsáid

2.3.1. I gcás feithiclí nach dtiomáintear léi ach dhá roth, deimhneoidh an monaróir go bhfuil an fheithicil deartha ar bhealach a fhágann gur féidir cineál amháin gaireas greamaithe sneachta ar a laghad a úsáid ar theaglaim amháin bonn agus rothaí ar a laghad atá formheasta le haghaidh acastóir tiomáinte na feithicle. Sonróidh an monaróir an gaireas greamaithe sneachta agus an teaglaim/na teaglaimí bonn/rothaí atá oiriúnach don chineál feithicle faoi ní 6.6.4. den doiciméad faisnéise.

2.3.2. I gcás feithiclí ina dtiomáintear gach roth, lena n-áirítear feithiclí inar féidir acastóirí tiomána a dhíghreamú de láimh nó go huathoibríoch, deimhneoidh an monaróir go bhfuil an fheithicil deartha ar bhealach gur féidir cineál amháin gaireas greamaithe sneachta ar a laghad a úsáid ar cheann amháin ar a laghad de na teaglaimí bonn agus rothaí atá formheasta le haghaidh acastóir tiomáinte, nach féidir a dhíghreamú, na feithicle. Sonróidh an monaróir an gaireas greamaithe sneachta agus an teaglaim/na teaglaimí bonn/rothaí atá oiriúnach don chineál feithicle faoi ní 6.6.4. den doiciméad faisnéise.

2.3.3. Áireoidh an monaróir feithiclí treoracha ábhartha maidir le húsáid cheart na ngaireas greamaithe sneachta i dtreoracha úsáideora na mótarfheithicle (e.g. lámhleabhar an úinéara, lámhleabhar na feithicle).

(1) Cinntear leithead an bhoinn (b) ag barr an bhoinn (leithead boinn idir na plánaí gathacha dá dtagraítear i bpointe 2.2.1.1.).

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

1.2. Tuairisc ar na rothghardaí:

1.3. Teaglaim/teaglaimí bonn/rothaí (lena n-áirítear méid boinn, méid an imill agus seach-chur an rotha):

1.4. Tuairisc ar an gcineál gairis/gaireas greamaithe sneachta is féidir a úsáid:

1.5. Teaglaim/teaglaimí bonn/rothaí (lena n-áirítear méid boinn, méid an imill agus seach-chur an rotha) atá le húsáid leis an ngaireas/na gairis greamaithe sneachta:

2. Acastóir(í) a thiomáintear go buan: acastóir 1 / acastóir 2 / … (1)

3. Airde crochta inchoigeartaithe: tá / níl (1)

4. Rothghardaí inbhainte / neamh-inbhainte (1) mar aonad / i bpáirteanna (1)

5. Nótaí:

1.1. ciallaíonn “limistéar díreoite” limistéar an ghaothscátha a bhfuil dromchla tirim seachtrach nó dromchla seachtrach atá cumhdaithe le sioc fliuch leáite nó leáite go páirteach aige ar féidir é a bhaint le córas cuimilteoirí gaothscátha na feithicle;

1.2. ciallaíonn “ceochán” sceo comhdhlútháin ar aghaidh inmheánach dhromchla gloinithe an ghaothscátha;

1.3. ciallaíonn “limistéar dínéalaithe” limistéar an ghaothscátha a bhfuil dromchla tirim inmheánach aige, gan aon bhraon ná rian uisce, tar éis dó a bheith cumhdaithe ag ceochán roimhe sin;

1.4. ciallaíonn “achar radhairc A” limistéar tástála A mar a shainmhínítear i mír 2.2. d’Iarscríbhinn 21 a ghabhann le Rialachán 43 de chuid NA;

1.5. ciallaíonn “achar radhairc B” limistéar tástála laghdaithe B mar a shainmhínítear i mír 2.4. d’Iarscríbhinn 21 a ghabhann le Rialachán 43 de chuid NA, gan an t-achar a shainmhínítear i mír 2.4.1. a chur as an áireamh. (i.e. cuirtear achar radhairc A san áireamh);

1.6. ciallaíonn “máistirlasc rialaithe na feithicle” an gaireas trínar féidir an córas leictreonaice atá ar bord na feithicle a athrú óna bheith múchta, mar a bheadh i gcás ina bhfuil an fheithicil páirceáilte gan an tiománaí istigh inti, chuig a gnáthmhodh oibríochta;

2.1.1. Beidh córas chun sioc agus oighear a bhaint ó dhromchla gloinithe seachtrach an ghaothscátha feistithe ar gach feithicil a bhfuil gaothscáth air. Beidh an córas díreoite gaothscátha éifeachtach go leor chun a áirithiú go mbeidh infheictheacht leordhóthanach tríd an ngaothscáth in aimsir fhuar.

2.1.2. Fíorófar éifeachtúlacht an chórais trí limistéar díreoite an ghaothscátha a chinneadh go tréimhsiúil tar éis a thosaithe, agus an fheithicil tar éis a bheith coimeádta i seomra fuar ar feadh méid áirithe ama.

2.1.3. Déanfar ceanglais phointí 2.1.1. agus 2.1.2. a sheiceáil tríd an modh a leagtar amach i bpointe 3.1. a úsáid.

2.1.4. Comhlíonfar na ceanglais a leanas:

2.1.4.1. Beidh achar radhairc A 80 % díreoite 20 nóiméad tar éis thús na tréimhse tástála;

2.1.4.2. Beidh limistéar díreoite an ghaothscátha ar thaobh an phaisinéara inchomparáide leis an limistéar dá dtagraítear i bpointe 2.1.4.1. le haghaidh taobh an tiománaí 25 nóiméad tar éis thús na tréimhse tástála;

2.1.4.3. Beidh achar radhairc B 95 % díreoite 40 nóiméad tar éis thús na tréimhse tástála.

2.2.1. Beidh córas chun ceochán a bhaint ó dhromchla gloinithe inmheánach an ghaothscátha feistithe ar gach feithicil a bhfuil gaothscáth air.

2.2.2. Beidh an córas dínéalaithe gaothscátha éifeachtach go leor chun infheictheacht tríd an ngaothscáth a athbhunú i gcás ina bhfuil sé cumhdaithe le ceochán. Fíorófar a éifeachtúlacht i gcomhréir leis an nós imeachta a dtugtar tuairisc air i bpointe 3.2.

2.2.3. Comhlíonfar na ceanglais a leanas:

2.2.3.1. Beidh achar radhairc A 90 % dínéalaithe i gceann 10 nóiméad;

2.2.3.2. Beidh achar radhairc B 80 % dínéalaithe i gceann 10 nóiméad.

3.1.1. Déanfar an tástáil ag teocht – 8 ± 2 °C nó – 18 ± 3 °C, de rogha an mhonaróra.

3.1.1.1. Déanfar an tástáil i seomra fuar atá mór go leor chun an fheithicil fhoriomlán a chur isteach ann agus beidh sé feistithe chun ceann de na teochtaí a luaitear i bpointe 3.1.1. a choinneáil ar bun sa seomra le linn na tástála agus chun aer fuar a scaipeadh. Coinneofar an seomra fuar ag an teocht tástála sonraithe nó faoina bhun sin ar feadh tréimhse nach lú ná 24 uair an chloig roimh thús na tréimhse a mbeidh an fheithicil nochtaithe don fhuacht. ►M1  I gcás inar féidir a sheiceáil, áfach, an bhfuil teocht an chuasáin fhuar, arna tomhas ag suíomhanna ionadaíocha amhail an t-asraon aeir nó na ballaí, cobhsaithe ag an teocht tástála shonraithe, féadfar an tréimhse 24 uair an chloig a ghiorrú. ◄

3.1.2. Sula gcuirfear an fheithicil sa seomra tástála, déanfar dromchlaí inmheánacha agus seachtracha an ghaothscátha a dhíbhealú go hiomlán trí bhíthin biotáille mheitileach nó díbhealaitheoir coibhéiseach. Tar éis an triomaithe, cuirfear tuaslagán amóinia nach mó ná 2 % nó tuaslagán amóinia tráchtála air, ar tuaslagán é nach bhfuil aon chumhrán andúileach curtha leis. Ligfear do na dromchlaí triomú arís agus cuimleofar ansin é le héadach cadáis tirim.

3.1.3. Lascfar an fheithicil as agus coinneofar é ag an teocht tástála ar feadh tréimhse nach lú ná 10 n-uaire an chloig roimh thús na tástála.

3.1.3.1. I gcás inar féidir a sheiceáil an bhfuil fuarthán agus bealadh innill na feithicle cobhsaithe ag teocht na tástála, féadfar an tréimhse dá dtagraítear i bpointe 3.1.3. a ghiorrú.

3.1.4. Tar éis na tréimhse nochta a fhorordaítear i bpointe 3.1.3., cuirfear sraith réidh oighir 0.044 g/cm2 thar dhromchla seachtrach iomlán an ghaothscátha trí bhíthin spraeghunna uisce agus é ag oibriú ag brú oibriúcháin 3,5 ± 0.2 bar.

3.1.4.1. Déanfar an buinne spraeála, arna choigeartú go patrún fean iomlán agus uas-sreabhadh, a choinneáil go hingearach agus ar fhad idir 200 agus 250 mm ón dromchla gloinithe, agus díreofar é ionas go gcruthófar sraith réidh oighir ar fud an ghaothscátha ó thaobh amháin go dtí an taobh eile.

3.1.4.1.1. Féadfar spraeghunna a bhfuil buinne le trastomhas 1,7 mm agus ráta sreafa leachta 0.395 l/nóim. aige, agus atá in ann patrún fean le trastomhas 300 mm a chruthú ar dhromchla gloinithe ó fhad 200 mm ón dromchla sin, a úsáid chun ceanglais phointe 3.1.5. a chomhlíonadh. Ceadófar aon ghaireas eile lena bhféadfar na ceanglais a chomhlíonadh freisin.

3.1.5. Tar éis don oighear a bheith foirmithe ar an ngaothscáth, coinneofar an fheithicil sa seomra fuar ar feadh tréimhse bhreise nach lú ná 30 nóiméad agus nach mó ná 40 nóiméad.

3.1.6. Tar éis don tréimhse dá dtagraítear i bpointe 3.1.5. a bheith caite, rachaidh breathnóir amháin nó beirt bhreathnóirí isteach san fheithicil, agus ina dhiaidh sin féadfar máistirlasc oibriúcháin na feithicle a lascadh air agus aon inneall a thosú, trí mheán seachtrach éigin más gá. Tosóidh an tréimhse tástála a luaithe agus atá máistirlasc rialaithe na feithicle gníomhachtaithe.

3.1.6.1. Má tá inneall feistithe san fheithicil, féadfar luasanna an innill a choigeartú i gcomhréir le sonraíocht an mhonaróra a mholtar chun an t-inneall a théamh agus é ag tosú in aimsir fhuar, le linn na chéad cúig nóiméad den tréimhse tástála.

3.1.6.2. Le linn 35 nóiméad deireanach na tréimhse tástála (nó le linn thréimhse iomlán na tástála mura leantar an nós imeachta téimh cúig nóiméad) cuirfear an méid a leanas i bhfeidhm:

3.1.6.2.1. Rithfear an t-inneall, má tá sé feistithe, ar luas nach mó ná 50 % den luas a chomhfhreagraíonn dá aschur cumhachta uasta. Má chruthaítear nach féidir é sin a dhéanamh, áfach, mar gheall ar straitéisí sonracha rialaithe innill, mar shampla i gcás feithiclí hibrideacha leictreacha, cinnfear cás is measa atá réalaíoch. Cuirfear san áireamh leis an gcás luasanna innill, easpa thréimhsiúil nó easpa iomlán d’inneall a bheith ar siúl le linn gnáthdhálaí tiomána ag teocht chomhthimpeallach – 8°C nó – 18°C, cibé acu a roghnaigh an monaróir mar an teocht tástála ainmnithe. Más féidir leis an gcóras na ceanglais díreoite a chomhlíonadh gan inneall a bheith ar siúl, ní gá don inneall a bheith ar siúl ar chor ar bith.

3.1.6.3. Beidh gach cadhnra luchtaithe go hiomlán ag tús na tástála. Déanfar cadhnraí ardvoltais feithiclí a bhfuil gléasra cumhachta leictreach acu a luchtú > 60 %, áfach.

3.1.6.5. Déanfar an teocht sa seomra tástála a thomhas ar leibhéal an ghaothscátha, ag pointe nach ndéanann teas ón bhfeithicil atá faoi thástáil difear suntasach dó.

3.1.6.6. Beidh comhpháirt chothrománach luas an aeir atá ag fuarú an tseomra, arna tomhas díreach roimh an tástáil, i bplána meánach na feithicle ag pointe 300 mm ar aghaidh ó bhun an ghaothscátha agus ar leibhéal leathbhealach idir bun agus barr an ghaothscátha, beidh sí chomh íseal agus is féidir agus in aon chás níos ísle ná 8 km/u.

3.1.6.7. Má bhíonn siad feistithe, beidh boinéad an innill, gach doras, fuinneog agus gaothaire, seachas iontógálacha agus asraonta an chórais téimh agus aerála, dúnta; is féidir fuinneog amháin nó dhá fhuinneog a oscailt fad iomlán ceartingearach 25 mm má iarrann an monaróir feithiclí amhlaidh.

3.1.7.8. Socrófar rialuithe córais díreoite na feithicle mar a mholann an monaróir feithiclí le haghaidh na teochta tástála.

3.1.6.9. Féadtar na cuimilteoirí gaothscátha a úsáid le linn na tástála, ach déanfar é sin gan aon chúnamh de láimh seachas oibriú aon rialtáin laistigh den fheithicil.

3.1.7. Déanfaidh an breathnóir/na breathnóirí imlíne den limistéar díreoite ar dhromchla inmheánach an ghaothscátha, ag eatraimh cúig nóiméad ó thús na tréimhse tástála.

3.1.8. Agus an tástáil críochnaithe, déanfar patrún an limistéir díreoite a imlínítear ar aghaidh inmheánach an ghaothscátha mar a éilítear ag pointe 3.1.7. a nótáil agus a mharcáil chun achair radhairc gaothscátha A agus B a shainaithint.

3.2.1. Sula gcuirfear an fheithicil sa seomra tástála, déanfar dromchlaí inmheánacha agus seachtracha an ghaothscátha a dhíbhealú go hiomlán trí bhíthin biotáille mheitileach nó díbhealaitheoir coibhéiseach. Tar éis an triomaithe, cuirfear tuaslagán amóinia nach mó ná 2 % nó tuaslagán amóinia tráchtála air, ar tuaslagán é nach bhfuil aon chumhrán andúileach curtha leis. Ligfear do na dromchlaí triomú arís agus cuimleofar ansin é le héadach cadáis tirim.

3.2.2. Déanfar an tástáil i seomra comhshaoil a bheidh mór go leor chun an fheithicil iomlán a chur isteach ann agus atá in ann teocht tástála – 3 ± 1°C a tháirgeadh agus a choinneáil ar bun le linn na tréimhse tástála.

3.2.2.1. Déanfar an teocht sa seomra tástála a thomhas ar leibhéal an ghaothscátha, ag pointe nach ndéanann teas ón bhfeithicil atá faoi thástáil difear suntasach dó.

3.2.2.2. Beidh comhpháirt chothrománach luas an aeir atá ag fuarú an tseomra, arna tomhas díreach roimh an tástáil, i bplána meánach na feithicle ag pointe 300 mm ar aghaidh ó bhun an ghaothscátha agus ar leibhéal leathbhealach idir bun agus barr an ghaothscátha, beidh sí chomh íseal agus is féidir agus in aon chás níos ísle ná 8 km/u.

3.2.2.3. Má bhíonn siad feistithe, beidh boinéad an innill, gach doras, fuinneog agus gaothaire, seachas iontógálacha agus asraonta an chórais téimh agus aerála, dúnta; is féidir fuinneog amháin nó dhá fhuinneog a oscailt ó thús na tástála dínéalaithe fad iomlán ceartingearach 25 mm má iarrann an monaróir feithiclí amhlaidh.

3.2.3. Táirgfear an ceochán trí bhíthin gineadóir gaile a dtugtar tuairisc air i bpointe 4. Beidh go leor uisce sa ghineadóir chun 70 ± 5 g/u gal a ghiniúint in aghaidh gach ionad suí a ainmníonn an monaróir, i dteocht chomhthimpeallach – 3°C.

3.2.4. Glanfar dromchla inmheánach an ghaothscátha mar a leagtar amach i bpointe 3.2.1. sula gcuirtear an fheithicil sa seomra comhshaoil. Déanfar an teocht chomhthimpeallach aeir a ísliú agus a chobhsú ag – 3 ± 1 °C ansin. Lascfar an fheithicil as agus coinneofar í ag an teocht tástála ar feadh tréimhse nach lú ná 10 n-uair an chloig roimh thús na tástála. I gcás inar féidir a sheiceáil, áfach, an bhfuil fuarthán agus bealadh innill na feithicle cobhsaithe ag teocht sonrach na tástála, féadfar an tréimhse 10 n-uair an chloig a ghiorrú.

3.2.5. Cuirfear an gineadóir gaile lena asraonta i bhfadphlána meánach na feithicle sa dara sraith de shuíocháin na feithicle. Cuirfear taobh thiar de na suíocháin tosaigh é de ghnáth. I gcás nach féidir é sin a dhéanamh mar gheall ar dhearadh na feithicle, cuirfear an gineadóir os comhair na dtacaí droma, sa suíomh áisiúil is gaire don suíomh thuasluaite.

3.2.6. Tar éis don ghineadóir a bheith ag oibriú ar feadh cúig nóiméad laistigh den fheithicil, rachaidh breathnóir amháin nó beirt bhreathnóirí isteach san fheithicil go tapa, agus aon doras rochtana á oscailt acu ar feadh fad nach mó ná 8 soicind, agus suífidh siad san ionad/sna hionaid suí tosaigh, agus laghdófar asraon an ghineadóra ansin faoi 70 ± 5 g/u do gach breathnóir.

3.2.7. Nóiméad amháin tar éis don bhreathnóir/do na breathnóirí dul isteach san fheithicil, féadfar máistirlasc oibriúcháin na feithicle a lascadh air agus aon inneall a thosú, trí mheán seachtrach éigin más gá. Tosóidh an tréimhse tástála a luaithe agus atá máistirlasc rialaithe na feithicle gníomhachtaithe.

3.2.7.1. I gcás ina bhfuil inneall feistithe san fheithicil, rithfear é ar luas nach mó ná 50 % den luas a chomhfhreagraíonn dá aschur cumhachta uasta. Má chruthaítear nach féidir é sin a dhéanamh, áfach, mar gheall ar straitéisí sonracha rialaithe innill, mar shampla i gcás feithiclí hibrideacha leictreacha, cinnfear cás is measa atá réalaíoch. Cuirfear san áireamh leis an gcás luasanna innill, easpa thréimhsiúil nó easpa iomlán d’inneall a bheith ar siúl le linn gnáthdhálaí tiomána ag teocht chomhthimpeallach – 1°C. Más féidir leis an gcóras na ceanglais dínéalaithe a chomhlíonadh gan inneall a bheith ar siúl, ní gá don inneall a bheith ar siúl ar chor ar bith.

3.2.7.2. Socrófar rialuithe córais dínéalaithe na feithicle mar a mholann an monaróir feithiclí le haghaidh na teochta tástála.

3.2.7.3. Beidh gach cadhnra luchtaithe go hiomlán ag tús na tástála. Déanfar cadhnraí ardvoltais feithiclí a bhfuil gléasra cumhachta leictreach acu a luchtú > 60%, áfach.

3.2.8. Ag deireadh na tástála, déanfar an patrún dínéalaithe a thaifeadadh, a nótáil agus a mharcáil chun achair radhairc gaothscátha A agus B a shainaithint.

4.1. Beidh na saintréithe ginearálta a leanas ag an ngineadóir gaile a úsáidtear sa tástáil seo:

4.1.1. Beidh inniúlacht 2.25 lítear ar a laghad ag an gcoimeádán uisce.

4.1.2. Ní rachaidh an caillteanas teasa ag an bhfiuchphointe thar 75 W i dteocht chomhthimpeallach – 3 ± 1°C.

4.1.3. Beidh inniúlacht 0.07 go 0.10 m3/nóim. ag brú statach 0.5 mbar ag an bhfean.

4.1.4. Beidh sé pholl asraoin gaile suite ar bharr an ghineadóra, timpeall an imill agus faid chothroma eatarthu (féach Fíor 1)

4.1.5. Déanfar an gineadóir a chalabrú ag – 3 ± 1°C chun léamh a thabhairt le haghaidh gach asraon 70 ± 5 g/u suas go huasmhéid n uaire an figiúr sin, nuair is ionann n agus an t-uasmhéid ionaid suí a ainmníonn an monaróir.

4.2. Beidh na saintréithe toiseacha agus ábhair a leanas ag na páirteanna sonraithe:

4.2.1. Buinne

4.2.1.1. Toisí:

4.2.1.1.1. Fad 100 mm.

4.2.1.1.2. Trastomhas inmheánach 15 mm.

4.2.1.2. Ábhar:

4.2.1.2.1. Prás.

4.2.2. Cuasán easraithe

4.2.2.1. Toisí:

4.2.2.1.1. Trastomhas seachtrach píobáin 75 mm.

4.2.2.1.2. Tiús balla 0.38 mm.

4.2.2.1.3. Fad 115 mm.

4.2.2.1.4. Sé pholl a bhfuil spásanna cothroma eatarthu 6.3 mm ar trastomhas, 25 mm os cionn bhun an chuasáin easraithe.

4.2.2.2. Ábhar:

4.2.2.2.1. Prás.

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

1.2. Tuairisc ar na córais díreoite agus dínéalaithe:

1.3. Tuairisc ar na socruithe nó feistis inmheánacha a d’fhéadfadh difear a dhéanamh do na tástálacha:

1.4. An t-uaslíon ionad suí:

1.5. Saintréithe an ghaothscátha:

1.6. Voltas rátaithe na suiteála leictrí (V):

2. Taobh an stiúrtha: ar chlé / ar dheis (1)

3. Aonad cumhachta: adhaint dheimhneach / adhaint chomhbhrú / leictreach / hibrideach leictreach / (1)

4. Teocht tástála díreoite: – 8 o C / – 18 o C (1)

5. Nótaí:

1.1.1. Beidh gaireas tarraingthe feistithe ar aghaidh gach mótarfheithicle.

1.1.2. Beidh feithiclí i gcatagóir M1, mar a shainmhínítear i gCuid A d’Iarscríbhinn I a ghabhann le Rialachán (AE) 2018/858, ach amháin na feithiclí sin nach bhfuil oiriúnach chun aon ualach a tharraingt, feisithe le gaireas tarraingthe ar chúl freisin.

1.1.3. Féadtar gaireas cúplála meicniúla a chur in ionad gaireas tarraingthe cúil, mar a leagtar amach i Rialachán Uimh. 55 de chuid NA, ar choinníoll go gcomhlíontar na ceanglais i bpointe 1.2.1.

1.2.1. Beidh gach gaireas tarraingthe a fheistítear ar an bhfeithicil in ann fórsa statach tarraingthe agus comhbhrúiteach a sheasamh atá comhionann leis an bhfórsa domhantarraingthe arna ghníomhú ar leath ar a laghad d’uasmhais ualaithe na feithicle atá incheadaithe go teicniúil.

1.3.1. Chun gur féidir mótarfheithicil sháinnithe a bhaint den bhóthar, agus í ag rolladh ar a rothaí féin, beifear in ann an fheithicil a tharraingt nó í a chur i mód tarraingthe, agus eochair na feithicle i láthair agus gan úsáid a bhaint as uirlisí speisialta ná páirteanna a dhíchóimeáil, nach bhfuil deartha chun na críche sin, agus an nós imeachta atá sonraithe ag an monaróir i dtreoracha úsáideora na mótarfheithicle á leanúint. Féadfaidh an monaróir na coinníollacha tarraingthe sna treoracha úsáideora a shrianadh ó thaobh luais agus faid intarraingthe de d’fhonn damáiste do-aisiompaithe a sheachaint, ach ceadófar leis sin íosfhad tarraingthe 100 m i níos lú ná 10 nóiméad.

2.1. Cuirfear ualaí tástála tarraingthe agus comhbhrúiteacha araon i bhfeidhm ar gach gaireas tarraingthe ar leithligh atá feistithe ar an bhfeithicil.

2.2. Cuirfear na hualaí tástála i bhfeidhm i bhfadtreo cothrománach, i ndáil leis an bhfeithicil.

1. Faisnéis bhreise:

1.1. Tuairisc ghearr ar chineál na feithicle a mhéid a bhaineann lena struchtúr, toisí agus ábhair na gcomhpháirteanna:

1.2. Líon iomlán agus suíomh an ghairis/na ngaireas tarraingthe:

1.3. Modh ceangail den fheithicil:

1.4. Uasmhais ualaithe na feithicle atá incheadaithe go teicniúil (kg):

2. Gaireas/gairis tarraingthe tosaigh: inbhainte / neamh-inbhainte (1) crúca / cró / eile (1)

3. Gaireas/gairis tarraingthe cúil: inbhainte / neamh- inbhainte (1) crúca / cró / eile / ceann ar bith (1)

4.  Tá / níl (1) an fheithicil oiriúnach d’ualaí a tharraingt

5. Nótaí:

1.1. ciallaíonn “pludgharda” comhpháirt dhocht nó leathdhocht atá beartaithe chun an t-uisce a chaitear in airde ag na boinn agus iad ar gluaiseacht a ghaistiú agus é a stiúradh i dtreo na talún agus a d’fhéadfadh a bheith go hiomlán nó go páirteach ina dhlúthchuid de chabhail na feithicle nó de chodanna eile den fheithicil amhail cuid íochtarach an ardáin ualaigh;

1.2. ciallaíonn “flapa báistí” comhpháirt sholúbtha a ghléastar go ceartingearach taobh thiar den roth, ar chuid íochtarach an fhonnaidh nó an dromchla lódála, nó ar an bpludgharda agus a laghdaíonn an riosca go bpiocfar suas rudaí beaga, go háirithe púróga, ón talamh ag na boinn agus go gcaitear in airde nó ar an taobh iad i dtreo úsáideoirí eile bóthair;

1.3. ciallaíonn “deighilteoir aeir/uisce” comhpháirt atá ina chuid den chrochtán agus/nó den fhlapa báistí trínar féidir le haer dul fad a laghdaítear astaíochtaí uisce mhionaithe;

1.4. ciallaíonn “ionsúire fuinnimh” comhpháirt atá ina chuid den phludgharda agus/nó den chrochtán agus/nó den fhlapa báistí a ionsúnn fuinneamh an sprae uisce, rud a laghdaíonn an sprae uisce mhionaithe dá bhrí sin;

1.5. ciallaíonn “crochtán seachtrach” comhpháirt atá suite laistigh de phlána ceartingearach atá comhthreomhar le fadphlána na feithicle agus a d’fhéadfadh a bheith ina chuid de phludgharda nó de chabhail na feithicle;

1.6. ciallaíonn “rothaí faoi stiúir” na rothaí a ghníomhraítear le córas stiúrtha na feithicle;

1.7. ciallaíonn “acastóir féinrianaithe” acastóir atá ar mhaighdeog timpeall ar lárphointe ar bhealach a fhágann gur féidir leis tuairisc a thabhairt ar stua cothrománach;

1.8. ciallaíonn “rothaí faoina stiúir féin” rothaí nach ngníomhraítear le gaireas stiúrtha na feithicle, a d’fhéadfadh sclóineadh trí uillinn nach mó ná 20 ° mar gheall ar an bhfrithchuimilt a chuireann an talamh orthu;

1.9. ciallaíonn “acastóir ardaithe” acastóir mar a shainmhínítear in Iarscríbhinn XIII, Cuid 2, Roinn A, pointe 1.34.;

1.10. ciallaíonn “feithicil gan ualach” feithicil réidh le hoibriú mar a luaitear in Iarscríbhinn XIII, Cuid 2, Roinn A, pointe 1.3.;

1.11. ciallaíonn “trácht” an chuid den bhonn mar a shainmhínítear i mír 2.8. de Rialachán Uimh. 30 de chuid NA ( 13 ) nó Rialachán Uimh. 54 de chuid NA ( 14 ) de réir mar is iomchuí;

2.1. Foráil ghinearálta

2.2. Tástáil atá le déanamh

2.3. Cuirfear an méid a leanas isteach chuig an tseirbhís theicniúil a bheidh freagrach as na tástálacha cineálcheadaithe a dhéanamh:

2.4. Marcálacha

2.5. Cuirfear siombail “A” le haghaidh gairis de chineál ionsúcháin fuinnimh nó siombail “S” le haghaidh gairis de chineál deighilteora aeir/uisce ar an marc cineálcheadaithe i gcomhréir le Roinn C i gCuid 3.

3.1.  Tástálacha ar ghairis sochta sprae den chineál ionsúire fuinnimh

3.1.1. Prionsabal

3.1.2. Trealamh

3.1.3. Coinníollacha tástála

3.1.3.1. Déanfar na tástálacha i seomra dúnta ina bhfuil comhshaol aeir shocair.

3.1.3.2. Beidh an teocht chomhthimpeallach agus teocht na dtriailphíosaí 21 (± 3) °C.

3.1.3.3. Úsáidfear uisce dí-ianaithe.

3.1.3.4. Ullmhófar na triailphíosaí le haghaidh gach tástáil tríd iad a fhliuchadh.

3.1.4. Nós Imeachta

3.1.4.1. Daingneofar sampla A 500 (+0/– 5) mm ar leithead 750 mm ar airde den trealamh atá le tástáil ar phláta ceartingearach an trealaimh tástála, á áirithiú go bhfuil an sampla laistigh de theorainneacha an bhailitheora, agus nach bhfuil aon bhac in ann an t-uisce a shraonadh, roimh a thionchar nó ina dhiaidh.

3.1.4.2. Socrófar an ráta sreafa uisce ag 0,675 (+/– 0,01) l/s agus díreoidh sé 90 l ar a laghad, 120 l ar a mhéad, ar an sampla ó fhad cothrománach 500 (+/– 2) mm (Fíor 8 san Aguisín).

3.1.4.3. Ligfear don uisce sileadh ón sampla isteach sa bhailitheoir. Déanfar an céatadán uisce a bhailítear i ndáil leis an méid uisce a spraeáiltear a ríomh.

3.1.4.4. Déanfar an tástáil cúig huaire ar an sampla i gcomhréir le pointí 3.1.4.2. agus 3.1.4.3. Déanfar meánchéatadán shraith na gcúig thástáil a ríomh.

3.1.5. Torthaí

3.1.5.1. Beidh an meánchéatadán a ríomhtar i bpointe 3.1.4.4. 70 % nó níos airde.

3.1.5.2. Laistigh de na cúig thástáil, i gcás ina mbeidh difríocht níos mó ná 5 % idir na céatadáin is airde agus is ísle den uisce a bhailítear agus an meánchéatadán, déanfar an tsraith de chúig thástáil arís.

3.1.5.3. Fíorófar an mbíonn tionchar ag suíomh ceartingearach an ghairis ar na torthaí a fhaightear. I gcás inarb amhlaidh, déanfar an nós imeachta a dtugtar tuairisc air i bpointí 3.1.4.1. agus 3.1.4.4. arís sna suíomhanna ina dtugtar an céatadán is airde agus is ísle d’uisce a bhailítear; beidh feidhm ag ceanglais phointe 3.1.5.2.

3.2. Tástáil ar ghairis sochta sprae den chineál deighilteora aeir/uisce

3.2.1. Prionsabal

3.2.2. Trealamh

3.2.3. Coinníollacha tástála

3.2.3.1. Déanfar na tástálacha i seomra dúnta ina bhfuil comhshaol aeir shocair.

3.2.3.2. Beidh an teocht chomhthimpeallach agus teocht na dtriailphíosaí 21 (± 3) °C.

3.2.3.3. Úsáidfear uisce dí-ianaithe.

3.2.3.4. Ullmhófar na triailphíosaí le haghaidh gach tástáil tríd iad a fhliuchadh.

3.2.4. Nós Imeachta

3.2.4.1. Daingneofar sampla 305 × 100 mm go ceartingearach i gcóimeáil na tástála. Fíorófar nach bhfuil aon spás idir an sampla agus an pláta uachtarach cuartha agus go bhfuil an tráidire ina shuíomh i gceart. Líonfar umar an leachtaitheora le 1 ± 0,005 lítear uisce agus cuirfear é mar a dtugtar tuairisc air sa léaráid.

3.2.4.2. Rialálfar an leachtaitheoir mar a leanas:

3.2.4.3. Mionófar an t-uisce go dtí nach bhfuil aon cheochán fágtha agus déanfar an t-am a thóg sé a nótáil. Ligfear don uisce sreabhadh amach ón sampla go dtí an tráidire ar feadh 60 soicind agus déanfar toirt an uisce a bhaileofar a thomhas. Déanfar an méid uisce a bheidh fágtha in umar an leachtaitheora a thomhas. Déanfar céatadán thoirt an uisce a bhaileofar i ndáil le toirt an uisce mionaithe a ríomh.

3.2.4.4. Déanfar an tástáil cúig huaire agus ríomhfar meánchéatadán den mhéid a bhaileofar. Fíorófar roimh gach tástáil go bhfuil an tráidire, umar an leachtaitheora agus an soitheach tomhais tirim.

3.2.5. Torthaí

3.2.5.1. Beidh an meánchéatadán a ríomhtar 85 % nó níos airde i gcomhréir le pointe 3.2.4.4.

3.2.5.2. Laistigh de na cúig thástáil, i gcás ina mbeidh difríocht níos mó ná 5 % idir na céatadáin is airde agus is ísle den uisce a bhailítear agus an meánchéatadán, déanfar an tsraith de chúig thástáil arís. Laistigh den dara sraith de chúig thástáil, i gcás ina mbíonn níos mó ná 5 % arís idir na céatadáin is airde agus is ísle den uisce a athshlánaítear agus an meánchéatadán agus i gcás nach gcomhlíontar ceanglais phointe 3.2.5.1. leis an luach níos ísle, déanfar cineálcheadú a dhiúltú.

3.2.5.3. I gcás ina mbíonn tionchar ag suíomh ceartingearach an ghairis ar na torthaí a fhaightear, déanfar an nós imeachta a dtugtar tuairisc air i bpointí 3.2.4.1. agus 3.2.4.4. arís sna suíomhanna ina dtugtar na céatadáin is airde agus is ísle d’uisce a bhailítear; beidh feidhm ag ceanglais phointe 3.2.5.2.

4.1. Déanfar feithiclí i gcatagóir N agus O, cé is moite d’fheithiclí easbhóthair mar a shainmhínítear in Iarscríbhinn I a ghabhann le Rialachán (AE) 2018/858, a thógáil agus/nó a fheistiú le córais sochta sprae ar bhealach a fhágfaidh go gcomhlíonfar na ceanglais a leagtar síos san Iarscríbhinn seo. I gcás feithiclí fonnaidh/cábáin, is féidir nach mbeidh feidhm ag na ceanglais seo ach amháin i gcás na rothaí a chumhdaítear leis an gcábán.

4.2. Níl ceanglais na hIarscríbhinne seo a bhaineann le gairis sochta sprae, mar a shainmhínítear in Airteagal 2(19), sainordaitheach le haghaidh feithiclí i gcatagóirí N, O1 agus O2 a bhfuil uasmhais ualaithe incheadaithe acu nach mó ná 7,5 tona, feithiclí fonnaidh/cábáin, feithiclí gan chabhail nó feithiclí nach luífeadh gairis sochta sprae a bheith orthu lena n-úsáid. I gcás ina mbeidh gairis den sórt sin feistithe ar na feithiclí sin, áfach, comhlíonfaidh siad na ceanglais a leagtar amach sa Rialachán seo.

4.3. Cuirfear feithicil atá ionadaíoch ar an gcineál atá le formheas, agus í feistithe lena córas sochta sprae, chuig an tseirbhís theicniúil a bheidh ag déanamh na dtástálacha formheasa.

4.4. Acastóirí

4.4.1.  Acastóirí ardaithe

4.4.2.  Acastóirí féinrianaithe

4.5  Suíomh an chrochtáin sheachtraigh

4.6.  Staid na feithicle

4.7.  Córais sochta sprae

4.7.1. Comhlíonfaidh an córas sochta sprae na sonraíochtaí a leagtar amach i bpointe 4.8. nó i bpointe 4.10.

4.7.2. Déanfaidh an córas sochta sprae le haghaidh rothaí nach bhfuil faoi stiúir agus rothaí faoina stiúir féin atá cumhdaithe ag urlár na cabhlach, nó ag cuid íochtarach an ardáin lódála, na sonraíochtaí a leagtar amach i bpointe 4.8. nó i bpointe 4.10. nó na sonraíochtaí a leagtar amach i bpointe 4.9. a chomhlíonadh.

4.8.  Ceanglais maidir le córais sochta sprae ionsúcháin fuinnimh le haghaidh acastóirí atá feistithe le rothaí faoi stiúir nó faoina stiúir féin nó nach bhfuil faoi stiúir

4.8.1. Pludghardaí

4.8.1.1. Cumhdóidh na pludghardaí an crios díreach os cionn, os comhair agus ar chúl an bhoinn nó na mbonn sa bhealach a leanas:

4.8.1.2. Feisteofar taobh tosaigh chuid cúil an phludgharda le gaireas laghdaithe sprae lena gcomhlíonfar na sonraíochtaí a leagtar amach i bpointe 3.1. Cumhdófar laistigh den phludgharda leis an ábhar sin suas go dtí airde a chinnfear ag líne dhíreach a théann ó lár an rotha agus a dhéanann uillinn 30° ar a laghad leis an gcothromán (Fíor 3 san Aguisín).

4.8.1.3. I gcás ina bhfuil na pludghardaí comhdhéanta de roinnt comhpháirteanna, nuair a fheistítear iad, ní bheidh aon oscailt iontu trínar féidir leis an sprae dul amach le linn don fheithicil a bheith ag gluaiseacht. Measfar go mbeidh an ceanglas comhlíonta i gcás (an fheithicil a bheith ualaithe nó gan a bheith ualaithe) go mbuaileann aon scaird ghathach amach ó lár an rotha ar fud leithead iomlán dhromchla reatha an bhoinn agus laistigh den réimse a chumhdaítear leis an bpludgharda in aghaidh coda den chóras sochta sprae i gcónaí.

4.8.2. Crochtáin Sheachtracha

4.8.2.1. I gcás acastóirí aonair, ní féidir le ciumhais íochtarach an chrochtáin sheachtraigh a bheith suite lasmuigh de na faid agus na gathanna a leanas, arna dtomhas ó lár an rotha, seachas ag na foircinn is ísle, a d’fhéadfadh a bheith cuar (Fíor 2 san Aguisín).

4.8.2.2. I gcás acastóirí iolracha ní bheidh feidhm ag na ceanglais a leagtar síos i bpointe 4.8.2.1. idir na trasphlánaí ingearacha a théann trí lár an chéad acastóir agus an acastóra dheireanaigh ina bhféadfadh an crochtán seachtrach a bheith díreach chun leanúnachas an chórais sochta sprae a áirithiú. (Fíor 4 san Aguisín).

4.8.2.3. Maidir leis an bhfad idir na pointí is uachtaraí agus is íochtaraí den chóras sochta sprae (pludgharda agus crochtán seachtrach) arna thomhas in aon trasghearradh ingearach leis an bpludgharda (féach Fíoracha 1b agus 2 san Aguisín), sínfidh sé nach lú ná 45 mm ag gach pointe taobh thiar de líne ingearach a théann trí lár an rotha nó tríd an gcéad roth i gcás acastóirí iolracha. Féadfar an toise sin a laghdú de réir a chéile os comhair na líne ingearaí sin.

4.8.2.4. Ní cheadófar d’oscailtí a ligeann don sprae teacht amach le linn don fheithicil a bheith ag gluaiseacht sna crochtáin sheachtracha nó idir na crochtáin sheachtracha agus codanna eile na bpludghardaí.

4.8.2.5. Féadfar nach n-urramófar ceanglais phointí 4.8.2.3. agus 4.8.2.4. go háitiúil nuair a bheidh an crochtán comhdhéanta de ghnéithe éagsúla le gluaiseacht choibhneasta.

4.8.2.6. Maidir le tarracóirí le haghaidh leathleantóirí a bhfuil fonnadh íseal acu, eadhon na tarracóirí sin a bhfuil airde aghaidhe cúplála (a shainmhínítear i bpointe 6.20. de chaighdeán ISO 612:1978) arb ionann í agus 1 100  mm nó ar lú ná sin í, féadtar iad a dhearadh ar bhealach a fhágann go mbíonn siad díolmhaithe ó cheanglais phointí 4.8.1.1 (a), 4.8.1.3 agus 4.8.2.4. Maidir leis sin, ní chumhdófar an limistéar díreach os cionn bhoinn na n-acastóirí cúil, i gcás ina mbíonn na tarracóirí sin cúpláilte le leathleantóir, d’fhonn an córas sochta sprae a sheachaint ó bheith millte. Comhlíonfar ceanglais phointí 4.8.1.1.(a), 4.8.1.3. agus 4.8.2.4. le pludghardaí agus crochtáin na bhfeithiclí sin, áfach, i limistéir atá níos mó ná 60° ón líne ingearach a théann trí lár an rotha, os comhair na mbonn agus taobh thiar díobh.

4.8.3. Flapaí Báistí

4.8.3.1. Comhlíonfar an ceanglas le haghaidh “q” i bpointe 4.8.1.1.(c) le leithead an fhlapa, ach amháin maidir le haon chuid den fhlapa a chuimsítear laistigh de na pludghardaí. Sna cásanna sin, beidh an chuid sin den fhlapa cothrom ar a laghad ó thaobh leithid de le trácht an bhoinn.

4.8.3.2. Beidh treoshuíomh an fhlapa ingearach go bunúsach.

4.8.3.3. Ní bheidh uasairde na ciumhaise íochtaraí níos mó ná 200 mm (Fíor 3 san Aguisín).

4.8.3.4. Ní bheidh an flapa báistí níos mó ná 300 mm ón gciumhais is faide ar chúl den bhonn, arna thomhas go cothrománach.

4.8.3.5. Maidir le hacastóirí iolracha i gcás inar lú ná 250 mm fad “d” idir na boinn ar acastóirí cóngaracha, ní fheisteofar ach an fhoireann cúil rothaí le flapaí báistí. Beidh flapa báistí taobh thiar de gach roth nuair a bhíonn fad “d” idir na boinn ar acastóirí cóngaracha 250 mm ar a laghad (Fíor 4 san Aguisín).

4.8.3.6. Ní shraonfar flapaí báistí níos mó ná 100 mm i dtreo an chúil faoi fhórsa 3 N in aghaidh an 100 mm de leithead flapa, arna chur i bhfeidhm ar phointe atá suite 50 mm os cionn chiumhais íochtarach na bhflapaí.

4.8.3.7. Feisteofar aghaidh tosaigh iomlán na coda den fhlapa báistí a bhfuil na híostoisí a éilítear aige le gaireas sochta sprae lena gcomhlíontar na sonraíochtaí a leagtar amach i bpointe 3.1.

4.8.3.8. Ní cheadófar oscailtí a ligeann don sprae teacht amach idir ciumhais cúil íochtarach an phludgharda agus na flapaí báistí.

4.8.3.9. I gcás ina gcomhlíontar na sonraíochtaí a bhaineann le flapaí báistí a leagtar amach i bpointe 4.8.3. leis an ngaireas sochta sprae, ní éileofar aon fhlapa báistí breise.

4.9.  Ceanglais a bhaineann le córais sochta sprae a fheistítear le gairis sochta sprae ionsúcháin fuinnimh le haghaidh acastóirí áirithe atá feistithe le rothaí nach bhfuil faoi stiúir nó le rothaí faoina stiúir féin (féach pointe 5.2.)

4.9.1. Pludghardaí

4.9.1.1. Cumhdóidh pludghardaí an crios díreach os cionn an bhoinn nó na mbonn. Sínfidh a bhfoircinn tosaigh agus cúil go dtí an plána cothrománach atá tadhlaíoch le ciumhais uachtarach an bhoinn nó na mbonn ar a laghad (Fíor 5 san Aguisín). Féadtar an flapa báistí a chur in ionad an fhoircinn cúil, áfach, agus sa chás sin sínfidh an flapa báistí chuig cuid uachtarach an phludgharda (nó na comhpháirte coibhéisí).

4.9.1.2. Feisteofar cuid cúil inmheánach an phludgharda ar fad le gaireas sochta sprae lena gcomhlíontar na ceanglais a leagtar amach i bpointe 3.1.

4.9.2. Crochtáin Sheachtracha

4.9.2.1. Maidir le hacastóirí aonair nó iolracha ina bhfuil an fad idir na boinn chóngaracha 250 mm ar a laghad, cumhdóidh an crochtán seachtrach an dromchla a shíneann ón gcuid íochtarach go dtí an chuid uachtarach den phludgharda suas go dtí líne dhíreach a dhéantar ag an tadhlaí do chiumhais uachtarach an bhoinn nó na mbonn agus a luíonn idir an plána ceartingearach a dhéantar ag an tadhlaí do thosach an bhoinn agus an pludgharda nó flapa báistí suite taobh thiar den roth nó de na rothaí (Fíor 5b san Aguisín).

4.9.2.2. Ní cheadófar oscailtí a ligeann don sprae teacht amach idir an crochtán seachtach agus an chuid inmheánach den phludgharda.

4.9.2.3. I gcás nach bhfuil flapaí báistí feistithe taobh thiar de gach roth (féach pointe 4.8.3.5.), beidh an crochtán seachtrach neamhbhriste idir ciumhais sheachtrach an fhlapa báistí go dtí an plána ceartingearach atá tadhlaíoch leis an bpointe is faide chun tosaigh den bhonn (Fíor 5a san Aguisín) den chéad acastóir.

4.9.2.4. Beidh dromchla inmheánach iomlán an chrochtáin sheachtraigh, a bheidh nach lú ná 100 mm ar airde, feistithe le gaireas sochta sprae ionsúcháin fuinnimh lena gcomhlíonfar na ceanglais faoi phointe 3.1.

4.9.3. Sínfidh na flapaí sin go dtí cuid íochtarach an phludgharda agus comhlíonfar leo pointí 4.8.3.1. go 4.8.3.9.

4.10  Ceanglais maidir le córais sochta sprae atá feistithe le gairis sochta sprae deighilteora aeir/uisce le haghaidh acastóirí le rothaí faoi stiúir agus rothaí nach bhfuil faoi stiúir

4.10.1. Pludghardaí

4.10.1.1. Comhlíonfar ceanglais phointe 4.8.1.1.(c) le pludghardaí.

4.10.1.2. Déanfaidh pludghardaí le haghaidh acastóirí aonair nó iolracha inar mó an fad idir na boinn ar acastóirí cóngaracha ná 300 mm, thairis sin, pointe 4.8.1.1.(a) a chomhlíonadh.

4.10.1.3. Maidir le hacastóirí iolracha nach mó ná 300 mm an fad idir na boinn ar acastóirí cóngaracha déanfaidh na pludghardaí, thairis sin, an tsamhail a léirítear i bhFíor 7 a chomhlíonadh.

4.10.2. Crochtáin Sheachtracha

4.10.2.1. Feisteofar ciumhais íochtarach na gcrochtán seachtrach le gairis sochta sprae deighilteora aeir/uisce lena gcomhlíontar na ceanglais a leagtar amach san Iarscríbhinn seo.

4.10.2.2. Maidir le hacastóirí aonair nó iolracha inar mó an fad idir na boinn ar acastóirí cóngaracha ná 300 mm, beidh na huastoisí agus gathanna a leanas ag ciumhais íochtarach an ghairis sochta sprae a fheistítear ar an gcrochtán seachtrach, arna thosú ó lár an rotha (Fíoracha 6 agus 7 san Aguisín):

4.10.2.3. Maidir le hacastóirí iolracha nach mó ná 300 mm an fad idir na boinn ar acastóirí cóngaracha, leanfaidh na crochtáin sheachtracha atá suite sna spásanna idir-acastóra an treo a shonraítear i bpointe 4.10.1.3., agus sínfidh siad síos ar bhealach a fhágann nach mó ná 100 mm a bheidh siad os cionn líne dhíreach chothrománach a théann trí láir na rothaí (Fíor 7 san Aguisín).

4.10.2.4. Sínfidh doimhneacht an chrochtáin sheachtraigh nach lú ná 45 mm, ag gach pointe taobh thiar de líne ingearach a théann trí lár an rotha. Féadfar an doimhneacht sin a laghdú de réir a chéile os comhair na líne ingearaí sin.

4.10.2.5. Ní cheadófar oscailtí a ligeann don sprae teacht amach sna crochtáin sheachtracha nó idir na crochtáin sheachtracha agus na pludghardaí.

4.10.3. Flapaí Báistí

4.10.3.1. Comhlíonfar ceachtar de na sraitheanna ceanglas a leanas le flapaí báistí:

4.10.3.2. Feisteofar trealamh sochta sprae lena gcomhlíontar na sonraíochtaí a leagtar amach i bpointe 4 den Aguisín ar na flapaí báistí dá dtagraítear i bpointe 4.10.3.1.(b), feadh na ciumhaise iomláine ar a laghad.

4.10.3.2.1. Beidh ciumhais íochtarach an ghairis sochta sprae nach mó ná 200 mm ón talamh. Féadtar uasairde chiumhais íochtarach an fhlapa báistí i ndáil leis an talamh a ardú go 300 mm i gcás ina measann an monaróir gur iomchuí go teicniúil é maidir leis na saintréithe crochta.

4.10.3.2.2. Beidh an gaireas sochta sprae 100 mm ar domhain ar a laghad.

4.10.3.2.3. Ar leith ón gcuid íochtarach, lena n-áirítear an gaireas sochta sprae, ní lúbfaidh an flapa báistí dá dtagraítear i bpointe 4.10.3.1.(b) níos mó ná 100 mm i dtreo an chúil faoi éifeacht fórsa 3 N in aghaidh an 100 mm leithead den fhlapa báistí arna thomhas ag trasnú an fhlapa báistí leis an ngaireas sochta sprae ina shuíomh oibrithe, á chur i bhfeidhm ag fad 50 mm os cionn chiumhais íochtarach an fhlapa báistí.

4.10.3.3. Ní bheidh an flapa báistí níos mó ná 200 mm ón gciumhais is faide ar chúl den bhonn, arna thomhas go cothrománach.

4.11. Maidir le hacastóirí iolracha, ní gá go gcumhdófaí leithead iomlán thrácht an bhoinn le gaireas sochta sprae acastóir amháin, nach é an t-acastóir is faide siar é, i gcás ina bhféadfaí, go háitiúil, trasnaíocht a bheith idir an córas sochta sprae agus struchtúr na n-acastóirí nó an chrochta nó an fhocharráiste.

1. Chun críocha na hIarscríbhinne seo, tá feidhm ag an sainmhíniú seo a leanas:

1.1. Ciallaíonn ‘tairseach feithicle’ an pointe is ísle d’oscailt an dorais nó de struchtúr eile, cibé acu is airde, nach mór do dhuine dul os a chionn i dtéarmaí airde, chun dul isteach san urrann phaisinéirí.

2. Foráil ghinearálta

2.1. Tabharfaidh saintréithe dearaidh an chineáil feithicle deis do dhuine dul isteach san urrann phaisinéirí agus imeacht amach aisti ar bhealach iomlán sábháilte agus tógfar bealaí isteach chuig an urrann phaisinéirí ar bhealach lena bhféadfar iad a úsáid go héasca agus gan aon chontúirt.

3. Cláir choise agus céimeanna rochtana

3.1. Ní mheasfar gur choschláir ná céimeanna rochtana iad an mol, na fonsaí ná codanna eile den roth chun críche an Rialacháin seo, ach amháin i gcás ina gcuirfidh cúiseanna a bhaineann ledéantús nó le húsáid bac ar choschláir nó céimeanna rochtana a fheistiú ar an bhfeithicil.

3.2. Cinnfear airde na tairsí feithicle go díreach ó dhromchla na talún nó ón bplána cothrománach a théann trí lár, i ndáil leis an bhfad-treo, na céime díreach thíos faoi.

4. Ceanglais maidir le rochtain ar dhoirse na hurrainne paisinéirí agus bealach amach astu maidir le feithiclí i gcatagóir N2 ar mó ná 7.5 tona a n-uasmhais agus i gcatagóir N3

4.1. Céimeanna rochtana chuig an urrann phaisinéirí (Fíor 1).

4.1.1. Ní bheidh an t-achar (A) ó dhromchla na talún go dtí dromchla uachtair na céime is ísle, arna thomhas agus an fheithicil réidh le hoibriú ar dhromchla cothrománach agus réidh, níos mó ná 600 mm.

4.1.1.1. Maidir le feithiclí easbhóthair, áfach, féadtar an t-achar (A) a mhéadú go 700 mm.

4.1.2. Ní bheidh an t-achar (B) idir dromchlaí uachtair na gcéimeanna níos mó ná 400 mm. Ní bheidh éagsúlacht níos mó ná 50 mm idir dhá chéim as a chéile. Ní bheidh feidhm ag an gceanglas a bhaineann leis an achar ceartingearach, áfach, maidir leis an achar idir an chéim uachtair agus tairseach feithicle na hurrainne paisinéirí.

4.1.2.1. Maidir le feithiclí easbhóthair, féadtar méadú chomh fada le 100 mm a chur le héagsúlacht cheadaithe an achair cheartingearaigh mar a léirítear i bpointe 4.1.2.

4.1.3. Ina theannta sin, comhlíonfar na sonraíochtaí geoiméadracha íosta seo a leanas:

4.1.3.1. Maidir le feithiclí easbhóthair, féadtar an luach (F) a leagtar amach i bpointe 4.1.3.(c) a laghdú go 200 mm.

4.1.4. Maidir le feithiclí easbhóthair, féadtar an chéim is ísle a dhearadh mar runga i gcás inar ghá sin ar chúiseanna a bhaineann le déantús nó le húsáid. I gcás den sin, beidh doimhneacht an runga (R) ar a laghad 20 mm.

4.1.4.1. Ní cheadófar rungaí a bhfuil trasghearradh cruinn acu.

4.1.5. Beidh sé éasca do dhuine suíomh na céime uachtair a aithint agus é ag teacht anuas ón urrann phaisinéirí.

4.1.6. Déanfar gach céim rochtana a thógáil ar bhealach a chuirfidh cosc ar riosca sciorrtha. Ina theannta sin, beidh rith chun srutha leordhóthanach nó dromchla draenála ag céimeanna nach bhfuil cosanta ón aimsir agus ó shalachar le linn tiomána.

4.2. Rochtain ar ghreamáin chuig an urrann phaisinéirí (mar a thaispeántar i bhFíor 1).

4.2.1. Déanfar lámhráille (lámhráillí), greamán (greamáin) nó gaireas (gairis) oiriúnach coinneála coibhéiseach eile a sholáthar chun rochtain ar an urrann phaisinéirí a thabhairt.

4.2.1.1. Déanfar gach lámhráille, greamán nó gaireas coinneála coibhéiseach a shuíomh ar bhealach inar féidir greim a bhreith orthu go héasca agus nach gcuirfidh siad isteach ar rochtain ar an urrann phaisinéirí.

4.2.1.2. Ceadófar neamhleanúnachas uasta 100 mm i limistéir greamáin na lámhráillí, na ngreamán nó na ngaireas coinneála coibhéiseach.

4.2.1.3. Maidir le rochtain níos mó ná dhá chéim ar urrann phaisinéirí, déanfar na lámhráillí, na greamáin nó na gairis choinneála choibhéiseacha a shuíomh ar bhealach ina bhféadfaidh duine é féin a choimeád ag an am céanna le dhá lámh agus cos amháin nó le dhá chos agus lámh amháin.

4.2.1.4. Ach amháin i gcás staighre, déanfar dearadh agus suíomh na lámhráillí, na ngreamán agus na ngaireas coinneála coibhéiseach ar bhealach lena spreagfar na hoibritheoirí teacht anuas agus a n-aghaidh ar an urrann phaisinéirí.

4.2.1.5. Féadfar a mheas gur greamán é an roth stiúrtha.

4.2.2. Ní bheidh airde (N) an imill íochtair ar lámhráille, greamán nó gaireas coinneála coibhéiseach amháin ar a laghad, arna tomhas ó dhromchla na talún agus an fheithicil réidh le hoibriú, níos airde ná 1 850  mm.

4.2.2.1. Maidir le feithiclí easbhóthair, féadtar an airde (N) dá dtagraítear i bpointe 4.2.2. a ardú go 1 950  mm.

4.2.2.2. I gcás ina bhfuil airde tairsí feithicle na hurrainne paisinéirí arna tomhas ó dhromchla na talún níos mó ná ‘N’, glacfar leis gur ‘N’ an airde sin.

4.2.2.3. Ina theannta sin, beidh íosfhad (P) imeall uachtair na lámhráillí nó na ngreamán nó na ngaireas coinneála coibhéiseach ó airde tairsí feithicle na hurrainne paisinéirí:

4.2.3. Comhlíonfar na sonraíochtaí geoiméadracha seo a leanas:

5. Ceanglais maidir le rochtain ar dhoirse na hurrainne paisinéirí agus bealach amach astu i bhfeithiclí i gcatagóirí seachas N2 ag a bhfuil uasmhais is mó ná 7.5 tona acu nó atá i gcatagóir N3

5.1. Cláir choise agus céimeanna rochtana

5.1.1. Beidh coschlár nó céim rochtana amháin nó níos mó lena bhfuil airde tairsí feithicle na hurrainne paisinéirí níos airde ná 600 mm os cionn na talún, arna thomhas agus an fheithicil réidh le hoibriú ar dhromchla cothrománach agus réidh, ag feithiclí i gcatagóirí M1 agus N1 chomh maith le N2, nach mó ná 7.5 tona a n-uasmhais.

5.1.1.1. Maidir le feithiclí easbhóthair, féadtar airde na hurrainne paisinéirí arna sonrú i bpointe 5.1.1. a mhéadú go dtí 700 mm.

5.1.1.2. Déanfar gach coschlár agus céim rochtana a thógáil ar bhealach a chuirfidh cosc ar riosca sciorrtha. Ina theannta sin, beidh rith chun srutha leordhóthanach nó dromchla draenála ag coschláir agus ag céimeanna nach bhfuil cosanta ón aimsir agus ó shalachar le linn tiomána.

1. Faisnéis bhreise:

1.1. Tuairisc ghearr ar an gcineál feithicle a mhéid a bhaineann le struchtúr, toisí, línte agus comhábhair

1.2. Maidir leis an gcineál feithicle i gcatagóir M1 / N1 / N2 nach mó ná 7.5 tona a huasmhais (1), tá / níl (1) coschláir ná céimeanna rochtana feistithe uirthi.

1.3. Feithicil easbhóthair is ea / ní hea (1)

5. Nótaí:

1. Forálacha ginearálta

1.1. Déanfar gach feithicil a fheistiú le gaireas cúlaithe a fhéadfar a oibriú go héasca ó shuíomh an tiománaí.

1.2. Ceadaítear moill ghearr idir an móimint a roghnaítear an modh cúlaithe agus an t-am a chuirtear i bhfeidhm é.

1. Faisnéis bhreise:

1.1. Tuairisc ghearr ar an gcineál feithicle a mhéid a bhaineann le struchtúr, toisí, línte agus comhábhair

1.2. Gaireas cúlaithe giarbhosca / modh eile (1)

1.3. Tuairisc ghearr ar an ngaireas cúlaithe, i gcás nach feidhm den ghiarbhosca é sin.

5. Nótaí:

1. Chun críocha na hIarscríbhinne seo, beidh feidhm ag na sainmhínithe seo a leanas:

1.1. ciallaíonn ‘coirnéal an chórais cosanta tosaigh’ pointe teagmhála an chórais cosanta tosaigh le plána ceartingearach, a dhéanann uillinn 60° le fadphlána ceartingearach na feithicle agus atá tadhlaíoch le dromchla seachtrach an chórais cosanta tosaigh (féach Fíor 1);

1.2. ciallaíonn ‘toisí fíor-riachtanacha na céime tosaigh seachtraí’ pointí soladacha i spás ar an bhfráma tástála, a léiríonn gach pointe den chineál feithicle atá i gceist ar dhócha go mbeadh tionchar ag an gcóras cosanta tosaigh ar an bhfeithicil le linn tástála;

1.3. ciallaíonn ‘airde íochtair an chórais cosanta tosaigh’, ag aon suíomh trasnach, an fad ceartingearach idir an talamh agus líne thagartha íochtair an chórais cosanta tosaigh, agus an fheithicil suite ina gnáthriocht tiomána;

1.4. ciallaíonn ‘líne thagartha íochtair an chórais cosanta tosaigh’ líne a shainaithníonn an teorainn íochtair chuig pointí suntasacha teagmhála coisithe leis an gcóras cosanta tosaigh. Is éard atá sa líne, lorg geoiméadrach na bpointí teagmhála is íochtaraí idir corr dhíreach 700 mm ar fhad agus an córas cosanta tosaigh, i gcás ina dtrasnaíonn an chorr dhíreach tosach na feithicle, agus í á coinneáil comhthreomhar le fadphlána ceartingearach na feithicle agus claonta chun tosaigh 25°, fad a fhanann sí i dteagmháil leis an talamh agus le dromchla an chórais cosanta tosaigh (féach Fíor 2);

1.5. ciallaíonn ‘trian den chóras cosanta tosaigh’ an lorg geoiméadrach idir gach coirnéal den chóras cosanta tosaigh, arna thomhas le miosúr solúbtha agus comhrian cothrománach seachtrach an chórais cosanta tosaigh á leanúint, roinnte ina dtrí chuid chothroma;

1.6. ciallaíonn ‘airde uachtair an chórais cosanta tosaigh’, ag aon suíomh trasnach, an fad ceartingearach idir an talamh agus líne thagartha uachtair an chórais cosanta tosaigh, agus an fheithicil suite ina gnáthriocht tiomána;

1.7. ciallaíonn ‘líne thagartha uachtair an chórais cosanta tosaigh’ líne a shainaithníonn an teorainn uachtair chuig pointí suntasacha teagmhála coisithe leis an gcóras cosanta tosaigh. Is éard atá sa líne, lorg geoiméadrach na bpointí teagmhála is uachtaraí idir corr dhíreach 700 mm ar fhad agus an córas cosanta tosaigh, i gcás ina dtrasnaíonn an chorr dhíreach tosach na feithicle, agus í á coinneáil comhthreomhar le fadphlána ceartingearach na feithicle agus claonta chun tosaigh 20°, fad a fhanann sí i dteagmháil leis an talamh agus le dromchla an chórais cosanta tosaigh (féach Fíor 3);

1.8. ciallaíonn ‘achar timfhillteach’ an lorg geoiméadrach a thuairiscítear ar an dromchla uachtair tosaigh nó ar an gcóras cosanta tosaigh ag taobh amháin de mhiosúr solúbtha, nuair a choimeádtar é i bhfadphlána ceartingearach na feithicle agus nuair a thrasnaítear é thar an dromchla uachtair tosaigh nó thar an gcóras cosanta tosaigh. Coinnítear an téip teann le linn na hoibríochta agus taobh amháin de i dteagmháil le leibhéal tagartha na talún, faoi bhun éadan tosaigh an tuairteora nó an chórais cosanta tosaigh go ceartingearach agus coinnítear an taobh eile i dteagmháil leis an dromchla uachtair tosaigh nó leis an gcóras cosanta tosaigh (féach Fíor 4, mar shampla). Suitear an fheithicil sa ghnáthriocht tiomána.

2. Forálacha ginearálta:

2.1. Cuirfidh an monaróir sampla amháin den chineál córais cosanta tosaigh atá le ceadú isteach chuig an tseirbhís theicniúil a bheidh freagrach as na tástálacha cineálcheadaithe a dhéanamh. I gcás ina measann an tseirbhís theicniúil sin gur ghá, féadfaidh sí tuilleadh samplaí a iarraidh. Beidh marcáil shoiléir dhoscriosta ar an sampla le trádainm nó trádmharc an iarratasóra agus léiriú den chineál. Déanfaidh an monaróir foráil maidir le taispeáint éigeantach mharc cineálcheadaithe AE ina dhiaidh sin.

2.2. I gcás inar dearadh an córas cosanta tosaigh atá le tástáil le húsáid i níos mó ná cineál feithicle amháin sa chatagóir M1 nó N1, déanfar an córas sin a chineálcheadú ar leithligh maidir le gach cineál feithicle a bhfuil sé ceaptha a úsáid inti.

2.3. Is féidir an tástáil a dhéanamh agus an córas cosanta tosaigh gléasta ar fheithicil den chineál dá bhfuil sé beartaithe nó ar fhráma tástála atá ionann agus toisí fíor-riachtanacha chéim thosaigh sheachtrach an chineál feithicle dá bhfuil siad ceaptha. I gcás ina dteagmhaíonn an córas cosanta tosaigh leis an bhfráma le linn na tástála, déanfar an tástáil an athuair agus an córas cosanta tosaigh gléasta ar an gcineál feithicil dá bhfuil sé beartaithe. I gcás tástála a dhéantar agus an córas cosanta tosaigh gléasta ar fheithicil, beidh feidhm ag coinníollacha Roinn C ina leith.

2.4. Maidir le haon mhodhnú ar na cineálacha feithiclí a liostaítear san Aguisín le deimhniú ar chineálcheadú AE maidir leis an gcóras cosanta tosaigh, atá chun tosaigh ar a A-philéir nó ar an gcóras cosanta tosaigh féin, a bhfuil tionchar aige ar an struchtúr, ar na príomh-thoisí, ar ábhair dhromchlaí seachtracha na feithicle nó an chórais cosanta tosaigh, ar na modhanna daingnithe nó ar shocrú na gcomhpháirteanna seachtracha nó inmheánacha, agus a d’fhéadfadh tionchar nach beag a imirt ar thorthaí na dtástálacha, measfar gur leasú é de bhun Airteagal 33 de Rialachán (AE) 2018/858 agus dá bharr sin, éileofar cineálcheadú nua ón Aontas maidir leis an gcóras cosanta tosaigh.

2.5. I gcás ina gcomhlíontar na ceanglais ábhartha a leagtar amach i gCuid 2 d’Iarscríbhinn XII a ghabhann leis an Rialachán sin, beidh feidhm ag an méid seo a leanas chun críocha Roinn 3 den uimhir chineálcheadaithe agus go háirithe maidir leis na litreacha a úsáidfear:

3. Ceanglais shonracha

3.1. Beidh feidhm ag na ceanglais seo a leanas go cothrom maidir le córais cosanta tosaigh a fheistítear ar fheithiclí nua i gcatagóir M1 nó N1 agus le córais cosanta tosaigh atá le soláthar mar aonaid theicniúla ar leithligh lena bhfeistiú ar fheithiclí sonracha i gcatagóir M1 nó N1.

3.1.1. Déanfar comhpháirteanna an chórais cosanta tosaigh a dhearadh ionas go mbeidh ga cuair ≥ 5,0 mm ag gach dromchla docht ar féidir le sféar 100 mm teagmháil a dhéanamh leo.

3.1.2. Ní sháróidh mais iomlán an chórais cosanta tosaigh, lena n-áirítear na bracanna agus na fosúcháin go léir, 1.2 % de mhais iomlán na feithicle dá bhfuil deartha, faoi réir uasmheáchan 18 kg.

3.1.3. Ní bheidh airde an chórais cosanta tosaigh, agus é feistithe ar fheithicil, níos mó ná 50 mm os cionn airde líne thagartha imeall an bhoinéid, mar a shainmhínítear i gcomhréir le Rialachán Uimh. 127 de chuid NA.

3.1.4. Ní mhéadóidh an córas cosanta tosaigh leithead na feithicle a bhfuil sé feistithe uirthi. I gcás ina bhfuil leithead foriomlán an chórais cosanta tosaigh níos mó ná 75 % de leithead na feithicle, casfar pointí deiridh an chórais cosanta tosaigh isteach i dtreo an dromchla sheachtraigh chun an riosca salaithe a íoslaghdú. Measfar go mbeidh an ceanglas sin comhlíonta sa chás go mbeidh an córas cosanta tosaigh cuasaithe nó comhtháite laistigh den chabhalra nó go mbeidh pointe deiridh an chórais cosanta tosaigh casta ionas nach féidir le sféar 100 mm teagmháil a dhéanamh leis, agus nach mó ná 20 mm an bhearna idir pointe deiridh an chórais cosanta tosaigh agus an cabhalra timpeall air.

3.1.5. Faoi réir ag pointe 3.1.4., ní bheidh an bhearna idir comhpháirteanna an chórais cosanta tosaigh agus an dromchla sheachtraigh faoina bhun níos mó ná 80 mm. Déanfar neamhaird ar neamhleanúnachas i gcomhrian ginearálta na cabhlach faoina bhun (amhail oscailtí i ngreillí, gairis aer-iontógála, etc.).

3.1.6. Ag aon suíomh cliathánach trasna na feithicle, chun buntáistí thuairteoir na feithicle a choimeád, ní bheidh an fad idir an pointe is faide chun tosaigh den tuairteoir agus an pointe is faide chun tosaigh den chóras cosanta tosaigh níos mó ná 50 mm.

3.1.7. Ní chuirfidh an córas cosanta tosaigh laghdú nach beag ar éifeachtacht an tuairteora. Measfar go mbeidh an ceanglas sin comhlíonta sa chás nach mbeidh níos mó ná dhá chomhpháirt cheartingearacha ann agus nach mbeidh aon chomhpháirt cheartingearach den chóras cosanta tosaigh ag forluí ar an tuairteoir.

3.1.8. Ní bheidh an córas cosanta tosaigh claonta chun tosaigh ón ingearach. Ní shíneoidh codanna uachtair an chórais cosanta tosaigh suas nó siar (i dtreo an ghaothscátha) níos mó ná 50 mm ó líne thagartha imeall bhoinéad na feithicle agus an córas cosanta tosaigh bainte.

3.1.9. Ní chuirfear isteach ar chomhlíonadh cheanglais chineálcheadaithe na feithicle trí bhíthin córas cosanta tosaigh a shuiteáil.

3.1.10. Féadfaidh an t-údarás cineálcheadaithe a mheas go mbeidh ceanglais aon cheann de na tástálacha a leagtar síos san Iarscríbhinn seo comhlíonta trí bhíthin aon tástáil choibhéiseach a dhéanfaí i gcomhréir le Rialachán Uimh. 127 de chuid NA (e.g. sa chás go ndéantar tástáil mar chuid de chineál feithicle nuair is féidir í a fheistiú ar bhonn roghnach le córas cosanta tosaigh, féach pointe 1. agus pointe 3.1 de Roinn C).

1.1. Maidir le tástáil ar fheithiclí iomlána, comhlíonfaidh na feithiclí na coinníollacha a leagtar síos i bpointí 1.1.1., 1.1.2. agus 1.1.3.

1.1.1. Beidh an fheithicil ina gnáthriocht tiomána agus beidh sí gléasta go daingean ar thacaí ardaithe nó ina seasamh ar dhromchla cothrom, agus an coscán láimhe teannta.

1.1.2. Déanfar na gairis go léir atá deartha chun úsáideoirí soghonta bóthair a chosaint a ghníomhachtú i gceart roimh an tástáil iomchuí agus/nó beidh siad i ngníomh lena linn. Is é an t-iarratasóir a bheidh freagrach as ceadú lena thaispeáint go ngníomhóidh na gairis mar a bheartaítear i gcás imbhuailte le coisí.

1.1.3. Maidir le haon chomhpháirt feithicle a bhféadfadh athrú teacht ar a cruth nó ar a suíomh, ach amháin gairis ghníomhacha chun coisithe a chosaint, agus a bhfuil níos mó ná cruth nó suíomh seasta amháin acu, éileoidh siad go gcomhlíonfaidh an fheithicil na comhpháirteanna i ngach cruth nó suíomh seasta.

2.1. I gcás nach gcuirtear ach fochóras de chuid na feithicle ar fáil lena tástáil, comhlíonfaidh sé na coinníollacha a mionsonraítear i bpointí 2.1.1., 2.1.2., 2.1.3. agus 2.1.4.

2.1.1. Déanfar na codanna go léir de struchtúr na feithicle, an boinéad agus na comhpháirteanna faoin mboinéad, nó taobh thiar den ghaothscáth, a bhféadfadh tionchar a bheith orthu ag imbhualadh tosaigh le húsáideoir soghonta bóthair a chur san áireamh sa tástáil chun feidhmíocht agus idirghníomhaíochtaí na gcomhpháirteanna feithicle rannpháirteacha go léir a léiriú.

2.1.2. Déanfar fochóras na feithicle a ghléasadh go daingean agus an fheithicil ina gnáthriocht tiomána.

2.1.3. Déanfar na gairis go léir atá deartha chun úsáideoirí soghonta bóthair a chosaint a ghníomhachtú i gceart roimh an tástáil iomchuí agus/nó beidh siad i ngníomh lena linn. Is é an t-iarratasóir a bheidh freagrach as ceadú lena thaispeáint go ngníomhóidh na gairis mar a bheartaítear i gcás imbhuailte le coisí.

2.1.4. Maidir le haon chomhpháirt feithicle a bhféadfadh athrú teacht ar a cruth nó ar a suíomh, ach amháin gairis ghníomhacha chun coisithe a chosaint, agus a bhfuil níos mó ná cruth nó suíomh seasta amháin acu, éileoidh siad go gcomhlíonfaidh an fheithicil na comhpháirteanna i ngach cruth nó suíomh seasta.

1.1. Comhlíonfaidh an córas cosanta tosaigh a bheidh gléasta ar an bhfeithicil na coinníollacha a leagtar síos i bpointí 3. go 3.1.10. de Roinn A.

1.2. Beidh an fheithicil ina gnáthriocht tiomána agus beidh sí gléasta go daingean ar thacaí ardaithe nó ina seasamh ar dhromchla cothrom, agus an coscán láimhe teannta. Beidh an córas cosanta tosaigh atá le tástáil feistithe ar an bhfeithicil. Leanfar na treoracha feistithe ó mhonaróir an chórais cosanta tosaigh agus áireofar orthu sin toirc theanntachta le haghaidh na bhfosúchán go léir.

1.3. Déanfar na gairis go léir atá deartha chun coisithe agus úsáideoirí soghonta bóthair a chosaint a ghníomhachtú i gceart roimh an tástáil iomchuí agus/nó beidh siad i ngníomh lena linn. Taispeánfaidh an t-iarratasóir go bhfeidhmeoidh na gairis mar atá siad ceaptha feidhmiú sa chás go mbuailfeadh an fheithicil coisí nó úsáideoir soghonta bóthair eile.

1.4. Maidir le haon chomhpháirt feithicle a bhféadfadh athrú teacht ar a cruth nó ar a suíomh, amhail ceannlampaí ‘aníos’, ach amháin gairis chun coisithe a chosaint, déanfar iad a shocrú sa chruth nó sa suíomh is iomchuí le haghaidh na dtástálacha seo, dar leis na seirbhísí teicniúla.

2.1. Sa chás nach gcuirfear ach córas cosanta tosaigh ar fáil le haghaidh tástálacha, beidh sé indéanta na coinníollacha a leagtar síos i bpointí 3. go 3.1.10. de Roinn A a chomhlíonadh agus é feistithe ar an gcineál feithicle lena mbaineann an cineálcheadú don aonad teicniúil sonrach ar leithligh.

2.2. Is féidir an tástáil a dhéanamh agus an córas cosanta tosaigh gléasta ar fheithicil den chineál dá bhfuil sé beartaithe nó ar fhráma tástála atá ionann agus toisí fíor-riachtanacha chéim thosaigh sheachtrach an chineál feithicle dá bhfuil siad ceaptha. I gcás ina dteagmhaíonn an córas cosanta tosaigh leis an bhfráma le linn na tástála, déanfar an tástáil an athuair agus an córas cosanta tosaigh gléasta ar an gcineál feithicil dá bhfuil sé beartaithe. I gcás tástála a dhéantar agus an córas cosanta tosaigh feistithe ar fheithicil, beidh feidhm ag coinníollacha phointe 1 ina leith.

3.1. Maidir le gach córas cosanta tosaigh, cibé acu is chuid de chineálcheadú feithicle é i ndáil le córas cosanta tosaigh a fheistiú uirthi go roghnach, nó go bhfuil sé le cineálcheadú mar aonad teicniúil ar leithligh, beidh faisnéis ag gabháil leis maidir leis an bhfeithicil nó na feithiclí ar ceadaíodh é a fheistiú orthu.

3.2. Beidh treoracha mionsonraithe suiteála ag gabháil le gach córas cosanta tosaigh a bheidh cineálcheadaithe mar aonad teicniúil ar leithligh ina dtabharfar faisnéis leordhóthanach d’aon duine inniúil chun é a shuiteáil i gceart ar an bhfeithicil. Is i dteanga nó i dteangacha an Bhallstáit ina mbeidh an córas cosanta tosaigh le díol a bheidh na treoracha.

1.1. Déanfar na tástálacha go léir ar luas imbhuailte 40 km/u.

1.2. Maidir le córas cosanta tosaigh atá ceadaithe lena fheistiú ar fheithiclí a chomhlíonann ceanglais Roinn 2 d’Iarscríbhinn I a ghabhann le Rialachán (CE) Uimh. 78/2009 nó pointe 3.1. d’Iarscríbhinn I a ghabhann le Treoir 2003/102/CE, ní mó ná 40 mm a bheidh i luach absalóideach uasfhadú dinimiciúil an bhallnaisc mheánaigh chomhthaobhaigh ag an nglúin, agus ní mó ná 13 mm a bheidh in uasfhadú dinimiciúil an bhallnaisc chroisigh thosaigh agus an bhallnaisc chroisigh chúil. Ní mó ná 380 Nm a bheidh i luach absalóideach na móimintí lúbthachta dinimiciúla ag an tibia.

1.3. Maidir le córas cosanta tosaigh atá ceadaithe lena fheistiú ar fheithiclí a chomhlíonann ceanglais Roinn 3 d’Iarscríbhinn I a ghabhann le Rialachán (CE) Uimh. 78/2009, pointe 3.2 d’Iarscríbhinn I a ghabhann le Treoir 2003/102/CE, nó Rialachán Uimh. 127 de chuid NA, ní mó ná 22 mm a bheidh i luach absalóideach uasfhadú dinimiciúil an bhallnaisc mheánaigh chomhthaobhaigh ag an nglúin, agus ní mó ná 13 mm a bheidh in uasfhadú dinimiciúil an bhallnaisc chroisigh thosaigh agus an bhallnaisc chroisigh chúil. Ní mó ná 340 Nm a bheidh i luach absalóideach na móimintí lúbthachta dinimiciúla ag an tibia.

1.4. Maidir le córas cosanta tosaigh atá ceadaithe lena fheistiú ar fheithiclí nach gcomhlíonann Rialachán (CE) Uimh. 78/2009, ná Treoir 2003/102/CE ná Rialachán Uimh. 127 de chuid NA, féadtar na ceanglais tástála seo a leanas a chur in ionad na gceanglas tástála a leagtar amach i bpointí 1.2. agus 1.3.:

2.1. Beidh imbhuailteoir crutha coise íochtair do na tástálacha ar an gcóras cosanta tosaigh i ‘saoreitilt’ ag móimint an imbhuailte, i gcomhréir le forálacha mhír 1.8. d’Iarscríbhinn 5 a ghabhann le Rialachán Uimh. 127 de chuid NA. Scaoilfear an t-imbhuailteoir chuig saoreitilt ag a leithéid d’fhad is nach mbeidh tionchar ar thorthaí na tástála ag aon teagmháil idir an t-imbhuailteoir agus an córas tiomána le linn athphreabadh an imbhuailteora.

2.2. I ngach cás, féadtar an t-imbhuailteoir a thiomáint le gunna aeir, sprionga nó hiodrálach, nó ar mhodhanna eile ar féidir a thaispeáint go mbíonn an toradh céanna leo. Deimhneofar an t-imbhuailteoir crutha coise íochtair de bhun mhír 1. d’Iarscríbhinn 6 a ghabhann le Rialachán Uimh. 127 de chuid NA.

3.1. Déanfar ar a laghad trí thástáil maidir le cruth na coise íochtair go córas cosanta tosaigh ar phointí tástála idir línte tagartha uachtair agus íochtair an chórais cosanta tosaigh. Is ag na suíomhanna a mheasann an tseirbhís theicniúil is mó seans a mbeadh siad ina gcúis díobhála a bheidh na pointí tástála. Déanfar tástálacha ar chineálacha éagsúla struchtúr sa chás go mbeidh éagsúlacht eatarthu sa limistéar a bhfuil measúnú le déanamh air. Déanfar na pointí arna dtástáil ag an tseirbhís theicniúil a thaifeadadh sa tuarascáil tástála.

3.2. Maidir le feithiclí ar lú ná 425 mm airde líne thagartha íochtair an chórais cosanta tosaigh, cuirfear ceanglais na Roinne seo i bhfeidhm.

4.1. Comhlíonfaidh staid na feithicle nó an fhochórais na forálacha i Roinn C. Is 20° ± 4° C a bheidh i dteocht chobhsaithe an ghairis tástála agus na feithicle nó an aonaid theicniúil ar leithligh.

4.2. Tugtar tuairisc ar imbhuailteoir crutha coise íochtair in Iarscríbhinn 4 a ghabhann le Rialachán Uimh. 127 de chuid NA.

4.3. Déanfar an t-imbhuailteoir tástála a stóráil agus a láimhseáil i gcomhréir le míreanna 1.2. agus 1.3. d’Iarscríbhinn 5 a ghabhann le Rialachán Uimh. 127 de chuid NA roimh an tástáil.

4.4. Déanfar na tástálacha i gcomhréir le míreanna 1.6. go 1.14. d'Iarscríbhinn 5 a ghabhann le Rialachán Uimh. 127 de chuid NA.

4.5 le linn na teagmhála idir an t-imbhuailteoir agus an córas cosanta tosaigh, ní dhéanfaidh an t-imbhuailteoir teagmháil leis an talamh nó le ní ar bith nach cuid den chóras cosanta tosaigh nó den fheithicil é.

1.1. Déanfar na tástálacha go léir ar luas imbhuailte 40 km/u.

1.2. Ní mó ná 7.5 kN a bheidh i suim láithreach na bhfórsaí imbhuailte i ndáil le ham agus ní mó ná 510 Nm a bheidh sa mhóimint lúbthachta ar an imbhuailteoir tástála.

1.3. Maidir le córas cosanta tosaigh atá ceadaithe lena fheistiú ar fheithiclí nach gcomhlíonann Rialachán (CE) Uimh. 78/2009, ná Treoir 2003/102/CE ná Rialachán Uimh. 127 de chuid NA, féadtar na ceanglais tástála seo a leanas a chur in ionad na gceanglas tástála a leagtar amach i bpointe 1.2.:

2.1. Déanfar an t-imbhuailteoir crutha coise uachtair le haghaidh tástálacha ar an gcóras cosanta tosaigh a ghléasadh ar an gcóras tiomána le siúnta a chuireann teorainn ar an torc, le cosc a chur ar ualaí móra asláir damáiste a dhéanamh don chóras treoraíochta. Déanfar an córas treoraíochta a fheistiú le treoracha ar bheagán frithchuimilte, a bheidh neamhíogair do lódáil as-aise, nach ligeann don imbhuailteoir ach gluaiseacht i dtreo sonraithe an imbhuailte, agus é i dteagmháil leis an gcóras cosanta tosaigh. Cuirfidh na treoracha cosc ar ghluaiseacht i dtreonna eile, lena n-áirítear rothlú timpeall aon ais eile.

2.2. Féadtar an t-imbhuailteoir crutha coise uachtair a thiomáint le gunna aeir, sprionga nó hiodrálach, nó ar mhodhanna eile ar féidir a thaispeáint go mbíonn an toradh céanna leo. Deimhneofar an t-imbhuailteoir crutha coise uachtair de bhun mhír 2. d’Iarscríbhinn 6 a ghabhann le Rialachán Uimh. 127 de chuid NA.

3.1. Déanfar ar a laghad trí thástáil maidir le cruth na coise uachtair go córas cosanta tosaigh ar phointí tástála idir Línte Tagartha Uachtair agus Íochtair an Chórais Cosanta Tosaigh. Is ag na suíomhanna a mheasann an tseirbhís theicniúil is mó seans a mbeadh siad ina gcúis díobhála a bheidh na pointí tástála. Déanfar tástálacha ar chineálacha éagsúla struchtúr sa chás go mbeidh éagsúlacht eatarthu sa limistéar a bhfuil measúnú le déanamh air. Déanfar na pointí arna dtástáil ag an tseirbhís theicniúil a thaifeadadh sa tuarascáil tástála.

3.2. Maidir le feithiclí a bhfuil airde líne thagartha íochtair an chórais cosanta tosaigh cothrom le nó níos mó ná 500 mm, cuirfear ceanglais na Roinne seo i bhfeidhm.

4.1. Comhlíonfaidh staid na feithicle nó an fhochórais na forálacha i Roinn C. Is 20° ± 4° C a bheidh i dteocht chobhsaithe an ghairis tástála agus na feithicle nó an aonaid theicniúil ar leithligh.

4.2. Tugtar tuairisc ar imbhuailteoir crutha coise uachtair in Iarscríbhinn 4 a ghabhann le Rialachán Uimh. 127 de chuid NA.

4.3. Déanfar an t-imbhuailteoir tástála a stóráil agus a láimhseáil i gcomhréir le míreanna 2.2. agus 2.3. d’Iarscríbhinn 5 a ghabhann le Rialachán Uimh. 127 de chuid NA.

4.5 Déanfar na tástálacha i gcomhréir le míreanna 2.6. agus 2.7. d'Iarscríbhinn 5 a ghabhann le Rialachán Uimh. 127 de chuid NA.

1.1. Déanfar na tástálacha go léir ar luas imbhuailte 35 km/u agus imbhuailteoir tástála crutha cloiginn maidir le leanbh/aosach beag 3.5 kg á úsáid. Ní mó ná 1 000 a bheidh sa Chritéar Feidhmíochta Cloiginn arna ríomh ó startha ama an mhéadair luasghéaraithe i ngach cás.

2.1. Beidh imbhuailteoir crutha cloiginn maidir le leanbh/aosach beag do na tástálacha córais cosanta tosaigh i ‘saoreitilt’ ag móimint an imbhuailte. Scaoilfear an t-imbhuailteoir chuig saoreitilt ag a leithéid d’fhad ón gcóras cosanta tosaigh agus nach mbeidh tionchar ag aon teagmháil idir an t-imbhuailteoir agus an córas tiomána le linn athphreabadh an imbhuailteora ar thorthaí na tástála.

2.2. I ngach cás, féadtar an t-imbhuailteoir a thiomáint le gunna aeir, sprionga nó hiodrálach, nó ar mhodhanna eile ar féidir a thaispeáint go mbíonn an toradh céanna leo. Deimhneofar an t-imbhuailteoir crutha cloiginn de bhun mhír 3. d’Iarscríbhinn 6 a ghabhann le Rialachán Uimh. 127 de chuid NA.

3.1. Déanfar ar a laghad trí thástáil ar imbhualadh crutha cloiginn ag na suíomhanna a measann an tseirbhís theicniúil gur mó seans go mbeidís ina gcúis díobhála. Déanfar tástálacha ar chineálacha éagsúla struchtúir i gchás ina mbeidh éagsúlacht eatarthu sa limistéar a bhfuil measúnú le déanamh air. Déanfar na pointí arna dtástáil ag an tseirbhís theicniúil a thaifeadadh sa tuarascáil tástála.

3.2. Roghnófar pointí tástála don imbhuailteoir crutha cloiginn linbh/aosaigh bhig ar chodanna den chóras cosanta tosaigh inar mó ná 900 mm achar timfhillteach an chórais cosanta tosaigh agus an fheithicil ina gnáthriocht tiomána nó agus an córas cosanta tosaigh gléasta ar fhráma tástála a léiríonn an fheithicil a bhfuil sé le feistiú uirthi amhail agus go mbeadh sí ina gnáthriocht tiomána.

4.1. Comhlíonfaidh staid na feithicle nó an fhochórais na forálacha i bpointe 1 de Roinn C. Is 20° ± 4°C a bheidh i dteocht chobhsaithe an ghairis tástála agus na feithicle nó an aonaid theicniúil ar leithligh.

4.2. Tugtar tuairisc ar imbhuailteoir crutha cloiginn linbh/aosaigh bhig in Iarscríbhinn 4 a ghabhann le Rialachán Uimh. 127 de chuid NA.

4.3. Déanfar an t-imbhuailteoir a ghléasadh agus a thiomáint mar a shonraítear i bpointí 2.1. agus 2.2.

4.4. Déanfar na tástálacha i gcomhréir le míreanna 3. go 3.3.1. agus 4.4. to 4.7. d'Iarscríbhinn 5 a ghabhann le Rialachán Uimh. 127 de chuid NA.

1. Faisnéis bhreise:

1.1. Modh cur i gceangal:

1.2. Treoracha maidir le cóimeáil agus gléasadh:

2. Liosta feithiclí a bhféadtar an córas cosanta tosaigh a fheistiú orthu, aon treoir úsáide agus na coinníollacha is gá le haghaidh feistiú:

5. Nótaí

6. Torthaí tástála de réir cheanglais Chuid 2 d’Iarscríbhinn XII a ghabhann le Rialachán (AE) 2021/535.

1. Beidh an méid a leanas i marc cineálcheadaithe AE maidir le haonaid theicniúla ar leithligh dá dtagraítear in Airteagal 38(2) de Rialachán (AE) 2018/858:

1.1. Dronuilleog timpeall ar an litir ‘e’ sa chás íochtair, agus uimhir shainiúil an Bhallstáit a bhronn cineálcheadú don chomhpháirt nó don aonad teicniúil ar leithligh:

1.2. I gcóngar na dronuilleoige, dhá dhigit a thugann le fios an tsraith leasuithe ina leagtar síos na ceanglais a chomhlíonann an t-aonad teicniúil ar leithligh seo, '00' faoi láthair, agus spás ina dhiaidh sin agus an uimhir cúig dhigit dá dtagraítear i bpointe 2.4. d’Iarscríbhinn IV de Rialachán (AE) 2018/858.

2. Beidh an marc cineálcheadaithe maidir le haonaid theicniúla ar leithligh doscriosta agus inléite go soiléir.

3. Léirítear sampla de mharc cineálcheadaithe AE le haghaidh aonaid theicniúil ar leithligh i bhFíor 1.

Eochair D'eisigh an Bhulgáir cineálcheadú AE maidir le haonad teicniúil ar leithligh faoin uimhir 00646. Tugann an chéad dá dhigit '03' le fios gur formheasadh an t-aonad teicniúil ar leithligh i gcomhréir leis an Rialachán seo. Ciallaíonn an litir ‘X’ go bhfuil an córas cosanta tosaigh ceaptha a bheith feistithe ar fheithiclí i gcatagóir M1 nó N1, nach gcomhlíonann Rialachán (CE) Uimh. 78/2009, Treoir 2003/102/EC nó Rialachán Uimh. 127 de chuid NA, agus ar na feithiclí sin amháin.

1. Chun críocha na hIarscríbhinne seo, beidh feidhm ag na sainmhínithe seo a leanas: