Glao ar thograí 2023 — EAC/A10/2022

Clár Erasmus+

(2022/C 444/07)

1. Réamhrá agus Cuspóirí

Tá an glao seo ar thograí bunaithe ar Rialachán (AE) Uimh. 2021/817 ó Pharlaimint na hEorpa agus ón gComhairle an 20 Bealtaine 2021 lena mbunaítear “Erasmus+”: Clár an Aontais um oideachas, um oiliúint, um an óige agus um spórt (1) (dá ngairtear “Rialachán Erasmus+” anseo feasta), agus ar Chlár Oibre Bliantúil 2023 Erasmus+ (C(2022)6002). Cumhdaíonn an Clár Erasmus+ an tréimhse 2021 go 2027. Liostaítear cuspóirí ginearálta agus sonracha Chlár Erasmus+ in Airteagal 3 de Rialachán Erasmus+.

2. Gníomhartha

Cumhdaítear leis an nglao seo ar thograí na gníomhartha seo a leanas de chuid Chlár Erasmus+:

Príomhghníomh 1 – Soghluaisteacht foghlama daoine aonair:

—	Soghluaisteacht daoine aonair i réimsí an oideachais, na hoiliúna agus na hóige

—	Gníomhaíochtaí óige

—	DiscoverEU – Gníomh um Chuimsiú

—	Malartuithe fíorúla san ardoideachas agus don óige

—	Soghluaisteacht foirne i réimse an spóirt

Príomhghníomh 2 – Comhar i measc eagraíochtaí agus institiúidí

—

Comhpháirtíochtaí le haghaidh Comhair:

—	Comhpháirtíochtaí Comhair

—	Comhpháirtíochtaí Mionscála

—

Comhpháirtíochtaí ar mhaithe le Barr Feabhais:

—	Ionaid Barr Feabhais Gairme

—	Gníomh Erasmus Mundus

—

Comhpháirtíochtaí don Nuálaíocht:

—	Comhghuaillíochtaí don nuálaíocht

—	Tionscadail réamhbhreathnaitheacha

—	Fothú acmhainneachta i réimse an ardoideachais, an ghairmoideachais agus na gairmoiliúna, na hóige agus an spóirt

—	Imeachtaí Spóirt Seachbhrabúsacha Eorpacha

Príomhghníomh 3 – Tacaíocht don fhorbairt beartas agus don chomhar

—	Óige na hEorpa le Chéile

Gníomhartha Jean Monnet:

—	Jean Monnet i réimse an ardoideachais

—	Jean Monnet i réimsí eile oideachais agus oiliúna

3. Incháilitheacht

Féadfaidh aon chomhlacht príobháideach nó poiblí atá gníomhach i réimsí an oideachais, na hoiliúna, na hóige agus an spóirt iarratas a chur isteach ar mhaoiniú laistigh den Chlár Erasmus+. Ina theannta sin, féadfaidh grúpaí daoine óga atá gníomhach san obair don óige, ach nach gá gur i gcomhthéacs eagraíocht óige atá an obair sin á déanamh, iarratas a dhéanamh ar chistiú le haghaidh soghluaisteacht foghlama daoine óga agus oibrithe don óige, le haghaidh gníomhaíochtaí óige agus le haghaidh Ghníomh um Chuimsiú DiscoverEU.

Is féidir leis na tíortha seo a leanas páirt iomlán a ghlacadh i ngníomhartha uile Chlár Erasmus+ (2):

—	27 mBallstát an Aontais Eorpaigh agus tíortha agus críocha thar lear,

—

tríú tíortha atá comhlachaithe leis an gClár;

—	tíortha CSTE/LEE: An Íoslainn, Lichtinstéin agus an Iorua,

—	Tíortha Aontais is iarrthóirí: Poblacht na Tuirce, Poblacht na Macadóine Thuaidh agus Poblacht na Seirbia (3).

Ina theannta sin, tá gníomhartha áirithe de chuid Chlár Erasmus+ oscailte d’eagraíochtaí ó thríú tíortha nach bhfuil comhlachaithe leis an gClár.

Féach Treoirleabhar Chlár Erasmus+ 2023 chun tuilleadh sonraí a fháil faoi na módúlachtaí maidir le rannpháirtíocht.

4. Buiséad agus fad na dtionscadal

Tá buiséad measta EUR 3 393,17 milliún curtha i leataobh don ghlao seo ar thograí:

Oideachas agus Oiliúint:	EUR	2 980,70 milliún
An óige:	EUR	321,12 milliún
Spórt:	EUR	65,13 milliún
Jean Monnet:	EUR	26,22 milliún

An buiséad iomlán atá curtha i leataobh don ghlao ar thograí, chomh maith le cionroinnt an bhuiséid sin, tugtar le fios é i gClár Oibre Bliantúil 2023 Erasmus+, a glacadh an 25 Lúnasa 2022, agus féadfar é a mhodhnú faoi réir leasú a dhéanamh ar Chlár Oibre Bliantúil Erasmus+. Iarrtar ar iarratasóirí féideartha breathnú go rialta ar Chlár Oibre Bliantúil Erasmus+ agus ar na leasuithe a dhéantar air, a fhoilsítear ar:

https://ec.europa.eu/programmes/erasmus-plus/resources/documents/annual-work-programmes_en

Is éagsúil leibhéil na ndeontas a bhronntar agus fad na dtionscadal, ag brath ar thosca amhail an cineál tionscadail, an cineál iarratasóra atá incháilithe, agus líon na gcomhpháirtithe lena mbaineann.

An obair a dhéanann saorálaithe faoi ghníomh ar leith, féadfaidh na tairbhithe costais as an obair sin a dhearbhú ar bhonn na gcostas aonaid a údarófar agus a shaineofar i gcomhréir le Cinneadh (2019)2646 ón gComhairle. Féach Treoirleabhar Chlár Erasmus+ chun treoracha mionsonraithe a fháil maidir le hincháilitheacht chostais an tsaorálaí.

5. An sprioc-am le hiarratais a chur isteach

Is ag am na Bruiséile a shocraítear na sprioc-amanna ar fad leis na hiarratais a shonraítear thíos a chur isteach.

Príomhghníomh 1
Soghluaisteacht daoine i réimse an ardoideachais	23 Feabhra 2023 ar 12:00
Soghluaisteacht daoine aonair i réimse an ghairmoideachais agus na gairmoiliúna, i réimse an oideachais scoile agus i réimse an oideachais aosaigh	23 Feabhra 2023 ar 12:00
Soghluaisteacht foirne i réimse an spóirt	23 Feabhra 2023 ar 12:00
Soghluaisteacht idirnáisiúnta lena mbaineann tríú tíortha nach bhfuil comhlachaithe leis an gclár	23 Feabhra 2023 ar 12:00
Creidiúnú Erasmus sa ghairmoideachais agus sa ghairmoiliúint, san oideachas scoile agus san oideachas aosach	19 Deireadh Fómhair 2023 ar 12:00
Creidiúnú Erasmus i réimse na hóige	19 Deireadh Fómhair 2023 ar 12:00
Soghluaisteacht daoine i réimse na hóige	23 Feabhra 2023 ar 12:00
Soghluaisteacht daoine i réimse na hóige	4 Deireadh Fómhair 2023 ar 12:00
Gníomh um Chuimsiú DiscoverEU	4 Deireadh Fómhair 2023 ar 12:00
Malartuithe fíorúla sa réimse ardoideachais agus óige	26 Aibreán 2023 ar 17:00

Príomhghníomh 2
Comhpháirtíochtaí comhair i réimsí an oideachais, na hoiliúna agus na hóige, seachas iad siúd a chuireann eagraíochtaí neamhrialtasacha Eorpacha isteach	22 Márta 2023 ar 12:00
Comhpháirtíochtaí comhair i réimsí an oideachais, na hoiliúna agus na hóige, a chuireann eagraíochtaí neamhrialtasacha Eorpacha isteach	22 Márta 2023 ar 17:00
Comhpháirtíochtaí comhair i réimse an spóirt	22 Márta 2023 ar 17:00
Comhpháirtíochtaí comhair i réimsí an oideachais, na hoiliúna agus na hóige, seachas iad siúd a chuireann eagraíochtaí neamhrialtasacha Eorpacha isteach	4 Deireadh Fómhair 2023 ar 12:00
Comhpháirtíochtaí mionscála i réimsí an oideachais scoile, an ghairmoideachais agus na gairmoiliúna, an oideachais aosaigh agus na hóige	22 Márta 2023 ar 12:00
Comhpháirtíochtaí mionscála i réimsí an oideachais scoile, an ghairmoideachais agus na gairmoiliúna, an oideachais aosaigh agus na hóige	4 Deireadh Fómhair 2023 ar 12:00
Comhpháirtíochtaí mionscála i réimse an spóirt	22 Márta 2023 ar 17:00
Ionaid Barr Feabhais Gairme	8 Meitheamh 2023 ar 17:00
Gníomh Erasmus Mundus	16 Feabhra 2023 ar 17:00
Comhghuaillíochtaí don Nuálaíocht	3 Bealtaine 2023 ar 17:00
Tionscadail réamhbhreathnaitheacha	15 Márta 2023 ar 17:00
Fothú acmhainneachta i réimse an ardoideachais	16 Feabhra 2023 ar 17:00
Fothú acmhainneachta i réimse an Ghairmoideachais agus na Gairmoiliúna	28 Feabhra 2023 ar 17:00
Fothú acmhainneachta i réimse na hÓige	08 Márta 2023 ar 17:00
Fothú acmhainneachta i réimse an Spóirt	22 Márta 2023 ar 17:00
Imeachtaí Spóirt Seachbhrabúsacha Eorpacha	22 Márta 2023 ar 17:00

Príomhghníomh 3
Óige na hEorpa le Chéile	9 Márta 2023 ar 17:00

Gníomhartha agus Líonraí Jean Monnet

14 Feabhra 2023 ar 17:00

Féach Treoirleabhar Chlár Erasmus+ chun treoracha mionsonraithe a fháil maidir le hiarratais a chur isteach.

6. Sonraí iomlána

Tá coinníollacha mionsonraithe an ghlao seo ar thograí, tosaíochtaí san áireamh, le fáil i dTreoirleabhar Chlár Erasmus+ 2023 ag an seoladh idirlín seo a leanas:

http://ec.europa.eu/programmes/erasmus-plus/resources/programme-guide

Tá an Treoirleabhar Chlár Erasmus+ ina dhlúthchuid den ghlao seo ar thograí agus tá feidhm iomlán maidir leis an nglao seo ag na coinníollacha rannpháirtíochta agus cistithe a shonraítear ann.

(1) IO L 189, 28.5.2021, lch. 1.

(2) Tá gníomhaíochtaí Jean Monnet oscailte d’eagraíochtaí ar fud an domhain.

(3) Faoi réir shíniú na gComhaontuithe Comhlachais déthaobhacha