Comhdhéanamh an Mhór-Dhlísheomra

(2022/C 398/07)

Le linn a comhdhála iomlánaí an 23 Meán Fómhair 2022, chinn an Chúirt Ghinearálta, don tréimhse ón 23 Meán Fómhair 2022 go dtí an 31 Lúnasa 2025 agus i gcomhréir le hAirteagal 15(2) de na Rialacha Nós Imeachta, gurb iad na cúig Bhreitheamh déag a bheidh sa Mhór-Dhlísheomra: Uachtarán na Cúirte Ginearálta, an Leas-Uachtarán, beirt Uachtarán Dlísheomraí arna n-ainmniú ar bhonn uainíochta, Breithiúna na foirmíochta ina bhfuil triúr, dár sannadh an cás i dtús báire agus an bheirt Bhreithiúna a gcuirfí leis an bhfoirmíocht sin de thriúr Breithiúna dá sannfaí an cás ar fhoirmíocht cúigear Breithiúna, agus seisear Breithiúna arna n-ainmniú ar bhonn uainíochta as measc na mBreithiúna go léir de chuid na Cúirte Ginearálta, cé is moite de na hUachtaráin Dlísheomraí, ag leanúint, ar bhonn malartach, an oird a leagtar síos in Airteagal 8 de na Rialacha Nós Imeachta agus an oird droim ar ais.