“5)    An tIonad Measúnaithe

Trí oiread, ar a mhéad , an lín iarrthóirí atá á lorg don phainéal, sin é an líon iarrthóirí a dtabharfar cuireadh dóibh chuig an gcéim seo. Má léiríonn an t-eolas a thug tú i d’iarratas ar líne go gcomhlíonann tú na coinníollacha incháilitheachta agus má bhíonn an marc a ghnóthaigh tú sa roghnú ar bhonn cáilíochtaí ar cheann de na marcanna foriomlána is airde , tabharfar cuireadh duit freastal ar an ionad measúnaithe (ar líne nó go fisiceach) ar feadh lá amháin nó roinnt laethanta agus trialacha a dhéanamh sa teanga a roghnaigh tú mar theanga 2 . Tabhair do d’aire gur féidir go n-eagrófar an cás-staidéar agus an triail scríofa sa réimse i gceann d’ionaid trialacha chreidiúnaithe EPSO nó go cianda. Cuirfear sonraí breise agus treoracha breise sa litir chuiridh a chuirfear chugat.

Mura mbeidh na trialacha ceisteanna ilrogha ar ríomhaire a bhfuil cur síos orthu i bpointe 2 ar siúl roimh ré , is san ionad measúnaithe nó i gceann d’ionaid trialacha chreidiúnaithe EPSO a dhéanfaidh tú iad nó déanfaidh tú iad go cianda. Trialacha díbeartha is ea na trialacha seo agus ní chuirfear na marcanna a ghnóthófar iontu leis na marcanna a ghnóthófar sna trialacha eile san ionad measúnaithe chun do mharc iomlán a ríomh.

Ach amháin má deirtear a mhalairt leat, ní mór duit cóipeanna scanta de do chuid doiciméad tacaíochta a uaslódáil chuig do chuntas EPSO. Cuirfear sonraí breise agus treoracha breise sa litir chuiridh a chuirfear chugat.

Déanfar ocht n-inniúlacht ghinearálta agus inniúlachtaí réimse-shonracha an chomórtais a thástáil san ionad measúnaithe. Déanfar sin le ceithre thriail faoi mar atá léirithe sna táblaí thíos:

Inniúlacht	Triail
1. Anailísiú agus réiteach fadhbanna	Cás-staidéar
2. Cumarsáid	Cás-staidéar
3. Cáilíocht agus torthaí	Cás-staidéar
4. Foghlaim agus forbairt	Agallamh ar bhonn na n-inniúlachtaí ginearálta
5. Tosaíochtaí a chur in ord tábhachta agus eagrúchán	Cás-staidéar
6. Buanseasmhacht	Agallamh ar bhonn na n-inniúlachtaí ginearálta
7. Obair bhuíne	Agallamh ar bhonn na n-inniúlachtaí ginearálta
8. Cumas ceannaireachta	Agallamh ar bhonn na n-inniúlachtaí ginearálta

As 10 bpointe a mharcálfar gach inniúlacht ghinearálta. Níl aon phasmharc ann in aghaidh na hinniúlachta. Mar sin féin, ní mór d’iarrthóirí pasmharc 40/80 ar a laghad a ghnóthú san iomlán.

Inniúlacht	Triail	Pasmharc
Inniúlachtaí réimse-shonracha	Agallamh réimse-shonrach	25/50
	Triail scríofa sa réimse	25/50”