Grád SC 1

Grád SC 2

HR =

EN =

FR =

DE =

40

70

56

21

13

32

33

10

NB: Bunús na ndaoine a earcófar ag grád SC 2, is don Chúirt Bhreithiúnais agus don Chúirt Iniúchóirí i Lucsamburg a earcófar iad.

Is le dhá ghrád agus leis an gCróitis, leis an mBéarla, leis an bhFraincis agus leis an nGearmáinis a bhaineann an fógra comórtais seo. Ní féidir clárú ach d'aon ghrád amháin agus d'aon teanga amháin.

Ní mór an rogha sin a dhéanamh tráth an chlárúcháin ar líne agus ní féidir í a athrú i ndiaidh duit d'iarratas a dhearbhú agus a bhailíochtú ar líne.

Mar sin féin,

féadfaidh an bord roghnúcháin, má thoilíonn tú chuige (iarrfar an toiliú sin ort tráth an chlárúcháin ar líne), d'iarratas a aistriú chuig grád SC 1.

Sa chás sin, cuirfear do thorthaí i gcomparáid le torthaí iarrthóirí ghrád SC 1 agus, más duine de na hiarrthóirí tú a ghnóthaigh na marcanna is fearr sna trialacha iontrála don ghrád sin, tabharfar cuireadh duit na trialacha measúnaithe a dhéanamh.

Déanfar an t-aistriú sin sula dtabharfar cuireadh duit na trialacha measúnaithe a dhéanamh agus ar bhonn na ndearbhuithe a rinne tú san iarratas ar líne. Iarrthóirí a mbeidh a marcanna faoi bhun thairseach na marcanna is fearr do ghrád SC 2, ní fhéadfar a n-iarratas a aistriú go grád SC 1.

2.1.

Cáilíochtaí:

Grád SC 1 agus grád SC 2

Oideachas tríú leibhéal, agus dioplóma bainte amach ag a dheireadh i reimse na rúnaíochta.

NÓ

Oideachas dara leibhéal agus dioplóma bainte amach ag a dheireadh a thugann rochtain ar an oideachas tríú leibhéal, agus taithí oibre trí bliana ar a laghad a fuarthas ina dhiaidh sin i réimse na rúnaíochta agus baint dhíreach ag formhór na gcúraimí a bhí le déanamh le linn na taithí sin le dualgais rúnaí mar a bhfuil cur síos orthu i Roinn II.

NB: Ní áireofar na trí bliana sin ar na blianta de thaithí oibre a iarrtar thíos.

2.2

Taithí oibre

Grád SC 2 amháin

Taithí oibre ceithre bliana ar a laghad i réimse na rúnaíochta ar bhain formhór na gcúraimí a bhí le déanamh lena linn go díreach leis na dualgaisí rúnaíochta a bhfuil cur síos orthu i Roinn II.

Níl an taithí oibre sin ábhartha ach amháin má fuarthas í i ndiaidh bhaint amach na céime a lig don iarrthóir cur isteach ar an gcomórtas.

2.3.

Eolas ar theangacha (2)

I bhfianaise an bhreithiúnais a thug Cúirt Bhreithiúnais an Aontais Eorpaigh (an Mór-Dhlísheomra ) i gCás C-566/10 P, Poblacht na hIodáile v an Coimisiún, is mian le hinstitiúidí an Aontais a shonrú cé na fáthanna a bhfuil rogha an dara teanga teoranta acu sa chomórtas seo do líon srianta de theangacha oifigiúla an AE.

Dá bhrí sin, cuirtear in iúl do na hiarrthóirí gur roghnaíodh dara teangacha an chomórtais seo de réir leas na seirbhísí, leas a éilíonn go mbeidh na hearcaigh nua in ann dul i mbun oibre láithreach agus go mbeidh sé ar a gcumas cumarsáid éifeachtach a dhéanamh le linn a n-oibre laethúla. Ina éagmais sin, bheadh baol ann go gcuirfí bac mór ar obair na n-institiúidí.

Ar bhonn an chleachtais sheanbhunaithe atá ag institiúidí an Aontais maidir leis na teangacha cumarsáide inmheánaí, agus riachtanais na seirbhísí maidir le cumarsáid sheachtrach agus próiseáil comhad á gcur san áireamh, is iad an Béarla, an Fhraincis agus an Ghearmáinis na teangacha is mó a úsáidtear. Ar a bharr sin, is iad an Béarla, an Fhraincis agus an Ghearmáinis na dara teangacha is leitheadaí san Aontas Eorpach agus is iad is mó a ndéantar staidéar orthu mar dhara teangacha. Is dearbhú é sin ar an méid a bhfuiltear ag súil leis faoi láthair maidir le leibhéal oideachais agus inniúlachtaí gairme iarrthóirí ar na poist in institiúidí an Aontais, mar atá, sáreolas ar cheann de na teangacha sin ar a laghad. Dá bhrí sin, agus leas na seirbhíse agus riachtanais agus inniúlachtaí na n-iarrthóirí á gcur sa mheá, agus sainréimse an chomórtais seo á chur san áireamh, tá ábhar maith ann trialacha a eagrú sna trí theanga sin chun a chinntiú go mbeidh máistreacht ag na hiarrthóirí uile, is cuma cén phríomhtheanga atá acu, ar cheann de na trí theanga oifigiúla sin mar theanga oibre. Mar sin, ligeann an measúnú ar na hinniúlachtaí sonracha d'institiúidí an Aontais a mheas cé chomh hábalta is atá na hiarrthóirí dul i mbun oibre láithreach i dtimpeallacht atá cosúil leis an timpeallacht ina n-iarrfar orthu bheith ag obair.

Ar na cúiseanna céanna, moltar an teanga chumarsáide idir na hiarrthóirí agus an institiúid a theorannú, an teanga ina scríobhtar na hiarratais san áireamh. Cinnteoidh sin, leis, go mbeidh an chomparáid idir na hiarrthóirí agus an tseiceáil a dhéanfar orthu ar bhonn a n-iarratais ar aon dul le chéile.

Ina theannta sin, chun go mbeidh cothrom iomaíochta ann, ní mór do gach iarrthóir, fiú má tá ceann de na trí theanga sin ina phríomhtheanga oifigiúil aige, trialacha áirithe a dhéanamh sa dara teanga, agus beidh an dara teanga le roghnú as na trí theanga sin.

Tá na bearta seo gan dochar d'fhoghlaim tríú teanga ina dhiaidh sin i gcomhréir le hAirteagal 45(2) de na Rialacháin Foirne.

Teanga 1

Príomhtheanga:

sáreolas ar an teanga a roghnaíodh don chomórtas as HR/EN/ FR/DE

agus

Teanga 2

Dara teanga (nach ionann agus teanga 1):

eolas sásúil ar an mBéarla, ar an bhFraincis nó ar an nGearmáinis

Tabharfar cuireadh duit na trialacha a dhéanamh má bhailíochtaigh tú d'iarratas in am (féach Roinn VII).

Tabhair do d'aire:

Sraith de thrialacha bunaithe ar cheisteanna ilroghnacha chun do chumas agus d'inniúlachtaí ginearálta a mheasúnú maidir leis na nithe seo a leanas:

Triail (a)

réasúnaíocht bhriathartha

marcáil: marcálfar an triail seo as 20 pointe

an pasmharc: 10 bpointe

Triail (b)

inniúlachtaí oibre:

beachtaíocht agus cruinneas

marcáil: marcálfar an triail seo as 40 pointe

Triail (c)

inniúlachtaí oibre:

tosaíochtaí a chur in ord tábhachta agus eagrúchán

marcáil: marcálfar an triail seo as 40 pointe

an pasmharc: 40 pointe don dá thriail, d'iomlán (b) agus (c)

Triail (d)

triail tuisceana teanga

marcálfar an triail seo as 10 bpointe

an pasmharc: 5 phointe

Teanga 1 i gcás thrialacha (a) agus (d)

Teanga 2 i gcás thrialacha (b) agus (c)

Tabharfar cuireadh duit (3) páirt a ghlacadh sna trialacha measúnaithe a bhíonn ar siúl sa Bhruiséil, de ghnáth, ar feadh lae amháin

Tabharfar cuireadh chun na dtrialacha measúnaithe do thuairim is dhá oiread go leith líon na n-iarrthóirí atá luaite san fhógra seo, agus foilseofar an líon sin ar shuíomh gréasáin EPSO (http://blogs.ec.europa.eu/eu-careers.info/).

Déanfar dhá chineál measúnaithe ort agus is é an bord roghnúcháin a dhéanfaidh iad a fhormheas:

Scrúdófar gach ceann de na hinniúlachtaí ginearálta sin mar atá léirithe sa tábla seo thíos:

Inbhocsa r-phoist

Agallamh struchtúrtha

Anailísiú agus réiteach fadhbanna

x

Cumarsáid

x

Cáilíocht agus torthaí

x

Foghlaim agus forbairt

x

Tosaíochtaí a chur in ord tábhachta agus eagrúchán

x

Buanseasmhacht

x

Obair bhuíne

x

Teanga 1: trialacha (e) agus (f)

Teanga 2: trialacha (g), (h) agus (i)

Inniúlachtaí sonracha

triail (e): marcálfar an triail seo as 20 bpointe

an pasmharc: 12 phointe

triail (f): marcálfar an triail seo as 10 bpointe

an pasmharc: 6 phointe

ualú: 30 % den mharc foriomlán

inniúlachtaí ginearálta: (g) agus (h)

marcálfar na trialacha seo as 10 bpointe i ngach ceann de na hinniúlachtaí ginearálta

an pasmharc:

ualú: 70 % den mharc foriomlán

Cuirfidh an bord roghnúcháin d'ainm ar an bpainéal

Déanfar an tseiceáil sin, in ord íslitheach tuillteanais, go mbainfear amach an líon is mó iarrthóirí is féidir a bheith ar an bpainéal, ar iarrthóirí iad a chomhlíonann na coinníollacha incháilitheachta ar fad.

Ní scrúdófar doiciméid tacaíochta na n-iarrthóirí a bheidh faoi bhun na tairsí sin. Má thagann sé chun solais sa tseiceáil nach bhfuil na dearbhuithe (8) a rinne an t-iarrthóir san iarratas ar líne ag luí leis na doiciméid tacaíochta ábhartha, dícháileofar an t-iarrthóir sin den chomórtas.

Tiomsófar na liostaí de réir teanga, de réir gráid agus beidh na hainmneacha iontu in ord aibítre.

Ní mór duit clárú ar líne sa tslí a léirítear ar shuíomh gréasáin EPSO, agus sa treoirleabhar maidir le clárúchán go háirithe.

Spriocdháta (an bailíochtú san áireamh): an 18 Márta 2014 ar 12 a chlog (meán lae), am na Bruiséile

Má bhíonn tú ar dhuine de na hiarrthóirí a dtabharfar cuireadh dóibh na trialacha measúnaithe a dhéanamh, beidh ort an comhad iomlán a bhaineann le d'iarratas a thabhairt leat (9) (an fhoirm iarratais ar líne agus í sínithe, na doiciméid tacaíochta san áireamh) chun na dtrialacha measúnaithe.

Sonraí praiticiúla: féach pointe 6.1 de na treoracha do chomórtais oscailte.