Rogha 1

Rogha 2

46

32

Earcófar na hiarrthóirí a n-éireoidh leo sa chomórtas sa Bhruiséil agus i Lucsamburg.

Tá dhá rogha i gceist leis an gcomórtas seo. Ní féidir clárú ach do rogha amháin.

Ní mór an rogha sin a dhéanamh tráth an chlárúcháin ar líne agus ní féidir é a athrú tar éis duit d'iarratas a dhearbhú agus a bhailíochtú ar líne.

Tá an comórtas seo dírithe orthu siúd a bhfuil teanga na Cróitise, idir labhairt agus scríobh, ar a dtoil acu (2), (leibhéal máthairtheanga nó a chothrom) agus tuiscint an-mhaith ar an gcéad agus ar an dara teanga fhoinseach. Mura bhfuil an leibhéal sin agat, molaimid go láidir duit gan clárú.

Tugtar dá n-aire do na hiarrthóirí go bhfuil an comórtas seo á eagrú go príomha lena áirithiú go ndéanfar íosmhéid daoine a chomhtháthú i seirbhís shibhialta an Aontais Eorpaigh mar ullmhú d'aontachas na Cróite. Is gá sin a áirithiú chun prionsabal an leanúnachais riaracháin, a aithníonn cúirteanna an Aontais, a chomhlíonadh agus ar mhaithe le dea-fheidhmiú na seirbhíse sibhialta. Ciallaíonn sin go bunúsach nach mór bearta ullmhúcháin a dhéanamh gan dochar don nós imeachta a bhaineann le daingniú an Chonartha Aontachais ná do na rialacha is gá chun an Conradh sin a chur chun feidhme go héifeachtach. Mar sin de, ní bheidh an painéal bailí mura ndaingneoidh na Ballstáit go léir an Conradh Aontachais. Bíodh a fhios ag na hiarrthóirí, dá mba rud é nach ndaingneofaí an Conradh Aontachais nó nach dtiocfadh na rialacha thuasluaite i bhfeidhm, go bhféadfaí deireadh a chur leis an nós imeachta roghnúcháin tráth ar bith agus, dá mbeadh an nós imeachta roghnúcháin sin curtha i gcrích, nach bhféadfadh na hiarrthóirí ar an bpainéal aon cheart a agairt ar an mbonn sin.

2.1.

Céim

Leibhéal oideachais is comhionann le cúrsa iomlán tríú leibhéal trí bliana ar a laghad agus céim bainte amach ag a dheireadh.

2.2.

Taithí oibre

Níl aon taithí oibre ag teastáil.

2.3.

Eolas ar theangacha

ROGHA 1

Teanga 1

Teanga 2

Teanga 3

ROGHA 2

Teanga 1

Teanga 2

Teanga 3

I gcomhréir leis an mbreithiúnas a thug Cúirt Bhreithiúnais an Aontais Eorpaigh (an Mór-Dhlísheomra) uaithi i gCás C-566/10 P, Poblacht na hIodáile v Coimisiún, tá sé de cheanglas ar institiúidí an AE a shonrú cé na fáthanna a bhfuil rogha an dara teanga teoranta sa chomórtas seo acu chuig líon srianta de theangacha oifigiúla de chuid an AE.

Cuirtear in iúl do na hiarrthóirí gur roghnaíodh dara teangacha an chomórtais seo de réir leas na seirbhíse, leas a éilíonn go mbeidh na hearcaigh nua in ann dul i mbun oibre láithreach agus go mbeidh sé ar a gcumas cumarsáid éifeachtach a dhéanamh le linn a n-oibre laethúla. Ina éagmais sin, bheadh baol ann go gcuirfí bac mór le hobair na n-institiúidí.

Ar bhonn an chleachtais sheanbhunaithe atá ag institiúidí an Aontais maidir leis na teangacha cumarsáide inmheánacha, agus riachtanais na seirbhísí maidir le cumarsáid sheachtrach agus próiseáil comhad á gcur san áireamh, is iad an Béarla, an Fhraincis agus an Ghearmáinis na teangacha is mó a úsáidtear. Ina theannta sin, is iad an Béarla, an Fhraincis agus an Ghearmáinis na dara teangacha is mó i bhfad amach a roghnaíonn na hiarrthóirí sna comórtais, nuair is fúthu a bhíonn roghnú an dara teanga. Is léiriú é sin ar an leibhéal oideachais agus ar na hinniúlachtaí gairme ar féidir bheith ag súil leo ó na hiarrthóirí ar na poist laistigh d'institiúidí an Aontais, mar atá, sáreolas ar cheann de na teangacha sin ar a laghad. Dá bhrí sin, agus leas na seirbhíse agus riachtanais agus inniúlachtaí na n-iarrthóirí á gcur sa mheá, agus sainréimse an chomórtais seo á chur san áireamh, tá ábhar maith ann trialacha a eagrú sna trí theanga sin chun a chinntiú go mbeidh sáreolas ag na hiarrthóirí uile, is cuma cén phríomhtheanga atá acu, ar cheann de na trí theanga oifigiúla sin ar leibhéal teanga oibre.

Ina theannta sin, chun go mbeidh cothrom iomaíochta ann, ní mór do gach iarrthóir, fiú má tá ceann de na trí theanga sin ina phríomhtheanga oifigiúil aige, an triail sin a dhéanamh sa dara teanga, teanga a bheidh le roghnú as na trí theanga sin. Mar sin, tugann an measúnú ar na hinniúlachtaí sonracha deis d'institiúidí an Aontais a mheas cé chomh hábalta is atá na hiarrthóirí dul i mbun oibre láithreach i dtimpeallacht atá cosúil leis an timpeallacht ina n-iarrfar orthu bheith ag obair. Tá na bearta seo gan dochar d'fhoghlaim tríú teanga ina dhiaidh sin i gcomhréir le hAirteagal 45, mír 2 de na Rialacháin Foirne.

Tabharfar cuireadh duit chuig na trialacha má bhíonn d'iarratas bailíochtaithe agat in am (féach Roinn VIII).

Tabhair do d'aire:

Sraith de thrialacha bunaithe ar cheisteanna ilroghnacha chun do chumas agus d'inniúlacht ghinearálta a mheasúnú maidir leis na nithe seo a leanas:

Triail (a)

Réasúnaíocht bhriathartha

Marcáil: 0-20 pointe

Triail (b)

Réasúnaíocht uimhriúil

Marcáil: 0-10 bpointe

An pasmharc: 4 phointe

Triail (c)

Réasúnaíocht theibí

Marcáil: 0-10 bpointe

An pasmharc foriomlán do thrialacha (a) agus (c): 15 phointe

Triail (d)

Triail teanga

Marcáil: 0-10 bpointe

An pasmharc: 5 phointe

Triail (e)

Triail teanga

Marcáil: 0-10 bpointe

An pasmharc: 5 phointe

Teanga 2: trialacha (a), (b) agus (c)

Teanga 1: triail (d)

Teanga 3: triail (e)

Déanfar d'inniúlachtaí sonracha a mheas trí bhíthin na dtrialacha aistriúcháin

Triail díbreora atá i dtriail (b) ach ní áireofar pointí na trialach sin le pointí na dtrialacha eile d'fhonn na hiarrthóirí a dtabharfar cuireadh chuig na trialacha aistriúcháin dóibh a chinneadh.

Tabharfar cuireadh chuig na trialacha aistriúcháin, de réir na rogha, do thart ar a thrí oiread líon na n-iarrthóirí a n-éireoidh leo atá luaite san fhógra comórtais seo, agus foilseofar an líon sin ar shuíomh gréasáin EPSO (http://blogs.ec.europa.eu/eu-careers.info/).

Beidh na trialacha aistriúcháin ar siúl in ionaid scrúdúcháin sna Ballstáit agus sa Chróit.

Marcálfar gach triail aistriúcháin as 80 pointe.

An pasmharc: 40 pointe.

Mura n-éiríonn leis an iarrthóir an pasmharc a bhaint amach do thriail (a), ní cheartófar triail (b).

Tabharfar cuireadh duit teacht chuig an ionad measúnaithe, i bprionsabal, sa Bhruiséil ar feadh lae amháin, má tá an pasmharc bainte amach agat agus má tá do thoradh i measc na dtorthaí is fearr ar na trialacha aistriúcháin. Cuirfear pointí na dtrialacha sin leis na pointí a ghnóthaítear le linn an ionaid mheasúnaithe.

Tabharfar cuireadh chuig an ionad measúnaithe, de réir na rogha, do thart ar a dhá oiread líon na n-iarrthóirí a n-éireoidh leo atá luaite san fhógra comórtais seo, agus foilseofar an líon sin ar shuíomh gréasáin EPSO (http://blogs.ec.europa.eu/eu-careers.info/).

Is éard is aidhm don ionad measúnaithe d'inniúlachtaí ginearálta (6) a mheasúnú i do chéad teanga fhoinseach (teanga 2), is é sin Gearmáinis (DE), Béarla (EN) nó Fraincis (FR), ar na bealaí seo a leanas:

Measúnófar gach inniúlacht ghinearálta mar atá léirithe sa tábla seo thíos:

Agallamh struchtúrtha

Gníomhaíocht i ngrúpa

Cur i láthair ó bhéal

Anailísiú agus réiteach fadhbanna

x

x

Cumarsáid

x

x

Cáilíocht agus torthaí

x

x

Foghlaim agus forbairt

x

x

Tosaíochtaí a chur in ord tábhachta agus eagrúchán

x

x

Buanseasmhacht

x

x

Obair bhuíne

x

x

Cumas ceannaireachta

x

x

Marcálfar iomlán na n-inniúlachtaí ginearálta as 80 pointe (10 bpointe in aghaidh na hinniúlachta).

An pasmharc: 40 pointe as 80 d'iomlán na n-ocht n-inniúlacht ghinearálta.

Ríomhtar an marc foriomlán, bunaithe ar mharcanna na dtrialacha aistriúcháin (inniúlachtaí sonracha) agus thrialacha an ionaid mheasúnaithe (inniúlachtaí ginearálta) le chéile, mar seo a leanas:

Inniúlachtaí sonracha: trialacha (a) agus (b): 65 % den mharc foriomlán

Inniúlachtaí ginearálta: Trialacha (c), (d) agus (e): 35 % den mharc foriomlán

Cuirfidh an bord roghnúcháin d'ainm ar an bpainéal:

Déanfar seiceáil ar na hiarratais, in ord íslitheach tuillteanais, go mbainfear amach an líon is mó iarrthóirí is féidir a bheith ar an bpainéal, ar iarrthóirí iad a chomhlíonann na coinníollacha incháilitheachta ar fad.

Ní bhreathnófar ar dhoiciméid tacaíochta na n-iarrthóirí nach mbaineann an tairseach sin amach. Má thagann sé chun solais sa tseiceáil nach bhfuil na dearbhuithe (8) a rinne iarrthóir san iarratas ar líne ag luí leis na doiciméid tacaíochta ábhartha, dícháileofar an t-iarrthóir sin den chomórtas.

Tarraingeofar suas na liostaí de réir rogha agus in ord aibítre.

Ní mór duit clárú ar líne sa tslí a léirítear ar shuíomh gréasáin EPSO, agus sa treoirleabhar maidir le clárú go háirithe.

Spriocdháta (an bailíochtú san áireamh): an 23 Iúil 2013 ag 12 a chlog (meán lae), am na Bruiséile.

Má tá tú ar dhuine de na hiarrthóirí a dtabharfar cuireadh dóibh chuig an ionad measúnaithe, beidh ort an comhad iomlán a bhaineann le d'iarratas a bhreith leat (9) (an fhoirm iarratais ar líne agus í sínithe, na doiciméid tacaíochta san áireamh) chuig an ionad measúnaithe.

Sonraí praiticiúla: féach pointe 6.1 de na treoracha do chomórtais oscailte.