Caingean arna tabhairt an 7 Lúnasa 2023 – ePlus v EUIPO – Telefónica Germany (E-Plus)

(Cás T-463/23)

(2023/C 338/43)

Teanga inar taisceadh an t-iarratas: an Béarla

Páirtithe

Iarratasóir: ePlus Inc. (Herndon, Virginia, na Stáit Aontaithe) (ionadaí: A. Mottet, Dlíodóir)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Telefónica Germany GmbH & Co. OHG (München, an Ghearmáin)

Sonraí na n-imeachtaí os comhair EUIPO

Dílseánach an trádmhairc faoi cheist: Páirtí eile sna himeachtaí os comhair an Bhoird Achomhairc

Trádmharc atá faoi cheist: Focalmharc de chuid an Aontais Eorpaigh ‘E-Plus’ – Trádmharc de chuid an Aontais Eorpaigh Uimh. 17 781 791

Nós imeachta os comhair EUIPO: Imeachtaí cealaithe

Cinneadh atá faoi chonspóid: Cinneadh ón gCéad Bhord Achomhairc de EUIPO an 2 Meitheamh 2023 i gCás R 951/2022-1

An t-ordú atá á lorg

Iarrann an t-iarratasóir ar an gCúirt Ghinearálta:

—	an cinneadh atá faoi chonspóid a chur ar neamhní;

—	a ordú do EUIPO a chostais féin agus na costais arna dtabhú ag an iarratasóir a íoc, lena n-áirítear na costais arna dtabhú de riachtanas a bhaineann leis na himeachtaí os comhair an Rannáin Cealúcháin agus os comhair an Chéad Bhoird Achomhairc de EUIPO;

—	a ordú d’aon idiragraí a chostais féin a íoc.

Saincheisteanna dlí arna maíomh

—	Nach raibh measúnú leordhóthanach déanta maidir le fíorúsáid agus na himpleachtaí maidir leis an measúnú i dtaobh meon mímhacánta;

—	Go ndearnadh mí-léiriú i leith na fianaise a bhaineann le scor d’úsáid;

—	Nár tugadh aird ar scor d’úsáid an dílseánaigh agus na himpleachtaí maidir leis an measúnú i dtaobh meon mímhacánta.