1)

An féidir cur san áireamh clásail, i gconradh aeriompair, amhail an clásal sa chás seo, a mheas mar mhaolú do-ghlactha mar a luaitear in Airteagal 15 de Rialachán (CE) Uimh. 261/04, (1) ós rud é go dteorannaítear leis oibleagáidí an iompróra trí shrian a chur leis an bhféidearthacht do na paisinéirí go gcomhlíonfar an ceart [chun] cúitimh mar gheall ar eitilt a cuireadh ar ceal tríd an éileamh a aistriú?

2)

An féidir Airteagal 7(1) i gcomhar le hAirteagail 5(1)(c) agus 5(3) de Rialachán (CE) Uimh. 261/04 a léiriú sa chaoi gurb ionann íoc cúitimh, mar gheall ar eitilt a cuireadh ar ceal, arna dhéanamh ag an iompróir a bhí freagrach as an eitilt a chur ar fáil, agus oibleagáid a fhorchuirtear leis an Rialachán d’ainneoin gurb ann do chonradh iompair leis an bpaisinéir agus neamhchomhlíonadh lochtach oibleagáidí conarthacha an aeriompróra.

Mar mhalairt rogha, i gcás go meastar nach ionann an clásal sin agus maolú do-ghlactha i gcomhréir le hAirteagal 15 de Rialachán (CE) Uimh. 261/04 nó go mbaineann cineál conarthach leis an gceart chun cúitimh, tarchuirtear an cheist seo a leanas:

3)

An gcaithfear Airteagail 6(1) agus 7(1) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra (2) a léiriú sa chaoi nach mór don chúirt náisiúnta a bhfuil caingean os a comhair maidir leis an gceart chun cúitimh mar gheall ar eitilt a cuireadh ar ceal dá bhforáiltear in Airteagal 7(1) de Rialachán (CE) Uimh. 261/04 rialú ex officio a dhéanamh ar an gcineál éagórach a d’fhéadfadh a bheith ar an gclásal a cuireadh isteach sa chonradh iompair nach gceadaíonn don phaisinéir a chearta a aistriú, nuair is é an t-aistrí a thionscnaíonn an chaingean, aistrí nach bhfuil, murab ionann agus an t-aistreoir, ina thomhaltóir nó úsáideoir?

4)

I gcás go bhfuil sé oiriúnach an rialú ex officio a dhéanamh, an féidir an ceanglas chun an tomhaltóir a chur ar an eolas agus a shuí an agraíonn sé cineál éagórach an chlásail nó an nglacann sé leis a fhágaint ar lár i bhfianaise an ghnímh chríochnaithigh dá éileamh a aistriú de shárú ar an téarma a d’fhéadfadh a bheith éagórach nach gceadaíonn aistriú an éilimh?