20.2.2023 |
GA |
Iris Oifigiúil an Aontais Eorpaigh |
C 63/61 |
Caingean arna tabhairt an 26 Nollaig 2022 – Ordre néerlandais des avocats du barreau de Bruxelles agus páirtithe eile v an Chomhairle
(Cás T-797/22)
(2023/C 63/79)
Teanga an cháis: an Fhraincis
Páirtithe
Iarratasóirí: Ordre néerlandais des avocats du barreau de Bruxelles (an Bhruiséil, an Bheilg) agus deichniúr iarratasóirí eile (ionadaithe: P. de Bandt, T. Ghysels, J. Nowak, T. Bontinck agus A. Guillerme, Dlíodóirí)
Cosantóir: Comhairle an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
— |
Airteagal 1, (12) de Rialachán (AE) 2022/1904 ón gComhairle an 6 Deireadh Fómhair 2022 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine agus Airteagal 1, (13) de Rialachán (AE) 2022/2474 ón gComhairle an 15 Nollaig 2022 lena leasaítear Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine, a mhéid a mhalartaítear agus a leasaítear leo, míreanna 2 agus 4 go 12, agus míreanna 2 agus 4 go 11 d’Airteagal 5(n) de Rialachán (AE) Uimh. 833/2014 a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine faoi seach, a mhéid a bhaineann le seirbhísí comhairleoireachta dlí; |
— |
a ordú don Chomhairle na costais a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir trí shaincheist dlí.
1. |
An chéad saincheist dlí lena n-éilítear sárú ar na cearta bunúsacha chun an saol príobháideach a chosaint chomh maith le rochtain ar an gceartas, dá bhforáiltear, faoi seach, in Airteagail 7 agus 47 den Chairt um Chearta Bunúsacha an Aontais Eorpaigh, a mhéid a dhéantar treascairt ar cheart gach duine comhairle dlí a lorg óna dhlíodóir, chomh maith le prionsabal na rúndachta proifisiúnta agus prionsabal neamhspleáchais an dlíodóra. |
2. |
An dara saincheist dlí lena n-éilítear sárú ar phrionsabal na comhréireachta, a mhéid nach oiriúnach toirmeasc ginearálta ar sheirbhísí comhairleoireachta dlí chun na cuspóirí atá á saothrú ag an Aontas, i gcomhthéacs na coimhlinte idir an Rúis agus an Úcráin, a bhaint amach, agus téitear thar cuimse a bhfuil fíor-riachtanach leis chun na cuspóirí sin a bhaint amach. |
3. |
An tríú saincheist dlí lena n-éilítear sárú ar phrionsabal na deimhneachta dlíthiúla, a mhéid nach mbeadh toirmeasc ginearálta ar sheirbhísí comhairleoireachta dlí soiléir ná cruinn agus nach gceadófaí intuarthacht dá laghad lena chur i bhfeidhm. |