Caingean arna tabhairt an 25 Samhain 2022 – Tokareva v an Chomhairle

(Cás T-744/22)

(2023/C 24/102)

Teanga an cháis: an Fhraincis

Páirtithe

Iarratasóir: Maya Tokareva (Moscó, an Rúis) (ionadaithe: T. Bontinck, A. Guillerme agus L. Burguin, Dlíodóirí)

Cosantóir: Comhairle an Aontais Eorpaigh

An t-ordú atá á lorg

Iarrann an t-iarratasóir ar an gCúirt Ghinearálta:

—

Cinneadh (CBES) 2022/1530 ón gComhairle an 14 Meán Fómhair 2022 (1), arna fhoilsiú san Iris Oifigiúil an 15 Meán Fómhair 2022, a neamhniú, a mhéid a dhéanann sé Cinneadh 2014/145/CBES ón gComhairle an 17 Márta 2014 infheidhme go dtí an 15 Márta 2023 (arna leasú le Cinneadh (CBES) 2022/1272 ón gComhairle an 21 Iúil 2022 lena n-áirítear ainm an iarratasóra faoi Uimh. 1201 den iarscríbhinn a ghabhann le Cinneadh 2014/145/CBES);

—	Rialachán Cur Chun Feidhme (AE) 2022/1529 an 14 Meán Fómhair 2022 (2) a neamhniú, a mhéid a choimeádtar leis an iarratasóir faoi Uimh. 1201 d’Iarscríbhinn I a ghabhann le Rialachán (AE) Uimh. 2014/269;

—	A ordú don Chomhairle suim EUR 1 000 000 a íoc go sealadach i ndáil leis an damáiste neamhábhartha a rinneadh don iarratasóir, agus

—	a ordú don Chomhairle na costais a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir cúig shaincheist dlí atá, go bunúsach, mar an gcéanna nó cosúil leis na cinn a bhí á n-agairt sa chás T-734/22, Pumpyanskiy v an Chomhairle.

(1) Cinneadh (CBES) 2022/1530 ón gComhairle an 14 Meán Fómhair 2022, lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022, L 239, lch. 149).

(2) Rialachán Cur Chun Feidhme (AE) 2022/1529 ón gComhairle an 14 Meán Fómhair 2022 lena gcuirtear chun feidhme Rialachán (AE) Uimh. 269/2014 ón gComhairle a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022, L 239, lch. 1).