Caingean arna tabhairt an 16 Samhain 2022 – Nicoventures Trading agus páirtithe eile v an Coimisiún

(Cás T-706/22)

(2023/C 15/60)

Teanga an cháis: an Béarla

Páirtithe

Iarratasóirí: Nicoventures Trading Ltd (Londain, an Ríocht Aontaithe) agus 5 iarratasóir eile (ionadaithe: L. Van den Hende, M. Schonberg, J. Penz-Evren agus P. Wytinck, Dlíodóirí)

Cosantóir: An Coimisiún Eorpach

An t-ordú atá á lorg

Iarrann na hiarratasóirí ar an gCúirt Ghinearálta:

—	a ordú go gcuirfí an gníomh atá faoi chonspóid (1) ar neamhní ina iomláine; agus

—	a ordú don chosantóir costais na n-imeachtaí arna dtabhú ag an iarratasóir a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir dhá shaincheist dlí.

An chéad saincheist dlí lena n-éilítear go dtéann an gníomh atá faoi chonspóid thar na cumhachtaí arna dtarmligean chuig an gCoimisiún faoi Airteagal 7(12) agus faoi Airteagal 11(6) de Threoir 2014/40/AE (2), ar na ceithre chúis seo a leanas:

—	trí tháirge tobac núíosach a rialáil, tugtar aghaidh leis an ngníomh atá faoi chonspóid go neamhdhleathach ar “eilimint riachtanach” de réir bhrí Airteagal 290(1) CFAE;

—	tugtar isteach leis an ngníomh atá faoi chonspóid “catagóir áirithe táirgí” nua go neamhdhleathach chun críocha Threoir 2014/40/AE agus, ar an gcaoi sin, sáraíonn sé freisin prionsabail ghinearálta dhlí an Aontais maidir le deimhneacht dhlíthiúla agus ionchas dlisteanach

—	tugtar isteach leis an ngníomh atá faoi chonspóid “catagóir áirithe táirgí” nua nach bhfuil ag teacht le córas Threoir 2014/40/AE, agus atá neamhdhleathach dá bhrí sin; agus

—	Tá cur chuige an Choimisiúin maidir le measúnú a dhéanamh ar “athrú suntasach ar imthosca” lasmuigh de raon feidhme an chúraim a thugtar dó.

2.	An dara saincheist dlí lena n-éilítear mainneachtain réasúin a shonrú, de réir mar a cheanglaítear le hAirteagal 296 CFAE agus sárú ar phrionsabal an dea-riarachán.

(1) Treoir Tarmligthe (AE) 2022/2100 ón gCoimisiún an 29 Meitheamh 2022 lena leasaítear Treoir 2014/40/AE ó Pharlaimint na hEorpa agus ón gComhairle maidir le díolúintí áirithe a tharraingt siar i ndáil le táirgí tobac téite (IO 2022, L 283, lch. 4).

(2) Treoir 2014/40/AE ó Pharlaimint na hEorpa agus ón gComhairle an 3 Aibreán 2014 maidir le comhfhogasú dhlíthe, rialacháin agus fhorálacha riaracháin na mBallstát a bhaineann le monarú, cur i láthair agus díol táirgí tobac agus táirgí gaolmhara agus lena n-aisghairtear Treoir 2001/37/CE (IO 2014, L 127, lch. 1).