Caingean arna tabhairt an 22 Lúnasa 2022 – Sastela v EUIPO – Zenergo (Tante Mitzi Caffè – STRUDEL – BARETTO)

(Cás T-510/22)

(2022/C 380/31)

Teanga inar taisceadh an t-iarratas: an Béarla

Páirtithe

Iarratasóir: Sastela, proizvodnja peciva in tort, d.o.o. (Ljutomer, an tSlóivéin) (ionadaí: U. Pogačnik, Dlíodóir)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Zenergo d.o.o. (Zgornja Polskava, an tSlóivéin)

Sonraí na n-imeachtaí os comhair EUIPO

Iarratasóir ar an trádmharc faoi cheist: An t-iarratasóir os comhair na Cúirte Ginearálta

Trádmharc atá faoi cheist: Marc fíortha de chuid an Aontais Eorpaigh Tante Mitzi Caffè CAFFÈ – STRUDEL – BARETTO – Trádmharc de chuid an Aontais Eorpaigh Uimh. 11 425 394

Nós imeachta os comhair EUIPO: Imeachtaí maidir le cealú

Cinneadh atá faoi chonspóid: Cinneadh ón Dara Bord Achomhairc de EUIPO an 13 Meitheamh 2022 i gCás R 1413/2021-2

An t-ordú atá á lorg

Iarrann an t-iarratasóir ar an gCúirt Ghinearálta:

—	seasamh leis an iarratas sa chás seo, leasú a dhéanamh ar an gCinneadh a chonspóidtear chun seasamh lena achomharc chuig an mBórd Achomhairc agus cinneadh an Rannáin Cúlghairme a athchóiriú chun cúlghairm an trádmhairc a chonspóidtear a chur ar ceal;

—	mar mhalairt air sin, an Cinneadh a chonspóidtear a chur ar neamhní agus an cás a tharchur chuig EUIPO le go ndéanfar tuilleadh plé ina leith.

—	a ordú do EUIPO na costais a íoc.

Saincheist dlí

—	Sárú ar Airteagal 58(1) de Rialachán (AE) 2017/1001 ó Pharlaimint na hEorpa agus ón gComhairle.