Caingean arna tabhairt an 11 Lúnasa 2022 – UGA Nutraceuticals v EUIPO – BASF (OMEGOR VITALITY)

(Cás T-496/22)

(2022/C 380/28)

Teanga inar taisceadh an t-iarratas: an Béarla

Páirtithe

Iarratasóir: UGA Nutraceuticals Srl (Gubbio, an Iodáil) (ionadaithe: M. Riva, J. Graffer agus A. Ottolini, Dlíodóirí)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: BASF AS (Osló, an Iorua)

Sonraí na n-imeachtaí os comhair EUIPO

Iarratasóir: Iarratasóir os comhair na Cúirte Ginearálta

Trádmharc atá faoi cheist: Iarratas ar fhocalmharc de chuid an Aontais Eorpaigh OMEGOR VITALITY – Iarratas ar chlárú Uimh. 18 082 021

Nós imeachta os comhair EUIPO: Imeachtaí freasúra

Cinneadh atá faoi chonspóid: Cinneadh ón gCeathrú Bord Achomhairc de EUIPO an 10 Meitheamh 2022 i gCás R 1200/2021-4

An t-ordú atá á lorg

Iarann an t-iarratasóir ar an gCúirt Ghinearálta:

—	an cinneadh atá faoi chonspóid a chur ar neamhní;

—	a ordú do na freagróirí costais na n-imeachtaí a íoc.

Saincheist dlí arna maíomh

—	Sárú ar Airteagal 8(1)(b) de Rialachán (AE) 2017/1001 ó Pharlaimint na hEorpa agus ón gComhairle.