26.9.2022 |
GA |
Iris Oifigiúil an Aontais Eorpaigh |
C 368/27 |
Caingean arna tabhairt an 20 Iúil 2022 – QN v an Coimisiún
(Cás T-464/22)
(2022/C 368/46)
Teanga an cháis an Phortaingéilis
Páirtithe
Iarratasóir: QN (ionadaithe: S. Gemas Donário agus S. Soares, Dlíodóirí)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
Cinneadh an Choimisiúin an 4 Nollaig 2020, C(2020) 8550 final, maidir leis an scéim cabhrach SA.21259 (2018/C) (ex 2018/NN) arna cur chun feidhme ag an bPortaingéil le haghaidh Zona Franca da Madeira (ZFM) – Scéim III a chur ar neamhní; |
— |
a ordú don Choimisiún na costais a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir sé shaincheist dlí.
1. |
An chéad saincheist dlí lena n-éilítear go ndearnadh earráid mheasúnaithe maidir le cibé ar comhlíonadh ceanglais chomhoiriúnachta Scéim III den Zona Franca da Madeira (“ZFM”), go háirithe i dtaobh fhoinse na mbrabús de agus i dtaobh cruthú agus coinneáil post sa réigiún. |
2. |
An dara saincheist dlí lena n-éilítear go ndearna an Coimisiún moill mhíchuí agus na leaganacha comhleantacha ZFM á leasú i dtaobh an chineáil caidrimh fostaíochta atá ann, i dtaobh na critéire maidir le líon na bpost arna gcruthú/gcoinneáil a ríomh agus i dtaobh shuíomh geografach na bpost sin. |
3. |
An tríú saincheist dlí lena n-éilítear sárú ar an oibleagáid cúiseanna a shonrú, a mhéid nár sonraíodh cúiseanna go leordhóthanach faoin gcaoi a bhfuil poist ZFM le cur i dtuiscint agus i dtaobh na gníomhaíochta arna déanamh le héifeacht agus ar chaoi thábhachtach i Maidéara. |
4. |
An ceathrú saincheist dlí lena n-éilítear sárú ar an gceart chun próis chóir agus ar phrionsabal chomhionannas na n-arm i bhfianaise na moille a rinne an Coimisiún agus creat dlíthiúil ZFM á cheartú aige agus i bhfianaise na tréimhse gearr ama a tugadh don iarratasóir chun a cheart chun cosaint a fháil a fheidhmiú. |
5. |
An cúigiú saincheist dlí lena n-éilítear sárú ar an ionchas dlisteanach toisc na moille a bhí ar ghníomhaíocht an Choimisiúin agus toisc inneachar an chinnidh atá faoi chonspóid. |
6. |
An séú saincheist lena n-éilítear sárú ar phrionsabal na deimhneachta dlíthiúla toisc na moille a bhí ar ghníomhaíocht an Choimisiúin agus toisc leasú na scéime Státchabhrach a bhí i bhfeidhm le linn tréimhse áirithe rialála. |