3.10.2022 |
GA |
Iris Oifigiúil an Aontais Eorpaigh |
C 380/14 |
Caingean arna tabhairt an 29 Meitheamh 2022 – Dz Hyp v BRA
(Cás T-402/22)
(2022/C 380/16)
Teanga an cháis: an Ghearmáinis
Páirtithe
Iarratasóir: DZ Hyp AG (Hamburg, an Ghearmáin) (iondaithe: H. Berger agus M. Weber, Dlíodóirí)
Cosantóir: an Bord Réitigh Aonair (BRA)
An t-ordú atá á lorg
Iarrann an t-iarratasóir ar an gCúirt Ghinearálta:
— |
an cinneadh ón mBord Réitigh Aonair an 11 Aibreán 2022 maidir le ríomh na ranníocaíochtaí ex ante leis an gCiste Réitigh Aonair le haghaidh 2022 (SRB/ES/2022/18), iarscríbhinní san áireamh, a chur ar neamhní, a mhéid a bhaineann an cinneadh atá faoi chonspóid, lena n-áirítear Iarscríbhinn I, Iarscríbhinn II agus Iarscríbhinn III leis an gcinneadh sin, le ranníocaíocht an iarratasóra; |
— |
a ordú don chosantóir costais na n-imeachtaí a íoc. |
Mar mhalairt air sin, sa chás ina measann an Chúirt Ghinearálta nach ann don chinneadh ó thaobh dlí de, de bharr gur úsáid an cosantóir an teanga oifigiúil mhícheart, agus go bhfuil an chaingean le haghaidh neamhniú do-ghlactha dá bhrí sin ar an bhforas go bhfuil an chaingean gan chuspóir, iarrann an t-iarratasóir ar an gCúirt Ghinearálta:
— |
a dhearbhú nach ann don chinneadh atá faoi chonspóid ó thaobh dlí de; |
— |
a ordú don chosantóir costais na n-imeachtaí a íoc. |
Saincheisteanna dlí agus príomhargóintí
Ardaíonn an t-iarratasóir naoi saincheist dlí atá comhionann nó comhchosúil, go bunúsach, leo siúd a ardaíodh i gCás T-396/22 Landesbank Baden-Württemberg v BRA.