—

an cinneadh ón mBord Réitigh Aonair an 11 Aibreán 2022 maidir le ríomh na ranníocaíochtaí ex ante leis an gCiste Réitigh Aonair le haghaidh 2022 (SRB/ES/2022/18), iarscríbhinní san áireamh, a chur ar neamhní, a mhéid a bhaineann an cinneadh atá faoi chonspóid, lena n-áirítear Iarscríbhinn I, Iarscríbhinn II agus Iarscríbhinn III leis an gcinneadh sin, le ranníocaíocht an iarratasóra;

—

a ordú don chosantóir costais na n-imeachtaí a íoc.

1.

An chéad saincheist dlí: Sáraítear leis an gcinneadh an oibleagáid maidir le cúiseanna a lua faoin dara mír d’Airteagal 296 CFAE agus Airteagal 41(1) agus (2)(c) den Chairt um Chearta Bunúsacha an Aontais Eorpaigh (“an Chairt”) agus an ceart bunúsach chun cosanta breithiúnaí éifeachtaí faoin gcéad mhír d’Airteagal 47 den Chairt, toisc go bhfuil roinnt bearnaí sa ráiteas ar na cúiseanna, go háirithe i dtaca leis an gcaoi a chuir an cosantóir i bhfeidhm roinnt cumhachtaí lánroghnacha arna leagan síos le dlí, toisc nach nochtar sonraí maidir le hinstitiúidí eile agus toisc go bhfiul sé nach mór dodhéanta athbhreithniú breithiúnach a fháil ar an gcinneadh.

2.

An dara saincheist dlí: Sáraítear leis an gcinneadh Airteagal 4 de Rialachán Cur Chun Feidhme (AE) 2015/81 (1) arna léamh i gcomhar le hAirteagail 69 agus 70 de Rialachán (AE) Uimh. 806/2014 (2) agus Airteagail 16, 17, 41 agus 52 den Chairt a mhéid a shocraigh an cosantóir spriocleibhéal bliantúil le haghaidh 2022 ag EUR 14 253 573 821,46; mar mhalairt air sin, sáraítear le hAirteagail 69 agus 70 de Rialachán (AE) Uimh. 806/2014 dlí ar leibhéal níos airde.

3.

An tríú saincheist dlí: Sáraítear le hAirteagail 6, 7 agus 9 de Rialachán Tarmligthe (AE) 2015/63 (3) agus le hIarscríbhinn I a ghabhann leis dlí ar chéim níos airde toisc, inter alia, go sáraítear an prionsabal go ndéanfar ranníocaíochtaí a ríomh de réir an riosca, prionsabal na comhréireachta agus an prionsabal go gcuirfear san áireamh na fíorais go léir.

4.

An ceathrú saincheist dlí: Sáraítear leis an gcinneadh saoirse an iarratasóra chun gnó a sheoladh de bhun Airteagal 16 den Chairt agus prionsabal na comhréireachta toisc nach bhfreagraíonn na hiolraitheoirí coigeartaithe ar bhonn an phróifíl riosca le hardchumas iompartha caillteanais an iarratasóra agus an riosca atá íslithe go mór dá bhrí sin go mbainfear leas as an gCiste Réitigh Aonair sa chás go ndéantar é a réiteach.

5.

An cúigiú saincheist dlí: Sáraítear leis an gCinneadh Airteagail 16 agus 20 den Chairt, prionsabal na comhréireachta agus an ceart chun dea-riaracháin de bharr earráidí follasacha arna ndéanamh ag an gcosantóir i bhfeidhmiú na gcumhachtaí lánroghnacha éagsúla.

6.

An séú saincheist dlí: Sáraítear leis an gcéad abairt agus leis an dara habairt d’Airteagal 20(1) den Rialachán Tarmligthe Airteagal 103(7) de Threoir 2014/59/AE (4) agus an prionsabal go ndéanfar na ranníocaíochtaí a ríomh de réir an riosca.