Caingean arna tabhairt an 25 Aibreán 2022 – Pharmaselect International v EUIPO – OmniActive Health Technologies (LUTAMAX)

(Cás T-221/22)

(2022/C 237/86)

Teanga inar taisceadh an t-iarratas: an Béarla

Páirtithe

Iarratasóir: Pharmaselect International Beteiligungs GmbH (Vín, an Ostair) (ionadaithe: S. Jackermeier agus D. Wiedemann, Dlíodóirí)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: OmniActive Health Technologies Ltd (Mumbai, an India)

Sonraí na n-imeachtaí os comhair EUIPO

Dílseánach an trádmhairc faoi cheist: Iarratasóir os comhair na Cúirte Ginearálta

Trádmharc atá faoi cheist: Focalmharc de chuid an Aontais Eorpaigh “LUTAMAX” – Trádmharc de chuid an Aontais Eorpaigh Uimh. 3 472 974

Nós imeachta os comhair EUIPO: Imeachtaí maidir le cúlghairm

Cinneadh atá faoi chonspóid: Cinneadh ón gcéad Bhord Achomhairc de EUIPO an 24 Feabhra 2022 i gCásanna Uamtha R 524/2021-1 agus R 649/2021-1

An t-ordú atá á lorg

Iarrann an t-iarratasóir ar an gCúirt Ghinearálta:

—	an cinneadh atá faoi chonspóid a chur ar neamhní;

—

a ordú go leanfadh focalmharc de chuid an Aontais Eorpaigh LUTAMAX de bheith cláraithe do na táirgí seo a leanas: Aicme 5: Cógais lena n-úsáid ag an duine agus ag ainmhithe; Substaintí diaitéiteacha arna gcur in oiriúint chun críche úsáide míochaine, Forlíontaí cothaithe arna gcur in oiriúint chun críche úsáide míochaine nó diaitéití; Ullmhóidí vitimíní arna gcur in oiriúint chun críche úsáide míochaine nó diaitéití; Ullmhóidí cúraim súl (chun críche cógaisíochta); gan aon cheann de na táirgí réamhráite chun críche tréidliachta; Aicme 29: Táirgí bia diaitéiteacha agus forlíontaí bia, nár cuireadh in oiriúint chun críche úsáide míochaine (arna n-áirithiú in aicme 29); Olaí agus saillte inite; Aicme 30: Táirgí bia diaitéiteacha agus forlíontaí bia, nár cuireadh in oiriúint chun críche úsáide míochaine (arna n-áirithiú in aicme 30);

—	a ordú don chosantóir costais na n-imeachtaí a íoc.

Saincheist (Saincheisteanna) dlí arna maíomh

—	Sárú ar Airteagal 58(1)(a) de Rialachán (AE) 2017/1001 ó Pharlaimint na hEorpa agus ón gComhairle.