Caingean arna tabhairt an 21 Feabhra 2022 – OG agus páirtithe eile v an Coimisiún

(Cás T-101/22)

(2022/C 165/47)

Teanga an cháis: an Spáinnis

Páirtithe

Iarratasóirí: OG, OH, OI agus OJ (ionadaí: D. Gómez Fernández, Dlíodóir)

Cosantóir: an Coimisiún Eorpach

An t-ordú atá á lorg

Iarrann na hiarratasóirí ar an gCúirt Ghinearálta:

—

Airteagal 1 den Rialachán Tarmligthe (AE) 2021/2288 (1) ón gCoimisiún an 21 Nollaig 2021 lena leasaítear an Iarscríbhinn a ghabhann le Rialachán (AE) 2021/953 (2) ó Pharlaimint na hEorpa agus ón gComhairle a mhéid a bhaineann le tréimhse inghlacthachta na ndeimhnithe vacsaínithe arna n-eisiúint i bhformáid Dheimhniú Digiteach COVID AE lena léirítear gur críochnaíodh an tsraith vacsaínithe phríomhúil, a neamhniú.

—	a ordú don Choimisiún Eorpach na costais a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir seacht saincheist dlí.

An chéad saincheist dlí lena n-éilítear sárú ar rialacha inniúlachta agus ar rialacha Airteagal 290(1) CFAE.

—

I ndáil leis sin, éilítear gur sáraíodh tarmligean na cumhachta arna thabhairt ag Parlaimint na hEorpa le hAirteagail 12 agus 5(2) de Rialachán 2021/953 agus gur sáraíodh na hAirteagail sin chomh maith toisc nach bhfuil siad i gcomhréir le heilimintí sár-riachtanacha an ghnímh chumasúcháin agus nach dtagann siad faoi réim an chreata rialála arna leagan amach sa ghníomh reachtach bunúsach ach go háirithe, ós rud é nach bhfuil gá leis na hathruithe i gcás dul chun cinn eolaíoch maidir le paindéim COVID- 19 a choimeád faoi smacht.

An dara saincheist dlí lena n-éilítear sárú ar rialacha iomaíochta agus ar rialacha Airteagail 290(1) CFAE.

—

I ndáil leis sin, éilítear gur sáraíodh an tarmligean cumhachta arna thabhairt ag Parlaimint na hEorpa le hAirteagail 13 agus 5(4) de Rialachán 2021/953 agus gur sáraíodh na hAirteagail sin chomh maith. Rinneadh sárú ar cheanglas bunriachtanach nós imeachta a mhéid a cloíodh leis an nós imeachta práinne gan an cás ar leith dá bhforáiltear leis a bheith ann, gan sonraí eolaíocha nua tagtha chun solas agus gan mórfhorais phráinne a bheith á éileamh.

An tríú saincheist dlí lena n-éilítear sárú ar an gceart bunúsach saorghluaiseachta, mar a chumhdaítear in Airteagal 21 CFAE, ar Airteagal 45 den Chairt um Chearta Bunúsacha an Aontais Eorpaigh agus ar Airteagal 2 de Phrótacal Uimh. 4 a ghabhann leis an gCoinbhinsiún Eorpach chun Cearta an Duine agus Saoirsí Bunúsacha a Chosaint, ar Airteagal 27 de Threoir 2004/38/CE an 29 Aibreán agus ar phrionsabal na comhréireachta.

—	I ndáil leis sin, maítear nach bhfreagraíonn na srianta arna dtabhairt isteach cúiseanna don sláinte phoiblí agus nár léiríodh go bhfuil siad éifeachtach nó riachtanach.

An ceathrú saincheist dlí lena n-éilítear sárú ar chearta bunúsacha na Cairte maidir le comhionannas os comhair an dlí (Airteagal 20) agus maidir le neamh-idirdhealú (Airteagal 21), chomh maith le cearta an Choinbhinsiúin Eorpaigh um Chearta an Duine (CECD) lena bhfuil siad ar aon dul, mar gheall ar chóireáil éagsúil a thabhairt isteach idir daoine atá vacsaínithe go hiomlán agus daoine a bhfuil an teanndáileog acu.

An cúigiú saincheist dlí lena n-éilítear easpa inniúlachta mar gheall ar anábhar.

—

I ndáil leis sin, éilítear sárú ar phrionsabal na tabhartha agus ar Airteagail 5 agus 168 CFAE toisc nach bhfuil an Coimisiún nó an tAontas inniúil chun bearta a ghlacadh lena bhforchuirfí vaicsín a fháil, fiú trí mhodh indíreach amhail nach gcaillfí an Deimhniú Vacsaínithe go huathoibríoch 270 lá i ndiaidh cúrsa vacsaíne a chríochnú.

An séú saincheist dlí lena n-éilítear sárú ar na cearta bunúsacha mar a chumhdaítear sa Chairt maidir le saoirse (Airteagal 6), meas ar an saol príobháideach agus ar shaol an teaghlaigh (Airteagal 7), dínit an duine (Airteagal 1) agus iomláine an duine (Airteagal 3), chomh maith le cearta CECD lena bhfuil siad ar aon dul, trí vacsaíniú na teanndáileoga fhorchur ionas nach gcaillfí an Deimhniú Vacsaínithe.

An cúigiú saincheist dlí lena n-éilítear mí-úsáid cumhachta.

—	I ndáil leis sin, éilítear sárú ar Airteagal 18 CECD amhail go saothraítear críoch seachas an ceann dár beartaíodh leis an Rialachán. An vaicsíniú teanndáileoga a fhorchur go hindíreach ionas nach gcaillfí an Deimhniú Vacsaínithe go huathoibríoch.

(1) Rialachán Tarmligthe (AE) 2021/2288 ón gCoimisiún an 21 Nollaig 2021 lena leasaítear an Iarscríbhinn a ghabhann le Rialachán (AE) 2021/953 ó Pharlaimint na hEorpa agus ón gComhairle a mhéid a bhaineann le tréimhse inghlacthachta na ndeimhnithe vacsaínithe arna n-eisiúint i bhformáid Dheimhniú Digiteach COVID AE lena léirítear gur críochnaíodh an tsraith vacsaínithe phríomhúil.

(2) Rialachán (AE) 2021/953 ó Pharlaimint na hEorpa agus ón gComhairle an 14 Meitheamh 2021 maidir le creat chun deimhnithe idir-inoibritheacha COVID- 19 i ndáil le vacsaíniú, tástáil agus téarnamh (Deimhniú Digiteach COVID AE) a eisiúint agus a fhíorú, agus chun go nglacfaí leo, chun an tsaorghluaiseacht a éascú le linn phaindéim COVID- 19.