Caingean arna tabhairt an 28 Eanáir 2022 – Collard v an Pharlaimint agus ID

(Cás T-53/22)

(2022/C 158/11)

Teanga an cháis: an Fhraincis

Páirtithe

Iarratasóir: Gilbert Collard (Vauvert, an Fhrainc) (ionadaí: B. Kuchukian, Dlíodóir)

Cosantóirí: Parlaimint na hEorpa, an Grúpa polaitiúil “Féiniúlacht agus Daonlathas” (ID)

An t-ordú atá á lorg

Iarrann an t-iarratasóir ar an gCúirt Ghinearálta:

—	an dá chinneadh a neamhniú, an cinneadh sealadach maidir le fionraí an 21 Eanáir 2022 ar an gcéad dul síos, an cinneadh maidir le heisiamh an 25 Eanáir 2022 ar an dara dul síos;

—	a ordú go gcuirfí an dá chinneadh seo ar fionraí láithreach.

Saincheisteanna dlí agus príomhargóintí

I dtaca leis an gcaingean chun neamhniú a dhéanamh, ar an gcéad dul síos, ar chinneadh an 22 Eanáir 2022 biúró an ghrúpa pholaitiúil “Féiniúlacht agus Daonlathais” (ID) lenar cuireadh an t-iarratasóir ar fionraí ón ngrúpa ar feadh dhá mhí, agus, ar an dara dul síos, ar chinneadh an 25 Eanáir 2022 ón ngrúpa polaitiúil “Féiniúlacht agus Daonlathas” (ID) lenar eisíodh é ón ngrúpa sin, cáineann an t-iarratasóir na cinntí sin, i bhfoirm, as neamhchomhlíonadh an phróisis araíonachta bunúsaí agus, go bunúsach, as aon bhunús bailí a bheith acu.