11.4.2022 |
GA |
Iris Oifigiúil an Aontais Eorpaigh |
C 158/7 |
Caingean arna tabhairt an 11 Eanáir 2022 – Perez Lopes Pargana Calado v An Chúirt Bhreithiúnais
(Cás T-31/22)
(2022/C 158/10)
Teanga an cháis: an Phortaingéilis
Páirtithe
Iarratasóir: Ana Teresa Perez Lopes Pargana Calado (an Liospóin, an Phortaingéil) (ionadaí: M. Marques Matias, Dlíodóir)
Cosantóir: Cúirt Bhreithiúnais an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
— |
An cinneadh a bhaineann leis an iarratasóir i gcomhthéacs na n-imeachtaí reatha a chur ar neamhní mar gheall ar easpa bunúis. |
— |
An cinneadh thuasluaite a mhalartú le ceann eile a thabharfadh le fios an é go nglactar leis iarratasóir nó nach nglactar leis, agus, sa chás nach gceadaítear, na cúiseanna a mheastar a bheith i gcoinne leasa an iarratasóra i gcomparáid leis na hiarrthóirí eile i ndáil leis an bhfógra conartha a thabhairt le fios. |
— |
Athbhreithniú a dhéanamh ar an gcinneadh agus é a mhalartú le ceann eile lena nglacfaí leis an iarratasóir de réir na téarmaí céanna leis na hiarrthóirí eile. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir seacht saincheist dlí.
1. |
An chéad saincheist dlí lena n-éilítear sárú ar phrionsabal an chomhionannais: níl an cinneadh cothromasach i gcomparáid leis na hiarrthóirí eile. |
2. |
An dara saincheist dlí lena n-éilítear go bhfuil sé dodhéanta an sárú a chur i bhfeidhm toisc go bhfuil sé mídhleathach. |
3. |
An tríú saincheist dlí lena n-éilítear go bhfuarthas treoracha ón gCúirt Bhreithiúnais chun aistriúchán idir lámha a chríochnú. |
4. |
An ceathrú saincheist dlí lena n-éilítear go bhfuil na doiciméid go léir a cuireadh isteach i gcomhréir leis na ceanglais agus nach bhfuil na cúiseanna leis an eisiamh san áireamh sa chinneadh gan glacadh leo. |
5. |
An cúigiú saincheist dlí lena n-éilítear gur cheart an dearbhú a cuireadh ar fáil a bhaint ón gcomhad agus nach rachadh sé i gcoinne leas an iarrthóra, toisc nach raibh sé ina chuid de na doiciméid a iarradh. |
6. |
An séú saincheist dlí lena n-éilítear gur sáraíodh an ceart chun éisteacht a fháil roimh ghlacadh na mbeart chun an t-iarratas ar thairiscintí a eisiamh ar bhonn sáraithe arna líomhain (an chéad fhleasc d’Airteagal 41(2) de Chairt um Chearta Bunúsacha an Aontais Eorpaigh). |
7. |
An seachtú saincheist dlí lena n-éilítear sárú ar an oibleagáid atá ar an lucht riaracháin údar a thabhairt lena chinntí (an tríu fleasc d’Airteagal 41(2) de Chairt um Chearta Bunúsacha an Aontais Eorpaigh). |