Ordú Uachtarán na Cúirte Ginearálta an 3 Márta 2022 – Esedra v an Pharlaimint

(Cás T-46/22 R)

(Bearta idirlinne - Conarthaí poiblí seirbhísí - Seirbhísí luath-óige - Iarratas ar bhearta idirlinne - Easpa práinne)

(2022/C 171/55)

Teanga an cháis: an Fhraincis

Páirtithe

Iarratasóir: Esedra SRL (an Bhruiséil, an Bheilg) (ionadaí: M. Vastmans, Dlíodóir)

Cosantóir: Parlaimint na hEorpa (ionadaithe: M. Pencheva agus M. Kazek, i gcáil Gníomhairí)

Maidir le

Iarratas bunaithe ar Airteagal 278 agus Airteagal 279 CFAE ag lorg, ar an gcéad dul síos, bac a chur ar fhorghníomhú chinneadh na Parlaiminte an 26 Samhain 2021 chun an conradh poiblí seirbhísí a dhámhachtain le haghaidh “Bainistiú iomlán lárionad cúram leanaí Pharlaimint na hEorpa sa Bhruiséil, lonnaithe ar Rue Wayenberg” chuig tairgeoir eile agus tairiscint an iarratasóra a dhiúltú, agus, ar an dara dul síos, a ordú don Pharlaimint na bearta is gá a ghlacadh chun éifeachtaí an chinnidh dámhachtana nó an chonartha a tugadh i gcrích tar éis an chinnidh sin a chur ar fionraí.

An chuid oibríochtúil

1)	Déantar an t-iarratas ar bhearta idirlinne a dhíbhe.

2)	Déantar na costais a fhorchoimeád.