|
8.5.2023 |
GA |
Iris Oifigiúil an Aontais Eorpaigh |
C 164/37 |
Breithiúnas na Cúirte Ginearálta an 8 Márta 2023 – Ruhorimbere v an Chomhairle
(Cás T-91/22) (1)
(Comhbheartas eachtrach agus slándála - Bearta sriantacha a glacadh i bhfianaise na staide i bPoblacht Dhaonlathach an Chongó - Reo na gcistí - Srian ar ligean isteach i gcríocha na mBallstát - Ainm an iarratasóra a choinneáil ar liostaí na ndaoine a chumhdaítear - An ceart chun éisteacht a fháil - Cruthúnas gur cuí na hainmneacha a chuimsiú agus a choinneáil ar na liostaí - Earráid fhollasach mheasúnaithe - Buanú na gcúinsí fíorasacha agus dlíthiúla ba bhun le glacadh na mbeart sriantach)
(2023/C 164/50)
Teanga an cháis: an Fhraincis
Páirtithe
Iarratasóir: Eric Ruhorimbere (Mbuji-Mayi, Poblacht Dhaonlathach an Chongó) (ionadaithe: T. Bontinck, P. De Wolf, A. Guillerme agus T. Payan, Dlíodóirí)
Cosantóir: Comhairle an Aontais Eorpaigh (ionadaithe: M.-C. Cadilhac agus S. Lejeune, i gcáil Gníomhairí)
Ábhar
Leis an gcaingean de bhonn Airteagal 263 CFAE, iarrann an t-iarratasóir, ar an gcéad dul síos, go ndéanfaí Cinneadh (CBES) 2021/2181 ón gComhairle an 9 Nollaig 2021 lena leasaítear Cinneadh 2010/788/CBES maidir le bearta sriantacha i gcoinne Phoblacht Dhaonlathach an Chongó (IO 2021 L 443, lch. 75) a neamhniú agus, ar an dara dul síos, go ndéanfaí Rialachán Cur Chun Feidhme (AE) 2021/2177 ón gComhairle an 9 Nollaig 2021 lena gcuirtear chun feidhme Airteagal 9 de Rialachán (CE) Uimh. 1183/2005 lena bhforchuirtear bearta sriantacha sonracha áirithe a dhírítear i gcoinne daoine atá ag gníomhú de shárú ar an trádbhac arm i ndáil le Poblacht Dhaonlathach an Chongó (IO 2021 L 443, lch. 3) a neamhniú, a mhéid a bhaineann na gníomhartha sin leis féin.
An chuid oibriochtúil
|
1. |
Diúltaítear don achomharc. |
|
2. |
Ordaítear do Éric Ruhorimbere na costais a íoc. |