Achomharc arna thabhairt an 27 Nollaig 2022 ag Eulex Kosovo i gcoinne bhreithiúnas na Cúirte Ginearálta (an Chéad Dlísheomra) a fógraíodh an 19 Deireadh Fómhair 2022 i gCás T-242/17, RENV, SC v Eulex Kosovo

(Cás C-785/22 P)

(2023/C 112/34)

Teanga an cháis: an Béarla

Páirtithe

Achomharcóir: Eulex Kosovo (ionadaithe: L.-G. Wigemark, Gníomhaire, and E. Raoult, avocate)

Páirtí eile sna himeachtaí: SC

An t-ordú atá á lorg:

Iarrann an t-achomharcóir ar an gCúirt:

—	an t-achomharc a cheadú agus an breithiúnas atá faoi achomharc a chur ar ceal ina iomláine;

—	an t-éileamh a dhíbhe ina iomláine;

—	a ordú do SC costais na n-imeachtaí sna cásanna T-242/17, C-730/18, T-242/17 RENV agus na costais a bhaineann leis an achomharc seo a íoc.

Saincheisteanna dlí agus príomhargóintí

Mar thaca leis an achomharc, maíonn an t-achomharcóir roinnt tacair tuairimí maidir leis an mbreithiúnas atá faoi achomharc:

—	tuairimí faoi argóintí na Cúirte Ginearálta maidir le hinghlacthacht éileamh SC;

—	tuairimí faoi chinntí na Cúirte Ginearálta sa bhreithiúnas mainneachtana maidir le dlínse na Cúirte Ginearálta agus le hinghlacthacht iarratas SC;

—	agóidí i gcoinne an mheasúnaithe a rinne an Chúirt Ghinearálta ar fhiúntas an éilimh; agus

—	tuairimí faoi chinntí na Cúirte Ginearálta maidir leis na héilimh ar chúiteamh de chuid SC.